ഇന്ത്യയിൽ വേണ്ടെന്നു പറഞ്ഞു; ആംസ്റ്റർഡാമിൽ പോയി അവാർഡ് വാങ്ങി

ആംസ്റ്റർഡാം: ഇന്ത്യയിലെ പ്രേക്ഷകർക്ക് പറ്റിയ സിനിമയല്ലെന്ന് സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ (സി ബി എഫ് സി) കണ്ടെത്തിയ സിനിമ ആംസ്റ്റർഡാം ഫിലിം ഫെസ്റ്റിവലിൽ അവാർഡ് നേടി. പ്രകാശ് ഝായുടെ 'ലിപ്സ്റ്റിക് അണ്ടർ മൈ ബുർഖ' എന്ന ചിത്രമാണ് ആംസ്റ്റർഡാം ഫിലിം ഫെസ്റ്റിവലിൽ പ്രേക്ഷകരുടെ മികച്ച ചിത്രത്തിനുള്ള അവാർഡ് സ്വന്തമാക്കിയത്. അലംകൃത ശ്രിവാസ്തവയാണ് ചിത്രം സംവിധാനം ചെയ്തിരിക്കുന്നത്.

സ്ത്രീ കേന്ദ്രീകൃതമായിരിക്കുന്ന സിനിമ ജീവിതത്തിൻ്റെ കാല്പനികതയെക്കുറിച്ചാണ്. തുടർച്ചയായുള്ള ലൈംഗികരംഗങ്ങളും മോശമായ വാക്കുകളും അശ്ലീല സാഹിത്യവും നിറഞ്ഞതാണ്.
അതുകൊണ്ടു തന്നെ മാർഗനിർദ്ദേശ രേഖകൾക്ക് അനുസരിച്ച് സിനിമയ്ക്ക് പ്രദർശനാനുമതി നല്കാൻ കഴിയില്ലെന്ന് ആയിരുന്നു സി ബി എഫ് സി നിലപാട്.

ആംസ്റ്റർഡാം ഫിലിം ഫെസ്റ്റിവലിൽ മാത്രമല്ല ഗ്ലാസ്ഗോ ഫിലിം ഫെസ്റ്റിവലിലും മികച്ച ഫീച്ചർ ചിത്രത്തിനുള്ള പ്രേക്ഷകരുടെ പുരസ്കാരം 'ലിപ്സ്റ്റിക് അണ്ടർ മൈ ബുർഖ' നേടിയിരുന്നു. കൂടാതെ, ടോക്കിയോ അന്താരാഷ്ട്ര ഫിലിം ഫെസ്റ്റിവലിൽ സ്പിരിറ്റ് ഓഫ് ഏഷ്യ പ്രൈസും മുംബൈ ഫിലിം ഫെസ്റ്റിവലിൽ ഒക്സ്ഫാം അവാർഡും നേടിയിരുന്നു.

'Lipstick Under My Burkha' Winning An Award At The Amsterdam Film Festival

'Lipstick Under My Burkha' Winning An Award At The Amsterdam Film Festival Is A Slap On The Face OF CBFC