ബാഹുബലി റെക്കോർഡ് മറികടക്കാൻ 3ഡി രാമായണം

ഇന്ത്യൻ സിനിമാ രംഗത്ത് ഒരു പുത്തൻ ചരിത്രം തന്നെ കുറിച്ചിരിക്കുകയാണ് ബാഹനബലി 2. ബാഹുബലിയുടെ ഈ വിജയം ഉയർന്ന ബജറ്റിലാണെങ്കിലും സാങ്കേതിക മികവ് പുലർത്തുന്ന ചിത്രങ്ങൾ എടുക്കാനുള്ള ഒരു പ്രചോദനമായി മാറിയിരിക്കുന്നു. അതുകൊണ്ട് തന്നെയാകണം തെലുങ്കിൽ നിന്നും ബാഹുബലിക്ക് ശേഷം വൻ ബജറ്റിൽ മറ്റൊരു ചിത്രം കൂടി ഒരുങ്ങുന്നത്. പ്രഭാസിനെ വെല്ലുവിളിച്ച് റാം ചരണും അല്ലു അർജുനുമാണ് മറ്റൊരു ഇതിഹാസ ചിത്രത്തിന് തയ്യാറെടുക്കുന്നത്.



500 കോടി ബജറ്റിൽ ബാഹുബലിയുടെ റെക്കോർഡ് തകർക്കാൻ എത്തുന്നത് ത്രീഡി ചിത്രമായ രാമായണമാണ്. മൂന്ന് ഭാഗങ്ങളായിട്ടാണ് രാമായണം നിർമിക്കുന്നത്. ചിത്രത്തിന്‍റെ മൂന്ന് ഭാഗങ്ങളും മൂന്ന് നിർമാതാക്കളാണ് ഏറ്റെടുത്തിരിക്കുന്നത്. അല്ലു അർജ്ജുനന്‍റെ പിതാവ് അല്ലു അരവിന്ദ്, മധു മണ്ടേന, നമിത് മൽഹോത്ര തുടങ്ങിയവരാണ് നിർമാതാക്കൾ. ചിത്രത്തിൽ റാം ചരൺ രാമനായും അല്ലു അർജുൻ ഹനുമാനുമായിട്ടാണ് വേഷമിടുന്നതെന്നാണ് റിപ്പോർട്ട്.

വലിയ ആരാധക വലങ്ങളൊന്നുമില്ലാത്ത പ്രഭാസിനെ വെച്ച് ബാഹുബലിക്ക് ആയിരം കോടി കടക്കാമെങ്കിൽ റാം ചരണിനെയും അല്ലുവിനെയും വച്ച് ഇതിൽകൂടുതൽ നേട്ടമുണ്ടാക്കാമെന്നുള്ള പ്രതീക്ഷയിലാണ് അണിയപ്രവർത്തകർ. തെലുങ്ക്, തമിഴ്, ഹിന്ദി എന്നീ മൂന്ന് ഭാഷകളിൽ എത്തുന്ന രാമായണത്തിൽ തെലുങ്ക്, തമിഴ്, ബോളിവുഡ് സൂപ്പർ താരങ്ങളായിരിക്കും പ്രധാന വേഷങ്ങളിലെത്തുക.

Ram Charan and Allu Arjun will beat prabhas through 3D movie Ramayana

Ever since Bollywood media reported that Allu Aravind is producing 'Ramayana' film with a whopping Rs.500 crore budget as a joint venture with Madhu Mantena and Namit Malhotra, it has become a hot topic in Tollywood.