“ ക്ലിന്റ് ജീവിച്ചിരിപ്പുണ്ടായിരുന്നെങ്കിൽ ഇപ്പോൾ 41 വയസ്സാകുമായിരുന്നു. അതിശയകരമായ ജീവിതത്തെ നോക്കിക്കാണുന്നതിനുള്ള ഒരു ജാലകമാണ് ചിത്രം. സിനിമ ക്ലിന്റിന്റെ ജീവിതത്തിനോട് നീതി പുലർത്തുമെന്ന് തന്നെയാണ് കരുതുന്നത്.
തൃശ്ശൂർ സ്വദേശി അലോകാണ് ചിത്രത്തിൽ ക്ലിന്റിന്റെ വേഷം ചെയ്യുന്നത്. സലിം കുമാർ, കെ പി എ സി ലളിത, ജോയ് മാത്യു, രഞ്ജി പണിക്കർ, വിനയ് ഫോർട്ട് എന്നിവരാണ് ചിത്രത്തിലെ മറ്റു താരങ്ങൾ. ഇവർക്കു പുറമെ ബാലതാരങ്ങളായ അക്ഷര, രുദ്ര, നക്ഷത്ര, ദ്രുപത്, അമിത്, അമർ എന്നിവരും ചിത്രത്തിൽ വേഷമിടുന്നു. യഥാർഥ ക്ലിന്റിന്റെ മാതാപിതാക്കളായ മുല്ലപ്പറമ്പിൽ തോമസ് ജോസഫും ചിന്നമ്മയും ചിത്രത്തിൽ അവരായിത്തന്നെ ഒരു ചെറിയ വേഷം ചെയ്യുന്നുണ്ട്.
ചിത്രത്തിന്റെ ഛായാഗ്രഹണം മധു അമ്പാട്ടും കലാ സംവിധാനം നേമം പുഷ്പരാജും നിർവ്വഹിക്കുന്നു. പ്രഭാ വർമ്മയുടെ വരികൾക്ക് ഇളയ രാജ ഈണം പകർന്ന ഗാനങ്ങളാണ് ചിത്രത്തിലേത്. ചമയം പട്ടണം റഷീദും വസ്ത്രാലങ്കാരം സമീറ സനീഷുമാണ് കൈകാര്യം ചെയ്യുന്നത്. ആറു വയസ്സ് പതിനൊന്നു മാസം പ്രായമുള്ളപ്പോൾ വൃക്ക തകരാറിനെ തുടർന്നാണ് ക്ലിന്റ് മരണപ്പെട്ടത്. 30000 ത്തോളം പെയ്ന്റിങ്ങുകളാണ് ഈ പ്രായത്തിനിടെ ക്ലിന്റ് വരച്ചത്. 2014 സെപ്റ്റംബറിലാണ് ഹരികുമാർ ചിത്രം ആദ്യമായി അനൗൺസ് ചെയ്തത്.
Harikumar to make film on Clint.
Mobile AppDownload Get Updated News