ഒരുപാട് സന്തോഷമുണ്ടെന്നായിരുന്നു മികച്ച സഹനടനായി തെരഞ്ഞെടുക്കപ്പെട്ട ഫഹദ് ഫാസിലിന്‍റെ പ്രതികരണം. എന്‍റെ ടേസ്റ്റിന് അനുസരിച്ചുള്ള സിനിമ ചെയ്‍താല്‍ ആളുകള്‍ കാണുമോ എന്നതായിരുന്നു ആദ്യത്തെ പേടി. ഇതൊരു ഭാഗ്യമായി കാണുന്നു. ഫഹദ് പറഞ്ഞു.
തൊണ്ടിമുതലും ദൃക്സാക്ഷിയുമാണ് ഫഹദിനെ മികച്ച സഹനടനാക്കിയത്
മികച്ച സംവിധായകനുള്ള പുരസ്‍കാരം ജയരാജ് ആണ് നേടിയത്. 'പറയാന്‍ വാക്കുകളില്ല.' ജയരാജ് പ്രതികരിച്ചു.
"രണ്ടാം ലോകമഹായുദ്ധത്തിന് കുട്ടനാട്ടില്‍ നിന്ന് പോയ നൂറു കണക്കിന് ആളുകളുടെ കൂലിപ്പട്ടാളം ഉണ്ട്. അവരെക്കുറിച്ച് ആര്‍ക്കും അറിയില്ല. ഈ അവാര്‍ഡ് അവര്‍ക്ക് സമര്‍പ്പിക്കുന്നു."കളിയാട്ടത്തിന് ശേഷം അവാര്‍ഡ് സ്വന്തമാക്കിയ സംവിധായകന്‍ പറഞ്ഞു.
അവാര്‍ഡ് ഉത്തരവാദിത്തത്തെക്കുറിച്ച് ഓര്‍മ്മിപ്പിച്ചുവെന്ന് ദിലീഷ് പോത്തന്‍ പറഞ്ഞു.
"സന്തോഷം. കഴിഞ്ഞ തവണയും അവാര്‍ഡ് കിട്ടി. ഇത് ഉത്തരവാദിത്തം ഉണ്ടാക്കുന്നുണ്ട്. നന്നായി സിനിമ ചെയ്യാനുള്ള പ്രചോദനമാണിത്" അദ്ദേഹം പറഞ്ഞു.
ടേക് ഓഫ് അന്താരാഷ്ട്ര തലത്തില്‍ ശ്രദ്ധിക്കപ്പെടണമെന്ന് സിനിമ മേഖലയില്‍ ഉള്ളവര്‍ ആഗ്രഹിച്ചിരുന്നുവെന്ന് പാര്‍വതി പ്രതികരിച്ചു. അത്തരത്തിലൊരു സിനിമയാകാന്‍ ടേക് ഓഫിന് കഴിഞ്ഞു. ടേക് ഓഫ് സംഘത്തിന് അവാര്‍ഡ് സമര്‍പ്പിക്കുന്നു. അവര്‍ മാധ്യമങ്ങളോട് പറഞ്ഞു.
Mobile AppDownload Get Updated News