'ആദി'യിൽ പ്രണവ് മോഹൻലാൽ പാടുന്നു

നായകനായി അരങ്ങേറ്റം കുറിക്കുന്ന ചിത്രമായ 'ആദി'യിൽ പ്രണവ് മോഹൻലാൽ ഗായകനാകുന്നു. ജീത്തു ജോസഫ് സംവിധാനം ചെയ്യുന്ന ചിത്രത്തിൽ പാടുക മാത്രമല്ല പാട്ട് എഴുതുന്നതും പ്രണവ് തന്നെയാണ്.

"സംഗീതത്തോട് അതിയായ താത്പര്യമുള്ള യുവാവിന്റെ വേഷമാണ് സിനിമയിൽ പ്രണവ് അവതരിപ്പിക്കുന്നത്. ലൈവ് പെർഫോമെൻസ് നടത്തുന്ന ഒരു സീൻ ചിത്രത്തിലുണ്ട്. അതിനായുള്ള ഇംഗ്ലീഷ് ഗാനം എഴുതാനും പാടാനും തനിക്ക് താത്പര്യമുണ്ടെന്ന് പ്രണവ് എന്നോട് പറയുകയായിരുന്നു." ജീത്തു ടൈംസ് ഓഫ് ഇന്ത്യയോട് പറഞ്ഞു.

പ്രണവ് നല്ലൊരു ഗായകനും ഗിറ്റാറിസ്റ്റുമാണ്. അദ്ദേഹം കൊച്ചിയിൽ എത്തിയതിന് ശേഷം റെക്കോർഡ് ഉണ്ടാകുമെന്ന് ആദിയുടെ സംഗീത സംവിധായകൻ അനിൽ ജോൺസൻ അറിയിച്ചു.

കുറച്ച് ദിവസത്തെ ഷൂട്ട് മാത്രമേ ഇനി ബാക്കിയുള്ളൂ. പോസ്റ്റ് പ്രൊഡക്ഷൻ പണികൾ വേഗം തീർന്നാൽ ജനുവരി അവസാന ആഴ്ചയോടെ ചിത്രം തീയേറ്ററുകളിലെത്തുമെന്ന് ജീത്തു കൂട്ടിച്ചേർത്തു.

Pranav Mohanlal becomes singer for Aadhi

Pranav Mohanlal to sing a retro English track in Aadhi.