രാജമൌലിയുടെ ശരിയായ സപ്പോർട്ട് ഒരു മലയാളിയെന്ന് റാണ ദഗ്ഗുബട്ടി

കൊച്ചി: കട്ടപ്പ എന്തിന് ബാഹുബലിയെ കൊന്നുവെന്ന് ലോകമറിയാൻ ഇനി ഏതാനും മണിക്കൂറുകൾ മാത്രം. ഇതു സംബന്ധിച്ച് ട്രോളുകളും പ്രവചനങ്ങളും നിരവധി വന്നു കഴിഞ്ഞു. എന്നാൽ, സത്യം എന്തെന്നറിയാൻ കാത്തിരിക്കുകയല്ലാതെ വേറെ മാർഗമില്ല.

അതേസമയം, ചിത്രത്തിൻ്റെ സംവിധായകൻ രാജമൌലിക്ക് ശരിയായ പിന്തുണ നല്കുന്നയാളെ അഭിനേതാക്കളിൽ ഒരാളായ റാണ ദഗ്ഗുബട്ടി വെളിപ്പെടുത്തി. ക്ലബ് എഫ് എം നു നല്കിയ അഭിമുഖത്തിലാണ് അദ്ദേഹം ഈ വെളിപ്പെടുത്തൽ നടത്തിയത്. ബാഹുബലി 2ൻ്റെ പ്രചരണാര്‍ഥം കൊച്ചിയിലെത്തിയത് ആയിരുന്നു ദഗ്ഗുബട്ടി.

ചിത്രത്തിൻ്റെ ആർട്ട് ഡയറക്ടർ സാബു സിറിൽ ആണ് രാജമൌലിയുടെ ശരിയായ സപ്പോർട്ട് എന്നാണ് റാണ പറയുന്നത്. ഇന്ത്യയിലെ മികച്ച ആര്‍ട്ട് ഡയറക്ടര്‍മാരില്‍ ഒരാളാണ് സാബു സിറില്‍. അദ്ദേഹം ശരിക്കും ഒരു സ്‌കൂളാണ്. രാജമൌലിയുടെ ശരിയായ സപ്പോർട്ട് സാബു സിറില്‍ ആണെന്നും റാണ ക്ലബ് എഫ് എമ്മിനോട് പറഞ്ഞു.

(വാർത്ത കടപ്പാട് - ക്ലബ് എഫ് എം, മാതൃഭൂമി)

One Malayali is the real supporter of Rajamouli

Rana Daggubatti saying One Malayali is the real supporter of Rajamouli