പരോളില്‍ മമ്മൂട്ടിക്കൊപ്പം അരിസ്റ്റോ സുരേഷ്

അരിസ്റ്റോ സുരേഷ് വീണ്ടും തകര്‍പ്പന്‍ ഗാനവുമായി എത്തുന്നു. മമ്മൂട്ടി നായകനായി എത്തുന്ന പരോള്‍ എന്ന ചിത്രത്തിലാണ് അരിസ്റ്റോ സുരേഷ് വീണ്ടും ഗാനം ആലപിക്കുന്നത്. പരോള്‍ കാലം നല്ലൊരു പരോള്‍ കാലം, ഇരുമ്പഴിക്കൂടിനും കിടിലന്‍ മതിലിനും മത്താപ്പു വിരിയണ ചേലളിയാ….’ എന്ന് തുടങ്ങുന്ന ഗാനമാണ് സുരേഷ് ചിത്രത്തിന് വേണ്ടി ആലപിച്ചത്.

മമ്മൂട്ടിയുടെ കഥാപാത്രത്തിനൊപ്പം ജയിലില്‍ കഴിയുന്ന സഹ തടവുകാരനായി സുരേഷ് ഈ ചിത്രത്തില്‍ വേഷമിടുന്നു. സുരേഷിനൊപ്പം പാട്ടിന് മമ്മൂട്ടിയും ചുവടുവെയ്ക്കുന്നുണ്ട്. പരസ്യ സംവിധായകന്‍ ശരത് സന്ദിത്താണ് പരോള്‍ സംവിധാനം ചെയ്യുന്നത്. മമ്മൂട്ടി നേരിട്ട് വിളിച്ചാണ് സുരേഷിന് ഈ ചിത്രത്തില്‍ അവസരം നല്‍കിയത്. മമ്മൂട്ടിയുടെ നായികയായി മിയ അഭിനയിക്കുന്ന ചിത്രത്തിന് അജിത്ത് പൂജപ്പുരയാണ് തിരക്കഥ എഴുതുന്നത്.

Muthe Ponne Fame Aristo Suresh New Film

Action Hero Biju fame actor Aristo Suresh has sung for the upcoming mammootty's movie, 'Parole'.