നിരവധി തവണ മാറ്റിവെച്ച ശേഷം ഉദയ് അനന്തന്‍ സംവിധാനം ചെയ്യുന്ന മമ്മൂട്ടി ചിത്രം വൈറ്റിന്‍റെ റിലീസ് തീയതി തീരുമാനിച്ചു. ചിത്രം ജൂലായ് 29ന് തീയേറ്ററുകളിലെത്തും. ചിത്രത്തിന്‍റെ റിലീസ് നീണ്ടുപോകുന്നതിൽ പരിഹസിച്ച് സോഷ്യൽ മീഡിയയിൽ നിരവധി ട്രോളുകളും മറ്റും വന്ന സാഹചര്യത്തിലാണ് വിശദീകരണവുമായി ഉദയ് അനന്തൻ രംഗത്തെത്തിയത്.
ചിത്രത്തിന്‍റെ പോസ്റ്റ് പ്രൊഡക്ഷൻ ജോലികൾ പൂര്‍ത്തിയാകാനുണ്ടായ കാലതാമസമാണ് റിലീസ് നീളാൻ കാരണമെന്ന് ഉദയ് അനന്തന്‍ പറഞ്ഞു. ഇരുപത്തഞ്ചുകാരിയെ പ്രണയിക്കുന്ന മധ്യവയസ്‌കനായി മമ്മൂട്ടി എത്തുന്ന ചിത്രത്തില്‍ ഹുമാ ഖുറേഷിയാണ് നായിക. ലണ്ടന്‍ പ്രധാന ലൊക്കേഷനായ ചിത്രം നിര്‍മ്മിക്കുന്നത് ഇറോസ് ഇന്റര്‍നാഷണലാണ്.
Mobile AppDownload Get Updated News