ഗണപതി നായകനാകുന്നു; ചിത്രം 'വള്ളിക്കുടിലിലെ വെള്ളക്കാരന്‍'

'പാലും പഴവും കൈകളിലേന്തി' എന്ന ഗാനമാലപിച്ച് ബാലതാരമായി മലയാളസിനിമയിലേക്ക് എത്തിയ ഗണപതി നായകനാകുന്നു. ഗണപതി മുഖ്യ കഥാപാത്രമായെത്തുന്ന ചിത്രത്തിന് വള്ളിക്കുടിലിലെ വെള്ളക്കാരന്‍ എന്നാണ് പേരിട്ടിരിക്കുന്നത്. കര്‍ഷകനായ ജോസഫ് , മേരി എന്നിവരുടെ കുടുംബത്തിന്‍റെ കഥ പറയുന്ന ചിത്രം ഡഗ്ലസ്സ് ആല്‍ഫ്രഡ് ആണ് സംവിധാനം ചെയ്യുന്നത്. ജോസഫ് എന്ന കഥാപാത്രത്തെ നടൻ ലാൽ അവതരിപ്പിക്കുമ്പോൾ മേരിയെ മുത്തുമണി അവതരിപ്പിക്കുന്നു. ജോസഫിന്‍റെ മകനായ സാം ജോസഫ് എന്ന കഥാപാത്രത്തെയാണ് ഗണപതി അവതരിപ്പിക്കുന്നത്. ഗണപതിയുടെ സഹോദരനായ ടോം ജോസഫ് എന്ന കഥാപാത്രത്തെ ബാലു വര്‍ഗീസ് അവതരിപ്പിക്കുന്നു.

ജോസ് ജോണ്‍, ജിജോ ജസ്റ്റിന്‍, ഡഗ്ലസ്സ് ആല്‍ഫ്രഡ് എന്നിവര്‍ ചേര്‍ന്നാണ് തിരക്കഥ ഒരുക്കുന്നത്. നവിസ് സേവ്യര്‍, സിജു മാത്യു, സജ്ഞിത എസ് കാന്ത് എന്നിവരാണ് ചിത്രം നിര്‍മിക്കുന്നത്. പവി കെ പവനാണ് ചിത്രത്തിനായി ക്യാമറ ചലപ്പിക്കുന്നത്. ദീപക് ദേവാണ് ചിത്രത്തിലെ ഗാനങ്ങൾക്ക് സംഗീത സംവിധാനം നിര്‍വഹിക്കുന്നത്.

ലാൽ ജോസഫിനെ അവതരിപ്പുക്കുമ്പോൾ മേരിയെ മുത്തുമണി അവതരിപ്പിക്കുന്നു. ജോസഫിന്‍റെ മകനായ സാം ജോസഫ് എന്ന കഥാപാത്രത്തെയാണ് ഗണപതി അവതരിപ്പിക്കുന്നത്. ഗണപതിയുടെ സഹോദരനായ ടോം ജോസഫ് എന്ന കഥാപാത്രത്തെ ബാലു വര്‍ഗീസ് അവതരിപ്പിക്കുന്നു.