മണ്‍മറഞ്ഞ വിഖ്യാത ചിത്രകാരി ടി.കെ.പത്മിനിയുടെ ജീവിതം സിനിമയാകുന്നു. യുവകഥാകൃത്തുക്കളില്‍ ശ്രദ്ധേയനായ സുസ്‌മേഷ് ചന്ത്രോത്താണ് സംവിധായകൻ. ചിത്രത്തില്‍ അനുമോളാണ് നായിക.
'പത്മിനി' എന്നുതന്നെയാണ് സിനിമയുടെ പേര്. കേരളത്തിലും ചെന്നൈയിലുമായി ചിത്രീകരണം പൂര്‍ത്തിയാക്കിയ സിനിമ അടുത്ത മാസം തീയേറ്ററുകളിലെത്തും. ഒരു മിന്നല്‍പ്പിണര്‍ പോലെ തിളങ്ങിപ്പൊലിഞ്ഞ പ്രതിഭയായിരുന്നു ടി. കെ. പത്മിനി. ചിത്രകലാനിരൂപകരും പത്രമാധ്യമങ്ങളും അറുപതുകളില്‍ ഉയര്‍ത്തിക്കാട്ടിയ അതുല്യപ്രതിഭയായിരുന്നു ടി.കെ പത്മിനി. ടി.കെ.പത്മിനി മെമ്മോറിയല്‍ ട്രസ്റ്റിന്റെ ബാനറില്‍ ടി.കെ.ഗോപാലന്‍ നിര്‍മ്മിക്കുന്ന ചിത്രത്തിന്റെ രചനയും സുസ്‌മേഷിന്റേതാണ്.
Mobile AppDownload Get Updated News