ചിത്രത്തിലെ രണ്ടു ഗാനങ്ങൾ പുറത്തിറങ്ങിയതിന് ശേഷവും ചിത്രം റിലീസാകാത്തത് ആരാധകരെ നിരാശരാക്കിയിരുന്നു. ഇതിന്‍റെ സങ്കടം ട്രോളിന്‍റെ രൂപത്തിലാണ് അവര്‍ പറഞ്ഞറിയിച്ചത്. പൂമരം ഗാനത്തിന്‍റെ വാര്‍ഷികാഘോഷത്തിന്‍റെ ചിത്രം കാളിദാസ് ഫേസ്ബുക്കിലൂടെ പങ്കുവെച്ചപ്പോഴും ഇതേ സങ്കടം അവര്‍ ഉയര്‍ത്തിപ്പിടിച്ചു. കൂടാതെ ചിത്രത്തിന് അടിയിൽ സരസമായ ഭാഷയിലൂടെ രസകരമായ കമന്‍റുകളാണ് ചില വിരുതന്മാര്‍ കുറിച്ചത്.
ഫൈസല്‍ റാസി സംഗീത സംവിധാനം ചെയ്ത് ആലപിച്ച ‘ഞാനും ഞാനുമെന്‍റാളും’ എന്ന ഗാനം കേരളക്കരയിൽ നവമാധ്യമങ്ങളിലെന്ന പോലെ തന്നെ പ്രായഭേദമന്യേയുള്ളവരിലും തരംഗം സൃഷ്ടിച്ചിരുന്നു.
ചിത്രത്തിലേതായി പുറത്തിറങ്ങിയ രണ്ടാം ഗാനവും സമ്മിശ്ര പ്രതികരണങ്ങളേറ്റു വാങ്ങി. ക്യാമ്പസ് പശ്ചാത്തലത്തിലൊരുങ്ങുന്ന ചിത്രത്തില്‍ കുഞ്ചാക്കോ ബോബനും മീര ജാസ്മിനുമാണ് പ്രധാന വേഷങ്ങളില്‍ എത്തുന്നത്. ചിത്രം ഡിസമ്പര്‍ 24ന് തീയേറ്ററുകളിലെത്തും.
Mobile AppDownload Get Updated News