വരലക്ഷ്മിയുടെ അഭിനയത്തെ പുകഴ്ത്തി മുരളി ഗോപി

പി പത്മരാജന്റെ കഥാപാത്രങ്ങളെ ഉള്‍പ്പെടുത്തി മകന്‍ അനന്തപത്മനാഭന്‍ തിരക്കഥ രചിച്ച് അരുണ്‍കുമാര്‍ അരവിന്ദ് സംവിധാനം ചെയ്യുന്ന 'കാറ്റ്' എന്ന ചിത്രത്തിന്റെ ചിത്രീകരണം പാലക്കാട്ടെ കൊല്ലങ്കോട്ടും പരിസരങ്ങളിലുമായി പുരോഗമിക്കുകയാണ്. അതിനിടെ ചിത്രത്തൽ പ്രധാനവേഷം അഭിനയിക്കുന്ന തമിഴ് നടൻ ശരത്‍കുമാറിന്‍റെ മകൾ വരലക്ഷ്മിയെ പുകഴ്ത്തി നടനും തിരക്കഥാകൃത്തുമായ മുരളി ഗോപി.



ഇന്ത്യയിലെ തന്നെ ഏറെ കഴിവുള്ള നടികളിലൊരാളാണ് വരലക്ഷ്മി. കാറ്റിൽ ഒരുമിച്ച് പ്രവർത്തിക്കാൻ കഴിഞ്ഞത് ഏറെ വിലമതിക്കുന്നുവെന്നും അദ്ദേഹം ഫേസ്ബുക്കിൽ പറയുന്നു. അതിര്‍ത്തിഗ്രാമത്തിലെ നിഷ്കളങ്കരായ മനുഷ്യരുടെ കഥ പറയുന്ന, പുതുമുഖങ്ങള്‍ക്കും തിയറ്റര്‍ ആര്‍ട്ടിസ്റ്റുകള്‍ക്കും പ്രാധാന്യമുള്ള ചിത്രത്തില്‍ പങ്കന്‍ താമരശേരി, മാനസ രാധാകൃഷ്ണന്‍, ശിഖ, സരിത, ജയശങ്കര്‍, രാജാ അസീസ്, പുന്നപ്ര അപ്പച്ചന്‍ എന്നിവരും പ്രധാന താരങ്ങളാണ്.

Murali Gopi's fb post
Actor screenplay writer murali Varalaxmi Sarathkumar.