ലാലേട്ടന്‍റെ കിടിലൻ ഡയലോഗുമായി 'മാച്ച് ബോക്സ്' ടീസറെത്തി

'ആനന്ദ'ത്തിലൂടെ മലയാള സിനിമാ രംഗത്ത് പ്രവേശിച്ച റോഷൻ മാത്യു നായകനാകുന്ന പുതിയ ചിത്രം 'മാച്ച് ബോക്സി'ന്‍റെ ടീസറെത്തി. രേവതി കലാമന്ദിറിന്‍റെ ബാനറില്‍ നവാഗതനായ ശിവറാം മണിയാണ് ചിത്രം സംവിധാനം ചെയ്യുന്നത്. ഒരു പ്രണയ കഥയാണ് ചിത്രം പറയുന്നത്. ദൃശ്യ രഘുനാഥാണ് ചിത്രത്തിലെ നായിക. വിശാഖ്, മാത്യു ജോയ്,ഷമ്മി തിലകന്‍, നിര്‍മ്മല്‍ പാലാഴി, മുഹമ്മദ് പേരാമ്പ്ര എന്നിവരാണ് ചിത്രത്തിലെ മറ്റു താരങ്ങൾ. ലാലേട്ട​ന്‍റെ 'നമുക്കു പാർക്കാൻ മുന്തിരിത്തോപ്പുകൾ' എന്ന ചിത്രത്തിലെ പ്രശസ്തമായ സംഭാഷണ ശകലമാണ് ടീസറിൽ ഉൾപ്പെടുത്തിയിട്ടുള്ളത്.




നാലു യുവാക്കളുടെ കഥ പറയുന്ന ചിത്രം ജി സുരേഷ് കുമാറാണ് നിർമ്മിക്കുന്നത്. ജോയ് മാത്യുവിന്‍റെ മകനാണ് മാത്യു ജോയ്, പുതുമുഖം ജോജോൺ ചാക്കോയും ചിത്രത്തിൽ മുഖ്യ കഥാപാത്രത്തെ അവതരിപ്പിക്കുന്നുണ്ട്. നിഖിൽ ആനന്ദ്, കെന്നി പെറുണ്ണി എന്നിവരുടേതാണ് തിരക്കഥ. റഫീഖ് അഹമ്മദിന്റെ ഗാനങ്ങൾക്ക് ബിജിബാൽ ഈണം പകരുന്നു. ഉദയൻ അമ്പാടിയാണ് ചിത്രത്തിന്‍റെ ഛായാഗ്രഹണം നിർവ്വഹിച്ചിരിക്കുന്നത്.

MatchBox Malayalam Movie Teaser is out

MatchBox Malayalam Movie Teaser is out with Mohanlal's Famous Dialogue