'അജിപാനെ തേച്ച സാറ' ഇനി മമ്മൂട്ടിച്ചിത്രത്തിൽ

ദുല്‍ഖര്‍ സല്‍മാന്‍ നായകനായ അമല്‍ നീരദ് ചിത്രം കോമ്രേഡ് ഇന്‍ അമേരിക്കയിലൂടെ നായികയായി മാറിയ കാര്‍ത്തിക രാമചന്ദ്രന്‍ ഇനി മമ്മൂട്ടിച്ചിത്രത്തിൽ. കോമ്രേഡ് ഇന്‍ അമേരിക്ക എന്ന ചിത്രത്തിൽ ദുൽഖറിനെ പ്രണയിച്ച് പറ്റിക്കുന്ന പെണ്‍കുട്ടിയുടെ കഥാപാത്രത്തെ അവതരിപ്പിച്ചത് കാര്‍ത്തികയായിരുന്നു. നവാഗതനായ ഗിരീഷ് ദാമോദര്‍ സംവിധാനം ചെയ്യുന്ന 'അങ്കിള്‍' എന്ന ചിത്രത്തിലാണ് കാര്‍ത്തിക രാമചന്ദ്രന്‍ നായികയാവുന്നത്. കാര്‍ത്തികയുടെ രണ്ടാമത്തെ ചിത്രമാണിത്. എന്നാല്‍ മമ്മൂട്ടിയുടെ ജോഡിയായല്ല കാര്‍ത്തിക എത്തുന്നതെന്നാണ് വാര്‍ത്തകള്‍. ജോയ് മാത്യു ആണ് ചിത്രത്തിന് തിരക്കഥ ഒരുക്കിയിരിക്കുന്നത്.



കൗമാരക്കാരിയായ ഒരു പെണ്‍കുട്ടിയുടെ ജീവിതത്തിലേക്ക് അച്ഛന്‍റെ ഒരു സുഹൃത്ത് എത്തുകയും തുടര്‍ന്നുള്ള തുടര്‍ന്നുള്ള സംഭവ വികാസങ്ങളുമാണ് ചിത്രത്തിന്‍റെ പ്രമേയം. അങ്കിള്‍ എന്ന ടൈറ്റില്‍ വേഷമാണ് മമ്മൂട്ടി ചെയ്യുന്നത്. ആശാ ശരത്, വിനയ് ഫോര്‍ട്ട്, സുരേഷ് കൃഷ്ണ, കൈലാഷ്, ഷീല, നിസാ ജോസഫ്, മുത്തുമണി, ബാബു അന്നൂര്‍ എന്നിവരും ചിത്രത്തിലുണ്ട്. അബ്രാ ഫിലിംസ് ആന്‍ഡ് എസ്.ജെ ഫിലിംസിന്‍റെ ബാനറില്‍ ജോയ് മാത്യുവും സജയ് സെബാസ്റ്റ്യനും ചേര്‍ന്നാണ് ചിത്രം നിര്‍മിക്കുന്നത്. കോഴിക്കോടും ഊട്ടിയുമാണ് ചിത്രത്തിന്‍റെ പ്രധാന ലൊക്കേഷനുകള്‍ അങ്കിളിന്‍റെ ഷൂട്ടിംഗ് ഈ മാസം 24ന് ആരംഭിക്കും.



Dulquer's Heroine Karthika to be part of Mammootty Movie

Actor Dulquer Salmaan's Heroine Karthika Ramachandran to be part of Mammootty Movie named Uncle