Malayalam Samayam

മലയാളത്തിലെ മുൻനിര യുവ നായക നടന്മാരിൽ ഒരാളായ ആസിഫ് അലി നായകനാകുന്ന പുതിയ ചിത്രമായ 'കെട്ട്യോളാണ് എൻ്റ മാലാഖ'യുടെ ഫസ്റ്റ് ലുക്ക് മോഷൻ പോസ്റ്റര്‍ പുറത്തിറങ്ങി. മാജിക് ഫ്രെയിംസിന്റെ ബാനറിൽ ജസ്റ്റിൻ സ്റ്റീഫനും, വിച്ചു ബാലമുരളിയും ചേർന്നു നിർമ്മിക്കുന്ന ചിത്രം സംവിധാനം ചെയ്യുന്നത് നവാഗതനായ നിസ്സാം ബഷീറാണ്. വിജയ് സൂപ്പറും പൗര്‍ണമിയും, ഉയരെ, വൈറസ് എന്നീ ചിത്രങ്ങളാണ് ഈ വര്‍ഷം ആസിഫിൻ്റേതായി പുറത്തിറങ്ങാനൊരുങ്ങുന്ന ചിത്രമാണിത്. ഈ വര്‍ഷം പുറത്തിറങ്ങിയ മൂന്ന് ചിത്രങ്ങളിലും ആസിഫിൻ്റെ പ്രകടനം ഏറെ മികച്ചതായിരുന്നു.

മലമുകളിൽ നിന്ന് താഴെ കാണുന്ന ഒരു പള്ളിയാണ് മോഷൻപോസ്റ്ററിൽ ആദ്യം കാണിക്കുന്നത്. ശേഷം ക്യാമറ മുകളിലേക്ക് എത്തുമ്പോള്‍ ആസിഫ് അലിയുടെ കഥാപാത്രം ചൂളമടിക്കുന്നതായാണ് കാണിച്ചിരിക്കുന്നത്. വേറിട്ട ലുക്കിലാണ് താരം മോഷൻ പോസ്റ്ററിൽ. കാട്ടിൽ നിന്നും തേൻ ശേഖരിക്കുന്ന ആളാണ് കഥാപാത്രമെന്ന് തോന്നിക്കുന്ന തരത്തിലുള്ളതാണ് താരത്തിന്‍റെ ലുക്ക്. തമിഴ് ചിത്രം തൊട്രാ, മലയാള ചിത്രം കടംകഥ എന്നീ ചിത്രങ്ങളിൽ അഭിനയിച്ച വീണ നന്ദകുമാറാണ് ചിത്രത്തിലെ നായിക. സംവിധായകൻ ബേസിൽ ജോസഫ് ചിത്രത്തിൽ ഒരു മുഖ്യ കഥാപാത്രത്തെ അവതരിപ്പിക്കുന്നുമുണ്ട്. അതിനിടെ ആസിഫ് അലി നടത്തിയ ഒരു വെളിപ്പെടുത്തൽ ആരാധകര്‍ ഏറ്റെടുത്തിരിക്കുകയാണ് ഇപ്പോൾ. സിനിമ പാക്കപ്പ് ആകുമ്പോള്‍ ഇപ്പോഴും ഞാന്‍ കരയാറുണ്ടെന്നാണ് നടൻ ഇപ്പോൾ പറഞ്ഞിരിക്കുന്നത്. താൻ അത്രത്തോളം അറ്റാച്ച്മെൻ്റിൻ്റെ ആളാണെന്നും ആസിഫ് പറഞ്ഞു. ഏഷ്യാവില്ലെ മലയാളം യൂട്യൂബ് ചാനലുമായുള്ള അഭിമുഖത്തിലാണ് ആസിഫ് ഇക്കാര്യം വെളിപ്പെടുത്തിയിരിക്കുന്നത്.

10 വര്‍ഷം കൊണ്ട് 60 ല്‍ പരം ചിത്രങ്ങളിലാണ് താരം അഭിനയിച്ചത്. തനിക്ക് ചുറ്റും എപ്പോഴും സിനിമ വേണമെന്നതാണ് തൻ്റെ ആഗ്രഹമെന്നും സിനിമയുടെ എല്ലാ മേഖലകളിലും തൻ്റെ സാന്നിധ്യം വേണമെന്നും ആഗ്രഹിക്കാറുണ്ടെന്നും താരം പറഞ്ഞു. ഇപ്പോഴും സിനിമയില്‍ ചാന്‍സ് ചോദിക്കുന്ന ആളാണ് താനെന്നും ആസിഫ് വ്യക്തമാക്കി. രാജീവ് രവിയോടാണ് അവസാനമായി സിനിമയില്‍ ചാന്‍സ് ചോദിച്ചതെന്നും ആ സിനിമ ഉടന്‍ തുടങ്ങുമെന്നും ആസിഫ് വെളിപ്പെടുത്തിയിട്ടുണ്ട്.

ആസിഫ് അലിയുടെ വാക്കുകൾ ഇങ്ങനെയാണ് :

"ഇപ്പോഴും ഒരു സിനിമ പാക്കപ്പ് ആകുമ്പോള്‍ ഞാന്‍ കരയാറുണ്ട്. അത്രയധികം ഞാനെന്‍റെ സിനിമകളോട് അറ്റാച്ച്ഡാണ്. ഷൂട്ട് എപ്പോഴും ക്യാമ്പ് ചെയ്ത് നടത്തണമെന്ന് പറയാറുള്ളയാളാണ് ഞാന്‍. എല്ലാവരും ഒന്നിച്ച് താമസിക്കുക, യാത്ര ചെയ്യുക ഇതെല്ലാം സിനിമയെന്ന ഫൈനല്‍ പ്രൊഡക്ടില്‍ പ്രതിഫലിക്കുമെന്നാണ് എന്‍റെ വിശ്വാസം."

ആസിഫ് അലിയുടേതായി ഉടൻ തീയേറ്ററുകളിലെത്താനൊരുങ്ങുന്നത് ‘കക്ഷി: അമ്മിണിപ്പിള്ള’യാണ്. അടുത്തിടെ പുറത്തിറങ്ങിയ ഉയരെയിലും കഴിഞ്ഞ ദിവസം പുറത്തിറങ്ങിയ വൈറസിലും ആസിഫ് അവതരിപ്പിച്ച വേഷങ്ങൾ അത്രമേൽ പ്രശംസനീയമായിരുന്നു. ആസിഫ് നായകനായി അണിയറയിൽ ഒരുങ്ങുന്നത് അണ്ടര്‍വേൾഡ് എന്ന ചിത്രവും പറന്ന് പറന്ന് എന്ന ചിത്രവുമാണ്. രാജീവ് രവി ഒരുക്കുന്ന പുതിയ ചിത്രത്തിലും ആസിഫ് മുഖ്യ കഥാപാത്രത്തെ അവതരിപ്പിക്കുന്നുമുണ്ട്.

Mobile AppDownload Get Updated News

മലയാളത്തിന്‍റെ സ്വന്തം ദുല്‍ഖര്‍ സല്‍മാന്‍റെ ജന്മദിനമാണിന്ന്. ഡിക്യു നായകനാകുന്ന 25ാമത്തെ സിനിമയാണ് കണ്ണും കണ്ണും കൊള്ളയടിത്താൽ എന്ന തമിഴ് ചിത്രം. ഓകെ കണ്‍മണി എന്ന മണിരത്നം ചിത്രത്തിലൂടെ തമിഴിലും പ്രിയതാരമായ ദുല്‍ഖറിന്‍റെ ഈ ചിത്രം ഒരുക്കുന്നത് പ്രശസ്ത തമിഴ് സംവിധായകനായ ദേസിങ് പെരിയസ്വാമിയാണ്.

ദുൽഖറിന് പിറന്നാള്‍ സമ്മാനമായി ചിത്രത്തിന്‍റെ ട്രെയിലർ അണിയറ പ്രവർത്തകർ ഇന്ന് പുറത്തുവിട്ടിരിക്കുകയാണ്. സിദ്ധാർത്ഥ് എന്ന കഥാപാത്രമായാണ് ചിത്രത്തിൽ ദുൽഖർ എത്തുന്നത്. ഒരു മാസ്സ് എനർജറ്റിഖ്ഖ് ഹീറോയ്ക്ക് വേണ്ട എല്ലാ ചേരുവകളും ദുൽഖറിന്‍റെ കഥാപാത്രത്തിന് ഉണ്ടാകുമെന്ന് സംവിധായകൻ മുമ്പ് വെളിപ്പെടുത്തിയിരുന്നതിനോട് ചേരുന്ന പ്രകടനം തന്നെയാണ് ഡിക്യു സിനിമയിൽ ചെയ്തിട്ടുള്ളതെന്ന് ട്രെയിലർ ഉറപ്പുതരുന്നുണ്ട്.

70422625

തെന്നിന്ത്യൻ സുന്ദരി ഋതു വർമയാണ് ചിത്രത്തിൽ ദുൽഖറിന്‍റെ നായികയായെത്തുന്നത്. വിജയ് ദേവരക്കൊണ്ടയുടെ ഹിറ്റ് ചിത്രം പീലി ചുപ്പുലുവിലൂടെ തെന്നിന്ത്യയുടെ പ്രിയതാരമായി മാറിയ സുന്ദരിയാണ് ഋതു. കെ.എം ഭാസ്കറാണ് ചിത്രത്തിന് ഛായാഗ്രാഹണം നിര്‍വ്വഹിച്ചിരിക്കുന്നത്. ചിത്രത്തിൽ പ്രശസ്ത സംവിധായകനായ ഗൗതം വാസുദേവ മേനോൻ വില്ലൻ വേഷത്തിലെത്തുന്നുണ്ടെന്നും ട്രെയിലർ സൂചന തരുന്നുണ്ട്.

തങ്ങളുടെ പ്രിയപ്പെട്ട കുഞ്ഞിക്കയുടെ ജന്മദിനത്തിൽ അദ്ദേഹത്തിന് ആശംസകളുമായി നിരവധി മലയാള താരങ്ങള്‍ രംഗത്തെത്തിയിട്ടിട്ടുണ്ട്. കുഞ്ചാക്കോ ബോബൻ, സൗബിൻ ഷാഹിര്‍, അനു സിതാര, സംയുക്ത മേനോൻ, ആന്‍റണി വര്‍ഗ്ഗീസ്, ഉണ്ണി മുകുന്ദൻ, ഗോകുൽ സുരേഷ്, പേളി മാണി, സണ്ണി വെയ്ൻ, ഷെയ്ൻ നിഗം, അപ്പാനി ശരത്ത് തുടങ്ങി നിരവധി പേരാണ് ദുൽഖറിന് ആശംസകളുമായി വന്നിരിക്കുന്നത്.

‘വായ് മൂടി പേസലാം’, ‘സംസാരം ആരോഗ്യത്തിനു ഹാനികരം’, ‘ഓകെ കൺമണി, മണിരത്നം,‘മഹാനടി’,
‘കർവാൻ’ എന്നീ ചിത്രങ്ങളാണ് മലയാളത്തിന് പുറത്ത് ദുൽഖര്‍ അഭിനയിച്ചത്. ദുൽഖർ ആദ്യമായി നിർമ്മാണ മേഖലയിലേക്കും ഈ വര്‍ഷം കടക്കുന്നുണ്ട്. ചിത്രത്തിൽ ഗ്രിഗറി ജേക്കബും അർജുൻ അശോകനുമാണ് നായകൻ. നവാഗതനായ ഷംസു സൈബയാണ് സംവിധാനം. ചിത്രത്തിൽ നിഖില വിമൽ, അനുപമ പരമേശ്വരൻ, അനു സിതാര എന്നിവർ നായികമാരായി എത്തുന്നുണ്ട് എന്നാണ് സൂചന.

മി.ഡിക്യു ബ്രോ, ദ കൂളസ്റ്റ് ഡൂഡ് ഇൻ ടൗൺ, ഡിക്യൂവിന് ഏറെ സന്തോഷം നിറഞ്ഞ ജന്മദിനാശംസകള്‍ എന്നാണ് നടൻ കുഞ്ചാക്കോ ബോബന്‍റെ ആശംസ. പറവയിൽ നിന്നുള്ളൊരു ചിത്രം പങ്കുവെച്ച് എന്‍റെ പ്രിയപ്പെട്ട നടന് കുഞ്ഞിക്കയ്ക്ക് ജന്മദിനാശംസ എന്നാണ് ഷെയ്ൻ നിഗം ആസംസകള്‍ നേര്‍ന്നിരിക്കുന്നത്. ഹാപ്പി ബെര്‍ത്ത് ഡേ മച്ചാനേ ഐ ലവ് യൂ എന്നാണ് സൗബിന്‍റെ ആശംസ. ദുൽഖര്‍ അഭിനയിച്ച ചിത്രങ്ങളെല്ലാം ചേര്‍ത്തുവെച്ച ചിത്രം പങ്കുവെച്ചാണ് പേളിമാണി ആശംസ നേര്‍ന്നിരിക്കുന്നത്. ഹാപ്പി ബെര്‍ത്ത്ഡേ ബ്രദര്‍, വിഷ് യു ഗുഡ് ലക്ക് ആൻഡ് ലോഡ്സ് ഓഫ് ഹാപ്പിനെസ്സ് എന്നാണ് ഉണ്ണിമുകുന്ദന്‍റെ ആശംസ. ഊബർ കൂള്‍ ഡാഷിംഗ് സൂപ്പര്‍ സ്റ്റാര്‍ ദുൽഖര്‍ സൽമാൻ, ഉയരങ്ങളിലേക്കു പോകൂ ചാലുക്കാ എന്നാണ് ഗോകുലിന്‍റെ ആശംസ.

Mobile AppDownload Get Updated News

സൂപ്പർ താരങ്ങളുടെ ഫാൻസുകൾ തമ്മിലുള്ള വയലൻസ് 'ഇതാദ്യമല്ല'. സൈബറിടങ്ങളിലെ പോരാട്ടങ്ങൾ ഭേദിച്ച് പുറത്തേക്ക് പോകാറുമുണ്ട്. എന്നാൽ വ്യാജ മരണവാർത്തകൾ സൃഷ്ടിച്ച് പ്രതികാരം തീർത്തിരിക്കുകയാണ് ട്വിറ്ററിൽ ഒരു കൂട്ടം ആരാധകർ. RIPactorVijay എന്ന് ആദ്യം കണ്ടാൽ ആദ്യമൊന്ന് പരിഭ്രമിക്കും.

Can anyone explain me why this is trending? #RIPactorVIJAY
— Sam (@Sam_Milano) 1564345174000

തല ഫാൻസ് ഇളയദളപതി ഫാൻസിനോട് ചെയ്ത പ്രതികാരമാണിതെന്നാണ് റിപ്പോർട്ടുകൾ പറയുന്നത്.

@actorvijay after seeing this tag #RIPactorVIJAY https://t.co/BKkhAhp3wJ
— KRISH THALA (@krishthala123) 1564364902000

#RIPactorVIJAY ട്വിറ്ററിൽ ട്രെൻഡ് ആവുകയാണ്. ഇത്തരത്തിൽ നടൻ വിജയുടെ ചിത്രങ്ങളും സിനിമകളും കൂട്ടിയിണക്കി 50,000 ത്തോളം ട്വീറ്റാണ് ഹാഷ് ടാഗിൽ പ്രത്യക്ഷപ്പെട്ടത്. ട്രോൾ ആണോ സത്യമാണോ എന്നറിയാതെ പലരും കുഴങ്ങുകയാണ്. ഇതിൻ്റെ തുടക്കം ഇങ്ങനെയാണ്.

We have a class...we are fans of a distinguished Gentleman..don't trend #RIPactorVIJAY
— Nagarjun Surya Nayak (@khal_naik) 1564335611000

ലക്ഷക്കണക്കിന് ആരാധകരുള്ള തല അജിത്തിൻ്റെ പുതിയ ചിത്രം 'നേർക്കൊണ്ട പാർവൈ' ആഗസ്റ്റ് 8ന് റിലീസിന് തയ്യാറെടുക്കുകയാണ്. ദീപാവലി റിലീസായി വിജയ് യുടെ ബിജിൽ എന്ന ചിത്രവും എത്തും. തല ഫാൻസ് #August8_Padikattu, അതായാത് ശവത്തിന് തുല്യം എന്ന് അർത്ഥം ഉളവാക്കുന്ന രീതിയിലുള്ള ട്വീറ്റ് ട്രെൻഡ് ആക്കിയിരുന്നു.

Now, trending in India at no.22 #RIPactorVIJAY https://t.co/HjamCtgW1D
— Kishore (@kishore63835) 1564338674000

ഇതിന് പ്രതികാരമായി എന്തായാലും വെറുതേ വിടില്ല എന്ന മട്ടിൽ തല ഫാൻസ് കച്ച കെട്ടിയിറിങ്ങിയിരിക്കുകാണ് എന്നതിന് തെളിവാണ് പുതിയ ഹാഷ് ടാഗ്ട്രെൻഡിംഗ്. എന്നാൽ ഇത്തരം കാര്യങ്ങൾ തമിഴകത്തെ നാണം കെടുത്തുന്നുവെന്ന് വിമർശനങ്ങളും ഉയരുന്നുണ്ട്

@ashwinravi99 This is ridiculous & disgusting. Ashamed of these ppl. Nowadays ppl doesn't have an idea what to tre… https://t.co/IMQrQPo5mQ
— Magesh (@magitwitt) 1564376838000

Mobile AppDownload Get Updated News

യാഷ് നായകനായി പുറത്തിറങ്ങിയ 'കെജിഎഫ്' എന്ന ബഹുഭാഷാ ചിത്രം ഏറെ ശ്രദ്ധ നേടിയിരുന്നു. ചിത്രം ഹിറ്റായതോടെ കെജിഎഫിൻ്റെ രണ്ടാം പതിപ്പും പ്രഖ്യാപിച്ചിരുന്നു. ചിത്രത്തിലെ ഒരു സര്‍പ്രൈസ് പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍ ഇപ്പോൾ. ചിത്രത്തിൽ വില്ലനായെത്തുന്നത് ബോളിവുഡ് താരം സഞ്ജയ് ദത്താണ്. കെജിഎഫ് ചാപ്റ്റര്‍ 2 എന്ന് പേരിട്ടിരിക്കുന്ന ചിത്രത്തിൽ വില്ലൻ അധീരനായി എത്തുന്ന താരത്തിന് പിറന്നാൾ സമ്മാനമായാണ് അണിയറപ്രവര്‍ത്തകര്‍ ഫസ്റ്റ് ലുക്ക് പോസ്റ്റര്‍ പുറത്ത് വിട്ടിരിക്കുന്നത്. സഞ്ജയ് ദത്തിൻ്റെ അറുപതാം പിറന്നാളാണ് ഇന്ന്.

Also Read:

പേളി മാണി ബോളിവുഡിലേക്ക്; തുടക്കം അഭിഷേക് ബച്ചനും ആദിത്യ റോയ് കപൂറിനുമൊപ്പം

പാതി മുഖം മറച്ച താരത്തിൻ്റെ സ്കെച്ച് ചെയ്ത ചിത്രമാണ് കെജിഎഫ് 2 ഫസ്റ്റ് ലുക്ക് പോസ്റ്ററായി പുറത്ത് വിട്ടിരിക്കുന്നത്. ചിത്രത്തിൻ്റെ ആദ്യഭാഗം ഇന്ത്യൻ ബോക്സ്ഓഫീസിൽ പുതിയ ചരിത്രം തന്നെയാണ് സൃഷ്ടിച്ചത്. 2018 ഡിസംബർ 21നാണ് കെജിഎഫിന്‍റെ ആദ്യ ഭാഗം ഇന്ത്യയിൽ തീയേറ്ററുകളിലെത്തിയത്. പ്രശാന്ത് നീലാണ് ചിത്രത്തിന് തിരക്കഥയെഴുതി സംവിധാനം ചെയ്തത്. സാൻഡൽവുഡിലെ തന്നെ ഏറ്റവും ചെലവു കൂടിയ ചിത്രമായിരുന്നു കെജിഎഫ്. ചിത്രം 50 കോടി മുതൽ മുടക്കിലായിരുന്നു നിർമിച്ചിരുന്നത്. രണ്ടാഴ്ച കൊണ്ടാണ് ചിത്രം നൂറുകോടി രൂപ കളക്ഷൻ സ്വന്തമാക്കിയത്. കോലാറിൻ്റെ സ്വർണഖനിയുടെ പശ്ചാത്തലത്തിൽ റോക്കി എന്ന അധോലോക നായകൻ്റെ കഥയായിരുന്നു പ്രമേയം.

Also Read: ദുൽഖറിന് പിറന്നാൾ സമ്മാനമായി'കണ്ണും കണ്ണും കൊള്ളയടിത്താൽ'ട്രെയിലർ

സഞ്ജയ് ദത്ത് കന്നഡ ചിത്രത്തിൽ വില്ലനായി പ്രത്യക്ഷപ്പെടുന്നതോടെ കെജിഎഫ് ചാപ്റ്റര്‍ 2ന് ബോളിവുഡിലും ഏറെ ശ്രദ്ധയാകര്‍ഷിക്കുകയും ഇതുമൂലം ചിത്രത്തിൻ്റെ വിപണി മൂല്യം ഉയരുകയും ചെയ്യും. ആദ്യഭാഗത്തിൽ യാഷ് ഗംഭീര പ്രകടനമാണ് ചിത്രത്തിൽ കാഴ്ച വെച്ചത്. ഇത് ചിത്രത്തിൻ്റെ വമ്പൻ കളക്ഷൻ തുകയ്ക്ക് വലിയ കാരണമായെന്ന് പ്രേക്ഷകര്‍ സമ്മതിക്കുന്നുണ്ട്. പുറത്തിറങ്ങിയ എല്ലാഭാഷകളിലും ചിത്രം ഒരുപോലെ ഏറെ സ്വീകരിക്കപ്പെട്ടിരുന്നു എന്നതും ശ്രദ്ധേയമാണ്.

Presenting #MotherOfAllCollisions @duttsanjay as #Adheera. Wishing you a very Happy Birthday Sir.… https://t.co/gfjYJOCCDA
— Hombale Films (@hombalefilms) 1564374841000

കന്നഡയിൽ നിന്നും ആദ്യമായാണ് ഒരു ബഹുഭാഷാ ചിത്രം എത്തിയത്. എന്നാൽ അത്രത്തോളം പെർഫെക്ഷനോടെ ഒരുക്കിയ ചിത്രമാണെന്ന ആത്മവിശ്വാസത്തിൽ തന്നെയാണ് കന്നഡനാട്തിൽ നിന്ന് ചിത്രം അതിർത്തികൾ കടന്നെത്തിയത്. അത് സാൻഡൽ വുഡിന് ഏറെ അഭിമാനമാി മാറുകയായിരുന്നു. സാന്‍ഡല്‍വുഡിലെ റോക്കിങ് സൂപ്പര്‍സ്റ്റാര്‍ യാഷിൻ്റെ പ്രകടനം അത്രമേൽ മികച്ചത് തന്നെയായിരുന്നു.

Also Read: മിയാമി ബീച്ചിൽ പ്രണയസല്ലാപങ്ങളുമായി പ്രിയങ്കയും നിക്കും

ചിത്രം റിലീസ് ചെയ്ത് രണ്ടാഴ്ചയ്ക്കുള്ളിൽ 100 കോടി രൂപ കളക്ഷൻ തുക സ്വന്തമാക്കിയതിലൂടെ കെജിഎഫ് തകര്‍ത്തത് ഇക്കാര്യത്തിൽ ബാഹുബലി സൃഷ്ടിച്ചിരുന്ന റെക്കോര്‍ഡാണ്. അങ്ങനെ കന്നഡയിൽ നിന്നും ആദ്യമായി നൂറുകോടി ക്ലബ്ബിലെത്തിയ ചിത്രമായി കെജിഎഫ് മാറി. കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളിലാണ് ചിത്രം തീയേറ്ററുകളിലെത്തിയത്. ഹിന്ദിയിൽ നിന്നും ചിത്രം സ്വന്തമാക്കിയത് 70 കോടിയും തെലുങ്കിൽ നിന്നും ചിത്രം സ്വന്തമാക്കിയത് 15 കോടിയുമായിരുന്നു. കെജിഎഫ് ആകെ സ്വന്തമാക്കിയ കളക്ഷൻ തുക 225 കോടി രൂപയായിരുന്നു.

ആദ്യഭാഗത്തിൻ്റെ ക്ലൈമാക്സിൽ രണ്ടാംഭാഗത്തിനുള്ള സാധ്യത ഒളിപ്പിച്ചായിരുന്നു അവസാനിച്ചിരുന്നത്. ചിത്രം വമ്പൻ ഹിറ്റായതോടെ രണ്ടാം ഭാഗം അണിയറപ്രവർത്തകർ വളരെ സന്തോഷത്തോടെ ആത്മവിശ്വാസത്തോടെ പ്രഖ്യാപിക്കുകയായിരുന്നു. കെജിഎഫ് ചാപ്റ്റർ ടു എന്ന ചിത്രം ആദ്യ ഭാഗത്തേക്കാള്‍ മികച്ചതായിരിക്കുമെന്ന് അണിയറ പ്രവര്‍ത്തകരും മുൻപ് വ്യക്തമാക്കിയിരുന്നു. ചിത്രത്തിൻ്റെ ഷൂട്ടിങ് പുരോഗമിക്കുകയാണ്.

Also Read:'എന്‍റെ കിളി പോകാതിരിക്കാന്‍ നിങ്ങള്‍ പ്രാര്‍ത്ഥിക്കണം': ജോജു

Mobile AppDownload Get Updated News

ഒരുകാലത്ത് മലയാളത്തിലെ ഹിറ്റ് സംവിധായകരിൽ ഒരാളായിരുന്ന ജോഷി ചെറിയ ഇടവേളയ്ക്കു ശേഷം തിരിച്ചെത്തുന്ന ചിത്രം 'പൊറിഞ്ചു മറിയം ജോസ്' സ്വാതന്ത്ര്യദിനത്തില്‍ തന്നെ തീയേറ്ററുകളിലെത്തും. ചിത്രത്തിൻ്റെ റിലീസ് തടയണമെന്ന കേസ് കോടതി തള്ളിയതിനെ തുടര്‍ന്ന് ചിത്രത്തിൻ്റെ റിലീസിന് മാറ്റമില്ലെന്ന് ചിത്രത്തിൻ്റെ അണിയറപ്രവര്‍ത്തകര്‍ അറിയിച്ചു. ചിത്രത്തിൽ ജോജു ജോർജ്, ചെമ്പൻ വിനോദ്, നൈല ഉഷ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.

ഈ സിനിമയുടെ റിലീസ് തടയണമെന്നവശ്യപ്പെട്ട് നോവലിസ്റ്റ് ലിസ്സി നൽകിയ കേസ് അഡീഷണൽ ഡിസ്ട്രിക്ട് ആൻഡ് സെഷൻസ് കോടതി ജഡ്ജ് ചെലവ് സഹിതം തള്ളുകയായിരുന്നു. തൻ്റെ നോവലിലെയും തിരക്കഥയിലെയും കഥാ സന്ദർങ്ങൾ ഉപയോഗപ്പെടുത്തിയാണ് പൊറിഞ്ചു മറിയം ജോസ് എന്ന സിനിമ ഒരുക്കിയത് എന്ന് ആരോപിച്ചാണ് സംവിധായകൻ ജോഷി, നിർമാതാക്കളായ ഡേവിഡ് കാച്ചപ്പിള്ളി , റെജിമോൻ, തിരക്കഥാകൃത്ത്‌ അഭിലാഷ് . എൻ. ചന്ദ്രൻ എന്നിവർക്കെതിരെ ലിസ്സി എന്ന പരാതിക്കാരി കേസ് ഫയൽ ചെയ്തത്.

Also Read: 'ബാറോസ്സ്' വേറെ ലെവലാണ്; മുഖ്യതാരങ്ങളെ പ്രഖ്യാപിച്ച് മോഹൻലാൽ

പരാതിയിന്മേൽ കോടതി വിശദമായ വാദം കേൾക്കുകയും പരാതിക്കാരിയുടെ നോവലും തിരക്കഥയും പൊറിഞ്ചു മറിയം ജോസ് സിനിമയുടെ തിരക്കഥയും വായിച്ചുനോക്കി താരതമ്യം ചെയ്യുകയും ചെയ്തു. അതിൻ്റെ അടിസ്ഥാനത്തിൽ ആണ് കോടതി കേസ് തള്ളാൻ തീരുമാനിച്ചത്. പ്രശസ്ത അഡ്വക്കേറ്റ് മുഹമ്മദ് സിയാദ് ആണ് പൊറിഞ്ചു മറിയം ജോസിനു വേണ്ടി കോടതിയിൽ ഹാജരായത്.

70433144

ചിത്രത്തിൻ്റെ കഥയും തിരക്കഥയും എഴുതിയിരിക്കുന്നത് അഭിലാഷ് എൻ ചന്ദ്രൻ എന്ന പുതുമുഖ രചയിതാവാണ്. ഡേവിഡ് കാച്ചപ്പിള്ളി പ്രൊഡക്ഷൻസാണ് ചിത്രം അവതരിപ്പിക്കുന്നത്. കീർത്തന മൂവീസിൻ്റെ ബാനറിൽ റെജി മോൻ ആണ് ഈ ചിത്രം നിർമ്മിക്കുന്നത്.

Also Read : പേളി മാണി ബോളിവുഡിലേക്ക്; തുടക്കം അഭിഷേക് ബച്ചനും ആദിത്യ റോയ് കപൂറിനുമൊപ്പം

അജയ് ഡേവിഡ് കാച്ചപ്പിള്ളിയാണ് ചിത്രത്തിനായി ക്യാമറ ചലിപ്പിക്കുന്നത്. ചിത്രത്തിലെ ഗാനങ്ങൾക്ക് സംഗീതം ഒരുക്കുന്നത് ജേക്സ് ബിജോയാണ്. ഈ ചിത്രം എഡിറ്റ് ചെയ്യുന്നത് ശ്യാം ശശിധരനാണ്. ''ജോസഫി''ലൂടെ മിന്നുന്ന പ്രകടനം കാഴ്ചവെച്ച ജോജുവാണ് ചിത്രത്തിലെ ഒരു നായകൻ. മോഹൻലാൽ നായകനായ പൃഥ്വിരാജ് ചിത്രമായ ലൂസിഫറിലാണ് നൈല ഉഷ അവസാനമായി അഭിനയിച്ചത്. ലിജോ ജോസ് പെല്ലിശ്ശേരിയുടെ ജെല്ലിക്കെട്ട് എന്ന ചിത്രമാണ് ചെമ്പൻ വിനോദിൻ്റെ ഇനി റിലീസാകാൻ ഉള്ള പ്രധാന ചിത്രം. 2015-ലെ ലൈല ഒ ലൈല എന്ന ചിത്രമായിരുന്നു ജോഷി അവസാനമായി സംവിധാനം ചെയ്ത ചിത്രം.

ചിത്രത്തിലെ നായികയാകാൻ ആദ്യ തിരഞ്ഞെടുത്തത് മഞ്ജു വാര്യരെ ആയിരുന്നു. മറ്റ് ചിത്രങ്ങളുടെ തിരക്ക് മൂലം മഞ്ജു പിന്മാറിയപ്പോള്‍ നടി മംമ്ത മോഹൻദാസിന് കുറിവീണു. പക്ഷേ അവരും പിന്മാറിയതോടെയാണ് ചിത്രത്തിൽ നായികയായി നൈല ഉഷയ്ക്ക് നറുക്ക് വീണത്. ചിത്രം അടുത്ത മാസം റിലീസിന് ഒരുങ്ങുകയാണ്. ചാന്ദ് വി ക്രിയേഷൻസ് ആണ് പൊറിഞ്ചു മറിയം ജോസ് കേരളത്തിൽ വിതരണം ചെയ്യുക.

Also Read: 'കെജിഎഫ് 2'ൽ വില്ലൻ അധീരനായി സഞ്ജയ് ദത്ത്; ഫസ്റ്റ് ലുക്ക് പോസ്റ്റര്‍ വൈറൽ

ഡേവിഡ് കാച്ചപ്പിള്ളി പ്രൊഡക്ഷൻസ് അവതരിപ്പിച്ച്‌ കീർത്തന മൂവീസും അപ്പു പാത്തു പപ്പു പ്രൊഡക്ഷനും ചേർന്ന് നിർമ്മിച്ച പൊറിഞ്ചുമറിയംജോസ് ചാന്ത് വി ക്രീയേഷൻ്റെ ബാനറിലാണ് തിയേറ്ററിൽ എത്തുന്നത്. ചിത്രത്തിൻ്റെ ആക്ഷൻ സീക്വൻസുകൾ ഒരുക്കിയിരിക്കുന്നത് രാജശേഖറും, സുപ്രീം സുന്ദറും ചേര്‍ന്നാണ്. ചിത്രത്തിൻ്റെ കൊറിയോഗ്രാഫി നിര്‍വ്വഹിച്ചിരിക്കുന്നത് പ്രസന്ന സുജിത്താണ്. വാഴൂർ ജോസ് , എ സ് ദിനേശ്, ആതിര ദിൽജിത്ത് എന്നിവര്‍ ചേര്‍‍ന്നാണ് ചിത്രത്തിൻ്റെ പിആര്‍ ജോലികൾ ചെയ്യുന്നത്.

Mobile AppDownload Get Updated News

'ആട്' സീരീസിലൂടെ ശ്രദ്ധേയനായ സംവിധായകൻ മിഥുൻ മാനുവേൽ ഒരുക്കുന്ന പുതിയ ചിത്രത്തിൻ്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. ഒരു ത്രില്ലര്‍ ഗണത്തിൽ പെടുത്താവുന്ന തരത്തിലുള്ള ചിത്രമാണ് ഇതെന്ന് സംവിധായകൻ പോസ്റ്റര്‍ പങ്കുവെച്ചുകൊണ്ട് അറിയിച്ചു. പോസ്റ്റര്‍ പങ്കുവെച്ചുകൊണ്ട് മിഥുൻ മാനുവേൽ കുറിച്ചത് ഇങ്ങനെ. 'Next film..!! അഞ്ചാം പാതിരാ ..! ഏറ്റവും പ്രിയപ്പെട്ട ത്രില്ലെർ ജോണറിലേയ്ക്ക് ഇത്തവണ ചുവടു വെക്കുന്നു ..!! ❤️❤️ ഒന്നാം തീയതി മുതൽ shooting ആരംഭിക്കുന്നു..!!'. മിഥുൻ്റെ ഫേസ്ബുക്ക് കുറിപ്പ്.

Also Read: 'ബാറോസ്സ്' വേറെ ലെവലാണ്; മുഖ്യതാരങ്ങളെ പ്രഖ്യാപിച്ച് മോഹൻലാൽ

ചിത്രത്തിൽ കുഞ്ചാക്കോ ബോബനാണ് നായകനാകുന്നത്. ചിത്രത്തിൽ നായികയാകുന്നത് തിരക്കഥാകൃത്ത് ശ്യാം പുഷ്കരൻ്റെ ഭാര്യയും നടിയുമായ ഉണ്ണിമായയാണ്. ഉസ്‌മാൻ പ്രൊഡക്ഷൻസിൻ്റെ ബാനറിലാണ് ചിത്രം ഒരുക്കുന്നത്. മിഥുന്‍ തന്നെയാണ് രചന നിര്‍വഹിക്കുന്നത്. മിഥുൻ മാനുവേലിനൊപ്പം കുഞ്ചാക്കോ ബോബൻ ചെയ്യുന്ന ആദ്യ ചിത്രമാണ് ഇത്. ഇന്ദ്രൻസ്, ഷറഫുദ്ധീൻ, ഉണ്ണിമായ പ്രസാദ്, രമ്യ നമ്പീശൻ, ദിവ്യ ഗോപിനാഥ്, ശ്രീനാഥ് ഭാസി , ജിനു ജോസഫ് എന്നിവരാണ് ചിത്രത്തിലെ മറ്റ് താരങ്ങൾ.

Also Read: 'കെജിഎഫ് 2'ൽ വില്ലൻ അധീരനായി സഞ്ജയ് ദത്ത്; ഫസ്റ്റ് ലുക്ക് പോസ്റ്റര്‍ വൈറൽ

ചിത്രത്തിൻ്റെ ഷൂട്ടിങ് ഓഗസ്റ്റ് ഒന്നിന് ആരംഭിക്കും. അര്‍ജൻ്റീന ഫാൻസ് കാട്ടൂര്‍ക്കടവ് എന്ന ചിത്രത്തിന് ശേഷം മിഥുൻ മാനുവേൽ ഒരുക്കുന്ന പുതിയ ചിത്രമാണ് ഇത്. കുഞ്ചാക്കോ ബോബൻ പ്രധാന കഥാപാത്രമായെത്തിയ വൈറസ് ആമസോൺ പ്രൈമിൽ പ്രേക്ഷക പ്രശംസ കരസ്ഥമാക്കി മുന്നേറുകയാണ്. വൈറസ് ടീം ഒന്നിക്കുന്ന മറ്റൊരു ചിത്രമെന്ന പ്രത്യേകതയും ഈ ചിത്രത്തിനുണ്ട്.

കേരളക്കരയെ മുൾമുനയിൽ നിര്‍ത്തിയ നിപ വൈറസ് ബാധ പശ്ചാത്തലമാക്കി ആഷിഖ് അബു ഒരുക്കി ഹിറ്റാക്കി മാറ്റിയ വൈറസിൽ ശ്രദ്ധേയപ്രകടനം കാഴ്ച വെച്ച താരങ്ങളാണ് ഈ ചിത്രത്തിലും അണിനിരക്കുന്നത്. കുഞ്ചാക്കോ ബോബൻ, ഇന്ദ്രൻസ്, ഷറഫുദ്ധീൻ, ഉണ്ണിമായ പ്രസാദ്, രമ്യ നമ്പീശൻ, ശ്രീനാഥ് ഭാസി , ജിനു ജോസഫ് എന്നിവർ ശ്രദ്ധേയമായ കഥാപാത്രങ്ങളെയാണ് വൈറസിൽ അവതരിപ്പിച്ചത്.

Also Read: ഫാൻസ് പ്രതികാരം അതിരു കടന്നു; RIPactorvijay വൈറൽ

ഷൈജു ഖാലിദാണ് കുഞ്ചാക്കോ ബോബൻ്റെ പുതിയ ചിത്രത്തിൻ്റെ ഛായാഗ്രഹണം നിര്‍വഹിക്കുന്നത്. വൈറസിൻ്റെ ക്യാമറാ അസിസ്റ്റൻ്റായി ഷൈജു ഖാലിദും ഉണ്ടായിരുന്നു. വിവേക് കൃഷ്ണയാണ് ചിത്രസംയോജനം. സുഷിന്‍ ശ്യാം ആണ് ചിത്രത്തിന് സംഗീതം നല്‍കുന്നത്. വൈറസിനായി ഗാനങ്ങൾ ഒരുക്കിയിരുന്നതും സുഷിൻ തന്നെയായിരുന്നു.

അതിനിടെ ഇതുവരെ റിലീസ് ചെയ്തതായിട്ടുള്ള മിഥുൻ മാനുവൽ ചിത്രങ്ങളുടെയെല്ലാം പേരുകൾ തുടങ്ങുന്നത് 'അ' എന്ന അക്ഷരത്തിലോ 'ആ' എന്ന അക്ഷരത്തിലോ ആയിരിക്കുമെന്ന കണ്ടെത്തലുമായി ആരാധകർ രംഗത്തെത്തിയിട്ടുമുണ്ട്. 'ആട്', 'ആൻമരിയ കലിപ്പിലാണ്', 'അലമാര', 'ആട് 2', 'അർജൻ്റീന ഫാൻസ് കാട്ടുർക്കടവ്' എന്നീ ചിത്രങ്ങളാണ് മിഥുൻ സംവിധാനം ചെയ്ത് പുറത്തിറങ്ങിയ ചിത്രങ്ങൾ. ഒടുവിലിതാ 'അഞ്ചാം പാതിരാ'യും. ജയസൂര്യയെ നായകനാക്കി ടര്‍ബോ പീറ്റര്‍ എന്നൊരു ചിത്രവും മിഥുന്‍ മാനുവല്‍ പ്രഖ്യാപിച്ചിട്ടുണ്ട്. സിനിമയെക്കുറിച്ചുളള കൂടുതല്‍ വിവരങ്ങള്‍ സംവിധായകന്‍ തന്നെ ഉടന്‍ പുറത്തുവിട്ടേക്കും.

Also Read: സ്ത്രീകളെ തോണ്ടാനും ഉപദ്രവിക്കാനും തിരക്കുള്ള ബസിൽ കയറിയെന്ന് മത്സരാർത്ഥി; ബിഗ് ബോസിനെതിരെ ചിന്മയി

കുഞ്ചാക്കോ ബോബൻ നായകനായി ഒടുവിൽ പുറത്തിറങ്ങിയ ചിത്രം തട്ടുംപുറത്ത് അച്യുതനായിരുന്നു. ചിത്രത്തിന് തീയേറ്ററുകളിൽ വലിയ വിജയം നേടാനായിരുന്നില്ല. ലാൽജോസ് സംവിധാനം ചെയ്ത ചിത്രമായിരുന്നു ഇത്. പുള്ളിപ്പുലികളും ആട്ടിൻകുട്ടിയും എന്ന ചിത്രത്തിന് ശേഷം ലാൽജോസും കുഞ്ചാക്കോ ബോബനും ഒന്നിച്ച ചിത്രമായിരുന്നു ഇത്.

Also Read: പേളി മാണി ബോളിവുഡിലേക്ക്; തുടക്കം അഭിഷേക് ബച്ചനും ആദിത്യ റോയ് കപൂറിനുമൊപ്പം

Mobile AppDownload Get Updated News

മലയാളത്തിൻ്റെ പ്രിയ ഗായിക അഭയ ഹിരൺമയിയുടെ പുതിയ വെളിപ്പെടുത്തൽ ഏറെ മാധ്യമ ശ്രദ്ധ ആകര്‍ഷിക്കുകയാണിപ്പോൾ. സംഗീത സംവിധായകൻ ഗോപി സുന്ദറിനൊപ്പം വാര്‍ത്തകളിൽ നിറഞ്ഞു നിന്ന വ്യക്തിയാണ് അഭയ ഹിരൺമയി. സ്വകാര്യ ജീവിതത്തില്‍ വിവാദങ്ങള്‍ വേട്ടയാടിയ ഗായിക കൂടിയാണ് അഭയ. എന്നാൽ ഇവയോടെല്ലാം മറുപടിയുമായി രംഗത്തെത്തിയിരിക്കുകയാണ് ഈ പാട്ടുകാരി

വിമര്‍ശിക്കുമ്പോള്‍ അല്‍പം മര്യാദയാകാമെന്നും കൊലപാതകമോ തീവ്രവാദ പ്രവര്‍ത്തനമോ ചെയ്ത ഒരാളൊന്നുമല്ല താനെന്നും അഭയ ഹിരൺമയി പറയുന്നു. വിമര്‍ശനങ്ങളെല്ലാം പോസിറ്റീവായി കാണാനാണ് ശ്രമിക്കാറുള്ളതെന്നും തികച്ചും എൻ്റെ വ്യക്തിപരമായ കാര്യത്തിലാണ് ഈ ഇടപെടല്‍ നടത്തുന്നതെന്നും അഭയ വ്യക്തമാക്കി. ബിഹൈൻഡ് വുഡ്സ് യൂട്യൂബ് ചാനലിനു നല്‍കിയ പ്രത്യേക അഭിമുഖത്തിലാണ് അഭയ ഇങ്ങനെ പ്രതികരിച്ചത്. ഗോപിസുന്ദറാണ് തൻ്റെ ജീവിതത്തെ ഏറ്റവും സ്വാധീനിച്ച വ്യക്തിയെന്നും അഭയ വെളിപ്പെടുത്തി.

താന്‍ ആദ്യമായി ഗോപിയുടെ സ്റ്റുഡിയോയില്‍ പോകുന്നത് അന്ന കത്രീനയോടൊപ്പമാണെന്നും ആദ്യമായി റെക്കോര്‍ഡിങ്ങ് സെഷന്‍ കാണുന്നതും അങ്ങനെയാണെന്നും അഭയ പറഞ്ഞു. സംഗീതവുമായി ബന്ധപ്പെട്ടു നില്‍ക്കുന്നവരുടെ കൂടെ നില്‍ക്കാന്‍ വലിയ ഇഷ്ടമാണ്. എന്നാൽ തൻ്റെ പാഷനും പ്രൊഫഷനും എല്ലാം മ്യൂസിക്ക് ആണെന്നു തിരിച്ചറിയാൻ വളരെ വൈകി.

തന്നെക്കൊണ്ട് പാടിച്ച് കഴിഞ്ഞ് നീ എന്തിനാണ് എഞ്ചിനീയറിങ്ങില്‍ ഇങ്ങനെ കമ്പി പിടിക്കാന്‍ പോകുന്നത് എന്ന് ഗോപി ചോദിക്കുമായിരന്നു. ഞാൻ ഇലക്ട്രിക്കൽ എഞ്ചിനീയറിങ്ങാണ് പഠിച്ചത്. സംഗീതം രക്തത്തില്‍ അലിഞ്ഞതാണെങ്കിലും മ്യൂസിക്കിലാണ് താന്‍ രക്ഷപ്പെടാൻ പോകുന്നത് എന്ന തിരിച്ചറിവുണ്ടാകാൻ വളരെ വൈകി. അന്നേ സംഗീതം പഠിച്ചാൽ മതിയായിരുന്നു എന്ന് ഇപ്പോൾ തോന്നുന്നുണ്ട്’

കര്‍ണാടക സംഗീതത്തില്‍ പ്രാവിണ്യം തെളിയിച്ചവരാണ് അമ്മയും വല്യച്ഛനുമെല്ലാം. എങ്കിലും സംഗീതത്തില്‍ ഒരു കരിയറുണ്ടെന്ന് കുടുംബം കരുതിയിരുന്നില്ല. കര്‍ണാടിക് ടച്ചുള്ള പാട്ടുകളാണ് യൂട്യൂബില്‍ പോലും അധികവും കേള്‍ക്കാറുള്ളത്. പക്ഷേ, ഒരു ഗുരുമുഖത്തു നിന്നും സംഗീതം പഠിച്ചത് ഇരുപത്തിയറാമത്തെ വയസ്സിലാണ്. അഭയ ഹിരണ്‍മയി വ്യക്തമാക്കി.

ഗോപി സുന്ദറുമായി അഭയയ്ക്കുള്ള അടുപ്പം ഗായിക തുറന്ന് പറഞ്ഞത് ഏറെ ശ്രദ്ധേയമായിരുന്നു. ഗോപി സുന്ദറുമായി കഴിഞ്ഞ എട്ടുവര്‍ഷമായി ലിവിങ് ടുഗതറില്‍ കഴിയുകയാണെന്നാണ് അഭയ തുറന്ന് പറഞ്ഞത്. ഗോപി സുന്ദറുമായി ചേര്‍ന്നുളള ഫോട്ടോ പങ്കുവെച്ചുകൊണ്ടായിരുന്നു വെളിപ്പെടുത്തൽ. സംഗീത സംവിധായകന്‍ ഗോപി സുന്ദറും ഗായിക അഭയ ഹിരൺമയിയുമായുള്ള ബന്ധം ഏറെ വിവാദങ്ങള്‍ ഉയര്‍ത്തിയിരുന്നതാണ്. ഇത് സംബന്ധിച്ച് ഗോപിസുന്ദറിന്‍റെ മുൻ ഭാര്യ തന്നെ ഫേസ്ബുക്കിലൂടെ തുറന്നുപറഞ്ഞതോടെയാണ് പുറം ലോകം ശ്രദ്ധിച്ചുതുടങ്ങിയത്. അതിന് പിന്നാലെയാണ് അഭയ പുതിയ വെളിപ്പെുത്തൽ നടത്തിയത്.

അഭയയുടെ ഫേസ്ബുക്ക് പോസ്റ്റ് ഇങ്ങനെയായിരുന്നു...

''ഞങ്ങള്‍ ഇരുവരും ഒരുപാട് തവണ ഒരുമിച്ച് പൊതുവേദിയില്‍ പ്രത്യക്ഷപ്പെട്ടിട്ടുണ്ടെങ്കിലും 2008-2019 കാലയളവില്‍ എന്‍റെ റിലേഷന്‍ഷിപ്പ് സ്റ്റാറ്റസ് ഞാനിതുവരെ പരസ്യമാക്കിയിരുന്നില്ല. എനിക്ക് വിവാഹിതനായ ഒരാളുമായി ബന്ധമുണ്ടെന്നത് ശരിയാണ്. കഴിഞ്ഞ 8 വര്‍ഷമായി അദ്ദേഹവുമായി ലിവിങ് ടുഗതറില്‍ കഴിയുകയുമാണ്. അദ്ദേഹം കല്യാണവുമായി ബന്ധപ്പെട്ട് അദ്ദേഹം നിയമപരമായ കുരുക്കിലുമാണ്.

ഞാന്‍ ആരെയും മുന്‍പ് വിവാഹം കഴിച്ചിട്ടില്ല എന്നത് ശരിയാണ്. ഞങ്ങള്‍ തമ്മില്‍ 12 വയസിന്റെ വ്യത്യാസവുമുണ്ട്. ഉയരം നോക്കുമ്പോഴും അദ്ദേഹം വലുതും ഞാൻ ചെറുതമാണ്. പലകാര്യങ്ങളിലും ഞങ്ങള്‍ തമ്മില്‍ വ്യത്യാസങ്ങളുണ്ടെങ്കിലും ഓരോ നിമിഷവും ആഘോഷിച്ച് സന്തോഷപൂര്‍വം കഴിയുന്നു. അതുകൊണ്ട് തന്നെ മഞ്ഞ ചാനലുകള്‍ക്കും പത്രങ്ങള്‍ക്കും എന്നെ കീപ്പ് എന്നോ കാമുകിയെന്നോ വിളിക്കാം. കുലസ്ത്രീകള്‍ക്ക് കുടുംബം തകര്‍ക്കുന്നവള്‍ എന്ന് വിധിക്കാം.

ഞാന്‍ ഓടി തളര്‍ന്നു. ഇനിയും ഭയന്ന് മുന്നോട്ടുപോകാന്‍ വയ്യ. അതുകൊണ്ടാണ് എല്ലാം തുറന്ന് ഈ പോസ്റ്റ് പങ്കുവെച്ചിരിക്കുന്നത്. നിങ്ങളില്‍ നിന്ന് പൊങ്കാലകള്‍ എന്‍റേയും ഗോപിയുടേയും പേജുകളിൽ പ്രതീക്ഷിക്കുന്നു. ആറ്റുകാലില്‍ ഞാന്‍ ഇടുന്ന പൊങ്കാലയാണ് ഇതിലും നല്ലത്. എല്ലാവര്‍ക്കും വേണ്ടി പ്രാര്‍ത്ഥിക്കും"

Mobile AppDownload Get Updated News

ഒരുകാലത്ത് മലയാളത്തിലെ ഹിറ്റ് സംവിധായകരിൽ ഒരാളായിരുന്ന ജോഷി ചെറിയ ഇടവേളയ്ക്കു ശേഷം തിരിച്ചെത്തുന്ന ചിത്രം 'പൊറിഞ്ചു മറിയം ജോസി'ൻ്റെ ട്രെയില‍ര്‍ ഉടൻ ആരാധകരിലേക്കെത്തും. മോഹൻലാലാണ് ചിത്രത്തിൻ്റെ ട്രെയില‍ര്‍ പുറത്ത് വിടുക. ഓഗസ്റ്റ് 2ന് വൈകിട്ട് 7 മണിക്ക് ലുലു മാളിൽ വെച്ച് മലയാളത്തിൻ്റെ സൂപ്പര്‍സ്റ്റാര്‍ മോഹൻലാലാണ് ട്രെയിലര്‍ ആരാധകര്‍ക്കായി പുറത്ത് വിടുന്നത്. സിനിമ സ്വാതന്ത്ര്യദിനത്തിലാണ് തീയേറ്ററുകളിലെത്തുന്നത്.

കഴിഞ്ഞ ദിവസം ചിത്രത്തിൻ്റെ റിലീസ് മാറ്റിയെന്ന അഭ്യൂഹങ്ങളുണ്ടായിരുന്നു. എന്നാൽ ചിത്രത്തിൻ്റെ റിലീസിന് മാറ്റമില്ലെന്ന് വ്യക്തമാക്കി അണിയറപ്രവര്‍ത്തകര്‍ തന്നെ രംഗത്തെത്തിയിരുന്നു. ചിത്രത്തിൻ്റെ റിലീസ് തടയണമെന്ന കേസ് കോടതി തള്ളിയതിനെ തുടര്‍ന്നാണ് ഇത്. ഈ സിനിമയുടെ റിലീസ് തടയണമെന്നവശ്യപ്പെട്ട് നോവലിസ്റ്റ് ലിസ്സി നൽകിയ കേസ് അഡീഷണൽ ഡിസ്ട്രിക്ട് ആൻഡ് സെഷൻസ് കോടതി ജഡ്ജ് ചെലവ് സഹിതം തള്ളുകയായിരുന്നു. തൻ്റെ നോവലിലെയും തിരക്കഥയിലെയും കഥാ സന്ദർങ്ങൾ ഉപയോഗപ്പെടുത്തിയാണ് പൊറിഞ്ചു മറിയം ജോസ് എന്ന സിനിമ ഒരുക്കിയത് എന്ന് ആരോപിച്ചാണ് സംവിധായകൻ ജോഷി, നിർമാതാക്കളായ ഡേവിഡ് കാച്ചപ്പിള്ളി , റെജിമോൻ, തിരക്കഥാകൃത്ത്‌ അഭിലാഷ് . എൻ. ചന്ദ്രൻ എന്നിവർക്കെതിരെ ലിസ്സി എന്ന പരാതിക്കാരി കേസ് ഫയൽ ചെയ്തത്.

70450530

പരാതിയിന്മേൽ കോടതി വിശദമായ വാദം കേൾക്കുകയും പരാതിക്കാരിയുടെ നോവലും തിരക്കഥയും പൊറിഞ്ചു മറിയം ജോസ് സിനിമയുടെ തിരക്കഥയും വായിച്ചുനോക്കി താരതമ്യം ചെയ്യുകയും ചെയ്തു. അതിൻ്റെ അടിസ്ഥാനത്തിൽ ആണ് കോടതി കേസ് തള്ളാൻ തീരുമാനിച്ചത്. പ്രശസ്ത അഡ്വക്കേറ്റ് മുഹമ്മദ് സിയാദ് ആണ് പൊറിഞ്ചു മറിയം ജോസിനു വേണ്ടി കോടതിയിൽ ഹാജരായത്.

ചിത്രത്തിൽ ജോജു ജോർജ്, ചെമ്പൻ വിനോദ്, നൈല ഉഷ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ചിത്രത്തിൻ്റെ കഥയും തിരക്കഥയും എഴുതിയിരിക്കുന്നത് അഭിലാഷ് എൻ ചന്ദ്രൻ എന്ന പുതുമുഖ രചയിതാവാണ്. ഡേവിഡ് കാച്ചപ്പിള്ളി പ്രൊഡക്ഷൻസാണ് ചിത്രം അവതരിപ്പിക്കുന്നത്. കീർത്തന മൂവീസിൻ്റെ ബാനറിൽ റെജി മോൻ ആണ് ഈ ചിത്രം നിർമ്മിക്കുന്നത്.

അജയ് ഡേവിഡ് കാച്ചപ്പിള്ളിയാണ് ചിത്രത്തിനായി ക്യാമറ ചലിപ്പിക്കുന്നത്. ചിത്രത്തിലെ ഗാനങ്ങൾക്ക് സംഗീതം ഒരുക്കുന്നത് ജേക്സ് ബിജോയാണ്. ഈ ചിത്രം എഡിറ്റ് ചെയ്യുന്നത് ശ്യാം ശശിധരനാണ്. ''ജോസഫി''ലൂടെ മിന്നുന്ന പ്രകടനം കാഴ്ചവെച്ച ജോജുവാണ് ചിത്രത്തിലെ ഒരു നായകൻ. മോഹൻലാൽ നായകനായ പൃഥ്വിരാജ് ചിത്രമായ ലൂസിഫറിലാണ് നൈല ഉഷ അവസാനമായി അഭിനയിച്ചത്. ലിജോ ജോസ് പെല്ലിശ്ശേരിയുടെ ജെല്ലിക്കെട്ട് എന്ന ചിത്രമാണ് ചെമ്പൻ വിനോദിൻ്റെ ഇനി റിലീസാകാൻ ഉള്ള പ്രധാന ചിത്രം. 2015-ലെ ലൈല ഒ ലൈല എന്ന ചിത്രമായിരുന്നു ജോഷി അവസാനമായി സംവിധാനം ചെയ്ത ചിത്രം.

ചിത്രത്തിലെ നായികയാകാൻ ആദ്യ തിരഞ്ഞെടുത്തത് മഞ്ജു വാര്യരെ ആയിരുന്നു. മറ്റ് ചിത്രങ്ങളുടെ തിരക്ക് മൂലം മഞ്ജു പിന്മാറിയപ്പോള്‍ നടി മംമ്ത മോഹൻദാസിന് കുറിവീണു. പക്ഷേ അവരും പിന്മാറിയതോടെയാണ് ചിത്രത്തിൽ നായികയായി നൈല ഉഷയ്ക്ക് നറുക്ക് വീണത്. ചിത്രം അടുത്ത മാസം റിലീസിന് ഒരുങ്ങുകയാണ്. ചാന്ദ് വി ക്രിയേഷൻസ് ആണ് പൊറിഞ്ചു മറിയം ജോസ് കേരളത്തിൽ വിതരണം ചെയ്യുക.

ഡേവിഡ് കാച്ചപ്പിള്ളി പ്രൊഡക്ഷൻസ് അവതരിപ്പിച്ച്‌ കീർത്തന മൂവീസും അപ്പു പാത്തു പപ്പു പ്രൊഡക്ഷനും ചേർന്ന് നിർമ്മിച്ച പൊറിഞ്ചുമറിയംജോസ് ചാന്ത് വി ക്രീയേഷൻ്റെ ബാനറിലാണ് തിയേറ്ററിൽ എത്തുന്നത്. ചിത്രത്തിൻ്റെ ആക്ഷൻ സീക്വൻസുകൾ ഒരുക്കിയിരിക്കുന്നത് രാജശേഖറും, സുപ്രീം സുന്ദറും ചേര്‍ന്നാണ്. ചിത്രത്തിൻ്റെ കൊറിയോഗ്രാഫി നിര്‍വ്വഹിച്ചിരിക്കുന്നത് പ്രസന്ന സുജിത്താണ്. വാഴൂർ ജോസ് , എ സ് ദിനേശ്, ആതിര ദിൽജിത്ത് എന്നിവര്‍ ചേര്‍‍ന്നാണ് ചിത്രത്തിൻ്റെ പിആര്‍ ജോലികൾ ചെയ്യുന്നത്.

Mobile AppDownload Get Updated News

'ഗപ്പി'ക്ക് ശേഷം സംവിധായകൻ ജോണ്‍ പോള്‍ ജോര്‍ജ്ജ് സംവിധാനം ചെയ്യുന്ന 'അമ്പിളി'യിലെ രണ്ടാമത്തെ ഗാനം നാളെ പുറത്തിറങ്ങും. ജൂലൈ 31ന് 5 മണിക്ക് 'കുമ്പളങ്ങി നൈറ്റ്സ്‌' ടീം ആയിരിക്കും ഗാനം പുറത്തുവിടുന്നതെന്ന് 'അമ്പിളി'യുടെ അണിയറപ്രവർത്തകർ ഫേസ്ബുക്ക് പേജിലൂടെ അറിയിച്ചിരിക്കുകയാണ്.

സൗബിന്‍ പ്രധാന വേഷത്തില്‍ എത്തുന്ന ചിത്രമാണ് 'അമ്പിളി'. ചിത്രത്തിന്‍റേതായി പുറത്തിറങ്ങിയ ആദ്യഗാനം ഇതിനകം പത്ത് ലക്ഷത്തിലേറെ കാഴ്ചക്കാരെ യൂട്യൂബിൽ നേടികഴിഞ്ഞിട്ടുണ്ട്. ഗാനത്തിന്‍റെ അകമ്പടിയോടെയെത്തിയ ടീസറും വൈറലായിരുന്നു. ജാക്സൺ പാട്ട് എന്നാണ് ആദ്യഗാനം അറിയപ്പെടുന്നത്.

Also Read:

സൗബിൻ നായകനാകുന്ന 'അമ്പിളി'യുടെ ഫസ്റ്റ് ലുക്ക് പോസ്റ്റര്‍

നസ്രിയയുടെ അനിയന്‍ നവീന്‍ നസീമും ചിത്രത്തിൽ പ്രധാന വേഷത്തില്‍ എത്തുന്നുണ്ട്. മുകേഷും, എ വി അനൂപും ചേര്‍ന്നാണ് ഇ ഫോറിന്‍റെ ബാനറിൽ ചിത്രത്തിന്‍റെ നിര്‍മ്മാണം. അമ്പിളിയുടെ ഫസ്റ്റ് ലുക്ക് പോസ്റ്ററും ആദ്യ ടീസറും ഗാനവുമെല്ലാം ഏറെ ശ്രദ്ധിക്കപ്പെട്ടിരുന്നതാണ്. 10 ലക്ഷം കാഴ്ചക്കാരുമായി സോഷ്യല്‍ മീഡിയയില്‍ ജാക്സണ്‍ ലിറിക് വീഡിയോ ട്രെൻഡിംഗുമാണ്.

Also Read: വിസ്മയിപ്പിക്കുന്ന പ്രകടനവുമായി സൗബിൻ; 'അമ്പിളി' ടീസറെത്തി

യാത്രക്ക് പ്രാധാന്യം നല്‍കിയൊരുക്കിയിരിക്കുന്ന ചിത്രമാണ് അമ്പിളി എന്നാണ് സൂചന. ഫഹദ് ഫാസില്‍ പുറത്തുവിട്ട ചിത്രത്തിന്‍റെ ആദ്യത്തെ പോസ്റ്റര്‍ ഏറെ ശ്രദ്ധിക്കപ്പെട്ടിരുന്നു. പുതുമുഖമായ തന്‍വി റാം ആണ് ചിത്രത്തിൽ നായിക. വിഷ്ണു വിജയ് ആണ് ചിത്രത്തിന്‍റെ സംഗീതം ഒരുക്കിയിരിക്കുന്നത്.

Also Read: സൗബിൻ്റെ 'അമ്പിളി ഗാന'ത്തിന് ചുവട് വെച്ച് ദുൽഖറും

വർഷങ്ങളോളം തയ്യാറെടുപ്പുകള്‍ക്ക് ശേഷമാണ് ഹ്യൂമറിനും മ്യൂസിക്കിനും പ്രാധാന്യമുള്ള അമ്പിളിയുമായി സംവിധായകന്‍ എത്തുന്നത്. സൗബിന്‍ അമ്പരപ്പിക്കുന്ന മേക്ക്ഓവറിലാണ് സിനിമയിൽ പ്രത്യക്ഷപ്പെടുന്നത്. സുഡാനി ഫ്രം നൈജീരിയ, കുമ്പളങ്ങി നൈറ്റ്സ് എന്നീ സൂപ്പര്‍ഹിറ്റ് ചിത്രങ്ങൾക്ക് ശേഷം സൗബിന്‍ നായകനാകുന്ന സിനിമയാണ് അമ്പിളി. നവീന്‍ നസീം ആദ്യമായി അരങ്ങേറുന്ന സിനിമയെന്ന പ്രത്യേകതയും അമ്പിളിക്കുണ്ട്. ഗപ്പിയിലെ ഗാനങ്ങള്‍ക്ക് വരികളൊരുക്കിയ വിനായക് ശശികുമാര്‍ തന്നെയാണ് ഈ ചിത്രത്തിനായും ഗാനത്തിൻ്റെ വരികളെഴുതുന്നത്.

Also Read: 'അമ്പിളി'യിൽ സൗബിന് പുതിയ നായിക; തൻവി റാം

ഇ ഫോര്‍ എൻ്റര്‍ടെയിന്‍മെൻ്റിൻ്റെ ബാനറില്‍ മുകേഷ് ആര്‍.മേത്ത, എ.വി. അനൂപ്, സി.വി.സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ദേശീയ ശ്രദ്ധയാകര്‍ഷിച്ച പരസ്യ ചിത്രങ്ങളിലൂടെ ശ്രദ്ധേയനായ ശരണ്‍ വേലായുധനാണ് ഈ ചിത്രത്തിനായി ക്യാമറ കൈകാര്യം ചെയ്യുന്നത്.

തൊണ്ടിമുതലും ദൃക്‌സാക്ഷിയും സിനിമയുടെ എഡിറ്റിങ് നിര്‍വ്വഹിച്ച കിരണ്‍ ദാസാണ് ഈ ചിത്രത്തിൻ്റെ ചിത്രസംയോജനം നടത്തുന്നത്. വിനേഷ് ബംഗ്ലാനാണ് കലാസംവിധാനം നിര്‍വ്വഹിക്കുന്നത്. മഷാര്‍ ഹംസയാണ് കോസ്റ്റ്യൂം ഡിസൈനിംഗ്. ആര്‍ ജി വയനാടനാണ് മേക്കപ്പ് നിര്‍വഹിക്കുന്നത്. ഇന്ത്യയിലെ വിവിധ സംസ്ഥാനങ്ങളിലായാണ് അമ്പിളി ചിത്രീകരിക്കുന്നത്.

ടൊവീനോയേയും ചേതൻ ജയലാലിനേയും കേന്ദ്ര കഥാപാത്രങ്ങളാക്കി ഒരുക്കിയിരുന്ന ഗപ്പി എന്ന ഒറ്റ ചിത്രം കൊണ്ട് പ്രേക്ഷകരുടെ പ്രിയപ്പെട്ട സംവിധായകനായി മാറിയ ജോൺ പോളിന്‍റെ രണ്ടാമത്തെ സിനിമയാണ് അമ്പിളി എന്നതിനാൽ തന്നെ പ്രതീക്ഷയേറെയാണ്.

Mobile AppDownload Get Updated News

ഫെഫ്കയുടെ പേരിൽ വ്യാജ സംഘടനകള്‍ വ്യാപകമെന്ന് മുന്നറിയിപ്പ്. ഫെഫ്കയുടെ ഫേസ്ബുക്ക് പേജിൽ കൂടിയാണ് മുന്നറിയിപ്പ് നൽകിയിരിക്കുന്നത്. ചിലര്‍ ഇത്തരം സംഘടനകളുടെ മറവിൽ പണപ്പിരിവ് നടത്തുകയും ഗുണ്ടായിസം നടത്തുകയും ചെയ്യുന്നുണ്ടെന്നും അതിനാൽ ജാഗ്രത വേണമെന്നും പറഞ്ഞുകൊണ്ടാണ് ഫെഫ്ക ഡയറക്ടേഴ്സ് യൂണിയൻ രംഗത്ത് വന്നിരിക്കുന്നത്. ഔദ്യോഗിക ഫേസ്ബുക്ക് പേജിലൂടെയാണ് വ്യാജന്മാരെ സൂക്ഷിക്കുക എന്ന മുന്നറിയിപ്പുമായി ഫെഫ്ക എത്തിയിരിക്കുന്നത്.

ഫെഫ്കയുടെ ഫേസ്ബുക്ക് ഇങ്ങനെയാണ് :

ബഹുമാനപ്പെട്ട FEFKA അംഗങ്ങളുടെയും, പൊതുജനങ്ങളുടെയും ശ്രദ്ധക്ക്,
ഈ അടുത്ത കാലത്ത് "സിനിമ സംഘടനകൾ" എന്ന പേരിൽ ചില വ്യാജ സംഘടനകൾ പൊട്ടി മുളച്ചത് ശ്രദ്ധയിൽപ്പെടുകയുണ്ടായി. അതിൽ അവസാനത്തേതിന് പേര് കൊണ്ട് "FEFKA" യോട് സാമ്യമുണ്ടായത് തികച്ചും യാദൃശ്ചികം എന്ന് കരുതുക വയ്യ. അതുകൊണ്ട് തന്നെ അതീവ ഗൗരവത്തോടെ സംഘടന അതിനെ കാണുന്നു .

ഒരു തരത്തിലുള്ള അഫിലിയേഷനോ, രജിസ്ട്രേഷനോ ഇല്ലാതെയാണ് ഇത്തരക്കാർ പ്രവർത്തിക്കുന്നത്. സിനിമാ സംഘടനയെന്ന് തെറ്റിദ്ധരിച്ചു വരുന്നവരോടെല്ലാം ഒരു മാനദണ്ഡവും നോക്കാതെ കാശ് വാങ്ങി കാർഡ് നൽകുന്നതോടെ യഥാർഥ സിനിമ പ്രവർത്തകരായ നമുക്ക് സമൂഹത്തിൽ ഉണ്ടാകുന്ന ബുദ്ധിമുട്ടുകൾ പല തരത്തിലാണ്. മേല്പറഞ്ഞ "വ്യാജ കാർഡ് " കൈക്കലാക്കുന്നവർ കേരളത്തിനകത്തും രാജ്യത്തിന് പുറത്തും നടത്തുന്ന പലവിധത്തിലുള്ള തട്ടിപ്പുകൾ,
സിനിമയിൽ അഭിനയിപ്പിക്കാം എന്ന് വാഗ്ദാനം നൽകി പണപ്പിരിവ്, സ്ത്രീകളോട് മോശമായി പെരുമാറുക, ഗുണ്ടായിസം തുടങ്ങി സിനിമാപ്രവർത്തകർക്ക് അവമതിപ്പുണ്ടാക്കുന്ന സംഭവങ്ങൾ ഖേദകരമാണ്.

അംഗങ്ങൾ ജാഗരൂകരാകണമെന്ന് ഓർമ്മപ്പെടുത്തുന്ന തിനൊപ്പം കൂടുതൽ വിവരങ്ങൾ കിട്ടിയാൽ സംഘടനയെ അറിയിക്കണമെന്നും അഭ്യർത്ഥിക്കുന്നു.

രൺജി പണിക്കരാണ് ഫെഫ്ക ഡയറക്‌ടേഴ്‌സ് യൂണിയന്‍റെ പ്രസിഡന്റ്. രഞ്ജി പണിക്കർ, ജി. എസ്. വിജയൻ, സലാം ബാപ്പു എന്നിവരുടെ നേതൃത്വത്തിൽ 2019 – 21 കാലയളവിലേക്കുള്ള പുതിയ ഭരണസമിതിയെ എതിരില്ലാതെ തിരഞ്ഞെടുത്തത് ഈ വര്‍ഷം ആദ്യമായിരുന്നു. ജി. എസ്. വിജയനാണ് ജനറൽ സെക്രട്ടറി, സലാം ബാപ്പു ആണ് ഖജാൻജി. ജീത്തു ജോസഫ്, ഒ എസ് ഗിരീഷ് എന്നിവര്‍ വൈസ് പ്രസിഡന്‍റുമാരും സോഹൻ സീനുലാലും ബൈജുരാജ് ചേകവരും ജോയിന്റ് സെക്രട്ടറിമാരുമാണ്.

സിബി മലയിൽ, ബി ഉണ്ണികൃഷ്ണൻ, ഷാഫി, മാളു എസ് ലാൽ, രഞ്ജിത്ത് ശങ്കർ, സിദ്ധാർത്ഥ ശിവ, ജി മാർത്താണ്ഡൻ, ജയസൂര്യ വൈ എസ്, അരുൺ ഗോപി, ലിയോ തദേവൂസ്, മുസ്തഫ എം.എ, പി കെ ജയകുമാർ, ഷാജി അസീസ്, ശ്രീകുമാർ അരൂക്കുറ്റി എന്നിവരാണ് എക്സിക്യൂട്ടീവ് കമ്മറ്റി അംഗങ്ങള്‍.

ഇന്ന് 21-ാം ചരമവാർഷികമാഘോഷിക്കുന്ന സംവിധായകൻ ഭരതനുള്ള ആദരവും ഫെഫ്ക ഫേസ്ബുക്ക് പേജിൽ രേഖപ്പെടുത്തിയിട്ടുണ്ട്. മലയാള സിനിമയ്ക്ക് അന്നുവരെ അപരിചിതമായിരുന്ന ഭാവവും രൂപവും സൗന്ദര്യ സങ്കൽപ്പങ്ങളും നൽകി കടന്നു പോയ മാസ്റ്റർ സംവിധായകൻ ഭരതൻ വിടപറഞ്ഞ് ഇന്ന് (ജൂലൈ 30) 21 വർഷങ്ങൾ പൂർത്തിയാകുന്നു. ഇന്നും മലയാളി പ്രേക്ഷകന്‍ തങ്ങള്‍ക്കിഷ്ടപ്പെട്ടതെന്ന് പറയുന്നവയില്‍ ഭരതന്‍ ആവിഷ്‌ക്കരിച്ച ചിത്രങ്ങളുണ്ടാകും. ഒടുവില്‍ പറയാന്‍ ഒരുപാട് കഥകള്‍ ബാക്കിവെച്ച് 1998 ജൂലായ് 30ന് ഭരതന്‍ സിനിമാലോകത്തോട് മാത്രമല്ല, ഈ ലോകത്തോടുതന്നെ യാത്രപറഞ്ഞുപോവുകയും ചെയ്തു.
നടീനടന്മാരുടെ പെരുമാറ്റങ്ങളിലും ക്യാമറയിലും പരിസരാന്തരീക്ഷത്തിലും നിറങ്ങളിലുമൊക്കെ സൂക്ഷ്മത പുലര്‍ത്തിയ ഭരതന്‍ സിനിമകള്‍ ഇന്ത്യന്‍ സിനിമാലോകത്തിലെ മുന്‍നിരശില്പങ്ങള്‍ തന്നെയാണ്, എന്നു പറഞ്ഞാണ് ഫെഫ്കയുടെ കുറിപ്പ് പങ്കുവെച്ചിരിക്കുന്നത്.

Mobile AppDownload Get Updated News

നടനും സംവിധായകനുമായ ഗിന്നസ് പക്രു ആദ്യമായി നിര്‍മ്മാതാവാകുന്ന പുതിയ ചിത്രമായ ഫാന്‍സി ഡ്രസ്സ് സിനിമയുടെ ഒഫീഷ്യൽ ട്രെയിലർ പുറത്തിറങ്ങി. നടൻ നിവിൻ പോളിയാണ് തന്‍റെ ഫേസ്ബുക്ക് പേജിലൂടെ ടീസർ ഔദ്യോഗികമായി റിലീസ് ചെയ്തിരിക്കുന്നത്. കോമഡിയും സസ്പെൻസും സമം ചേര്‍ത്തുവെച്ചിട്ടുള്ള ഫൺ എന്‍റര്‍ടെയ്നര്‍ തന്നെയാണ് ചിത്രമെന്ന് ട്രെയിലർ ഉറപ്പുതരുന്നുണ്ട്.

ഇതിനകം പുറത്തിറങ്ങിയിട്ടുള്ള ചിത്രത്തിലെ ഗാനങ്ങളും പോസ്റ്ററുകളും ഏറെ വൈറലായിരുന്നു. രഞ്ജിത്ത് സക്കറിയ സംവിധാനം ചെയ്യുന്ന ഈ ചിത്രത്തിൽ ഗിന്നസ് പക്രു, കലാഭവൻ ഷാജോൺ, ഹരീഷ് കണാരൻ, ശ്വേത മേനോൻ, സൗമ്യ മേനോൻ, സൈജുകുറുപ്പ്, ബിജുകുട്ടൻ തുടങ്ങിയവരാണ് പ്രധാനതാരങ്ങളായുള്ളത്. കോമഡിക്ക് പ്രാധാന്യം നൽകിക്കൊണ്ടുള്ള ഒരു ഹ്യൂമര്‍ ത്രില്ലറാണ് 'ഫാന്‍സി ഡ്രസ്സ്' എന്നാണ് സൂചന.

8 വര്‍ഷം മുൻപ് താൻ കേട്ട ഒരു ഒറ്റവരി കഥ ഇഷ്ടപ്പെട്ടതോടെയാണ് സിനിമയാക്കാൻ തീരുമാനിച്ചത്, , എന്നാൽ തന്നെപോലെയുള്ള ആളുകളെ കേന്ദ്ര കഥാപാത്രമാക്കി സിനിമ നിർമിക്കാൻ ആരും തയ്യാറാകാതെ ഇരുന്നതോടെ നിര്‍മ്മാതാവാകാൻ തീരുമാനിച്ചതെന്നും ഗിന്നസ് പക്രു എന്നറിയപ്പെടുന്ന അജയ് കുമാർ മാധ്യമങ്ങളോട് പറഞ്ഞത് സിനിമ തുടങ്ങും മുമ്പ് ഏറെ വാർത്തയായിരുന്നു.

അഞ്ചു പേരെ ചുറ്റിപറ്റി നടക്കുന്ന ഒരു കഥയാണിത്. 'ഫാന്‍സി ഫൺ പാക്ക്' എന്നാണ് സിനിമയ്ക്ക് നല്‍കിയിരിക്കുന്ന ടാഗ് ലൈന്‍. മാധവ് രാമദാസന്‍റെ ’ഇളയരാജ’യാണ് പക്രുവിന്‍റേതായി ഈ വർഷം റിലീസ് ചെയ്തിരുന്ന മറ്റൊരു ചിത്രം. മേല്‍വിലാസം, അപ്പോത്തിക്കിരി എന്നീ സിനിമകള്‍ക്കു ശേഷം മാധവ് രാംദാസ് സംവിധാനം ചെയ്ത ചിത്രമായിരുന്നു ഇളയരാജ.

70451750

'ഇളയരാജ' എന്ന സിനിമ ഞാനുൾപ്പെടെയുള്ള ചെറിയ കുറച്ച് ആളുകളുടെ വലിയൊരു ശ്രമമാണ്. നായകൻ മിനിയേച്ചറായിപ്പോയി എന്നുള്ളതുകൊണ്ട് മിനിസ്ക്രിനിൽവരുമ്പോൾ സിനിമ കാണാം എന്ന് ആരും വിചാരിക്കരുത്. എല്ലാവരും തിയറ്ററിൽത്തന്നെ ഈ സിനിമ കാണണം. സൗണ്ട് മിക്സിംഗ് ഉൾപ്പെടെയുള്ള കാര്യങ്ങളിൽ സാങ്കേതികപരമായി ഉന്നത നിലവാരത്തിലാണ് ഈ പടം ചെയ്തിരിക്കുന്നത്.

കഴിഞ്ഞ തവണ സംസ്ഥാനപുരസ്കാരം നേടിയ രംഗനാഥ് രവിയാണ് സൗണ്ട് മിക്സിംഗ് ചെയ്തത്. അദ്ദേഹം നേരിട്ടുപോയി കണ്ടെടുത്ത് റിക്കാർഡ് ചെയ്ത വ്യത്യസ്തങ്ങളായ സൗണ്ടാണ് ഇഫക്ടസിൽ ഉപയോഗിച്ചത്. സിനിമയുടെ സാങ്കേതിക പൂർണതയ്ക്കു വേണ്ടിയാണ് ഷൂട്ടിംഗ് കഴിഞ്ഞ് റിലീസിംഗിന് ഇത്രയും സമയമെടുത്തത്.
സൗണ്ടിലും റീറിക്കോർഡിംഗിലും പശ്ചാത്തലസംഗീതത്തിലുമൊക്കെ ഇതൊരു സിനിമയാണെന്നു തോന്നാതെ ജീവിതം നേരിട്ടു കാണുന്ന ഒരു ഫീൽ കിട്ടുന്നുണ്ട്. പ്രേക്ഷകർക്കും അത് അനുഭവിക്കണം എന്നുണ്ടെങ്കിൽ തിയറ്ററിൽ തന്നെ പോകണം. മാത്രവുമല്ല, ഞാൻ ഉൾപ്പെടെയുള്ളവർക്ക് അത് ഏറ്റവും നല്ല പ്രോത്സാഹനമാകുമെന്നുള്‍പ്പെടെ ഗിന്നസ് പക്രു ഫേസ്ബുക്കിൽ കുറിച്ചത് ഏറെ വൈറലായിരുന്നു.
എനിക്ക് വീണ്ടും തെറ്റു പറ്റിയോ???? കുറച്ചു കഷ്ടപെട്ടായാലും മറ്റു വല്ല ഭാഷയിലും സിനിമ ചെയ്താൽ മതിയായിരുന്നു. ഇനിയും കുറച്ചു കഥകൾ കൂടി പറയണമെന്നുണ്ടെ എന്ന് സംവിധായകൻ മാധവ് രാംദാസ് ഫേസ്ബുക്കിൽ കുറിച്ചതും വാര്‍ത്തയായിരുന്നതാണ്. നിരൂപക പ്രശംസ നേടിയ ചിത്രമായിരുന്നു ഇളയരാജ.

സര്‍വ ദീപ്തി പ്രൊഡക്ഷന്‍സിന്‍റെ ബാനറില്‍ ഒരുങ്ങുന്ന ചിത്രത്തില്‍ ഛായാഗ്രഹണം പ്രദീപ് നായരും സംഗീതം രതീഷ് വേഗയും നിര്‍വഹിക്കുന്നു. അജയ്കുമാറും രഞ്ജിത്തും ചേര്‍ന്നാണ് ചിത്രത്തിന്റെ തിരകഥ ഒരുക്കിയിരിക്കുന്നത്. ഗാനരചന: സന്തോഷ് വർമ്മ, ജ്യോതിഷ് ടി. കാശി. മേക്കപ്പ്: റോണക്സ് സേവ്യർ. ഛായാഗ്രഹണം പ്രദീപ് നായർ. എഡിറ്റിങ് സാജൻ. ഓഗസ്റ്റ് 2ന് ചിത്രം തിയറ്ററുകളിലെത്തും.

Mobile AppDownload Get Updated News

മോഹന്‍ലാലിനെ നായകനാക്കി സിദ്ദിഖ് സംവിധാനം ചെയ്യുന്ന 'ബിഗ് ബ്രദറി'ൻ്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. മതിൽ ചാടിക്കടക്കുന്ന മോഹൻലാലിൻ്റെ ചിത്രമാണ് പോസ്റ്ററിലുൾപ്പെടുത്തിയിരിക്കുന്നത്. വിയറ്റ്നാം കോളനി, ലേഡീസ് ആൻ‍ഡ് ജെന്റിൽമാൻ എന്ന ഹിറ്റ് ചിത്രത്തിന് ശേഷം മോഹൻലാലും സിദ്ദിഖും വീണ്ടും ഒന്നിക്കുന്ന ചിത്രമാണിത്. ചിത്രത്തിൻ്റെ തിരക്കഥ നിർവഹിക്കുന്നതും സിദ്ദിഖ് തന്നെയാണ്. 25 കോടി മുതൽ മുടക്കിലാണ് ചിത്രം ഒരുക്കുന്നത്. എസ് ടാക്കീസിൻ്റെ ബാനറിൽ ജെൻസോ ജോസും വൈശാഖ സിനിമയുടെ ബാനറിൽ വൈശാഖ രാജനും ഷാ മാൻ ഇൻ്റര്‍നാഷണലിൻ്റെ ബാനറിൽ ഷാജിയും മനു ന്യൂയോർക്കും ചേർന്നാണ് ചിത്രം നിർമ്മിക്കുന്നത്.

ചിത്രത്തിൽ മൂന്ന് നായികമാർ ആണ് ഉള്ളത്. ചിത്രത്തിലെ ഒരു നായികയായി പുതുമുഖ താരം മിർണ മേനോനാണ് എത്തുന്നത്. ഒപ്പം പ്രശസ്ത തെന്നിന്ത്യന്‍ താരം റെജീന കസാന്‍ഡ്രയും ചിത്രത്തിൽ മോഹന്‍ലാലിൻ്റെ നായികയാകുന്നു. മോഹൻലാലിപ്പോൾ ആശിർവാദ് സിനിമാസിൻ്റെ ബാനറിൽ ഒരുങ്ങുന്ന ഇട്ടിമാണി മെയ്ഡ് ഇൻ ചൈന എന്ന ചിത്രത്തിൽ അഭിനയിച്ചു കൊണ്ടിരിക്കുകയാണ്. ചിത്രത്തിൽ മോഹൻലാലിൻ്റെ സഹോദരങ്ങളായി എത്തുന്നത് നടൻ അനൂപ് മേനോനും ജൂൺ എന്ന ചിത്രത്തിൽ കൂടി ശ്രദ്ധേയനായ ഷാർജനോ ഖാലിദും ആണ്. ചിത്രത്തിൽ സച്ചിദാനന്ദൻ എന്ന കഥാപാത്രത്തെ ആണ് മോഹൻലാൽ അവതരിപ്പിക്കുന്നത്. ചിത്രത്തില്‍ മോഹന്‍ലാലിന്‍റെ സഹോദരനായി ആസിഫ് അലി വേഷമിടുന്നതായിട്ടായിരുന്നു ആദ്യം നിശ്ചയിച്ചിരുന്നത്. എന്നാൽ അനൂപ് മേനോനായിരിക്കും സഹോദരനാകുന്നതെന്നാണ് ഇപ്പോള്‍ പുറത്തുവരുന്ന വാര്‍ത്ത.

ചെമ്പൻ വിനോദ്, ജനാർദ്ദനൻ, സിദ്ദിക്ക്, ടിനി ടോം, വിഷ്ണു ഉണ്ണികൃഷ്ണൻ എന്നിവർ ആണ് മറ്റു വേഷങ്ങൾ കൈകാര്യം ചെയ്യുന്നത്. റഫീക്ക് അഹമ്മദിൻ്റെ വരികൾക്ക് ദീപക് ദേവ് ഈണം നൽകുന്നു. ജിത്തു ദാമോദർ ഛായാഗ്രഹണവും നിര്‍വ്വഹിക്കും. ബെംഗലുരു, മംഗലാപുരം എന്നിവടങ്ങളിൽ 90 ദിവസത്തെ ഷൂട്ടിംഗ് ആണ് ചിത്രത്തിനായുള്ളത്. ജൂൺ 25നാണ് ചിത്രത്തിൻ്റെ ഷൂട്ടിങ് ആരംഭിച്ചത്.

ചിത്രത്തിൽ 3 ബോളിവുഡ് താരങ്ങള്‍ അഭിനയിക്കുന്നുണ്ടെന്ന് മുന്നേ സൂചനയുണ്ടായിരുന്നു. അതിലൊരാള്‍ ബോളിവുഡ് സൂപ്പര്‍ താരം സൽമാൻ ഖാന്‍റെ സഹോദരൻ അർബാസ് ഖാൻ എന്നാണ് പുറത്തുവന്നിരിക്കുന്ന വിവരം. വേദാന്തം ഐപിഎസ് എന്നാണ് ചിത്രത്തിൽ ചിത്രത്തിൽ അർബാസ് അവതരിപ്പിക്കുന്ന കഥാപാത്രത്തിന്‍റെ പേര്. സൽമാൻ ഖാന്‍റെ സൂപ്പര്‍ഹിറ്റ് ചിത്രമായ ദബാംഗിലൂടെയാണ് അഭിനയ ജീവിതം തുടങ്ങിയത്. താരത്തിന്‍റെ ആദ്യ തെന്നിന്ത്യൻ ചിത്രം കൂടിയാകും ബിഗ് ബ്രദര്‍. ചിത്രത്തിലുള്ള മറ്റ് രണ്ട് ബോളിവുഡ് താരങ്ങള്‍ ആരൊക്കെയെന്ന കാര്യത്തിൽ വ്യക്തത ലഭിച്ചിട്ടില്ല.

ഏപ്രില്‍ മാസത്തിലായിരുന്നു ചിത്രത്തിന്‍റെ പൂജ. ആക്ഷന്‍ കോമഡി വിഭാഗത്തില്‍ ഒരുങ്ങുന്ന ചിത്രമായ ബിഗ് ബ്രദര്‍ എസ്. പിക്‌ചേഴ്‌സിന്‍റെ ബാനറിലാണ് നിര്‍മ്മാണം. വമ്പന്‍ ബജറ്റില്‍ ഒരുങ്ങുന്ന ചിത്രം നിര്‍മ്മിക്കുന്നത് വൈശാഖ സിനിമ, എസ് ടാക്കീസ്, നിക്ക് എന്നിവര്‍ ഒരുമിച്ചാണ്.

ഒടിയൻ, ലൂസിഫർ, മരക്കാർ അറബിക്കടലിന്‍റെ സിംഹം എന്നീ ചിത്രങ്ങൾക്ക് ശേഷം മോഹൻലാലിനെ നായകനാക്കി ആശിർവാദ് സിനിമാസിൻ്റെ ബാനറിൽ ആന്‍റണി പെരുമ്പാവൂർ നിർമ്മിക്കുന്ന ചിത്രം ഇട്ടിമാണി മെയ്ഡ് ഇൻ ചൈനയാണ്. നവാഗതനായ ജിബിയും ജോജുവുമാണ് ഈ ചിത്രത്തിന് കഥയും തിരക്കഥയും എഴുതി സംവിധാനം ചെയ്യുന്നത്. എം പത്മകുമാർ സംവിധാനം ചെയ്ത കനൽ എന്ന ചിത്രത്തിന് ശേഷം ഹണി റോസ് വീണ്ടും മോഹൻലാലിന്റെ നായികയായി എത്തുന്നു എന്നുള്ള പ്രത്യേകതയും ഇട്ടിമാണി എന്ന ചിത്രത്തിന് ഉണ്ട്. ഹരീഷ് കണാരൻ, ധർമജൻ ബോൾഗാട്ടി എന്നിവരും ചിത്രത്തിൽ ഉണ്ടാവും, രാധിക ശരത്കുമാർ ചിത്രത്തിൽ പ്രധാന വേഷം കൈകാര്യം ചെയ്യുന്നു. ഷാജി കുമാർ ആണ് ചിത്രത്തിന്റെ ഛായാഗ്രഹണം. ഓണം റിലീസ് ആയി ചിത്രം തീയറ്ററുകളിലെത്തുന്നത്.

Mobile AppDownload Get Updated News

ളോഹയൊക്കെയിട്ട് ഡാൻസ് കളിക്കുന്ന അച്ചന്മാര്‍ ഈയടുത്ത് വൈറലായതിന് പിന്നാലെ അക്കാപ്പെല്ല പാട്ടൊരുക്കി ഏതാനും വൈദികര്‍ ശ്രദ്ധനേടുന്നു. എറണാകുളം-അങ്കമാലി അതിരൂപതയുടെ മാധ്യമവിഭാഗമായ പിൽഗ്രിംസ് കമ്മ്യൂണിക്കേഷന്‍റെ നേതൃത്വത്തിലുള്ള ദ ട്വൽവ് ബാൻഡിലെ വൈദീകരാണ് മനോഹരമായ ഈ അക്കാപ്പെല്ല ഫ്യൂഷൻ പാട്ട് ഒരുക്കിയിരിക്കുന്നത്.

1991-ൽ പുറത്തിറങ്ങിയ അമരം എന്ന ചിത്രത്തിൽ കൈതപ്രം ദാമോദരൻ നമ്പൂതിരി എഴുതി രവീന്ദ്രൻ മാഷ് ഈണം നൽകി ഗായിക ലതിക പാടിയ ഗാനമായ ഹൃദയരാഗ തന്ത്രി മീട്ടി എന്ന ഭക്തി ഗാനവും 1999-ൽ പുറത്തിറങ്ങിയ വീണ്ടും ചില വീട്ടുകാര്യങ്ങൾ എന്ന സിനിമയിൽ സത്യൻ അന്തിക്കാട് എഴുതി ജോൺസൺ മാഷ് സംഗീതം ചെയ്ത് ഗാനഗന്ധര്‍വ്വൻ കെ ജെ യേശുദാസ് ആലപിച്ച വിശ്വം കാക്കുന്ന നാഥാ എന്ന ഗാനവും 1993-ൽ പുറത്തിറങ്ങിയ സമാഗമം എന്ന സിനിമയിൽ കവി ഒഎൻവി കുറുപ്പ് എഴുതി ജോൺസൺ മാഷ് ഈണമിട്ട് എസ്.ജാനകി പാടിയ വാഴ്ത്തിടുന്നിതാ സ്വര്‍ഗ്ഗനായകാ എന്ന ഗാനവും 1997-ൽ പുറത്തിറങ്ങിയ ഫൈവ് സ്റ്റാർ ഹോസ്പിറ്റൽ എന്ന സിനിമയിൽ യൂസഫലി കേച്ചേരി എഴുതി ബോംബെ രവി ഈണമിട്ട് കെ.ജെ യേശുദാസും കെ.എസ് ചിത്രയും കൂടി പാടിയ വാതില്‍ തുറക്കൂ നീ കാലമേ എന്ന ഗാനവും ചേര്‍ത്താണ് ഇവര്‍ ഈ അക്കാപ്പെല്ല ഫ്യൂഷൻ അവതരിപ്പിച്ചിരിക്കുന്നത്.

ഫാ.മെൽവിൻ ചിറ്റിലപ്പിള്ളി, ഫാ.ആന്‍റണി കാട്ടുപറമ്പിൽ, ഫാ.ചെറിയാൻ നേരേവീട്ടില്‍, ഫാ എബി എടശ്ശേരി എന്നിവരാണ് ഗാനങ്ങള്‍ ആലപിച്ചിരിക്കുന്നത്. ഫാ.ജിമ്മി കക്കാട്ടുചിറ, ഫാ.ജാക്സൺ കിഴവന, ഫാ.ജെറിൻ പാലത്തിങ്കൽ, ഫാ.നിബിൻ കുരിശിങ്കൽ എന്നിവരാണ് പിന്നണിയിൽ ഓര്‍ക്കസ്ട്ര ശബ്ദം പാടിയിരിക്കുന്നത്.

Also Read: 'കണ്ണാന കണ്ണേ' പാടി സൈബറിടത്തെ പാട്ടിലാക്കി ഒരു പുരോഹിതന്‍

അച്ചന്മാരുടേതായി ഒരുക്കിയ മ്യൂസിക് പ്രൊഡക്ഷൻ ബാൻഡാണ് ദി ട്വൽവ് ബാൻഡെന്ന് ഫാ.ജാക്സൺ പറയുന്നു. ബാൻഡിന്‍റെ ആദ്യത്തെയൊരു ഗാനമെന്ന നിലയിലാണ് അക്ക പ്പെല്ല ചെയ്തത്. കലാപരമായ കാര്യങ്ങള്‍ രൂപതയുടെ മ്യൂസിക് മിനിസ്ട്രിക്ക് വേണ്ടി ചെയ്യാനുദ്ദേശിച്ചാണ് ഈ ബാൻഡ് ആരംഭിച്ചത്. ഏറ്റവും മനോഹരമായ ഭക്തിഗാനങ്ങള്‍ സിനിമയിലാണല്ലോ. അക്രൈസ്തവരായവര്‍ പോലും കേട്ടിട്ടുള്ളതായിരിക്കും ആ ഗാനങ്ങള്‍. നാനാജാതി മതസ്ഥരിലേക്ക് ദൈവത്തിന്‍റെ ചിന്ത എത്തുന്നതിനുവേണ്ടിയാണ് അതിനാൽ ആ ഗാനങ്ങള്‍ തന്നെ തെരഞ്ഞെടുത്തത്.

സംഗീതം അതിൽ തന്നെ ദൈവീകമാണല്ലോ. മതത്തിന് അപ്പുറമുള്ളതാണ് സംഗീതം. എല്ലാ ജാതിക്ക് മുകളിലാണത്. വൈകാരികമായ രീതിയിലാണ് പലരും സംഗീതത്തെ കാണുക. കുട്ടികളുടെയും യുവജനങ്ങളുടെയും ഇടയിലേക്കും ആശുപത്രിയികളിലേക്കുമൊക്കെ ഈ സംഗീതവുമായി പോകുവാൻ ഞങ്ങളുടെ ബാൻഡിന് പദ്ധതിയുണ്ട്. ദൈവാനുഭവം നൽകുന്നതോടൊപ്പം അവരെ സന്തോഷിപ്പിക്കുക കൂടി ഞങ്ങളുടെ ദൗത്യമായി കരുതുന്നു. എല്ലാ അച്ഛൻമാര്‍ക്കും തങ്ങളുടെ കഴിവുകള്‍ പ്രദര്‍ശിപ്പിക്കുന്നതിനായുള്ള ഓപ്പൺ ഫോറമെന്ന നിലയിലാണിത്. പലരും തങ്ങളുടെ കഴിവുകള്‍ വേണ്ടത്ര പരിശീലനം ലഭിക്കാത്തതിനാൽ വളര്‍ത്തിക്കൊണ്ടുവരാത്ത സ്ഥിതിയുണ്ട്. ഇപ്പോള്‍ സെമിനാരിയിൽ പഠിച്ചുകൊണ്ടിരിക്കുന്ന പുതുതലമുറ വൈദീകര്‍ക്കായി കൂടി ഞങ്ങള്‍ ഇതിന് തുടക്കമിട്ടുവെക്കുകയാണ്, ഫാ.ജാക്സണിന്‍റെ വാക്കുകള്‍.

ലണ്ടന്‍ ട്രിനിറ്റി കോളജ് ഓഫ് മ്യൂസിക്കില്‍ നിന്ന് പിയാനോയില്‍ ഗ്രേഡ് സ്വന്തമാക്കിയ ശേഷം കോറല്‍ ഗാനശാഖയെ അടിസ്ഥാനമാക്കി വിയന്ന മ്യൂസിക് കൺസര്‍വേറ്ററിയിൽ ചര്‍ച്ച് മ്യൂസിക്ക്, കോറൽ സിംഗിങ് കണ്ടക്ടിങ്ങ്, ഓര്‍ക്കസ്ട്ര കണ്ടക്ടിങ് വിഷയങ്ങളിൽ പിയാനോയും പൈപ്പ് ഓര്‍ഗനും പ്രധാനവിഷയമാക്കി കോഴ്സ് ചെയ്യുന്നുമുണ്ട് ഇപ്പോള്‍ ഇപ്പോള്‍ ഫാ.ജാക്സൺ.

എല്ലാവര്‍ക്കും ആസ്വദിക്കാൻ പറ്റിയ പാട്ടുകളായതിനാലാണ് ഈ ഗാനങ്ങള്‍ തെരഞ്ഞെടുത്തതെന്നും എന്തെങ്കിലും പുതുമയോടെ ചെയ്യണമെന്ന ചിന്തയാണ് ഇതിലേക്ക് നയിച്ചതെന്നും ഗായകസംഘത്തിലുള്‍പ്പെട്ട ഫാ.മെൽവിൻ ചിറ്റിലപ്പിള്ളി പറഞ്ഞു. ജിജോ എബ്രാഹാമും വരുൺ ഷാജിയുമാണ് ക്യാമറ. ഫാ.ജേക്കബ് കോറോത്താണ് എഡിറ്റിങ്, ഫാ.സജോ പടയാട്ടിൽ, കലാസംവിധാനം അംബരീഷ്, റെക്കോര്‍ഡിസ്റ്റ് ഷിയാസ്, സ്റ്റുഡിയോ മെട്രോ സ്റ്റുഡിയോ വാഴക്കാല.

Also Read: അച്ചനാണച്ചോ അച്ചൻ; സൂപ്പർ ഡാൻസ്....

ഓസ്ട്രിയയിൽ മ്യൂസിക് കൺസെര്‍വേറ്ററി കോഴ്സ് ചെയ്തുകൊണ്ടിരിക്കുന്നഫാ.ജാക്സൺ കിഴവനയാണ് ഈ അക്കാപ്പെല്ലാ ഫ്യൂഷൻ പാട്ടിന്‍റെ ഹാര്‍മണി കമ്പോസര്‍. നിരവധി ലൈവ് മ്യൂസിക് കൺസെര്‍ട്ടുകള്‍ നടത്തിയിട്ടുമുണ്ട് ഇദ്ദേഹം. അച്ചന്മാരുടെ അക്കാപ്പെല്ല പാട്ട് ഇതിനകം കാല്‍ ലക്ഷത്തോളം കാഴ്ചക്കാരെ യൂട്യൂബിൽ നേടികഴിഞ്ഞിട്ടുണ്ട്.

Also Read: ബാഹുബലിയിലെ ഗാനത്തിന് അക്കാപ്പെല്ലാ വേർഷനുമായി അഞ്ജു

സംഗീത ഉപകരണങ്ങളുടെ പിൻബലമില്ലാതെ പാട്ടും അകമ്പടിസംഗീതവും മനുഷ്യശബ്ദത്താൽ സാധ്യമാക്കുന്ന സംഗീതരീതിയാണ് അക്കാപ്പെല്ലാ. 19-ാം നൂറ്റാണ്ടില്‍ ഉത്ഭവിച്ച സംഗീതരീതിയാണിത്. റിയാലിറ്റി ഷോകളിലൂടെയും മറ്റും പ്രശസ്തയായ അഞ്ജു ജോസഫ് എന്ന ഗായികയും കൂട്ടരും 'ബാഹുബലി'യിലെ 'ധീവര' ഗാനം ഇത്തരത്തിൽ അവതരിപ്പിച്ചത് മുമ്പ് ഏറെ വൈറലായിട്ടുണ്ട്.

Also Read: വയലിനിൽ എൽ.ഇ.ഡി ഘടിപ്പിച്ച് ഒരു അക്കാപ്പെല്ല!!!

ഒരാൾ തന്നെ പാടുകയും അതിന്റെ പശ്ചാത്തല സംഗീതം അയാളുടെ ശരീരഭാഗങ്ങൾ കൊണ്ട് ചെയ്യുന്നതുമാണ് 'അക്കാപ്പെല്ല'. അഞ്ജുവിന്‍റെ അക്കാപ്പെല്ലാ പാട്ട് അണിയിച്ചൊരുക്കിയിരുന്നത് സംഗീത സംവിധായകനായ മെജോ ജോസഫായിരുന്നു. സംവിധാനം അനൂപ് ജോണും ക്യാമറ സുനിൽ കാർത്തികേയനുമാണ് നിര്‍വ്വഹിച്ചിരുന്നത്.

Mobile AppDownload Get Updated News

മലയാള സിനിമയുടെ പ്രിയ താരം പൃഥ്വിരാജ് പ്രിയ പത്നിയ്ക്ക് പിറന്നാളാശംസ കുറിച്ചത് ശ്രദ്ധേയമാകുകയാണ്. “എൻ്റെ പ്രിയപ്പെട്ട കൂട്ടുകാരി, ഭാര്യ, പ്രണയിനി, എൻ്റെ മകളുടെ അമ്മ… ഹാപ്പി ബര്‍ത്ത്ഡേ സുപ്രിയാ…” എന്നാണ് പൃഥ്വി കുറിച്ചത്. കൈവെക്കുന്ന മേഘലകളിലെല്ലാം വിജയം കൈവരിച്ച് മുന്നേറുന്ന താരത്തിൻ്റെ പുതിയ സിനിമ അണിയറയിൽ ഒരുങ്ങുകയാണ്. താരവും സുപ്രിയയും തങ്ങളുടെ ജീവിതത്തിലെ സന്തോഷ നിമിഷങ്ങളെല്ലാം സോഷ്യൽ മീഡിയയിലൂടെ ആരാധകരുമായി പങ്കവെക്കാറുമുണ്ട്

വളരെ കുറച്ചു കാലത്തെ സൗഹൃദത്തിനും പ്രണയത്തിനും ശേഷം 2011 ഏപ്രില്‍ 25നാണ് ഇവര്‍ വിവാഹിതരായത്. അലംകൃത എന്ന് പേരുളള മകളുമുണ്ട് ഇവര്‍ക്ക്. ഒരു പുസ്‍തകവും അതിലെ സ്ഥലങ്ങള്‍ തേടിയുള്ള യാത്രയുമാണ് സുപ്രിയയുമായി പ്രണയത്തിലാകാൻ കാരണമെന്ന് പൃഥ്വിരാജ് മുൻപ് തുറന്ന് പറഞ്ഞിരുന്നു. ഇരുവര്‍ക്കും സിനിമയോടും പുസ്‍തകത്തോടുമുള്ള കാഴ്‍ചപ്പാടുകൾ സമാനമാണെന്നും പൃഥ്വിരാജ് അന്ന് തുറന്ന് പറഞ്ഞിരുന്നു.

തെന്നിന്ത്യയിലെ തിരക്കുള്ള നായകനായിരുന്നപ്പോഴാണ് പൃഥ്വിരാജ് മുംബൈയില്‍ പത്രപ്രവര്‍ത്തകയായിരുന്ന സുപ്രിയ മേനോനെ വിവാഹം ചെയ്തത്. ഇരുവരും ഒന്നിച്ചതിനെ കുറിച്ച് ഒരിക്കല്‍ പൃഥ്വിരാജ് പറഞ്ഞത് ഇങ്ങനെയായിരുന്നു. തെന്നിന്ത്യൻ സിനിമ വിഷയമാക്കി ഒരു ഫീച്ചർ ചെയ്യാനാണ് സുപ്രിയ ആദ്യം എന്നെ വിളിച്ചത്. അപ്പോൾ തിരക്കിലായിരുന്നുവെന്നും പിന്നീട് തിരക്കൊഴിഞ്ഞ ശേഷം തിരിച്ച് വിളിച്ചപ്പോൾ സുപ്രിയ തീയറ്ററിലായിരുന്നുവെന്നും പിന്നീട് നിരന്തരമുള്ള ഫോൺ കോളുകളിലൂടെ ഇരുവരും സൗഹൃദത്തിലാകുകയായിരുന്നു.

സിനിമയോടും പുസ്തകത്തോടുമുള്ള ഞങ്ങളുടെ കാഴ്ചപ്പാടുകൾ സമാനമായിരുന്നു. ഇത് അടുത്തറിഞ്ഞതോടെയാണ് മനസിലായത്. അയന്‍ റാന്‍ഡിൻ്റെ ‘The Fountainhead’ ആയിരുന്നു രണ്ടു പേര്‍ക്കും ഇഷ്‌ടമുള്ള പുസ്‌തകം. ഗാഗ്രി ഡേവിഡ് റോബർട്ട്സിൻ്റെ ശാന്താറാം എന്ന പുസ്തകത്തിൽ മുംബൈയെക്കുറിച്ച് വായിക്കാൻ ഇടയാതാണ് പ്രണയത്തിലാകാൻ കാരണമെന്നും പൃഥ്വിരാജ് വ്യക്തമാക്കിയിരുന്നു. ആ പുസ്‍തകത്തിൽ പറഞ്ഞിരിക്കുന്ന സ്ഥലങ്ങള്‍ കാണാൻ ആഗ്രഹം തോന്നുകയും അന്ന് മുംബൈയിൽ താമസിക്കുകയായിരുന്ന സുപ്രിയ പുസ്‍തകത്തിൽ പറഞ്ഞ സ്ഥലങ്ങളിലെല്ലാം കൊണ്ടുപോകാമെന്നു ഉറപ്പുതരുകയുമായിരുന്നു. ഒരുമിച്ചു നടന്ന് അവര്‍ മുംബൈയിലെ ‘ഹാജി അലി’, ലിയോപോള്‍ഡ്‌’ കഫെ’ എന്നിവ കണ്ടെന്നും അതിനിടയില്‍ എപ്പോഴോ ആണ് പ്രണയത്തിൻ്റെ തുടക്കമെന്നും പൃഥ്വി പറഞ്ഞിരുന്നു. ആ മുംബൈ യാത്രയിലാണ് സുപ്രിയയോട് പ്രണയം തോന്നിയതെന്ന് പൃഥ്വിരാജ് തുറന്ന് പറഞ്ഞിരുന്നു.

പൃഥ്വരാജിൻ്രെ ആദ്യ സംവിധാനം സംരംഭമായ ‘ലൂസിഫ‍ര്‍ നേടിയത് വലിയ വിജയമായിരുന്നു. അതിനെ തുടര്‍ന്ന് അതിൻ്റെ രണ്ടാം ഭാഗം ഒരുക്കാനുള്ള തയ്യാറെടുപ്പിലാണ് താരമിപ്പോൾ. ‘എമ്പുരാന്‍’ എന്ന് പേരിട്ടിരിക്കുന്ന ചിത്രം എഴുതുന്നത്‌ മുരളി ഗോപിയാണ്. ചിത്രത്തിൽ നായകനായി എത്തുന്നത് മോഹൻലാലാണ്. സുപ്രിയ മേല്‍നോട്ടം വഹിക്കുന്ന പൃഥ്വിരാജ് പ്രൊഡക്ഷന്‍സിൻ്റെ രണ്ടാം നിര്‍മ്മാണ സംരംഭമായ ‘ഡ്രൈവിംഗ് ലൈസെന്‍സ്’ ഷൂട്ടിങ് നടക്കുകയാണ്. പൃഥ്വിരാജ് വളരെ സാധാരണക്കാരനായ നായക വേഷത്തിലെത്തുന്ന ബ്രദേഴ്സ് ഡേയും റിലീസിന് ഒരുങ്ങുകയാണ്. കലാഭവൻ ഷാജോണാണ് ചിത്രം സംവിധാനം ചെയ്യുന്നത്.

Mobile AppDownload Get Updated News

പ്രിയദർശൻ - മോഹൻലാൽ കൂട്ടുകെട്ടിലുണ്ടായ ചിത്രമാണ് കാലാപാനി. 1996 - ലാണ് കാലാപാനി പുറത്തിറങ്ങുന്നത്. പ്രഭു, അം‌രീഷ് പുരി, ശ്രീനിവാസൻ, തബ്ബു, നെടുമുടിവേണു എന്നിവർ മറ്റു പ്രധാന കഥാപാത്രങ്ങളെ അവതരിപ്പിച്ചു. പാട്ടുകളും ആക്ഷനും സംവിധാന മികവിനാലും മനോഹരമായ ചിത്രം അതിശയിപ്പിക്കുന്നതാണെന്ന് ഇന്നും പ്രേക്ഷകർ പറയുന്നത്

ചിത്രത്തിലെ ഗാനങ്ങളെല്ലാം ഇന്നും ആസ്വദകരുടെ പ്രിയപ്പെട്ട ലിസ്റ്റിൽ ഉണ്ട്. ഗാനങ്ങൾ ഒരുക്കിയത് ഇളയരാജയാണ്. ചിത്രത്തിലെ ' കൊട്ടും കുഴൽ വിളി' എന്ന ഗാനം സമയപരിമിതി മൂലം ചിത്രത്തിൽ ഉൾപ്പെടുത്തിയില്ല. അതിനാൽ പാട്ട് ആസ്വദിച്ചവർക്ക് ഒരു ന്ഷ്ടബോധം തോന്നിയിരുന്നു. എന്നാൽ തമിഴ് പതിപ്പിൽ ഗാനം ഉൾപ്പെടുത്തിയിരുന്നു

ഇപ്പോഴിത ഗാനത്തിൻ്റെ റീമാസ്റ്റേർ ചെയ്ത പതിപ്പ് ഇപ്പോൾ സൈന വീഡിയോ വിഷൻ യൂട്യൂബിൽ അപ് ലോഡ് ചെയ്തിരിക്കുകയാണ്. എംജി ശ്രീകുമാറും ചിത്രയുമാണ് ഗാനങ്ങൾ ആലപിച്ചിരിക്കുന്നത്. മോഹൻലാലും തബുവും അഭിനയിച്ച ഗാനരംഗത്തിൻ്റെ കലാസംവിധാനം സാബു സിറിളാണ്

മോഹന്‍ലാലിൻ്റെ ഏറ്റവും മികച്ച പ്രകടനങ്ങളില്‍ ഒന്നായിരുന്നു ഗോവ‍ർധൻ. 1995 ലെ 5 നാഷണല്‍ അവാര്‍ഡുകളും 7 സംസ്ഥാന അവാര്‍ഡുകളും കാലാപാനിക്ക് ലഭിച്ചിരുന്നു. റിലീസിന് മുമ്പ് തന്നെ മികച്ച നടന്‍ ഉള്‍പ്പെടെ 1995 ലെ സംസ്ഥാന അവാര്‍ഡുകള്‍ കാലാപാനി വാങ്ങിക്കൂട്ടി. മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളില്‍ കൂടി കാലാപാനി മൊഴി മാറ്റി റിലീസ് ചെയ്തു,1996 ല്‍ 5 റിലീസ് തിയേറ്ററുകളില്‍ 100+ ദിവസം ഓടിയിട്ടുണ്ട് കാലാപാനി, ഒപ്പം തമിഴ് പതിപ്പായ ‘ശിറൈശാല’യും മികച്ച വിജയം നേടിയിരുന്നു.മലയാളത്തില്‍ ഒഴിവാക്കിയ ‘കൊട്ടും കുഴല്‍ വിളി’ എന്ന പാട്ട് തമിഴ് പതിപ്പ് ‘ശിറൈശാലയില്‍ ഉള്‍പ്പെടുത്തിയിരുന്നു. മലയാള സിനിമയിലെ ഏറ്റവും വലിയ ബജറ്റില്‍ 1995ൽ നിര്‍മ്മിച്ച സിനിമ കൂടിയാണ് കാലാപാനി.

Mobile AppDownload Get Updated News

'ഗപ്പി'ക്ക് ശേഷം സംവിധായകൻ ജോണ്‍ പോള്‍ ജോര്‍ജ്ജ് സംവിധാനം ചെയ്യുന്ന 'അമ്പിളി'യിലെ രണ്ടാമത്തെ ഗാനം 'ആരാധികേ' പുറത്തിറങ്ങി. 'കുമ്പളങ്ങി നൈറ്റ്സ്‌' ടീം ആണ് ഗാനം പുറത്തുവിട്ടത്. ഞാൻ ജാക്സൺ അല്ലെടാ' എന്ന ഹിറ്റ് പാട്ടിന് ശേഷം ഇറങ്ങിയിരിക്കുന്ന അമ്പിളിയിലെ ഗാനമാണിത്. വിഷ്ണു വിജയ് ആണ് ഗാനത്തിന് സംഗീതം നൽകിയിരിക്കുന്നത്. വിനായക് ശശികുമാറാണ് ഗാനത്തിന് വരികള്‍ എഴുതിയിരിക്കുന്നത്.

സൗബിന്‍ പ്രധാന വേഷത്തില്‍ എത്തുന്ന ചിത്രമാണ് 'അമ്പിളി'. ചിത്രത്തിന്‍റേതായി പുറത്തിറങ്ങിയ ആദ്യഗാനം ഇതിനകം പത്ത് ലക്ഷത്തിലേറെ കാഴ്ചക്കാരെ യൂട്യൂബിൽ നേടികഴിഞ്ഞിട്ടുണ്ട്. ഗാനത്തിന്‍റെ അകമ്പടിയോടെയെത്തിയ ടീസറും വൈറലായിരുന്നു. ജാക്സൺ പാട്ട് എന്നാണ് ആദ്യഗാനം അറിയപ്പെടുന്നത്.

നസ്രിയയുടെ അനിയന്‍ നവീന്‍ നസീമും ചിത്രത്തിൽ പ്രധാന വേഷത്തില്‍ എത്തുന്നുണ്ട്. മുകേഷും, എ വി അനൂപും ചേര്‍ന്നാണ് ഇ ഫോറിന്‍റെ ബാനറിൽ ചിത്രത്തിന്‍റെ നിര്‍മ്മാണം. അമ്പിളിയുടെ ഫസ്റ്റ് ലുക്ക് പോസ്റ്ററും ആദ്യ ടീസറും ഗാനവുമെല്ലാം ഏറെ ശ്രദ്ധിക്കപ്പെട്ടിരുന്നതാണ്. 10 ലക്ഷം കാഴ്ചക്കാരുമായി സോഷ്യല്‍ മീഡിയയില്‍ ജാക്സണ്‍ ലിറിക് വീഡിയോ ട്രെൻഡിംഗുമാണ്.

യാത്രക്ക് പ്രാധാന്യം നല്‍കിയൊരുക്കിയിരിക്കുന്ന ചിത്രമാണ് അമ്പിളി എന്നാണ് സൂചന. ഫഹദ് ഫാസില്‍ പുറത്തുവിട്ട ചിത്രത്തിന്‍റെ ആദ്യത്തെ പോസ്റ്റര്‍ ഏറെ ശ്രദ്ധിക്കപ്പെട്ടിരുന്നു. പുതുമുഖമായ തന്‍വി റാം ആണ് ചിത്രത്തിൽ നായിക. വിഷ്ണു വിജയ് ആണ് ചിത്രത്തിന്‍റെ സംഗീതം ഒരുക്കിയിരിക്കുന്നത്.

70467556

വർഷങ്ങളോളം തയ്യാറെടുപ്പുകള്‍ക്ക് ശേഷമാണ് ഹ്യൂമറിനും മ്യൂസിക്കിനും പ്രാധാന്യമുള്ള അമ്പിളിയുമായി സംവിധായകന്‍ എത്തുന്നത്. സൗബിന്‍ അമ്പരപ്പിക്കുന്ന മേക്ക്ഓവറിലാണ് സിനിമയിൽ പ്രത്യക്ഷപ്പെടുന്നത്. സുഡാനി ഫ്രം നൈജീരിയ, കുമ്പളങ്ങി നൈറ്റ്സ് എന്നീ സൂപ്പര്‍ഹിറ്റ് ചിത്രങ്ങൾക്ക് ശേഷം സൗബിന്‍ നായകനാകുന്ന സിനിമയാണ് അമ്പിളി. നവീന്‍ നസീം ആദ്യമായി അരങ്ങേറുന്ന സിനിമയെന്ന പ്രത്യേകതയും അമ്പിളിക്കുണ്ട്. ഗപ്പിയിലെ ഗാനങ്ങള്‍ക്ക് വരികളൊരുക്കിയ വിനായക് ശശികുമാര്‍ തന്നെയാണ് ഈ ചിത്രത്തിനായും ഗാനത്തിൻ്റെ വരികളെഴുതുന്നത്.

ഇ ഫോര്‍ എൻ്റര്‍ടെയിന്‍മെൻ്റിൻ്റെ ബാനറില്‍ മുകേഷ് ആര്‍.മേത്ത, എ.വി. അനൂപ്, സി.വി.സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ദേശീയ ശ്രദ്ധയാകര്‍ഷിച്ച പരസ്യ ചിത്രങ്ങളിലൂടെ ശ്രദ്ധേയനായ ശരണ്‍ വേലായുധനാണ് ഈ ചിത്രത്തിനായി ക്യാമറ കൈകാര്യം ചെയ്യുന്നത്.

തൊണ്ടിമുതലും ദൃക്‌സാക്ഷിയും സിനിമയുടെ എഡിറ്റിങ് നിര്‍വ്വഹിച്ച കിരണ്‍ ദാസാണ് ഈ ചിത്രത്തിൻ്റെ ചിത്രസംയോജനം നടത്തുന്നത്. വിനേഷ് ബംഗ്ലാനാണ് കലാസംവിധാനം നിര്‍വ്വഹിക്കുന്നത്. മഷാര്‍ ഹംസയാണ് കോസ്റ്റ്യൂം ഡിസൈനിംഗ്. ആര്‍ ജി വയനാടനാണ് മേക്കപ്പ് നിര്‍വഹിക്കുന്നത്. ഇന്ത്യയിലെ വിവിധ സംസ്ഥാനങ്ങളിലായാണ് അമ്പിളി ചിത്രീകരിക്കുന്നത്.

ടൊവീനോയേയും ചേതൻ ജയലാലിനേയും കേന്ദ്ര കഥാപാത്രങ്ങളാക്കി ഒരുക്കിയിരുന്ന ഗപ്പി എന്ന ഒറ്റ ചിത്രം കൊണ്ട് പ്രേക്ഷകരുടെ പ്രിയപ്പെട്ട സംവിധായകനായി മാറിയ ജോൺ പോളിന്‍റെ രണ്ടാമത്തെ സിനിമയാണ് അമ്പിളി എന്നതിനാൽ തന്നെ പ്രതീക്ഷയേറെയാണ്.

Mobile AppDownload Get Updated News

ആരാധകർ പ്രതീക്ഷയോടെ കാത്തിരിക്കുന്ന വമ്പൻ പ്രൊജക്ട് ആണ് പ്രിയദർശൻ - മോഹൻലാൽ ടീമിൻ്റെ കുഞ്ഞാലി മരയ്ക്കാർ. ചിത്രത്തിൻ്റെ ചില ലൊക്കേഷൻ സ്ററില്ലുകൾ ഫാൻസ് പേജുകളിലൂടെ പുറത്തു വന്നിരിക്കുകയാണ്. സുനിൽ ഷെട്ടി, മുകേഷ് എന്നിവരടക്കമുള്ളവരുടെ ചിത്രങ്ങൾ സെറ്റിൽ നിന്ന് വൈറലായിരുന്നു

70481049

പോർച്ചുഗീസുകാരെ തുരത്തിയ സാമൂതിരിയുടെ പടത്തലവാനായിരുന്ന കുഞ്ഞാലിമരക്കാർ നാലാമനായാണ് മോഹൻലാൽ ചിത്രത്തിലെത്തുന്നത്. മരക്കാര്‍ അറബി കടലിൻ്റെ സിംഹം ഹൈദരാബാദ് രാമോജി റാവു ഫിലിം സിറ്റിയിലാണ് പുരോഗമിക്കുന്നത്.

70481050

ചിത്രത്തിൽ ബോളിവുഡ് താരങ്ങളടക്കം വമ്പൻ താരനിരയാണ് അണിനിരക്കുന്നത്. പ്രണവ് മോഹന്‍ലാല്‍, കല്യാണ് പ്രിയദർശൻ, തമിഴ് നടൻ അർജുൻ, ബോളിവുഡ് നടൻ സുനിൽ ഷെട്ടി എന്നിവരും അഭിനയിക്കുന്നു. മലയാളത്തിനൊപ്പം തമിഴ്, തെലുങ്ക്, ഹിന്ദി ഭാഷകളിലും മൊഴിമാറ്റി പ്രദര്‍ശനത്തിനെത്തിക്കും

70481051

മലയാളത്തിലെ ഏറ്റവും ചെലവേറിയ സിനിമയെന്ന വിശേഷണവുമായി മോഹന്‍ലാലിൻ്റെ 'മരക്കാര്‍ -അറബിക്കടലിൻ്റെ സിംഹം'വരുന്നത്. ചിത്രത്തിൽ വൻ താരനിരയാണ് ചിത്രത്തിൽ അണിനിരക്കുന്നത്. ആശിർവാദിൻ്റെ ഇരുപത്തിയഞ്ചാമത്തെ ചിത്രമാണിത്.

70481343

നാലാം കുഞ്ഞാലിമരക്കാറായാണ് മോഹന്‍ലാല്‍ ഈ സിനിമയില്‍ അഭിനയിക്കുന്നത്. പ്രണവിന്‍റെ നായികയായാണ് പ്രിയദർശൻ്റെ മകൾ കല്യാണി സിനിമയില്‍ പ്രത്യക്ഷപ്പെടുന്നത്. മലയാളത്തിലെ എക്കാലത്തേയും ഹിറ്റ് കൂട്ടുകെട്ട് മോഹൻലാൽ - പ്രിയദ‍ർശൻ ചിത്രമെന്നതാണ് 'മരക്കാറിൻ്റെ' പ്രത്യേകത.

70481084

ഒടിയന് വേണ്ടി മോഹൻലാൽ ശരീരഭാരം കുറച്ചതും താരത്തിൻ്റെ പുതിയ ലുക്കും എല്ലാം വാര്‍ത്തകളിൽ ഇടം നേടിയിരുന്നു. അതിന് ശേഷം മോഹൻലാൽ മരക്കാറിന് വേണ്ടിയാണ് ശരീരം മെച്ചപ്പെടുത്തുന്നത്. നൂറ് കോടി രൂപയാണ് ചെലവ് പ്രതീക്ഷിക്കുന്നത്.

70481085

മലയാളത്തിലെ ഇതുവരെയുള്ളതില്‍ വച്ച് ഏറ്റവും ചെലവേറിയ ചിത്രമാണിത്. ആശിര്‍വാദ് സിനിമാസിന്‍റെ ബാനറിലാണ് മരക്കാർ ഒരുങ്ങുന്നത്. ആശിർവാദിൻ്റെ ഇരുപത്തിയഞ്ചാമത്തെ ചിത്രമാണിത്. കോണ്‍ഫിഡൻ്റ് ഗ്രൂപ്പും മൂണ്‍ഷോട്ട് എൻ്റര്‍ടെയ്ന്‍മെൻ്റുമാണ് സഹനിർമാതാക്കൾ.

70481087

പകുതിയും കടലില്‍ ഷൂട്ട് ചെയ്യുന്നതിനാലും ദൈര്‍ഘ്യമേറിയ പോസ്റ്റ് പ്രൊഡക്ഷന്‍ വര്‍ക്കുകള്‍ ആവശ്യമുള്ളതിനാലും റിലീസ് തീയതി പിന്നീടേ പ്രഖ്യാപിക്കുകയുള്ളൂ എന്നും ഈ സിനിമ തൻ്റെയും ലാലിൻ്റെയും സ്വപ്‌നമാണെന്നും പ്രിയദര്‍ശന്‍ മുൻപ് പറഞ്ഞിരുന്നു.

Mobile AppDownload Get Updated News

വിജയ് ദേവരകൊണ്ടയും രശ്മിക മന്ദാനയും പ്രധാന വേഷത്തിലെത്തിയ ‘ഡിയർ കോമ്രേഡി’ലെ സുന്ദരമായ പ്രണയഗാനം പുറത്ത് വിട്ടു. ‘നീ നീലികണ്ണുള്ളോന’ എന്ന ഗാനത്തിൻ്റെ വീഡിയോയാണ് അണിയറപ്രവര്‍ത്തകര്‍ പുറത്ത് വിട്ടത്. ചിത്രത്തിൻ്റെെ തെലുങ്കു പതിപ്പിലെ പ്രണയഗാനമാണിത്. റഹ്മാൻ്റെ വരികൾക്ക് ജസ്റ്റിൻ പ്രഭാകരനാണ് സംഗീതം പകര്‍ന്നിരിക്കുന്നത്. ഗൗതം ഭരദ്വാജാണ് ഗാനം ആലപിച്ചിരിക്കുന്നത്. തീയേറ്ററുകളിൽ ചിത്രത്തിന് ലഭിക്കുന്ന അതേ സ്വീകരണം തന്നെയാണ് ഈ ഗാനത്തിനും ലഭിക്കുന്നത്. യൂട്യൂബിൽ ഇതിനോടകം ഗാനം കണ്ടത് പതിമൂന്നരലക്ഷത്തോളം പേരാണ്.

മനോഹരമായ പ്രണയകവിതയാണു ഗാനത്തിൻ്റെ വരികളെന്ന് ആസ്വാദക‍ കമൻ്റായി കുറിക്കുന്നുണ്ട്. മലയാളം, തെലുങ്ക്, കന്നട, തമിഴ് ഭാഷകളിലാണ് ചിത്രം തീയേറ്ററുകളിലെത്തിയത്. ചിത്രത്തിലേതായി മുൻപ് പുറത്തിറങ്ങിയ കോമ്രഡ് ആന്തം ഏറെ പ്രേക്ഷക ശ്രദ്ധനേടിയിരുന്നു. മലയാളം പതിപ്പിൽ ദുൽഖർ സൽമാനും, തമിഴിൽ വിജയ് സേതുപതിയും തെലുങ്കിൽ വിജയ് ദേവരകൊണ്ടയുമാണു ഗാനം ആലപിച്ചിരുന്നത്. ‘ഡിയര്‍ കോമ്രേഡി’ന്‍റെ മലയാളം ട്രെയിലര്‍ സോഷ്യൽമീഡിയയിലൂടെ ലോഞ്ച് ചെയ്തത് ദുല്‍ഖര്‍ സല്‍മാന്‍ ആയിരുന്നു. അതിന് നന്ദി അറിയിച്ചുകൊണ്ട് ലവ് യു കുഞ്ഞിക്കയെന്ന് വിജയ് ട്വീറ്റ് ചെയ്തിരുന്നു. മാത്രമല്ല താനും ദുല്‍ഖറും ചേര്‍ന്ന് ഒരു സര്‍പ്രൈസ് ഒരുക്കുന്നുണ്ടെന്നും അദ്ദേഹം ട്വിറ്ററിൽ കുറിച്ചിരുന്നു.

70482234

കണ്ണിൽ പന്തം കൊളുത്തെടാ, കൈയ്യും മെയ്യും മറക്കെടാ എന്നാണ് പാട്ടിന്‍റെ തുടക്കം. കോമ്രേഡ് ആന്തത്തിനു സംഗീതം നിർവ്വഹിച്ചിരിക്കുന്നത് ജസ്റ്റിൻ പ്രഭാകരനാണ്. മലയാളം വരികള്‍ എഴുതിയിരിക്കുന്നത് ജോ പോളാണ്. പ്രണയവും ആക്ഷനും കോര്‍ത്തിണക്കിയാണ് ചിത്രം ഒരുക്കുന്നത്. കോളേജ് വിദ്യാര്‍ത്ഥികൾക്കിടെയിലെ പ്രശ്നങ്ങളും കലഹങ്ങളുമെല്ലാം ചിത്രത്തിൻ്റെ ഭാഗമായുണ്ട്.

പ്രണയവും രാഷ്ട്രീയവുമെല്ലാം വിഷയമാകുന്ന ചിത്രമാണ് ഡിയർ കൊമ്രേഡ്. ഭരത് കമ്മയാണ് ചിത്രം സംവിധാനം ചെയ്യുന്നത്. തെലുങ്ക്, കന്നട, മലയാളം, തമിഴ് എന്നീ ഭാഷകളിൽ ചിത്രം തീയേറ്ററുകളിൽ എത്തും. കെജിഎഫ് എന്ന ചിത്രത്തിന് ശേഷം തെലുങ്ക്, കന്നഡ, തമിഴ്, മലയാളം ഭാഷകളിൽ ഒരുമിച്ച് റിലീസ് ചെയ്യുന്ന ചിത്രമാണിത്. മൈത്രി മേക്കേഴ്സിൻ്റെ ബാനറിൽ നവീൻ യെർനേനി, വൈ. രവിശങ്കർ, മോഹൻ (cvm), യഷ് രങ്കിനേനി എന്നിവരാണ് ചിത്രം നിർമ്മിക്കുന്നത്. ഭരത് കമ്മ തന്നെയാണ് ചിത്രത്തിൻ്റെ കഥയും ഒരുക്കിയിരിക്കുന്നത്. E4 എൻ്റർടെയ്ൻമെൻ്റ്സ് ആണ് കേരളത്തിലേക്ക് ചിത്രം വിതരണം ചെയ്തിരിക്കുന്നത്.

കഴിഞ്ഞ വര്‍ഷം മെയ് മാസത്തിലാണ് ചിത്രം പ്രഖ്യാപിച്ചിരുന്നത്. ഇതിന് പിന്നാലെ ദുല്‍ഖര്‍ സല്‍മാന്‍ നായകനായ അമല്‍ നീരദ് ചിത്രം 'സിഐഎ കോമ്രേഡ് ഇന്‍ അമേരിക്ക'യുടെ റീമേക്കാണ് ഈ ചിത്രം എന്ന തരത്തില്‍ പുറത്ത് വന്ന റിപ്പോര്‍ട്ടുകള്‍ തള്ളി സംവിധായകന്‍ രംഗത്തെത്തുകയും ചെയ്തിരുന്നു. ചിത്രത്തില്‍ മലയാളി നടിയായ ശ്രുതി രാമചന്ദ്രനും ഒരു പ്രധാന വേഷത്തില്‍ എത്തുന്നുണ്ട്. ടാക്‌സിവാല എന്ന ചിത്രമാണ് വിജയ് ദേവരകൊണ്ടയുടേതായി ഒടുവിൽ പുറത്തിറങ്ങിയ ചിത്രം. നാടകങ്ങളിലൂടെ സിനിമയിലേക്കെത്തിയ വിജയ് ദേവരക്കൊണ്ട രവി ബാബുവിന്‍റെ 2011ൽ പുറത്തിറങ്ങിയ ചിത്രമായ 'നുവ്വില'യിൽ ക്രിക്കറ്റ് കളിക്കാരന്‍റെ വേഷത്തിലൂടെയാണ് സിനിമയിലേക്ക് രംഗപ്രവേശം ചെയ്തത്.

'യെവടെ സുബ്രമണ്യം' എന്ന ചിത്രത്തിലൂടെ ദേശീയതലത്തിൽ ശ്രദ്ധനേടുകയായിരുന്നു. 2017ൽ പുറത്തിറങ്ങിയ കൾട്ട് ക്ലാസിക് ചിത്രമായ 'അർജ്ജുൻ റെഡ്ഡി' എന്ന ചിത്രമാണ് വിജയ്‌ ദേവരകൊണ്ടയുടെ തലവരമാറ്റിയത്. അര്‍ജ്ജുൻ റെഡ്ഡിയുടെ തമിഴ്, ഹിന്ദി പതിപ്പുകള്‍ കബീര്‍ സിങ്ങ്, ആദിത്യ വര്‍മ്മ എന്നീ പേരുകളിൽ ഉടൻ പുറത്തിറങ്ങുന്നുണ്ട്.

ചിത്രത്തിൻ്റെ പ്രൊമോഷനായി താരം കൊച്ചിയിൽ എത്തിയപ്പോൾ നടൻ ദുൽഖർ സൽമാൻ തനിക്ക് സഹോദരനെപ്പോലെയാണെന്ന് തെലുങ്ക് സൂപ്പര്‍ താരം പറഞ്ഞിരുന്നു. പുതിയ ചിത്രത്തിൽ ദുല്‍ഖറിന്‍റെ ആരാധകര്‍ എല്ലാവരും കാത്തിരിക്കുന്ന ഒരു സര്‍പ്രൈസ് ഉണ്ടാകുമെന്നും അദ്ദേഹം വ്യക്തമാക്കിയിരുന്നു. കേരളത്തിലും തെലുങ്കിലും ബോളിവുഡിലുമുള്ള ദുല്‍ഖറിന്‍റെ ആരാധകര്‍ ഏറെ ഇഷ്ടപ്പെടുന്നതായിരിക്കും വരാന്‍ പോകുന്നത്. വാട്ട് എവര്‍ ഈസ് കമിംഗ് ഈസ് ഫുള്‍ ഓണ്‍ ഫയര്‍, ഇറ്റ്‌സ് ലൈക്ക് ഹീറ്റ്, അദ്ദേഹം പറഞ്ഞതിങ്ങനെയാണ്. ദുല്‍ഖര്‍ തനിക്ക് സഹോദരനെപ്പോലെ ആണെന്നും വിജയ് കൂട്ടിച്ചേര്‍ത്തിരുന്നു.

താന്‍ ഇതുവരെ കണ്ടിട്ടുള്ള മലയാള ചിത്രങ്ങളില്‍ കൂടുതൽ ദുല്‍ഖറിന്‍റേതാണെന്നും അദ്ദേഹം കൊച്ചിയിൽ മാധ്യമങ്ങളോട് പറഞ്ഞിരുന്നു. താൻ വലിയ ദുൽഖർ ഫാനാണ്, ഇംഗ്ലീഷ് സബ്‍ടൈറ്റിൽ ഉപയോഗിച്ചാണ് അദ്ദേഹത്തിന്‍റെ ചിത്രങ്ങളെല്ലാം കണ്ടതെന്നും അദ്ദേഹം പറഞ്ഞു. തെലുങ്ക് ചിത്രം മഹാനടിയില്‍ ഞങ്ങള്‍ ഒരുമിച്ച് അഭിനയിച്ചിട്ടുണ്ട്, ചെന്നൈയില്‍ ഷൂട്ടിങ്ങ് ഉള്ള സമയത്ത് ഒരുമിച്ച് കണ്ടിട്ടുമുണ്ട്. എനിക്ക് എല്ലാ പിന്തുണയും നല്‍കുന്നയാളാണ് ദുല്‍ഖറെന്നും അദ്ദേഹം പറഞ്ഞിരുന്നു. ചിത്രത്തിലെ നായികയായ രശ്മിക മന്ദാനയും വിജയ് ദേവരകൊണ്ടയോടൊപ്പം കൊച്ചിയിൽ എ

Mobile AppDownload Get Updated News

ഒടിയൻ, ലൂസിഫർ എന്നീ ബിഗ് ബജറ്റ് ചിത്രങ്ങള്‍ക്ക് ശേഷം മോഹൻലാലിന്‍റേതായി നിരവധി ചിത്രങ്ങളാണ് അണിയറയിൽ ഒരുങ്ങുന്നത്. ഇട്ടിമാണി മെയ്ഡ് ഇൻ ചൈന, മരക്കാർ അറബിക്കടലിന്‍റെ സിംഹം, ബിഗ് ബ്രദര്‍ എന്നീ ബിഗ് ബജറ്റ് ചിത്രങ്ങളാണ് മോഹൻലാലിന്‍റേതായി അടുത്തതായി ഒരുങ്ങുന്നത്. കൂടാതെ ലൂസിഫറിന്‍റെ രണ്ടാംഭാഗമായ എമ്പുരാനും ഒരുങ്ങുന്നുണ്ട്. ഇട്ടിമാണി മെയ്ഡ് ഇൻ ചൈന ഈ ഓണത്തിനാണ് തീയേറ്ററുകളിലെത്തുക. ചിത്രത്തിൻ്റെ പുതിയ പോസ്റ്റര്‍ പുറത്തു വിട്ടിരിക്കുകയാണ് അണിയറപ്രവര്‍ത്തകര്‍ ഇപ്പോൾ. സെമിത്തേരിയിൽ പ്രാര്‍ത്ഥിച്ചുകൊണ്ടു നിൽക്കുന്ന ഇട്ടിമാണി കള്ളനോട്ടമെറിഞ്ഞ് മറ്റാരെയോ നോക്കുന്ന ചിത്രത്തോടെയാണ് പോസ്റ്റര്‍ പുറത്ത് വിട്ടിരിക്കുന്നത്.

ഇട്ടിമാണിയിൽ തൃശൂര്‍ ഭാഷ സംസാരിക്കുന്നയാളായാണ് മോഹൻലാൽ എത്തുന്നത്. ചിത്രത്തിന്‍റേതായിറങ്ങിയ പോസ്റ്ററുകളും ലീക്കായ മാര്‍ഗ്ഗം കളി വീഡിയോകളും ഏറെ വൈറലായിരുന്നു. ഇപ്പോള്‍ ചിത്രത്തിന്‍റേതായുള്ള പുതിയൊരു പോസ്റ്ററും മുൻപ് പുറത്തിറങ്ങിയിരിരുന്നു. ഇരട്ടക്കുഴൽ തോക്കും തോളത്തുവെച്ച് കയ്യിലൊരു കോഴിയെ തൂക്കിപിടിച്ചുകൊണ്ടാണ് മോഹൻലാൽ പോസ്റ്ററിൽ ഉള്ളത്. ഇട്ടിമാണി മാസാണ് മനസ്സുമാണ് എന്നാണ് പോസ്റ്ററിലെ ക്യാപ്ഷനിലുള്ളത്.

ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ നിർമ്മിക്കുന്ന ചിത്രമായ 'ഇട്ടിമാണി മെയ്ഡ് ഇൻ ചൈന' കഥയും തിരക്കഥയും സംവിധാനവും ചെയ്യുന്നത് നവാഗതനായ ജിബിയും ജോജുവും ചേര്‍ന്നാണ്. ചിത്രത്തിൽ ഹണി റോസാണ് നായികയായെത്തുന്നത്. ചിത്രത്തിന്‍റെ ആദ്യ ഷെഡ്യൂൾ സിങ്കപ്പൂരിൽ പൂര്‍ത്തിയായിരുന്നു. അഞ്ച് ദിവസം നീണ്ടു നിൽക്കുന്ന ആദ്യ ഷെഡ്യൂളിൽ മോഹൻലാലിന്‍റെ ബാല്യകാലമാണ് ചിത്രീകരിച്ചിരുന്നത്. അതിനുശേഷം രണ്ടാം ഷെഡ്യൂൾ, കൊച്ചിയിലും തൃശൂരിലുമായും മൂന്നാം ഷെഡ്യൂൾ ചൈനയിലും പൂര്‍ത്തിയാക്കി.

എം പത്മകുമാർ സംവിധാനം ചെയ്ത കനൽ എന്ന ചിത്രത്തിനു ശേഷം ഹണി റോസ് വീണ്ടും മോഹൻലാലിന്‍റെ നായികയായി അഭിനയിക്കുന്ന ചിത്രമാണ് ഇട്ടിമാണി. ഒടിയൻ, ലൂസിഫര്‍, മരക്കാര്‍ അറബിക്കടലിന്‍റെ സിംഹം എന്നീ ചിത്രങ്ങളിൽ മഞ്ജു വാര്യരാരാണ് മോഹൻലാലിന്‍റെ നായിക.

ഹരീഷ് കണാരൻ, ധർമ്മജൻ ബോൾഗാട്ടി, രാധിക ശരത്കുമാർ തുടങ്ങിയ ഒരു നീണ്ട നിരതന്നെയുണ്ട് ചിത്രത്തിൽ. നരൻ, പുലിമുരുഗൻ, ഒടിയൻ എന്നീ ചിത്രങ്ങളുടെ ക്യാമറ കൈകാര്യം ചെയ്ത ഷാജി കുമാർ ആണ് ചിത്രത്തിന്‍റെ ഛായാഗ്രഹണം. സൂര്യ, മോഹൻലാൽ ടീം ഒന്നിക്കുന്ന കെ വി ആനന്ദ് ഒരുക്കിയ തമിഴ് ചിത്രം കാപ്പാനും ഉടൻ റിലീസിങ്ങിനായൊരുങ്ങുന്നുണ്ട്.

അതേസമയം മലയാളത്തിൻ്റെ താരചക്രവര്‍ത്തിമാരായ മമ്മൂട്ടിയും മോഹൻലാലും ഇത്തവണയും ഓണത്തിന് തീയേറ്ററുകളിൽ ഏറ്റുമുട്ടാൻ ഒരുങ്ങുകയാണ്. മോഹൻലാൽ നായകനാകുന്ന 'ഇട്ടിമാണി മെയ്ഡ് ഇന്‍ ചൈന'യും മമ്മൂട്ടി നായകനാകുന്ന 'ഗാനഗന്ധര്‍വ്വനും' തമ്മിലാണ് ഇത്തവണത്തെ ഓണത്തിന് തീയേറ്ററുകളിൽ ഏറ്റുമുട്ടാൻ ഒരുങ്ങുന്നത്.

നടൻ ജയറാമിനൊപ്പം 'പഞ്ചവര്‍ണ്ണതത്ത'യൊരുക്കിയ രമേഷ് പിഷാരടി വീണ്ടും സംവിധായക വേഷമണിയുന്ന ചിത്രമാണ് 'ഗാനഗന്ധര്‍വ്വൻ'. ചിത്രത്തിൽ മമ്മൂട്ടിയാണ് നായക കഥാപാത്രത്തെ അവതരിപ്പിക്കുന്നത്. പേര് സൂചിപ്പിക്കുന്നതു പോലെ മലയാളത്തിന്‍റെ സ്വന്തം ശബ്ദമായ യേശുദാസിന്‍റെ ജീവിതവുമായി ചിത്രത്തിന് ബന്ധമുണ്ടോയെന്ന വിവരങ്ങളൊന്നും പുറത്തുവിട്ടില്ല. ചിത്രത്തെ സംബന്ധിച്ച കൂടുതൽ വാര്‍ത്തകള്‍ വരുംദിവസങ്ങളിൽ വരുമെന്നാണ് സൂചന.

ചിത്രത്തിൽ മമ്മൂട്ടി കലാസദൻ ഉല്ലാസ് എന്ന ഗാനമേള പാട്ടുകാരനായാണ് എത്തുന്നത്. ഹാസ്യത്തിന് പ്രാധാന്യം നൽകിയാണ് ചിത്രം ഒരുക്കുന്നത്. ചിത്രത്തിൽ നാല് നായികമാരുണ്ടെന്നാണ് പുതിയ റിപ്പോര്‍ട്ട്. ഇതിൽ മൂന്നുപേരും പുതുമുഖങ്ങളായിരിക്കുമെന്നും നാലാമത്തെ നായിക സിനിമാ മേഖലയിലെ മുൻനിര നായികമാരിലൊരാൾ ആയിരിക്കുമെന്നും റിപ്പോര്‍ട്ടുകളിൽ വ്യക്തമാക്കുന്നു. പുതുമുഖമായ വന്ദിതയാണ് ചിത്രത്തിലെ ഒരു നായിക.

രമേശ് പിഷാരടിയും ഹരി പി നായരും ചേർന്നാണ് ചിത്രത്തിൻ്റെ രചന നിർവഹിച്ചിരിക്കുന്നത്. ഇക്കൊല്ലത്തെ ഓണം റിലീസായി ചിത്രം തീയേറ്ററുകളിലെത്തിയേക്കും. ചിത്രത്തിലെ നായികമാരെ തെരഞ്ഞെടുക്കാനായി രമേഷ് പിഷാരടി പ്രത്യേക ഓഡീഷൻ നടത്തിയിരുന്നു. സിദ്ധിഖ്, മനോജ് കെ ജയൻ , സുരേഷ് കൃഷ്ണ, സലിം കുമാർ, ദേവൻ, കുഞ്ചൻ, മണിയൻ പിള്ള രാജു, ഹരീഷ് കണാരൻ, ധർമജൻ, അശോകൻ, അതുല്യ, ശാന്തി തുടങ്ങിയവരാണ് ചിത്രത്തിലെ മറ്റു താരങ്ങൾ. അളഗപ്പനാണ് ചിത്രത്തിന് ക്യാമറ കൈകാര്യം ചെയ്യുന്നത്, ലിജോ പോളാണ് എഡിറ്റിംഗ്.

Mobile AppDownload Get Updated News

ഷൈൻ ടോം ചാക്കോയും നിത്യ മേനോനും ഒന്നിക്കുന്ന പുതിയ ചിത്രം 'ആറാം തിരുകല്പന'യുടെ ടൈറ്റിൽ പോസ്റ്റ‍ർ പുറത്തിറങ്ങി. ‘ഹു’ എന്ന ചിത്രത്തിന് ശേഷം സംവിധായകൻ അജയ് ദേവലോക സംവിധാനം ചെയ്യുന്ന ചിത്രമാണ് ആറാം തിരുകൽപന എന്നതും ശ്രദ്ധേയമാണ്. ചിത്രം ത്രില്ലറാണെന്നാണ് ലഭിക്കുന്ന സൂചന.

കോറിഡോര്‍ 6 ഫിലിംസ് ആണ് ചിത്രത്തിന്‍റെ നിര്‍മ്മാണം. സിനിമയുടെ മറ്റു വിവരങ്ങളൊന്നും പുറത്തുവിട്ടിട്ടില്ല. സിനിമയുടെ ചിത്രീകരണം ഉടൻ ആരംഭിക്കുമെന്നാണ് ലഭിക്കുന് സൂചന. പുറപ്പാട് 20.13 എന്നാണ് 'ആറാം തിരുകല്പന' എന്ന ടൈറ്റിലിന് താഴെയായി എഴുതിയിട്ടുള്ളത്.

മലയാള സിനിമയില്‍ ഒരു വേറിട്ട ദൃശ്യാനുഭവം ഒരുക്കിയ ഹൂവിന് ശേഷം അജയ് ദേവലോക ഒരുക്കുന്ന ചിത്രമാണിത്. ആദ്യം ‘ഇസബെല്ല’ എന്നായിരുന്നു ചിത്രത്തിന് പേരിട്ടിരുന്നത്. മാസ് കള്‍ട്ട് ക്ലാസ് മൂവിയായിട്ടാണ് ചിത്രമൊരുക്കുന്നത്. മഹാരാഷ്ട്രയിലും രാജസ്ഥാനിലുമായിട്ടായിരിക്കും ചിത്രത്തിന്റെ ചിത്രീകരണം എന്നാണ് അറിയുന്നത്. ഹൂവില്‍ മഞ്ഞു കാലത്തിനാണ് പ്രാധാന്യം നല്‍കിയിരുന്നതെങ്കിൽ പുതിയ ചിത്രത്തിൽ വരണ്ട കാലാവസ്ഥയെ മുൻനിർത്തിയാണ് ഒരുക്കുന്നതെന്നാണ് അറിയുന്നത്.

നിത്യ മേനോൻ അഭിനയിച്ച 'കോളാമ്പി' എന്ന ടി.കെ രാജീവ് കുമാർ ചിത്രം ഉടൻ പുറത്തിറങ്ങാനിരിക്കുകയാണ്. രാജീവ് കുമാർ ആറുവര്‍ഷങ്ങള്‍ക്ക് ശേഷം ഒരുക്കുന്ന ചിത്രമാണിത്. മനോഹരമായ ഫ്രെയിമുകളും ഗാനങ്ങളും സംഭാഷണങ്ങളുമടങ്ങുന്നതായിരുന്നു 'കോളാമ്പി'യുടേതായി പുറത്തിറങ്ങിയ ട്രെയിലര്‍. നിര്‍മാല്യം സിനിമയുടെ ബാനറില്‍ രൂപേഷ് ഓമന നിര്‍മ്മിക്കുന്ന ചിത്രത്തില്‍ സിദ്ധാർത്ഥ് മേനോൻ, രഞ്ജി പണിക്കർ, രോഹിണി, ദിലീഷ് പോത്തൻ, അരിസ്റ്റോ സുരേഷ് തുടങ്ങിയവര്‍ പ്രധാനവേഷങ്ങളിലെത്തുന്നുണ്ട്.

രവി വര്‍മന്‍ ആണ് ഛായാഗ്രഹണം നിര്‍വ്വഹിച്ചിരിക്കുന്നത്. കലാസംവിധാനം സാബു സിറിളും സംഗീതസംവിധാനം രമേഷ് നാരായണനുമാണ്. ശബ്ദസംവിധാനം നിര്‍വഹിക്കുന്നത് റസൂല്‍ പൂക്കുട്ടിയാണ്.
രാജ്യാന്തര സിനിമാ പ്രേക്ഷകരെയും മേളകളെയും ലക്ഷ്യമിട്ടാണ് കോളാമ്പി ഒരുക്കിയിരിക്കുന്നത്. തത്സമയം ഒരു പെൺകുട്ടി എന്ന സിനിമക്ക് ശേഷമാണ് ടി.കെ രാജീവ് കുമാറിന്‍റെ സിനിമയിൽ വീണ്ടും നിത്യ മേനോൻ അഭിനയിക്കുന്നതെന്ന പ്രത്യേകതയുമുണ്ട്.

നിത്യ മേനോൻ അഭിനയിച്ച ആദ്യ ബോളിവുഡ് ചിത്രമായ മിഷൻ മംഗളും ഉടൻ ഇറങ്ങാനിരിക്കുകയാണ്. ആനന്ദ മാര്‍ഗ്ഗം, ദ അയേൺ ലേഡി, സൈക്കോ തുടങ്ങിയ ചിത്രങ്ങളും താരത്തിന്‍റേതായി ഒരുങ്ങുന്നുണ്ട്. ഇന്ത്യയുടെ ചൊവ്വാ ദൗത്യം പ്രമേയമായി ഒരുങ്ങുന്ന സിനിമയാണ് മിഷൻ മംഗള്‍. ചിത്രത്തിന്‍റെ ട്രെയിലര്‍ അണിയറപ്രവര്‍ത്തകര്‍ കഴിഞ്ഞ ദിവസം പുറത്തുവിട്ടിരുന്നു. അക്ഷയ് കുമാര്‍ ആണ് ചിത്രത്തിലെ നായകനായി എത്തുന്നത്. അക്ഷയ്‍ കുമാറിന് പുറമേ വിദ്യാ ബാലനും, തപ്സി പന്നുവും സൊനാക്ഷിയുമാണ് ചിത്രത്തിൽ നിത്യയ്‍ക്കൊപ്പമുള്ള നായികമാര്‍.

ഇഷ്കിലും ഉണ്ടയിലും മികച്ച വേഷങ്ങളെ അവതരിപ്പിച്ച ഷൈൻ ടോം ചാക്കോയുടേതായി നിരവധി ചിത്രങ്ങളാണ് ഈ വർഷം ഇറങ്ങാനിരിക്കുന്നത്. തമി, തേര്‍ഡ് വേള്‍ഡ് ബോയ്സ്, ബിബ്ലിയോ തുടങ്ങിയ ചിത്രങ്ങളാണ് താരത്തിന്‍റേതായി ഒരുങ്ങുന്നത്.

Mobile AppDownload Get Updated News

'കെട്ട്യോളാണ് എൻ്റെ മാലാഖ': രസമുള്ള മോഷൻ പോസ്റ്റര്‍

ദുൽഖറിന് പിറന്നാൾ സമ്മാനമായി'കണ്ണും കണ്ണും കൊള്ളയടിത്താൽ'ട്രെയിലർ

ഫാൻസ് പ്രതികാരം അതിരു കടന്നു; RIPactorvijay വൈറൽ

'കെജിഎഫ് 2'ൽ വില്ലൻ അധീരനായി സഞ്ജയ് ദത്ത്; ഫസ്റ്റ് ലുക്ക് പോസ്റ്റര്‍ വൈറൽ

'പൊറിഞ്ചു മറിയം ജോസി'ൻ്റെ റിലീസിന് തടസ്സമില്ല; സ്വാതന്ത്ര്യദിനത്തില്‍ തന്നെ എത്തും

കുഞ്ചാക്കോ ബോബൻ മിഥുൻ മാനുവൽ തോമസ് ചിത്രം; 'അഞ്ചാം പാതിരാ' ഫസ്റ്റ് ലുക്ക്

'ഞാനെന്തു വൃത്തികെട്ട സ്ത്രീയോ ആയിക്കോട്ടെ, വിമര്‍ശിക്കുമ്പോള്‍ അല്‍പം മര്യാദയാകാം': അഭയ ഹിരണ്‍മയി

'പൊറിഞ്ചു മറിയം ജോസി'ൻ്റെ ട്രെയില‍ര്‍ മോഹൻലാൽ പുറത്ത് വിടും

ജാക്സൺ പാട്ടിന് ശേഷം 'അമ്പിളി'യിലെ അടുത്ത ഗാനം 'കുമ്പളങ്ങി' ടീം പുറത്തിറക്കും

സിനിമയിലെ വ്യാജ സംഘടനകള്‍ക്കെതിരെ ജാഗ്രത വേണമെന്ന് ഫെഫ്ക

ഗിന്നസ് പക്രു നിർമ്മിക്കുന്ന ‘ഫാൻസി ഡ്രസ്സ്’ ട്രെയിലർ

മതിൽ ചാടിക്കടന്ന് 'ബിഗ് ബ്രദര്‍': ഫസ്റ്റ് ലുക്ക് പോസ്റ്റ‍ര്‍ വൈറലാകുന്നു

വൈറലായി പള്ളീലച്ചന്മാരുടെ അക്കാപ്പെല്ല പാട്ട്

സുപ്രിയയ്ക്ക് പിറന്നാള്‍ ആശംസകളുമായി പൃഥ്വിരാജ്

കൊട്ടും കുഴൽവിളി 'കാലാപാനി'യിലെ നിങ്ങൾ ഇതുവരെ കാണാത്ത ഗാനരംഗം

'അമ്പിളി'യിലെ അടുത്ത ഗാനം 'ആരാധികേ' പുറത്തിറങ്ങി

മരക്കാ‍ർ ലൊക്കേഷൻ ചിത്രങ്ങൾ വൈറലാകുന്നു

‘ഡിയർ കോമ്രേഡി’ലെ സുന്ദരമായ പ്രണയഗാനം ഇതാ, കാണൂ

കള്ളനോട്ടമെറിഞ്ഞ് 'ഇട്ടിമാണി'; ഓണം കൂടാൻ മാണിച്ചയാനെത്തും, പുതിയ പോസ്റ്റര്‍

ഷൈനും നിത്യയും ഒന്നിക്കുന്ന 'ആറാം തിരുകല്പന' വരുന്നു