കൊല്‍ക്കത്ത ചലച്ചിത്രമേളയിൽ ഡോ. ബിജു മികച്ച സംവിധായകന്‍

കൊല്‍ക്കത്ത: 23ാം കൊല്‍ക്കത്ത ചലച്ചിത്രമേളയിൽ ഡോ. ബിജുവിനെ മികച്ച സംവിധായകനായി തെരഞ്ഞെടുത്തു. സൗണ്ട് ഓഫ് സൈലന്‍സ് എന്ന ചിത്രത്തിനാണ് പുരസ്‌കാരം ലഭിച്ചിരിക്കുന്നത്. ഇന്ത്യന്‍ ചിത്രങ്ങളുടെ മത്സര വിഭാഗത്തില്‍ നിന്നാണ് ചിത്രം പുരസ്‌കാരത്തിന് അര്‍ഹമായിരിക്കുന്നത്. അഞ്ച് ലക്ഷം രൂപയുടെ ബംഗാള്‍ ടൈഗര്‍ പുരസ്‌കാരമാണ് ബിജുവിന് കിട്ടിയിരിക്കുന്നത്.




കൊല്‍ക്കത്തയില്‍ നടന്നത് ചിത്രത്തിന്‍റെ ഇന്ത്യന്‍ പ്രീമിയര്‍ കൂടിയാണ്. മുസ്തഫ ഫറൂഖി, ഇറ്റാലോ സ്പിനെല്ലി, ആഞ്ചെലോ ബയേണി എന്നിവര്‍ അടങ്ങിയ രാജ്യാന്തര ജൂറിയാണ് ഡോ. ബിജുവിനെ പുരസ്കാരത്തിന് അര്‍ഹനായി തെരഞ്ഞെടുത്തത്. മുൻപ് മോണ്‍ട്രിയല്‍ മേളയിലും കസാഖിസ്ഥാന്‍ യുറേഷ്യ ചലച്ചിത്ര മേളകളിലേക്കും സൗണ്ട് ഓഫ് സൈലന്‍സ് പുരസ്കാരങ്ങളും ചിത്രം കരസ്ഥമാക്കിയിട്ടുണ്ട്.

സൗണ്ട് ഓഫ് സയലന്‍സ് ബിജു ഒരുക്കിയിരിക്കുന്ന ആദ്യ ഇതര ഭാഷാ ചലച്ചിത്രമാണ്. ഇംഗ്ലീഷിന് പുറമേ പഹാഡി, ഹിന്ദി, ടിബറ്റൻ എന്നീ ഭാഷകളിലും പുറത്തിറങ്ങും.