മരണത്തിന്‍റെ വേഗതയിൽ മാഞ്ഞുപോകാതെ പോൾ വോക്കർ

ഫാസ്റ്റ് ആൻഡ് ഫ്യൂരിയസ് എന്ന ഒറ്റ സീരിസിലൂടെ ലോകമെമ്പാടുമുള്ള പ്രേക്ഷകരുടെ ആരാധനാ താരമായ പോൾ വോക്കറിന്‍റെ ഓർമകൾക്ക് മൂന്ന് വയസ്.

1999ലെ വാഴ്സിറ്റി ബ്ലൂസിലൂടെ വെള്ളിത്തിരയിലെത്തിയ പോൾ വോക്കർ 2000ൽ പുറത്തിറങ്ങിയ ഫാസ്റ്റ് ആൻഡ് ഫ്യൂരിയസ് എന്ന ചിത്രത്തിലെ ബ്രയാൻ ഒ കോണർ എന്ന കഥാപാത്രത്തിലൂടെയാണ് പ്രേക്ഷക മനസിൽ ഇടം നേടിയത്. പിന്നീട് ഇറങ്ങിയ ഫാസ്റ്റ് ആൻഡ് ഫ്യൂരിയസിന്‍റെ 7 പരമ്പരകളിലും താരം ഈ ചെറുപ്പക്കാരൻ തന്നെയായിരുന്നു.

അവസാനം ഇറങ്ങിയ ഫാസ്റ്റ് ആൻഡ് ഫ്യൂരിയസ് 7ൽ അഭിനയിച്ചു കൊണ്ടിരിക്കുമ്പോഴാണ് 2013 നവംബർ 30 ന് കാലിഫോർണിയയിലെ വാലൻസിയയിൽ വെച്ചുണ്ടായ അപകടത്തിൽപ്പെട്ട് കൊല്ലപ്പെട്ടത്. പിന്നീട് ഫാസ്റ്റ് ആൻഡ് ഫ്യൂരിയസ് 7 തീയേറ്ററുകളിൽ എത്തിയപ്പോൾ പോൾ വോക്കർ സ്ക്രീനിലെത്തുമ്പോള്‍ കണ്ണ് നനയാത്ത പ്രേക്ഷകർ വളരെ കുറവായിരിക്കും.


paul walker death anniversary tribute