അനൂപ് മേനോൻ ഓമനമൃഗങ്ങളെ വളർത്താത്തതിന്‍റെ കാരണം എന്തെന്ന് കേട്ടാൽ അൽപ്പം അമ്പരപ്പുണ്ടാകും. മൃഗങ്ങളെ ഇഷ്ടമില്ലാത്തതുകൊണ്ടല്ല അത്. മറിച്ച് മൃഗങ്ങളോടുള്ള ഇഷ്ടക്കൂടുതൽ കൊണ്ടാണ്. ലോ കോളേജിലെ ദിനങ്ങൾ ഓർത്തെടുത്ത് അനൂപിട്ട ഫേസ്ബുക് പോസ്റ്റിലാണ് ഇക്കാര്യം ചൂണ്ടിക്കാട്ടുന്നത്.
ലോ കോളേജിൽ തിരുവനന്തപുരത്ത് പഠിക്കുമ്പോൾ അനൂപിനൊരു ഓമനപ്പട്ടിയുണ്ടായിരുന്നു. അനൂപിന്‍റെ അടുത്ത കൂട്ടുകാരൻ. എന്നാൽ ഇത് ചത്തപ്പോൾ അനൂപിന് സഹിക്കാനായില്ല. അന്നെടുത്ത തീരുമാനമാണ് ഇനി ഒരു ഓമന മൃഗത്തേയും വളർത്തില്ല എന്ന്. ഒരു മനുഷ്യജീവൻ നഷ്ടപ്പെടുമ്പോഴുണ്ടാകുന്ന അതേ വേദനയാണ് ഒരു മൃഗത്തെ നഷ്ടപ്പെടുമ്പോഴും ഉണ്ടാവുന്നതെന്നും അനൂപ് പറയുന്നു. അച്ഛൻ അയച്ചുകൊടുത്ത പഴയ ഫോട്ടോയ്ക്കൊപ്പമാണ് അനൂപിന്‍റെ പോസ്റ്റ്.
Mobile AppDownload Get Updated News