ഇത് വേറെ ലെവലാണ്... 'ടേക്ക് ഓഫി'ന്‍റെ കിടിലൻ ട്രെയിലറെത്തി

കുഞ്ചാക്കോ ബോബൻ, ഫഹദ് ഫാസിൽ, പാർവതി ‍എന്നിവരെ കേന്ദ്ര കഥാപാത്രങ്ങളാക്കി ഒരുക്കുന്ന ചിത്രം ടേക്ക് ഓഫിന്‍റെ ട്രെയിലര്‍ പുറത്തിറങ്ങി. രാജ്യാന്തരനിലവാരം പുലർത്തുന്ന ട്രെയിലര്‍ ഇപ്പോൾ തന്നെ സാമൂഹ്യ മാധ്യമങ്ങളില്‍‍ ചര്‍ച്ചയായിട്ടുണ്ട്. ഫഹദ്–പാർവതി–ചാക്കോച്ചൻ എന്നിവരുടെ അഭിനയപ്രകടനം എടുത്തുപറയേണ്ടത് തന്നെയാണ്. ആസിഫ് എലിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

രാജേഷ് പിള്ള ഫിലിംസിന് വേണ്ടി മഹേഷ് നാരായണൻ തിരക്കഥ എഴുതി സംവിധാനം ചെയ്യുന്ന ചിത്രം നേഴ്‍‍സുമാരുടെ ജീവിതമാണ് ചിത്രീകരിച്ചിരിക്കുന്നത്. കടുത്ത പ്രതിസന്ധികൾക്കിടയിലും കുടുംബത്തിനു വേണ്ടി വിദേശ രാജ്യങ്ങളിൽ പോയി ജോലി ചെയ്യേണ്ടി വരുന്ന മലയാളി നേഴ്‍‍സുമാരാണ് കഥയിലെ കേന്ദ്രബിന്ദു. ഇറാഖിലും സുഡാനിലുമെല്ലാം കടുത്ത പ്രതിസന്ധിയിലും പിടിച്ചു നിന്ന മലയാളി നേഴ്‍‍സുമാരുടെ ജീവിതമാണ് ചിത്രത്തിന്‍റെ പ്രമേയമാകുന്നത്. ഇറാഖിലെ തിക്രിത്തിൽ വിമതരുടെ പിടിയലായ ആശുപത്രിയിൽ കുടുങ്ങിയ മലയാളി നേഴ്‍‍സുമാരുടെ ജീവിതത്തിന്‍റെ ചലച്ചിത്രാവിഷ്കാരമാണ് ഈ ചിത്രം. 2014ൽ വിമത അക്രമണത്തിൽ ആശുപത്രിയിൽ കുടുങ്ങിയ നാൽപ്പതിലേറെ നേഴ്‍‍സുമാരെ ഒരു മാസത്തിനു ശേഷമാണു നാട്ടിലെത്തിച്ചത്.

12 വർഷത്തിലേറെയായി മലയാള സിനിമയിൽ എഡിറ്ററായി തിളങ്ങുന്ന മഹേഷ് ആദ്യമായി സംവിധാനം ചെയ്യുന്ന ചിത്രമാണിത്. അന്തരിച്ച സംവിധായകൻ രാജേഷ് പിള്ളയുടെ പ്രൊഡക്ഷൻ ഹൗസാണു ഈ സിനിമ നിർമിക്കുന്നത്. ആന്‍റോ ജോസഫ് ഫിലിം കമ്പനിയുമായി ചേര്‍ന്നാണ് നിര്‍മാണം.



Malayalam New Movie Take Off Official Trailer is Out

Renowned editor Mahesh Narayanan's debut directorial venture Take off has hit the headlines ever since it was announced. After revealing the title and first look posters, the makers have unveiled a trailer that have made us all eagerly wait for the movie.