'ശിക്കാരിശംഭു' ടീം ചാക്കോച്ചന് നൽകിയ സര്‍പ്രൈസ് പിറന്നാൾ സമ്മാനം

പിറന്നാളിന് ഗംഭീരമായ ഒരു സര്‍പ്രൈസ് സമ്മാനം കിട്ടിയതിന്‍റെ ത്രില്ലിലാണ് മലയാളികളുടെ 'നിത്യഹരിത ചോക്ലേറ്റ് ഹീറോ' ആയ കുഞ്ചാക്കോ ബോബൻ. തന്‍റെ പുതിയ ചിത്രമായ 'ശിക്കാരി ശംഭു' ടീമാണ് ചാക്കോച്ചനെ സര്‍പ്രെസ് നൽകി ഞെട്ടിച്ചത്. ചാക്കോച്ചനായി ചിത്രത്തിന്‍റെ ഒരു ടീസര്‍ പുറത്ത് വിട്ടുകൊണ്ടാണ് ടീം സര്‍പ്രൈസ് ഒരുക്കിയത്.

മീശയും പിരിച്ച് മുണ്ടും മടക്കിക്കുത്തി വരുന്ന ലാലേട്ടന് സമാനമായ ഒരു കിടിലൻ എൻട്രിയാണ് ചാക്കോച്ചന് ടീസറിലുള്ളത്. 'പീലി'പ്പോസ് എന്ന കഥാപാത്രമായാണ് ചാക്കോച്ചൻ ചിത്രത്തിലെത്തുന്നത്. സുഗീത് സംവിധാനം ചെയ്യുന്ന ഈ ചിത്രത്തിൽ വിഷ്ണു ഉണ്ണികൃഷ്ണനും ഹരീഷ് കണാരനും മറ്റു പ്രധാന വേഷങ്ങൾ കൈകാര്യം ചെയ്യുന്നു.




ടീസര്‍ വലിയ സര്‍പ്രൈസായിരുന്നുവെന്ന് കുഞ്ചാക്കോ ബോബൻ ഫേസ്ബുക്കിൽ കുറിച്ചു. 'ശിക്കാരി ശംഭു' ടീം എനിക്കൊരു വിശേഷപ്പെട്ട നിമിഷമാണ് സമ്മാനിച്ചതെന്നും പ്രേക്ഷകര്‍ക്ക് ഈ സിനിമ ഒരു പ്രത്യേക അനുഭവമാകുമെന്ന് പ്രതീക്ഷിക്കാമെന്നും ചാക്കോച്ചൻ കുറിച്ചു.

Kunchacko Boban's Birthday gift from Shikari Shambu movie Team

Kunchacko Boban's Birthday gift from Shikari Shambu upcoming malayalam movie Team