'ഞണ്ടുകളുടെ നാട്ടിൽ' 'നനവേറെ' പാടിയതിവരാണ്

'നനവേറെ തന്നിട്ടും മുറ്റത്തെ പൂമൊട്ടിൽ..
പുഞ്ചിരി വിരിയാഞ്ഞതെന്തേ
വെയിൽ വന്നു തലോടീട്ടും
ഭൂമിയെ മൂടുന്ന....
മഞ്ഞല മായാഞ്ഞതെന്തേ....'

ഈ അടുത്ത കാലത്തിറങ്ങിയ സിനിമാ പാട്ടുകളിൽ ഏറെ ശ്രദ്ധേയമായ പാട്ടാണിത്. അൽത്താഫ്-നിവിൻ പോളി ചിത്രം 'ഞണ്ടുകളുടെ നാട്ടിൽ' ഒരിടവേളയിൽ സന്തോഷ് വർമ്മ എഴുതി ജസ്റ്റിൻ വർഗ്ഗീസ് ഈണമിട്ട ഗാനം. ഈ പാട്ട് പാടിയവർക്ക് പക്ഷേ ഇപ്പോഴും വേണ്ടത്ര മാധ്യമശ്രദ്ധ കിട്ടിയിട്ടില്ല. തൈകൂടം ബ്രിഡ്ജ് ടീമിലെ വിപിൻ ലാൽ, ക്രിസ്തീയ ഭക്തിഗാനരംഗത്ത് ശ്രദ്ധേയയായ ടെസ്സ ചവറ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. സോഷ്യൽമീഡിയയിലടക്കം നിരവധി ആരാധകരാണ് ഈ പാട്ടിനുള്ളത്. ഗായകൻ ശ്രീനിവാസ് ഉൾപ്പെടെ ഈ പാട്ടിനെ പുകഴ്ത്തി സോഷ്യൽമീഡിയയിലൂടെ പോസ്റ്റിട്ടിട്ടുണ്ട്.



Nanavere Song singers

Njandukalude Naatil Oridavela, Nanavere Song Video.