'അവരുടെ രാവുകള്‍' എന്ന ചിത്രത്തിന്റെ ഷൂട്ടിങ് വേളയിലാണു സംഭവം. മുന്‍പു ചെയ്ത കഥാപാത്രങ്ങളില്‍ നിന്നെല്ലാം ഏറെ വ്യത്യസ്തമായ ഗെറ്റപ്പിലാണ് ചിത്രത്തില്‍ താരം എത്തുന്നത്. മൊത്തം മൂന്നു ഗെറ്റപ്പാണ് ഉണ്ണിക്ക്. ചിത്രത്തില്‍ കാണുന്ന ലുക്കില്‍ എറണാകുളം സൗത്ത് കെഎസ്‍ആര്‍ടിസി ബസ് സ്റ്റാന്‍ഡില്‍ നടന്ന ഷൂട്ടിങ് കാണാന്‍ ഒരുപാടുപേര്‍ ഉണ്ടായിരുന്നു.
എന്നാല്‍ നടൻ ഉണ്ണി മുകുന്ദനാണെന്നു പലര്‍ക്കും മനസിലായില്ല. മങ്കിപ്പെന്‍ എന്ന ചിത്രത്തിന്റെ സംവിധായകരായ റോജിന്‍, ഷാനില്‍ എന്നിവരിലെ ഷാനില്‍ മുഹമ്മദ് സ്വതന്ത്ര സംവിധായകനാകുന്ന 'അവരുടെ രാവുകളുടെ' തിരക്കഥയും ഷാനിലിന്റേതാണ്. ആസിഫ് അലി, ഉണ്ണി മുകുന്ദന്‍, വിനയ് ഫോര്‍ട്ട്, അജു വര്‍ഗീസ് എന്നിവരാണ് പ്രധാന താരങ്ങള്‍. വിഷ്ണുനാരായണന്‍ ഛായാഗ്രഹണവും പ്രജീഷ് പ്രകാശ് എഡിറ്റിങ്ങും നിര്‍വഹിക്കുന്നു. ചിത്രം അടുത്ത മാസം തിയറ്ററുകളിലെത്തും.
Mobile AppDownload Get Updated News