മൈ ലൈഫ് ഈസ് മൈ വൈഫ്: മോഹൻലാൽ

മോഹൻലാലിന്റെ ഏറ്റവും പുതിയ ചിത്രമായ 'മുന്തിരി വള്ളികൾ തളിർക്കുമ്പോൾ' നാളെ തീയേറ്ററുകളിലെത്തുന്നു. ചിത്രത്തിന്റെ പ്രചരണ ഭാഗമായി മോഹൻലാൽ ഫേസ്ബുക്കിലൂടെ പങ്കുവെച്ച വീഡിയോ വൈറലാകുന്നു. ചിത്രത്തിന്റെ ടാഗ് ലൈനായ 'മൈ ലൈഫ് ഈസ് മൈ വൈഫ്' എന്ന് പറഞ്ഞാണ് താരം വീഡിയോ അവസാനിപ്പിക്കുന്നത്.

സിനിമ പ്രേക്ഷകർ കാണണമെന്നും അഭിപ്രായങ്ങൾ അറിയക്കണമെന്നും ലാലേട്ടൻ വീഡിയോയിലൂടെ പറയുന്നു. സംവിധായകൻ ജിബു ജേക്കബും, നിർമാതാക്കളും താരത്തിനൊപ്പം വീഡിയോയിൽ പങ്കെടുത്തു.

രണ്ട് മണിക്കൂറിനുളളിൽ ഒന്നര ലക്ഷത്തിലധികം ആളുകളാണ് വീഡിയോ കണ്ടിരിക്കുന്നത്.



ഉലഹന്നാന്‍ എന്ന പഞ്ചായത്ത് സക്രട്ടറിയുടെ കുടുംബ ജീവിതമാണ് സിനിമ. ദൃശ്യത്തിന് ശേഷം മോഹന്‍ലാലും മീനയും ഒന്നിയ്ക്കുന്നു എന്ന പ്രത്യേകതയും ചിത്രത്തിനുണ്ട്.

My life is my wife says Mohanlal

Super star Mohanlal's video about Munthiri vallikal thalirkkumbol goes viral.