52 പുതുമുഖങ്ങൾ അണിനിരക്കുന്ന 'ഹിമാലയത്തിലെ കശ്മലൻ'

കൊച്ചി: പുതുമുഖങ്ങൾ അണിനിരക്കുന്ന ഹിമാലയത്തിലെ കശ്മലൻ ട്രെയിലര്‍ എത്തി. 52 പുതുമുഖങ്ങൾ ആണ് ചിത്രത്തിലുള്ളത്. അഭിരാം സുരേഷ് ഉണ്ണിത്താൻ സംവിധാനം ചെയ്യുന്ന ചിത്രത്തിൽ ജിന്‍സ് ഭാസ്ക്കര്‍, അനൂപ് രമേഷ്, ബാലഗോവിന്ദ്, ചന്തു ജി നായര്‍ എന്നിവരാണ് പ്രധാന കഥാപാത്രങ്ങൾ.

ഒരുകൂട്ടം മണ്ടന്മാരുടെ കഥ എന്നതാണ് ചിത്രത്തിൻ്റെ ടാഗ് ലൈൻ. അപകടത്തിൽപ്പെട്ട സുഹൃത്തിനെ തേടി മൂന്നു ചെറുപ്പക്കാർ നടത്തുന്ന യാത്രയാണ് സിനിമ പറയുന്നത്.

ജെമിന്‍ ജോം അയ്യേനത്താണ് ചിത്രത്തിൻ്റെ ഛായാഗ്രഹണം. രാമു രവീന്ദ്രനും അരവിന്ദ് ഗോപാലും ചേർന്നാണ് ചിത്രം എഡിറ്റ് ചെയ്തിരിക്കുന്നത്. അരവിന്ദ് ചന്ദ്രശേഖറാണ് സംഗീതം. ഓവർ ദ മൂൺ ഫിലിംസിൻ്റെ ബാനറിൽ നന്ദു മോഹൻ, ആനന്ദ് രാധാകൃഷ്ണൻ, അരുണിമ അഭിരാം ഉണ്ണിത്താൻ എന്നിവരാണ് ചിത്രം നിർമ്മിച്ചിരിക്കുന്നത്.



Himalayathile Kashmalan with 52 new faces

'Himalayathile Kashmalan ', an upcoming Malayalam movie that introduces 52 new faces to screen.