'മെർസലി'ന്‍റെ തെലുങ്ക് പതിപ്പ് ‘അദിരിന്ദി’: ട്രെയിലര്‍ എത്തി

തീയേറ്ററിലെത്തിയതിന്‍റെ താട്ടുപിന്നാലെ വിവാദങ്ങളും കൂടെ കൂടിയ വിജയ് ചിത്രം 'മെര്‍സലി'ന്‍റെ തെലുങ്ക് പതിപ്പിന്‍റെ ട്രെയിലര്‍ പുറത്ത് വിട്ടു. 'അദിരിന്ദി' എന്ന പേരിലാണ് മെർസലിന്‍റെ തെലുങ്ക് പതിപ്പ് തീയേറ്ററിലെത്തുക. മെര്‍സലിനൊപ്പം തന്നെ അദിരിന്ദിയും റിലീസ് ചെയ്യാനായിരുന്നു തീരുമാനം. എന്നാൽ സെൻസറിങ് താമസിച്ചതിനാലാണ് റിലീസ് നീണ്ടത്. പിന്നീട് ഒക്ടോബർ 27ന് റിലീസ് ചെയ്യാനാണ് പദ്ധതിയിട്ടിരുന്നതെങ്കിലും സെൻസർ ബോർഡിൽ നിന്നുള്ള പ്രദർശനാനുമതി ലഭിക്കാത്തത് മൂലം റിലീസ് വീണ്ടും മാറ്റി വെച്ചിരിക്കുകയാണ്.




ഹിറ്റ് സിനിമകൾ ഒരുക്കിയ യുവ സംവിധായകൻ ആറ്റ്‌ലീ ചിത്രത്തിൽ വിജയ് മൂന്നു വേഷങ്ങളിലാണ് എത്തുന്നത്. ഡോക്ടര്‍, മജീഷ്യന്‍, തമിഴ്‌നാട്ടിലെ സാധാരണക്കാരന്‍ എന്നീ വേഷപ്പകര്‍ച്ചയിലെത്തുന്ന താരത്തിനൊപ്പം നിത്യാമേനോന്‍, സാമന്ത, കാജല്‍ അഗര്‍വാള്‍ എന്നിവര്‍ നായികമാരായെത്തുന്നു. എ ആർ റഹ്മാനാണ് ചിത്രത്തിന് സംഗീതം നിര്‍വ്വഹിച്ചിരിക്കുന്നത്.

Mersal Telugu Version Adhirindhi: Trailer is out

Vijay Movie Mersal's Telugu Version named Adhirindhi: Trailer is out