മഞ്ജു-ഇന്ദ്രജിത്ത് ചിത്രത്തിലേക്ക് പുതുമുഖങ്ങളെ തേടി സാജിദ് യാഹിയ

വേട്ടയ്ക്ക് ശേഷം മഞ്ജുവാര്യരും ഇന്ദ്രജിത്തും വീണ്ടുമൊന്നിക്കുന്നു. സാജിദ് യാഹിയയുടെ പുതിയ ചിത്രത്തിലാണ് ഇരുവരും ഒന്നിക്കുന്നത്. സൂപ്പർ സ്റ്റാർ മോഹൻലാലിന്‍റെ ആരാധികയായ പെൺകുട്ടിയുടെ കഥയാണ് ഈ ചിത്രം. ഈ ചിത്രത്തിലേക്ക് ചില പുതുമുഖങ്ങളെ ആവശ്യമുണ്ട് എന്നുപറഞ്ഞ് ഫേസ്ബുക്ക് പോസ്റ്റിട്ടിരിക്കുകയാണ് സംവിധായകൻ സാജിദ് യാഹിയ. മോഹൻലാൽ ചിത്രങ്ങളുടെ പേര് കോർത്തിണക്കിയാണ് പോസ്റ്റ് തയ്യാറാക്കിയിരിക്കുന്നത് എന്നതുകൊണ്ട് തന്നെ ഏറെ ശ്രദ്ധേയമായിരിക്കുകയാണ് ഈ ഫേസ്ബുക്ക് പരസ്യം.



ഉണ്ണികളെ ഒരു വാണ്ടഡ് കഥപറയാം എന്ന തലകെട്ടാണ് പോസ്റ്റിന് നൽകിയിരിക്കുന്നത്. മലയാളികളുടെ പ്രിയപ്പെട്ട മഞ്ജുവാര്യരും ഇന്ദ്രജിത്തും നായികാ നായകന്മാരാകുന്ന ഒരു കട്ട മോഹൻലാൽ ഫാൻ സിനിമയിലേക്ക് ഇരുവരുടെയും മൂന്ന് കാലഘട്ടങ്ങളിലെ കുട്ടിക്കാലം അവതരിപ്പിക്കാൽ 8, 14, 18 വയസ്സുള്ള അഭിനേതാക്കളെ വേണം. ഇരുവരുടേയും ബാല്യ, കൗമാര കാലങ്ങളിലെ മുഖവുമായി സാമ്യമുള്ളവർക്കും അല്ലാത്തവർക്കും ചിത്രങ്ങളും അഭിനയ ദൃശ്യങ്ങളുമടങ്ങിയ വീഡിയോകളും അയയ്ക്കാം. പക്ഷെ താര നിർണയം അർഹതയുള്ളവർക്ക് ഒപ്പം ആയിരിക്കും. നോക്കെത്താദൂരത്ത് കണ്ണും നട്ട് ആ മിന്നാരങ്ങൾക്കായി കാത്തിരിക്കുന്നു. ശേഷം കാഴ്ചയിൽ....

മോഹൻലാൽ ചിത്രങ്ങളെ കോർത്തിണക്കിയുണ്ടാക്കിയ ഈ ഫേസ്ബുക്ക് പരസ്യം വ്യത്യസ്തകൊണ്ട് വളരെ ശ്രദ്ധേയമായിരിക്കുന്നു.

Sajid Yahiya's facebook post goes viral

Sajid yahiya's facebook post using mohanlal's movie names get more attracton. He seeks actors who can play childhood role of manju and indhrajith.