'എനിക്ക് ഉയരം ഭയമാണ്' മരണത്തിന് മിനിറ്റുകള്‍ക്ക് മുന്‍പ് നടൻ പറഞ്ഞത്

ബെംഗലൂരു: തനിക്ക് ഉയരം ഭയമാണെന്ന് മരണത്തിന് മിനിറ്റുകള്‍ക്ക് മുന്‍പ് നടന്‍ ഉദയ് പറഞ്ഞു. കന്നഡ വാര്‍ത്താ ചാനലിന് നല്‍കിയ അഭിമുഖത്തിലാണ് നടന്‍ ഉദയ് ഇക്കാര്യം പറഞ്ഞത്. താന്‍ അക്രോഫോബിക് (ഉയരത്തോടുള്ള ഭയം) ആണെന്നായിരുന്നു അദ്ദേഹഹം പറഞ്ഞത്. അഭിമുഖം നല്‍കി മിനിറ്റുകള്‍ക്ക് ശേഷമാണ് ഉദയ് നൂറ് അടി ഉയരത്തില്‍ പറക്കുകയായിരുന്ന ഹെലികോപ്റ്ററില്‍ നിന്ന് താഴേക്ക് ചാടുന്നതിനിടെ അപടകടത്തില്‍പ്പെട്ടത്.

Visuals of the two Kannada actors before they went missing, after they jumped from a chopper during movie shoot in Bengaluru. pic.twitter.com/wor8vBM8iA

— ANI (@ANI_news) November 7, 2016

ഒരു കെട്ടിടത്തിന്‍റെ ഒന്നാം നിലയില്‍ നിന്ന് താഴേയ്ക്ക് നോക്കിയാല്‍ പോലും ഭയപ്പെടുന്ന ആളാണ് ഞാന്‍. ദൈവാനുഗ്രഹം കൊണ്ട് സുരക്ഷിതമായി സ്റ്റണ്ട് ചെയ്യാന്‍ കഴിയുമെന്നാണ് പ്രതീക്ഷിക്കുന്നത്-ഉദയ് പറഞ്ഞു. ഈ വാക്കുകള്‍ പറഞ്ഞ് മിനിറ്റുകള്‍ക്കകമാണ് ഉദയ് അപകടത്തില്‍പ്പെട്ടത്.

#WATCH: Two Kannada actors missing after they jumped from a chopper into Thippagondanahalli Reservoir during a movie shoot in Bengaluru. pic.twitter.com/MBTzbicvxl

— ANI (@ANI_news) November 7, 2016

ദുനിയ വിജയ് നായകനാകുന്ന 'മസ്തി ഗുഡ' എന്ന സിനിമയുടെ ചിത്രീകരണത്തിനിടെ ആയിരുന്നു സംഭവം. ക്ലൈമാക്സ് രംഗം ചിത്രീകരിക്കുന്നതിനായി ഹെലികോപ്റ്ററില്‍ നിന്ന് ചാടിയ നടന്‍മാര്‍ മുങ്ങിത്താഴുകയായിരുന്നു.