253 കേന്ദ്രങ്ങളിൽ റിലീസിനെത്തിയ വില്ലൻ ചിത്രത്തിന് 1300 പ്രദർശനങ്ങളാണ് ഉണ്ടായിരുന്നത്. 150 ലധികം ഫാൻസ് ഷോയും അന്‍പതിലധികം സ്പെഷ്യൽ ഷോയും പ്രദർശിപ്പിച്ചതിൽ ഇതുവരെയുള്ളതില്‍ ഭൂരിഭാഗവും ഹൗസ് ഫുള്‍ ആണ്. മുൻപ് ചിത്രത്തിന്‍റെ ടീസര്‍ പുറത്ത് വിട്ടപ്പോഴും മണിക്കൂറുകൾക്കകം തന്നെ ഗ്രേറ്റ്ഫാദറിന്‍റെ റെക്കോര്‍ഡ് കാണികളുടെ എണ്ണത്തെ നിഷ്പ്രയാസമാണ് വില്ലന്‍റെ ടീസര്‍ ഭേദിച്ചത്.
മാടമ്പി എന്ന ചിത്രത്തില്‍ തുടങ്ങിയ മോഹന്‍ലാല്‍ ബി ഉണ്ണികൃഷ്ണന്‍ കൂട്ടുകെട്ടിലെ നാലാമത്തെ ചിത്രമായിരുന്നു വില്ലന്‍. ഗ്രാന്‍ഡ്മാസ്റ്റര്‍, മിസ്റ്റര്‍ ഫ്രോഡ് എന്നിവയായിരുന്നു മറ്റ് ചിത്രങ്ങള്‍. ഇവയില്‍ മാടമ്പിയും ഗ്രാന്‍ഡ്മാസ്റ്ററും ബോക്‌സ് ഓഫീസിൽ വമ്പൻ വിജയം നേടിയിരുന്നു. അതിനാൽ തന്നെ വില്ലനിൽ ആരാധകര്‍ നല്ല പ്രതീക്ഷ പുലര്‍ത്തിയിരുന്നു. റിലീസിന് മുമ്പ് തന്നെ വലിയ പ്രതീക്ഷകള്‍ നല്‍കിയ ചിത്രം മോഹന്‍ലാല്‍ ആരാധകരുടെ നീണ്ട കാത്തിരിപ്പിന് ശേഷമാണ് തീയേറ്ററുകളിലെത്തിയത്.
മോഹന്‍ലാല്‍ നായകാനായി എത്തിയ വില്ലനില്‍ മഞ്ജുവാര്യരാണ് നായിക. തമിഴ് നടൻ വിശാല്‍ വില്ലനായി എത്തുന്ന ചിത്രത്തില്‍ തമിഴ് താരം ഹന്‍സിക, തെലുങ്ക് താരങ്ങളായ ശ്രീകാന്ത്, റാഷി ഖന്ന എന്നിവരും ശ്രദ്ധേയ കഥാപാത്രങ്ങളെ അവതരിപ്പിച്ചിരുന്നു.
Mohanlal movie Villain tops Kerala box office beats mammooty's The Great Father
Mollywood Actor Mohanlal movie Villain tops Kerala box office beats Mega star Mammooty's The Great Father
Mobile AppDownload Get Updated News