കൊല്‍ക്കത്ത: പ്രമുഖ ബംഗാളി സിനിമ-സീരിയല്‍ നടി ഋത കൊയ്‍രാൾ അന്തരിച്ചു. കരള്‍ ക്യാന്‍സറിനെത്തുടര്‍ന്ന് ചികിത്സയിലായിരുന്ന നടി കൊല്‍ക്കത്തയിലെ സ്വകാര്യ ആശുപത്രിയില്‍ വച്ചാണ് അന്ത്യശ്വാസം വലിച്ചത്. 58 വയസായിരുന്നു. ബംഗാളി സിനിമ-സീരിയലുകളിലെ പരിചിതമുഖമായിരുന്ന ഋത കൂടുതലും നെഗറ്റീവ് വേഷങ്ങളിലാണ് എത്തിയിരുന്നത്. ഒരു മകളുണ്ട്. രണ്ട് മാസം മുന്‍പാണ് കരളില്‍ അര്‍ബുദ രോഗം കണ്ടെത്തിയത്. തുടര്‍ന്ന് കീമോതെറാപ്പി ചികിത്സയിലായിരുന്നു. അപര്‍ണ സെന്‍, ഋതുപര്‍ണോ ഘോഷ്, അഞ്ജന്‍ ദത്ത പോലെയുള്ള സംവിധായകരോടൊപ്പം പ്രവര്‍ത്തിച്ചിട്ടുണ്ട്.
Mobile AppDownload Get Updated News