തമിഴ്നാട് സംസ്ഥാന ഫിലിം അവാര്‍ഡിൽ മലയാളിത്തിളക്കം

ചെന്നൈ: തമിഴ്നാട് സംസ്ഥാന സര്‍ക്കാരിന്‍റെ ചലച്ചിത്ര പുരസ്കാരങ്ങളില്‍ മലയാളിത്താരങ്ങൾ മിന്നിത്തിളങ്ങി. നീണ്ട എട്ടു വര്‍ഷത്തെ ഇടവേളക്ക് ശേഷം ആറു വര്‍ഷത്തെ ചലച്ചിത്ര പുരസ്കാരങ്ങള്‍ ഒന്നിച്ചാണ് ഇത്തവണ പ്രഖ്യാപിച്ചത്. 2009 മുതല്‍ 2014 വരെയുള്ള ചലച്ചിത്ര പുരസ്കാരമാണ് തമിഴ്നാട് സര്‍ക്കാര്‍ പ്രഖ്യാപിച്ചത്. ഇതില്‍ നാലു വര്‍ഷവും മികച്ച നടിമാരായിരിക്കുന്നത് മലയാളികളാണെന്നത് മലയാളത്തിന് അഭിമാനിക്കാന്‍ വകനല്‍കുന്നു.

'മൈന'യെന്ന ചിത്രത്തിലെ അഭിനയത്തിന് 2010 ലെ മികച്ച നടിക്കുള്ള പുരസ്കാരം അമലാ പോള്‍ സ്വന്തമാക്കി. 2011ലെ മികച്ച നടിക്കുള്ള പുരസ്കാരം ഇനിയയും 2012 ല്‍ ലക്ഷ്മി മേനോനും മികച്ച നടികളായി. 2013 ല്‍ 'രാജാറാണി'യെന്ന സിനിമയിലൂടെ നയന്‍താരയും മികച്ച നടിക്കുള്ള പുരസ്കാരത്തിന് അര്‍ഹയായി. മലയാളിയല്ലെങ്കിലും മലയാളത്തിന് ഏറെ പ്രിയപ്പെട്ട പത്മപ്രിയയും മികച്ച നടിക്കുള്ള പുരസ്കാരത്തിന് അര്‍ഹയായത് മലയാളികൾക്ക് സന്തോഷം പകരുന്ന വാര്‍ത്തയാണ്. 2009 ലെ പുരസ്കാരമാണ് പത്മപ്രിയക്ക് കിട്ടിയത്.

അല്‍ഫോണ്‍സ് പുത്രന്‍ സംവിധാനം ചെയ്ത നേരം എന്ന സിനിമയിലെ അഭിനയം നസ്രിയയെ പ്രത്യേക പുരസ്കാരത്തിന് അര്‍ഹയാക്കി. 2014ലെ മികച്ച വില്ലനുള്ള പുരസ്കാരം പൃഥ്വിരാജിനാണ് ലഭിച്ചത്. 'കാവ്യ' തലൈവന്‍ എന്ന ചിത്രത്തിലെ പ്രതിനായക വേഷത്തിനായിരുന്നു ഈ പുരസ്കാരം.

മലയാള ഗായികമാരും തമിഴില്‍ അവാര്‍ഡിന് സാന്നിധ്യം അറിയിച്ചു. 2011 ലെ മികച്ച ഗായികയായി ശ്വേതാ മോഹനും 2014 ലെ മികച്ച ഗായിക ഉത്തരാ ഉണ്ണികൃഷ്ണനുമാണ് പുരസ്കാരത്തിന് അര്‍ഹനായിരിക്കുന്നത്. കാവ്യതലൈവന്‍ എന്ന ചിത്രത്തിലെ മേക്കപ്പിന് പട്ടണം റഷീദിനെ മികച്ച മേക്കപ്പ് ആര്‍ട്ടിസ്റ്റായി തെരഞ്ഞെടുത്തു. 2010 ലെ മികച്ച ഛായാഗ്രാഹകനുള്ള പുരസ്കാരം വി മണികണ്ഠനും സന്തോഷ് ശിവനും പങ്കിട്ടെടുത്തു.

TN Govt. announces Tamil Film Awards for six years

The Tamil Nadu government took many by surprise when they announced the Film Awards for the last six years (2009- 2014) last night.