ഒരു ചായക്കട നടത്തുന്ന മനുഷ്യന്‍ തന്‍റെ ഭാര്യയോടൊത്ത് ലോകം ചുറ്റി സഞ്ചരിച്ച അപൂർവ്വ കഥയാണ് കോപ്പിബുക്ക്‌ ഫിലിംസിന്‍റെ ബാനറില്‍ പുറത്തു വന്ന ഈ ചിത്രം പറഞ്ഞത്. ആതിര രയരോത്ത് ആണ് ‘ഇന്‍വിസിബിള്‍ വിങ്സി’ന്‍റെ തിരക്കഥ തയ്യാറാക്കിയത്. ക്യാമറ ശ്യാം ജോസഫ്‌, നിര്‍മാണം ഹരി എം.മോഹനന്‍, വിജയ്‌ വി, ജെറി വില്യംസ്, സുനില കെ.വി, എം.കെ.മാധവി, അനീഷ്‌ കൃഷ്ണന്‍, സഞ്ജു തൊണ്ടിയില്‍ എന്നിവര്‍.
കലാസംവിധാനം അജികുമാര്‍, എഡിറ്റര്‍ സുമിത് പുരോഹിത്, സംഗീതം അനില്‍ ജോണ്‍സന്‍, ശബ്ദസന്നിവേശം അരുണ്‍ രാമ വര്‍മ. ജിയോ ഫിലിം ഫെയര്‍ ഹ്രസ്വ ചിത്ര പുരസ്കാരങ്ങളുടെ രണ്ടാം പതിപ്പാണിത്. പത്തു ഭാഷകളില്‍ നിന്നായി രണ്ടായിരത്തോളം എന്‍ട്രികളില്‍ നിന്നാണ് ഇൻവിസിബിൾ വിങ്ങ്സ് തിരഞ്ഞെടുക്കപ്പെട്ടത്. കരണ്‍ ജോഹര്‍, നിഖില്‍ അദ്വാനി, ഒനീര്‍, നിതേഷ് തിവാരി, അശ്വിനി അയ്യര്‍ തിവാരി, ശകുന്‍ ബത്ര എന്നിവര്‍ ചേര്‍ന്ന ജൂറിയാണ് അഞ്ച് പുരസ്കാരങ്ങള്‍ തിരഞ്ഞെടുത്തത്.
Mobile AppDownload Get Updated News