ജവാന്മാരുടെ കുടംബങ്ങൾക്ക് സഹായ ഹസ്തവുമായി വിവേക് ഒബ്റോയ്

ഛത്തീസ്‍ഗഡിലെ സുഖ്മയിൽ മാവോയിസ്റ്റ് ആക്രമണത്തിൽ വീരമൃത്യു വരിച്ച സിആർപിഎഫ് ജവാന്മാരുടെ കുടുബത്തിന് 25 ഫ്ലാറ്റുകൾ നൽകികൊണ്ട് ബോളിവുഡ് താരം വിവേക് ഒബ്റോയ്. മുംബൈയിലും താനെയിലുമുള്ള കുടുംബങ്ങൾക്ക് വിവേക് ഒബ്റോയ് നടത്തുന്ന റിയൽ എസ്റ്റേറ്റ് കമ്പനിയാണ് ഫ്ലാറ്റുകൾ നൽകുന്നത്. ഫ്ലാറ്റുകൾ നൽകുന്നതിനെ സംബന്ധിച്ചുള്ള വിവരങ്ങൾ കമ്പനി സിആർപിഎഫിന് നൽകിയിട്ടുണ്ടെന്നാണ് റിപ്പോർട്ട്. ഫ്ലാദ് ദാനംചെയ്യുന്നതുമായി സംബന്ധിച്ച് എഎൻഐയും ട്വീറ്റ് ചെയ്തിട്ടുണ്ട്.

ഇതിനോടകം തന്നെ നാല് ഫ്ലാറ്റുകൾ ജവാന്മാരുടെ കുടുംബത്തിനായി നൽകി കഴിഞ്ഞു. ഫ്ലാറ്റ് നൽകിയ കുടുംബങ്ങളുടെ പേരുവിവരങ്ങൾ വിവേകിന്‍റെ കമ്പനി പുറത്തിറക്കിയിട്ടുണ്ട്. അടുത്തിടെ ജവാന്മാരുടെ കുടംബങ്ങൾക്ക് ബോളിവുഡ് താരം അക്ഷയ്കുമാറും 1.08 കോടി രൂപ നൽകിയിരുന്നു. 12 കുടുംബങ്ങൾക്കായി 9 ലക്ഷം വീതമാണ് ധനസഹായം നൽകിയിരുന്നത്. കൂടാതെ ക്രിക്കറ്റ് താരം ഗൗതം ഗംഭീറും സഹായം വാഗ്ദാനം ചെയ്തിരുന്നു. കൊല്ലപ്പെട്ട 25 സിആർപിഎഫ് ജവാന്മാരുടെ മക്കളുടെ മുഴുവൻ ചിലവും വഹിക്കുമെന്നാണ് ഗംഭീർ അറിയിച്ചത്.

Vivek Oberoi's company donates 25 flats to families of CRPF bravehearts

Bollywood actor Vivek Oberoi's company Karrm Infrastructure Pvt. Ltd. has donated 25 flats to the families of Central Reserve Police Force (CRPF) martyrs in Thane, Maharashtra.