ബലാത്സംഗം ചെയ്തവനെ ഇഞ്ചിഞ്ചായ് കൊല്ലണം: മീര ജാസ്മിൻ

കൊച്ചി: സ്ത്രീകള്‍ക്ക് എതിരെയുള്ള ലൈംഗിക അതിക്രമങ്ങളെ രൂക്ഷമായി വിമര്‍ശിച്ച് നടി മീരാ ജാസ്‍മിന്‍.

'പത്ത് കല്‍പ്പനകള്‍' എന്ന മീരയുടെ പുതിയ ചിത്രത്തിന്‍റെ പ്രചരണാര്‍ഥം സംസാരിക്കവെയാണ് ഈ വിഷയത്തില്‍ മീര വൈകാരികമായി പ്രതികരിച്ചത്.

'ഞാന്‍ തന്നെ ഇത്തരം വാര്‍ത്തകള്‍ കേള്‍ക്കുമ്പോള്‍ കരുതുന്നത് ഇത്തരം ആളുകളുടെ ലൈംഗിക ശേഷി നശിപ്പിച്ചു കളയണം, ഇ‌ഞ്ചിഞ്ചായി കൊല്ലണം, വേദന അറിയണം.'

ഒരു ഇര അനുഭവിക്കുന്ന വേദന എന്താണ് ഇവര്‍ അറിയണം. - മീര പറഞ്ഞു.

'നമ്മള്‍ ഇങ്ങനെ അവസാനം മാറി നിന്ന് അതിനെക്കുറിച്ച് ഓരോന്ന് സംസാരിക്കും.അതിന്‍റെ വേദന അറിഞ്ഞു കഴിഞ്ഞാല്‍ പിന്നെ ഒരു വ്യക്തിയും അതിന് തയാറാകില്ല, ഒരു പെണ്ണിനെയും ഉപദ്രവിക്കാന്‍' മീര കൂട്ടിച്ചേര്‍ത്തു.

പെരുമ്പാവൂരില്‍ കൊല്ലപ്പെട്ട ജിഷയുടെ അമ്മ രാജേശ്വരിയും പത്രസമ്മേളനത്തില്‍ പങ്കെടുത്തു.

Rapists should be Castrated, says Actor Meera Jasmin

Actor Meera Jasmin, said All Rapists should be castrated.