മെഗാസ്റ്റാർ മമ്മൂട്ടിയുടെ കുഞ്ഞനുജത്തിയായി മിയ ജോർജ് എത്തുന്നെന്ന് റിപ്പോര്‍ട്ട്. അജിത് പൂജപ്പുരയുടെ തിരക്കഥയിൽ ശരത് സന്ദിത് സംവിധാനം ചെയ്യുന്ന ചിത്രത്തിലാണ് മിയ മെഗാസ്റ്റാറിന്‍റെ അനുജത്തിയായി എത്തുന്നത്. പരോൾ എന്നാണ് ചിത്രത്തിന് നൽകിയിരിക്കുന്ന പേര്.
ചിത്രത്തിൽ വളരെ പ്രധാന്യമുള്ളതും ഇമോഷണലുമായ കഥാപാത്രമാണ് മിയ അവതരിപ്പിക്കുന്നത്. മമ്മൂട്ടിയുടെ ഭാര്യയായി ഇനിയ എത്തുന്നു. ഇർഷാദ്, സിജോയ് വര്ഗീസ് എന്നിവർ ഇനിയയുടെ സഹോദരന്മാരായും ചിത്രത്തിലുണ്ട്.
തൊടുപുഴയിൽ ചിത്രത്തിന്‍റെ ഷൂട്ടിംഗ് പുരോഗമിക്കുകയാണ്. മുൻപ് മമ്മൂട്ടിക്കൊപ്പം സൂപ്പര്‍ഹിറ്റ് ചിത്രമായ ഗ്രേറ്റ്ഫാദറിൽ മിയ ശക്തമായ ഒരു കഥാപാത്രത്തെ അവതരിപ്പിച്ചിട്ടുണ്ട്. സുരാജ് വെഞ്ഞാറമൂട്, സിദ്ധിഖ് എന്നിവരും ചിത്രത്തിലുണ്ട്.
Mobile AppDownload Get Updated News