റായ്‍പൂര്‍: ബോളിവുഡ് സൂപ്പര്‍സ്റ്റാര്‍ സല്‍മാന്‍ ഖാനെതിരെ സെലിബ്രിറ്റി ഹെയര്‍സ്റ്റൈലിസ്റ്റും 'ബിഗ് ബോസ് ഷോ'യുടെ ആറാം സീസണിലെ മത്സരാര്‍ത്ഥിയുമായ സപ്ന ഭവ്‍നാനി രംഗത്ത്. സല്‍മാന്‍ ഖാന്‍ ചില സിനിമകളില്‍ നൃത്തം ചെയ്യുന്നത് കുരങ്ങിനെ പോലെയാണെന്നും സ്ത്രീകളെ അപമാനിക്കുന്ന സല്‍മാന്‍ മെയില്‍ ഷോവ്‌നിസ്റ്റായ പന്നിയാണെന്നും സപ്ന പരിഹസിച്ചു. ജനങ്ങളെ ചൂഷണം ചെയ്യുന്ന സല്‍മാന്‍ ഖാനെ ചിലര്‍ ആരാധിക്കുന്നത് അവര്‍ക്ക് ജോലി വേണമെന്നതിനാലാണെന്നും സപ്ന ആരോപിച്ചു.
'ബിഗ് ബോസ് ഷോ'ക്കിടെയും ശേഷവും സല്‍മാനെതിരെ നിരന്തരം വിമര്‍ശനങ്ങളും ആരോപണവും ഉന്നയിക്കുന്ന സ്പന ബാന്ദ്രയില്‍ മാഡ് ഓ വാട്ട് എന്ന പേരില്‍ ഹെയര്‍ സലൂണ്‍ നടത്തുകയാണ്. സ്ത്രീകളെ കുറിച്ച് സല്‍മാന്‍ അടുത്തിടെ നടത്തിയ പരാമര്‍ശം വിവാദമായപ്പോഴും സപ്ന രൂക്ഷമായ പ്രതികരണവുമായി രംഗത്ത് എത്തിയിരുന്നു.
Mobile AppDownload Get Updated News