ന്യൂഡൽഹി: വിവാദങ്ങൾക്ക് ഒടുവിൽ സഞ്ജയ് ലീല ബൻസാലി ചിത്രം 'പത്മാവതി'ക്ക് പ്രദർശനാനുമതി. ചിത്രം പ്രദർശിപ്പിക്കുന്നതിന് 26 നിബന്ധനകളാണ് സെൻസർ ബോർഡ് മുന്നോട്ട് വെച്ചിരിക്കുന്നത്.
ഉപാധികളോടെ ചിത്രം പ്രദർശിപ്പിക്കാൻ സി ബി എഫ് സിയാണ് അനുമതി നൽകിയത്. സിനിമയുടെ പേര് "പത്മാവത്' എന്നാക്കണമെന്ന് വിദഗ്ധസമിതി നിർദ്ദേശിച്ചു. കൂടാതെ, സിനിമയ്ക്ക് ചരിത്ര സംഭവവുമായി ബന്ധമില്ലെന്ന് രണ്ടു തവണ എഴുതി കാണിക്കണം.
ചിത്രത്തിലെ സതി ആചാരം ഉൾപ്പെടെയുള്ള രംഗങ്ങൾ ഒഴിവാക്കണമെന്നും സമിതി നിർദേശിച്ചിട്ടുണ്ട്. നിർദേശങ്ങൾ എല്ലാം പൂർണമായി പാലിച്ചാൽ ഉടൻ തന്നെ സിനിമയ്ക്കു സർട്ടിഫിക്കറ്റ് നൽകുമെന്നും സമിതി അറിയിച്ചു.
അതേസമയം, സി ബി എഫ് സി നിർദേശങ്ങൾ പാലിക്കുമെന്ന് സംവിധായകൻ സഞ്ജയ് ലീല ബൻസാലി പറഞ്ഞു.
ഫിലിം സർട്ടിഫിക്കേഷൻ ബോർഡ് ആയിരുന്നു വിദഗ്ധ സമിതിയെ നിയമിച്ചത്.
Mobile AppDownload Get Updated News