ടോവിനോ തോമസിനെ നായകനാക്കി ആഷിഖ് അബു ഒരുക്കിയ 'മായാനദി'യിലെ ആദ്യ ഗാനം പുറത്തുവിട്ടു. നഗരപശ്ചാത്തലത്തിലാണ് ഈ പ്രണയ ചിത്രം ഒരുക്കിയിരിക്കുന്നത്. ഐശ്വര്യ ലക്ഷ്മിയാണ് നായിക.
ചിത്രത്തിലെ 'ഉയിരിന്‍ നദിയേ' എന്ന് തുടങ്ങുന്ന ഗാനമാണ് ഇപ്പോൾ പുറത്തുവന്നിരിക്കുന്നത്. നേഹ എസ് നായരും റെക്സ് വിജയനും ചേര്‍ന്നാണ് ഗാനം ആലപിച്ചിരിക്കുന്നത്. വിനായക് ശശികുമാറിന്‍റെ വരികള്‍ക്ക് റെക്സ് വിജയന്‍ സംഗീതം നല്‍കിയിരിക്കുന്നു.
റെക്സ് വിജയന്‍റെ സംഗീതശൈലിയെ രാനത്തിൽ സ്പഷ്ടമായി തിരിച്ചറിയാൻ സാധിക്കുമെന്നതാണ് ഈ ഗാനത്തിന്‍റെ ഏറ്റവും വലിയ പ്രത്യേകത. അമല്‍ നീരദിന്‍റെ കഥയ്ക്ക് ശ്യാം പുഷ്കരനും ദിലീഷ് നായരും ചേര്‍ന്നാണ് തിരക്കഥയൊരുക്കിയത്. ഡിസംബര്‍ 22 നാണ് ചിത്രം തീയേറ്ററുകളില്‍ എത്തുക.
Mobile AppDownload Get Updated News