കാലാ കരികാലൻ സെറ്റിൽ ജോലിക്കാരൻ ഷോക്കേറ്റ് മരിച്ചു

രജനികാന്ത് നായകനാവുന്ന കാലാ കരികാലന്‍റെ സെറ്റിൽ വെച്ച് ജോലിക്കാരൻ വൈദ്യുതാഘാതമേറ്റ് മരിച്ചു. സെറ്റിൽ പൊട്ടിവീണ വൈദ്യുത കമ്പിയിൽ ചവിട്ടിയാണ് മൈക്കിൾ എന്ന ജോലിക്കാരൻ ഷോക്കേറ്റ് മരിച്ചത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ചെന്നൈയിൽ 5 കോടി ചിലവിട്ട് ഇവിപി സ്റ്റുഡിയോയിൽ നിർമിച്ച സെറ്റിലായിരുന്നു അപകടം. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.

പാ രഞ്ജിത്ത് സംവിധാനം നിർവഹിക്കുന്ന ചിത്രത്തിന്‍റെ ആദ്യ ഭാഗം മുബൈയിലായിരുന്നു ചിത്രീകരിച്ചത്. ആദ്യ ഷെഡ്യൂൾ പൂർത്തിയാക്കിയത് ശേഷമാണ് ചെന്നൈയിൽ ഷൂട്ടിങ് പുരോഗമിച്ചത്. അധോലോക നായകന്‍റെ വേഷത്തിലാണ് ചിത്രത്തിൽ രജനിയെത്തുന്നത്. സമുദ്രക്കനി, ഹുമ ഖുറേഷി, നാനാ പടേക്കര്‍ തുടങ്ങിയവരും പ്രധാന വേഷങ്ങളിൽ ചെയ്യുന്നുണ്ട്.

Man dies on sets of Rajinikanth film, police starts investigation

A crew member of Rajinikanth-starrer Kaala died on the sets after he stepped on a live wire.