'ചാലക്കുടിക്കാരൻ ചങ്ങാതി'; ഫസ്റ്റ് ലുക്ക് പോസ്റ്റർ പുറത്തുവിട്ടു

അകാലത്തിൽ അന്തരിച്ച നടൻ കലാഭവൻ മണിയുടെ ജീവിതത്തെ ആസ്പദമാക്കി സംവിധായകൻ വിനയൻ സംവിധാനം ചെയ്യുന്ന ചാലക്കുടിക്കാരൻ ചങ്ങാതിയുടെ ഫസ്റ്റ്ലുക്ക് പുറത്തുവിട്ടു. സ്റ്റേജ് ഷോകളിലൂടെ ശ്രദ്ധേയനായ രാജാമണിയാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്. ഹണിറോസും പുതുമുഖമായ നിഹാരികയുമാണ് ചിത്രത്തിലെ നായികമാർ. അല്ഫാ ഫിലിംസിന്റെ ബാനറില് ഗ്ളാഡ്സ്റ്റണ് യേശുദാസാണ് ചിത്രം നിര്മിക്കുന്നത്. മണിയുടെ വിയോഗത്തിൻ്റെ രണ്ടാം വാർഷികത്തിൻ്റെ ഭാഗമായാണ് ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തു വിട്ടത്.

കുട്ടിക്കാലം മുൽക്കെ തന്നെ കലയോടുള്ള സ്നേഹം മൂലം പ്രകൃതിയിലെ സ്വരങ്ങള് അനുകരിച്ച് ദാരിദ്ര്യം അനുഭവിച്ച് വളര്ന്ന ഒരു യുവാവ് കലാപ്രകടനത്തിന്റെ മികവ് മൂലം അഭ്രപാളിയിലെ മിന്നും താരമായി. ഈ കാലഘട്ടത്തിൽ ആ യുവാവിന്റെ ജീവിതത്തിൽ വന്നു ചേര്ന്ന നേട്ടങ്ങളും കോട്ടങ്ങളും വലിയ നിലയിലേക്കുയര്ന്നിട്ടും നേരിട്ട അവഗണന, തിക്താനുഭവങ്ങള് എല്ലാം സമന്വയിപ്പിച്ചാണ് വിനയൻ സിനിമയുടെ കഥ ഒരുക്കിയിരിക്കുന്നത്.


സലിംകുമാര്, ജനാര്ദനന്, ശിവജി ഗുരുവായൂര്, കോട്ടയം നസീര്, ധര്മ്മജന്, വിഷ്ണു, ജോജു ജോര്ജ്ജ്, ടിനിടോം, കൊച്ചുപ്രേമന്, ശ്രീകുമാര്, കലാഭവന് സിനോജ്, ജയന്, രാജാസാഹിബ്, ചാലി പാലാ, സാജുകൊടിയന്, കെ.എസ്. പ്രസാദ്, കലാഭവന് റഹ്മാന്, ആദിനാട് ശശി, പൊന്നമ്മബാബു എന്നിവരാണ് ചിത്രത്തിൽ അണിനിരക്കുന്ന മറ്റു പ്രധാന താരങ്ങൾ. ഉമ്മര് കാരിക്കാടാണ് ചിത്രത്തിനായി തിരക്കഥയും സംഭാഷണവും ഒരുക്കിയിരിക്കുന്നത്. ഹരിനാരായണന്റെ വരികള്ക്ക് ബിജിബാലാണ് ഈണം പകരുന്നത്.


മണി ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണിത്. ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങിയതിന് പിന്നാലെ ആരാധകരും പ്രതീക്ഷകൾ പങ്കുവെച്ചുതുടങ്ങി. ചിത്രത്തിൻ്റെ പോസ്റ്റർ പങ്കുവെച്ചുകൊണ്ട് മണി ആരാധകൻ ട്വിറ്ററിൽ കുറിച്ചത് ഇങ്ങനെ.