Malayalam Samayam

66-ാമത് ദേശീയ ചലച്ചിത്ര പുരസ്‌കാരം പ്രഖ്യാപിച്ചപ്പോള്‍ മലയാള സിനിമാ ലോകം ഉറ്റു നോക്കിയത് പേരൻപിനും മമ്മൂട്ടിയ്ക്കും പുരസ്കാരങ്ങളുണ്ടോ എന്നതായിരുന്നു. എന്നാൽ ഈ ആരാധകരെ നിരാശപ്പെടുത്തുന്നതായിരുന്നു പ്രഖ്യാപനം. ഇതിനെതിരെ സോഷ്യല്‍ മീഡിയയില്‍ ആരാധകരുടെ രോഷം അലയടിക്കുകയാണ്. ഒരു നടൻ ഇതിൽ കൂടുതൽ എങ്ങനെയാണ് അഭിനയിക്കേണ്ടതെന്നും അര്‍ഹതയുള്ള അദ്ദേഹത്തെ തഴഞ്ഞ ഈ ഫലപ്രഖ്യാപനം ബഹിഷ്‌കരിക്കുന്നുവെന്നും ആരാധകര്‍ സോഷ്യൽ മീഡിയയിലൂടെ ചോദിക്കുകയും പ്രഖ്യാപിക്കുകയുമൊക്കെ ചെയ്യുകയാണ് ഇപ്പോൾ.

പുരസ്‌കാരം പ്രഖ്യാപിക്കുന്ന സമയത്ത് തന്നെ പ്രസ് ഇന്‍ഫര്‍മേഷന്‍ ബ്യൂറോയുടെ ട്വിറ്റര്‍, യൂട്യൂബ് പേജുകളിലെ കമൻ്റ് ബോക്സുകളിലും നിറഞ്ഞു നിന്നിരുന്നത് മമ്മൂട്ടിയുടെയും പേരൻപിൻ്റെയും ഒക്കെ പേരായിരുന്നു. അവാര്‍ഡ് പ്രഖ്യാപനം നടത്തിയപ്പോള്‍ പേരന്‍പിലെ പ്രകടനത്തിന് അവാര്‍ഡ് മമ്മൂട്ടിക്ക് നല്‍കുക എന്നായിരുന്നു ആരാധകരുടെ ആവശ്യം. മമ്മൂക്ക, നിങ്ങളാണ് ഞങ്ങളുടെ ഹൃദയത്തിലെ മികച്ച നടന്‍, അവാര്‍ഡ് ഫോര്‍ മമ്മൂട്ടി എന്നിങ്ങനെയുള്ള കമൻ്റുകളായിരുന്നു ഇന്നലെ യൂട്യൂബിൽ നിറഞ്ഞുനിന്നിരുന്നത്.

മമ്മൂട്ടിയ്ക്ക് അവാര്‍ഡ് നൽകാത്തതിനെ സംബന്ധിച്ച് ജൂറി അംഗങ്ങൾ പ്രതികരിച്ച രീതിയും മറുപടിയും ആരാധകരെ ആശ്വസിപ്പിക്കുന്നതായിരുന്നില്ല. മമ്മൂട്ടിയ്ക്ക് പുരസ്കാരം ലഭിക്കാതിരുന്നതിനെ കുറിച്ച് ജൂറി മെമ്പറും സംവിധായകനുമായ മേജര്‍ രവിയുടെ പ്രതികരണം പുറത്ത് വരുന്നത്.ഇതിനെ പറ്റി മേജര്‍ രവി പറയുന്നതിങ്ങനെ. ഞാനും മറ്റ് ജൂറി അംഗങ്ങളും ഏറെ ശ്രദ്ധയോടെ വീക്ഷിച്ച ചിത്രമാണ് പേരന്‍പ് എന്ന സിനിമ. എന്നാല്‍ ചിത്രത്തിൻ്റെ രണ്ടാം പകുതിയില്‍ എവിടെയൊക്കെയോ വലിഞ്ഞുപോയിട്ടുണ്ടെന്നും ആ ഇഴച്ചില്‍ മമ്മൂട്ടിയുടെ പ്രകടനത്തില്‍ നിന്നുള്ള ശ്രദ്ധ വ്യതിചലിപ്പിച്ചെന്നും മേജര്‍ രവി. രണ്ടാംപാതിയില്‍ വലിച്ചിലുണ്ടെന്ന് പറഞ്ഞാണ് സിനിമ പിറകിലേക്ക് തള്ളിപ്പോകുന്നതെന്നും എന്നാല്‍ മമ്മൂട്ടിയുടെ പേര് അവസാന റൗണ്ടില്‍വരെയുണ്ടായിരുന്നുവെന്നും മേജര്‍ രവി വ്യക്തമാക്കി.

Also Read: ‘പേരന്‍പില്‍ മോഹന്‍ലാല്‍ ആയിരുന്നേല്‍ സ്‌പെഷ്യല്‍ ജൂറിയെങ്കിലും കിട്ടിയേനെ’; കുറിപ്പ് വൈറൽ

മമ്മൂട്ടിയ്ക്ക് വേണ്ടി താനും ഏറെ വാദിച്ചിരുന്നെന്നും മമ്മൂട്ടിയുടെ കാര്യത്തില്‍ കേവലം ഒരു പരാമര്‍ശമോ അവാര്‍ഡ് പങ്കിടലോ സാധിക്കില്ലെന്നും നല്‍കുകയാണെങ്കില്‍ മികച്ച നടനുള്ള പുരസ്‌കാരം തന്നെ കൊടുക്കേണ്ടി വരുമെന്നും മേജര്‍ രവി പ്രതികരിച്ചു.

70617429

ഇന്നലെ അവാര്‍ഡ് പ്രഖ്യാപിച്ചതിന് പിന്നാലെ ഇതെ സംബന്ധിച്ചുള്ള ചോദ്യത്തോട് ജൂറി ചെയര്‍മാന്‍ പ്രതികരിച്ചത് വളരെ ഒഴുക്കൻ മട്ടിലായിരുന്നു. അത്തരത്തിലുള്ള ഒരു ചോദ്യം തന്നെ അരോചകമാണെന്നും വളരെ വലിയ മത്സരമാണ് മികച്ച നടനായി നടന്നതെന്നും രാഹുല്‍ റവൈല്‍ പറഞ്ഞു. ‘ഒരു പ്രത്യേക വ്യക്തിക്ക് പുരസ്‌കാരം നല്‍കിയില്ല എന്നത് വളരെ വിഷമകരമായ ചോദ്യമാണെന്നും ജൂറിയുടെ തീരുമാനമാണ് ഞങ്ങള്‍ അറിയിച്ചതെന്നും അദ്ദേഹം പറഞ്ഞു.

Also Read: മമ്മൂട്ടിയുടെ പേര് അവസാന റൗണ്ട് വരെ ഉണ്ടായിരുന്നെന്ന് ജൂറി മെമ്പര്‍ മേജര്‍ രവി

മികച്ച നടനെ തിരഞ്ഞെടുക്കുക എന്നത് അത്രയ്ക്ക് എളുപ്പമുള്ള ഒരു ജോലിയായിരുന്നില്ല. വളരെ ബുദ്ധിമുട്ടേറിയ പ്രക്രിയ ആയിരുന്നു അത്. ഒരാള്‍ക്കു എന്തുകൊണ്ട് കിട്ടിയില്ല എന്നതു സംബന്ധിച്ചുള്ള ചര്‍ച്ച തീര്‍ത്തും വിഷയകേന്ദ്രീകൃതമാണെന്നും രാഹുല്‍ റവൈല്‍ പ്രതികരിച്ചു.

പ്രധാനമന്ത്രി നരേന്ദ്രമോദിയുടെ ബാല്യകാലത്തെ അധിഷ്ഠിതമാക്കി നിര്‍മിച്ച ചിത്രമായ ചലോ ജീതേ ഹെ നോണ്‍ ഫീച്ചര്‍ ഫിലിം വിഭാഗത്തില്‍ മികച്ച ചിത്രമായി തെരഞ്ഞെടുക്കപ്പെട്ടിരുന്നു. ഇതിനെക്കുറിച്ചും ചര്‍ച്ചയുണ്ടായിരുന്നു. എന്നാല്‍, ‘അതിനെക്കുറിച്ച് അറിയില്ല’ എന്ന മറുപടിയായിരുന്നു ഈ വിഷയത്തിൽ രാഹുല്‍ റവൈലിൻ്റെ പക്കൽ നിന്ന് ലഭിച്ച മറുപടി.

Also Read: ജോജുവിൻ്റെ പ്രതികരണം നാടിനോടുള്ള പ്രതിബദ്ധതയുടെ പ്രതീകമാണെന്ന് മുഖ്യമന്ത്രി

മലയാളി നടൻ ജോജു ജോര്‍ജ്ജിനും നടി സാവിത്രി ശ്രീധരനും ശ്രുതി ഹരിഹരനും ദേശീയ ചലച്ചിത്ര പുരസ്കാരത്തിൽ പ്രത്യേക പരാമര്‍ശം ലഭിച്ചിട്ടുണ്ട്. നതിച്ചരമി എന്ന ചിത്രത്തിലെ അഭിനയമാണ് ശ്രുതിയെ പുരസ്കാരത്തിന് അര്‍ഹയാക്കിയത്. ജോസഫിലെ പ്രകടനത്തിനാണ് ജോജു പ്രത്യേക ജൂറി പരാമര്‍ശത്തിന് അര്‍ഹമാക്കിയത്. സുഡാനി ഫ്രം നൈജീരിയ മികച്ച മലയാള സിനിമയായി തെരഞ്ഞെടുക്കപ്പെട്ടു. സുഡാനി ഫ്രം നൈജീരിയ എന്ന ചിത്രത്തിലെ പ്രകടനത്തിനാണ് സാവിത്രി ശ്രീധരൻ പ്രത്യേക ജൂറി പരാമര്‍ശത്തിന് അര്‍ഹമായത്.

മികച്ച ചലച്ചിത്ര സംബന്ധിയായ പുസ്തകത്തിനുള്ള പുരസ്കാരം എസ് ജയചന്ദ്രൻ നായരുടെ മൗനപ്രാര്‍ത്ഥന പോലെ എന്ന പുസ്തകം കരസ്ഥമാക്കി. മികച്ച പ്രൊഡക്ഷൻ ഡിസൈനിനുള്ള പുരസ്കാരം മലയാള ചിത്രം 'കമ്മാരസംഭവ'ത്തിനും ലഭിച്ചു. വിനീഷ് ബംഗ്ലാനാണ് പുരസ്കാരം ലഭിക്കുക. ദിലീപിനെ നായകനാക്കി രതീഷ് അമ്പാട്ട് ഒരുക്കിയ ചിത്രമാണ് 'കമ്മാരസംഭവം'. മികച്ച ഛായാഗ്രഹകനുള്ള പുരസ്കാരം സ്വന്തമാക്കിയത് അന്തരിച്ച ഛായാഗ്രാഹകൻ എം.ജെ. രാധാകൃഷ്ണനാണ്. ഷാജി എൻ. കരുൺ സംവിധാനം ചെയ്ത 'ഓള്' എന്ന ചിത്രത്തിൻ്റെ ഛായാഗ്രഹണത്തിനാണ് പുരസ്കാരം. എം.ജെ. രാധാകൃഷ്ണന് ലഭിക്കുന്ന ആദ്യ ദേശീയ പുരസ്കാരമാണ് ഇത്.

Also Read: ഈ പുരസ്‌കാരം നേടിയത് അമ്മയ്ക്കു വേണ്ടിയെന്ന് കീര്‍ത്തി സുരേഷ്

Mobile AppDownload Get Updated News

തമിഴ്‌നാട് മുഖ്യമന്ത്രി ആയിരുന്ന ജയലളിതയുടെ ജീവിതത്തെ ആസ്പദമാക്കി എ എല്‍ വിജയ് സംവിധാനം ചെയ്യുന്ന ചിത്രത്തില്‍ അരവിന്ദ് സ്വാമി എം ജി ആറിൻ്റെ വേഷത്തിലെത്തുമെന്ന് റിപ്പോര്‍ട്ട്. ചിത്രത്തില്‍ കങ്കണ റണൗട്ടാണ് ജയലളിതയായി എത്തുന്നത്. തലൈവി എന്നാണ് ചിത്രത്തിന് നൽകിയിരിക്കുന്ന പേര്.അതേസമയം ജയലളിതയുടെ ജീവിത കഥയെ ആസ്പദമാക്കി തന്നെ സംവിധായിക പ്രിയദര്‍ശിനിയും ഒരു ചിത്രം ഒരുക്കുന്നുണ്ട്.

'ദി അയേണ്‍ ലേഡി' എന്ന പേരിലാണ് ഈ ചിത്രമൊരുങ്ങുന്നത്. ചിത്രത്തിന്‍റെ ഫസ്റ്റ്‌ലുക്ക് നേരത്തേ പുറത്ത് വന്നിരുന്നു. മലയാളി നായിക നിത്യ മേനോനാണ് ഈ ചിത്രത്തിൽ ജയലളിതയായി വെള്ളിത്തിരയിലെത്തുന്നത്. ഫസ്റ്റ് ലുക്ക് പോസ്റ്ററിലെ ജയലളിതയുമായുള്ള നിത്യ മേനോൻ്റെ അടുത്ത സാമ്യം ഏറെ ശ്രദ്ധയാകര്‍ഷിച്ചിരുന്നു.

മണിരത്‌നം ഒരുക്കിയ ചെക്ക ചിവന്ത വാനം എന്ന ചിത്രത്തിലാണ് അരവിന്ദ് സ്വാമി ഒടുവില്‍ അഭിനയിച്ചത്. തലൈവിയ്ക്ക് രചന നിര്‍വ്വഹിക്കുന്നത് കെ വി വിജയേന്ദ്ര പ്രസാദും രജത് അറോറയുമാണ്. 1977 മുതല്‍ 1987 വരെയുള്ള പത്തുവര്‍ഷക്കാലത്തോളം തമിഴ്‌നാട് മുഖ്യമന്ത്രിയായിരുന്നു എം ജി ആര്‍. അദ്ദേഹം ജയലളിതയുടെ ജീവിതത്തില്‍ നിര്‍ണായക സ്വാധീനം ചെലുത്തിയിരുന്നു. രാഷ്ട്രീയക്കാരനപ്പുറം സിനിമാതാരം കൂടിയായിരുന്നു ഇരുവരും. തമിഴ് സിനിമയിൽ ഒരു എംജി ആര്‍ കാലഘട്ടം പോലുമുണ്ട്.

ഈ ചിത്രത്തിൽ അഭിനയിക്കുന്നതിനായി കങ്കണ തമിഴ് പഠിക്കുന്നുണ്ട്. ഒരു മാസത്തെ റിഹേഴ്‌സല്‍ ക്യാമ്പിലും അവര്‍ പങ്കെടുത്തുവെന്ന് റിപ്പോര്‍ട്ടുകൾ പറയുന്നു. തമിഴ്, തെലുഗ്, ഹിന്ദി ഭാഷകളിലായി ചിത്രം പുറത്തിറക്കാനാണ് തീരുമാനം. ഈ ചിത്രത്തിൻ്റെ സംഗീത സംവിധാനം നിര്‍വ്വഹിക്കുന്നത് ജി വി പ്രകാശ് ആണ്. ഛായാഗ്രഹണം നിര്‍വ്വഹിക്കുന്നത് നീരവ് ഷായാണ്.

അതേസമയം 'ദി അയേണ്‍ ലേഡി' എന്ന ചിത്രം പ്രിയദര്‍ശിനി ആദ്യമായി സംവിധാനം ചെയ്യുന്ന ചിത്രമാണ്. സംവിധായകൻ മിഷ്കിന്‍റെ അസോസിയേറ്റായിരുന്നു പ്രിയദര്‍ശിനി. നടി വരലക്ഷ്മി ശരത്കുമാറാണ് ശശികലയുടെ കഥാപാത്രത്തെ കൈകാര്യം ചെയ്യുന്നത്. പേപ്പര്‍ടെയില്‍ പിക്ചേഴ്സാണ് ചിത്രം നിര്‍മ്മിക്കുന്നത്. 2019 ഫെബ്രുവരി 24 ജയലളിതയുടെ ജന്മദിനത്തില്‍ അയേണ്‍ ലേഡി ചിത്രീകരണം ആരംഭിച്ചുവെന്നാണ് വിവരം.

എ എല്‍ വിജയ് യെ കൂടാതെ ഭാരതിരാജ എന്ന സംവിധായകനും ജയലളിതയുടെ ജീവിതം സിനിമയാക്കാനുള്ള തയ്യാറെടുപ്പിലാണെന്നാണ് ലഭിക്കുന്ന വിവരം. ഇതോടൊപ്പം തന്നെ ജയലളിതയുടെ ജീവിതത്തെ ആസ്പദമാക്കി ഗൗതം വാസുദേവ് മേനോൻ ഒരുക്കുന്ന പരമ്പരയിൽ എംജിആറായി മലയാള നടൻ ഇന്ദ്രജിത്ത് എത്തുമെന്നും റിപ്പോർട്ടുകളുണ്ട്. ഗൗതം മേനോന്‍റെ സംവിധാനത്തിൽ താൻ ഒരു പ്രോജക്ടിനായി സഹകരിക്കുന്നുണ്ടെന്ന് അടുത്തിടെ ഇന്ദ്രജിത്ത് ഒരു അഭിമുഖത്തിലും വെളിപ്പെടുത്തിയിരുന്നു.

രമ്യ കൃഷ്ണനാണ് ഈ പരമ്പരയിൽ ജയലളിതയുടെ വേഷത്തിലെത്തുന്നത്. രണ്ടു മാസത്തോളമായി ഈ പരമ്പരയുടെ ഷൂട്ടിംഗ് രഹസ്യസ്വഭാവത്തില്‍ പുരോഗമിക്കുകയാണെന്നാണ് വിവരം. ഇന്ദ്രജിത്ത് തൻ്റെ ഭാഗങ്ങളുടെ ഷൂട്ടിംഗ് പൂർത്തിയാക്കി എന്നും റിപ്പോർട്ടുകളുണ്ട്. ജയലളിതയുടെ ജീവിതത്തെ ഒരു രണ്ടരമണിക്കൂർ സിനിമയിലേക്ക് ചുരുക്കാൻ ആകില്ലെന്നതിനാലാണ് വെബ് സീരിസ് ഗണത്തിൽ പെടുത്തി ഈ പ്രമേയം പറയാന്‍ ഗൗതം മേനോൻ തയ്യാറായതെന്നാണ് വിവരം.

20 എപ്പിസോഡുകളായി തയ്യാറാക്കുന്ന ഈ വെബ് സീരീസിന് പിന്നിൽ ഒരു വന്‍ പ്രൊഡക്ഷൻ ഹൗസ് ആണ് പിന്തുണയായി ഉള്ളതെന്നാണ് റിപ്പോർട്ടുകൾ സൂചിപ്പിക്കുന്നുത്.

Mobile AppDownload Get Updated News

തീയേറ്ററുകളിൽ വിജയകരമായി പ്രദർശനം തുടരുന്ന 'ശുഭരാത്രി'യിലെ പുതിയ വീഡിയോ പുറത്ത് വിട്ടു. ദിലീപിനെ നായകനാക്കി വ്യാസന്‍ കെ.പി. സംവിധാനം ചെയ്ത ചിത്രമാണ് ശുഭരാത്രി. ചിത്രത്തിലെ പ്രധാനപ്പെട്ട രംഗങ്ങളാണ് അണിയറപ്രവര്‍ത്തകര്‍ ഇപ്പോൾ പുറത്ത് വിട്ടിരിക്കുന്നത്. സിനിമയുടെ ഡിവിഡി റിലീസുമായി ബന്ധപ്പെട്ടാണ് വീഡിയോ യുട്യൂബിലൂടെ റിലീസ് ചെയ്തിരിക്കുന്നത്. അനു സിതാരയാണ് ദിലീപിൻ്റെ നായികയായെത്തുന്നത്. കോടതി സമക്ഷം ബാലന്‍ വക്കീല്‍ എന്ന ഹിറ്റ് ചിത്രത്തിനു ശേഷം ദിലീപ്-സിദ്ദിഖ് ടീം വീണ്ടും ഒന്നിച്ച ചിത്രം കൂടിയാണ് ഇത്. ലൈലത്തുല്‍ ഖദര്‍ എന്ന അടിക്കുറിപ്പോടെയാണ് ചിത്രം പ്രേക്ഷകരിലേക്കെത്തിയത്.

Also Read: 'ശുഭരാത്രി' നന്മയുള്ളൊരു ചിത്രം; താരങ്ങള്‍ പറയുന്നു

ചിത്രത്തിലെ കഥയിലെ തന്ത്രപ്രധാനമായ രംഗങ്ങൾ കോര്‍ത്തിണക്കിയ വീഡിയോ ആണ് പുറത്ത് വിട്ടിരിക്കുന്നത്. ദിലീപ് അവതരിപ്പിക്കുന്ന കൃഷ്ണൻ എന്ന കഥാപാത്രം മകളുടെ ചികിത്സയ്ക്കായി പണം തേടി പോകുന്നതും പിന്നീട് മമ്മദ് എന്ന കഥാപാത്രവുമായി കണ്ടുമുട്ടിക്കഴിഞ്ഞ ശേഷമുള്ള രംഗങ്ങളും ഒരു വീഡിയോയിൽ ഉൾപ്പെടുത്തിയിട്ടുണ്ട്. കൂടാതെ ഹജ്ജിനു പോകാൻ പൊരുത്തം വാങ്ങുന്ന മമ്മദിൻ്റെ കൂട്ടുകാരുമായുള്ള കൂടിക്കാഴ്ചയുടെ രംഗങ്ങളും പുറത്തുവിട്ടു.

Also Read: 'ശുഭരാത്രി'യിൽ ദിലീപിനൊപ്പം നാദിർഷയും

'അയാള്‍ ജീവിച്ചിരിപ്പുണ്ട്' എന്ന ചിത്രത്തിനു ശേഷം വ്യാസന്‍ കെ.പി രചനയും സംവിധാനവും നിര്‍വഹിക്കുന്ന ചിത്രത്തിൽ ദിലീപും അനു സിതാരയും എത്തുന്നത് ദമ്പതികളായാണ്. യഥാര്‍ഥ സംഭവത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.

70642907

Also Read: ശുഭരാത്രി സിനിമ റിവ്യൂ

സിദ്ധിഖ്, ശാന്തികൃഷ്ണ, സ്വാസിക, നെടുമുടി വേണു, അനു സിത്താര, സായികുമാര്‍, സുരാജ് വെഞ്ഞാറമൂട്, ഇന്ദ്രന്‍സ്, നാദിര്‍ഷ, ഹരീഷ് പേരടി, വിജയ് ബാബു, മണികണ്ഠന്‍, സൈജു കുറിപ്പ്, സുധി കോപ്പ, അശോകൻ, സന്തോഷ് കീഴാറ്റൂര്‍, പ്രശാന്ത്, കലാഭവന്‍ ഹനീഫ്, ജയന്‍ ചേര്‍ത്തല, ജോബി പാല, ശാന്തി കൃഷ്ണ, ഷീലു ഏബ്രഹാം, കെ.പി.എ.സി ലളിത, തെസ്നി ഖാന്‍, അജു വര്‍ഗീസ്, നാദിര്‍ഷ, ഇന്ദ്രന്‍സ്, ആശാ ശരത്, സ്വാസിക, രേഖാ രതീഷ്, ശോഭ മോഹന്‍, സരസാ ബാലുശ്ശേരി എന്നിവരാണ് ചിത്രത്തിലെ മറ്റ് താരങ്ങളായുള്ളത്.

Also Read: 'ശുഭരാത്രി'ക്ക് പിന്നാലെ ആക്ഷൻ ചിത്രമൊരുക്കാൻ വ്യാസൻ; ഇക്കുറി ഉദയകൃഷ്ണയ്‍ക്കൊപ്പം

ചിത്രത്തിൽ കൃഷ്ണൻ എന്ന കഥാപാത്രമായാണ് ദിലീപ് എത്തുന്നത്. അരോമ മോഹനാണ് ചിത്രം നിര്‍മ്മിച്ചിരിക്കുന്നത്. ബിജി ബാലാണ് ചിത്രത്തിൻ്റെ സംഗീത സംവിധാനം നിര്‍വ്വഹിച്ചിരിക്കുന്നത്.

70643104

Also Read:'ശുഭരാത്രി'യിൽ ഭാര്യാ ഭര്‍ത്താക്കന്മാരായി അനു സിതാരയും ദിലീപും; വീഡിയോ കാണൂ

Mobile AppDownload Get Updated News

ഡിസ്‍കവറി ചാനലിലെ പ്രശസ്‍തമായ 'മാന്‍ വെഴ്‍സസ്‍ വൈല്‍ഡ്' വന്യജീവി - സാഹസിക പരിപാടിയില്‍ അതിഥിയായി പ്രധാനമന്ത്രി നരേന്ദ്ര മോദി എത്തിയത് ഏറെ വൈറലായിരുന്നു. ആ പരിപാടി ഇന്ന് രാത്രി 9 മണിക്കാണ് പരിപാടി ഡിസ്കവറി ചാനലിൽ സംപ്രേഷണം ചെയ്യുന്നത്. വിഖ്യാത ബ്രിട്ടീഷ് സര്‍വൈവല്‍ എക്സ്പേര്‍ട്ട് ബിയെര്‍ ഗ്രില്‍സിനൊപ്പം വനത്തില്‍ മോദി സഞ്ചരിക്കുന്ന എപ്പിസോഡിന്‍റെ പ്രൊമോഷന്‍ വീഡിയോ ചാനല്‍ സോഷ്യല്‍ മീഡിയയിലൂടെ പുറത്തുവിട്ടിരുന്നതോടെ ഏറെ വൈറലായിരുന്നു.

വന്യജീവി സംരക്ഷണത്തിനെയും കാലാവസ്ഥ വ്യതിയാനത്തെയും കുറിച്ച് അവബോധം ഉണ്ടാക്കാന്‍ വേണ്ടിയാണ് പ്രധാനമന്ത്രി പരിപാടിയില്‍ പങ്കെടുക്കുന്നതെന്ന് ബിയെര്‍ ഗ്രില്‍സ് ട്വീറ്റ് ചെയ്‍തിട്ടുമുണ്ട്. മാന്‍ വെഴ്‍സസ്‍ വൈല്‍ഡ്‍ വിത്ത് പിഎം മോദി എന്നാണ് പരിപാടിയുടെ പേര്.

ഇന്ത്യയിലെ വനത്തില്‍ അതിജീവിക്കാന്‍ മോദിയെ ബിയെര്‍ ഗ്രില്‍സ് പ്രാപ്‍തനാക്കുന്നതാണ് എപ്പിസോഡിന്‍റെ ഉള്ളടക്കം എന്നാണ് സൂചന. ഈ പരിപാടിയുടെ ഫോര്‍മാറ്റും ഇത് തന്നെയാണ്. കാട്ടില്‍ ജീവന്‍ നിലനിര്‍ത്താന്‍ വേണ്ട തന്ത്രങ്ങള്‍ ആവിഷ്‍കരിക്കുക, ആയുധങ്ങള്‍ ഉണ്ടാക്കുക, നദിയില്‍ യാത്ര ചെയ്യുക എന്നിങ്ങനെ സര്‍വൈവല്‍ തന്ത്രങ്ങള്‍ ഗ്രില്‍സ്‍ മോദിയെ ശീലിപ്പിക്കുന്നുമുണ്ട്.

താങ്കള്‍ ഇന്ത്യയിലെ ഏറ്റവും പ്രധാനപ്പെട്ട വ്യക്തിയാണ്. താങ്കളുടെ ജീവന്‍ നിലനിര്‍ത്തേണ്ടത് എന്‍റെ ഉത്തരവാദിത്തമാണ് - വീഡിയോയില്‍ ഒരിടത്ത് ഗ്രില്‍സ് ഇങ്ങനെ പറയുന്നുമുണ്ട്. "വര്‍ഷങ്ങളായി പര്‍വ്വതങ്ങളിലും വനങ്ങളിലുമായി ഞാന്‍ പ്രകൃതിയോട് ഇണങ്ങിയാണ് ജീവിക്കുന്നത്. ആ സമയം എന്‍റെ ജീവിതത്തെ വല്ലാതെ സ്വാധീനിച്ചിട്ടുണ്ട്. രാഷ്ട്രീയത്തിന് അപ്പുറം ജീവിതത്തില്‍ കേന്ദ്രീകരിക്കുന്ന ഒരു പരിപാടിയുടെ ഭാഗമാകാന്‍ ക്ഷണിച്ചപ്പോള്‍ വളരെ താല്‍പര്യം തോന്നി" നരേന്ദ്ര മോദി പ്രസ്‍താവനയില്‍ പറഞ്ഞിരുന്നത് ഇങ്ങനെയാണ്.

ഇന്ത്യയുടെ വൈവിധ്യമാര്‍ന്ന പരിസ്ഥിതി പാരമ്പര്യം ലോകത്തിന് മുന്നില്‍ അവതരിപ്പിക്കാനുള്ള വേദിയാകും പരിപാടിയാണ് ഇതെന്നാണ് മോദി വ്യക്തമാക്കിയിരിക്കുന്നത്. പരിസ്ഥിതി സംരക്ഷിക്കുന്നതിന്‍റെയും പ്രകൃതിയോട് ഇണങ്ങി ജീവിക്കുന്നതിന്‍റെയും ആവശ്യകതയും പരിപാടിയിലൂടെ അറിയാനാകുമെന്നും മോദി പറയുകയുണ്ടായി.

ഉത്തരാഖണ്ഡിലെ ജിംകോര്‍ബറ്റ് ദേശീയോദ്യാനത്തിലാണ് ഈ പരിപാടി ചിത്രീകരിച്ചിരുന്നത്. ഫെബ്രുവരി 14ന് കശ്‍മീരിലെ പുല്‍വാമയില്‍ ഭീകരാക്രമണം നടന്ന സമയത്താണ് മോദി വീഡിയോ ചിത്രീകരണത്തില്‍ പങ്കെടുത്തതെന്നും അന്ന് റിപ്പോര്‍ട്ടുകള്‍ വന്നിരുന്നു. പുല്‍വാമ ആക്രമണത്തെക്കുറിച്ച് അറിഞ്ഞിട്ടും മോദി ഷൂട്ടിങ് തുടര്‍ന്നെന്നുള്‍പ്പെടെ പ്രതിപക്ഷം ആരോപിച്ചത് ഏറെ ചര്‍ച്ചയായിരുന്നു.

Mobile AppDownload Get Updated News

കേരളം പ്രളയത്തെ അതിജീവിക്കാനായുള്ള കാര്യങ്ങള്‍ ചെയ്തുകൊണ്ടിരിക്കുകയാണ്. ദുരിതാശ്വാസ പ്രവര്‍ത്തനങ്ങള്‍ സംസ്ഥാനത്തിന്‍റെ അങ്ങോളമിങ്ങോളം നടന്നുവരികയാണ്. ദുരിതാശ്വാസ പ്രവര്‍ത്തനരംഗത്ത് സജീവമായി നിരവധി താരങ്ങളും രംഗത്തുണ്ട്. രക്ഷാപ്രവര്‍ത്തനത്തിനായി നേരിട്ടിറങ്ങുകയും സോഷ്യൽമീഡിയയിലൂടെ വിവരങ്ങള്‍ കൈമാറുകയും ചെയ്ത് നിരവധിപേര്‍ സജീവമായി ഇടപെടുന്നുണ്ട്. അക്കൂട്ടത്തിൽ ഏറെ മാതൃകാപരമായ പ്രവര്‍ത്തനമാണ് താരദമ്പതികളായ ഇന്ദ്രജിത്തും പൂര്‍ണ്ണിമയും നടത്തുന്നത്.

പ്രളയ ദുരിത ബാധിതരെ സഹായിക്കുന്നതിനായി കൊച്ചിയിൽ ആരംഭിച്ചിട്ടുള്ള അന്‍പോട് കൊച്ചിയുമായി സഹകരിച്ചുകൊണ്ടാണ് ഇന്ദ്രജിത്തും പൂര്‍ണ്ണിമയും ഇത്തവണയും പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്. കടവന്ത്രയിലെ റീജണല്‍ സ്‌പോര്‍ട്‌സ് സെന്‍ററിലാണ് അൻപോട് കൊച്ചിയുടെ കളക്ഷന്‍ സെന്‍റര്‍. കഴിഞ്ഞ തവണത്തെപ്പോലെ തന്നെ ഇക്കുറിയും ഇരുവരും ഒട്ടനവധി വോളന്‍റിയേഴ്സും ഇവിടെ സേവനം ചെയ്യുന്നുണ്ട്. അന്‍പോട് കൊച്ചിയുടെ ഫേസ്ബുക്ക് പേജിൽ ഓരോ മണിക്കൂറിലും തങ്ങളുടെ പ്രവര്‍ത്തനങ്ങളെകുറിച്ചുള്ള ചിത്രങ്ങളും വീഡിയോയുമൊക്കെ പങ്കുവയ്ക്കുന്നുമുണ്ട്.

മാത്രമല്ല ആവശ്യം വേണ്ട സാധനങ്ങളുടെ ലിസ്റ്റും ഷെയര്‍ ചെയ്യാറുണ്ട്. ഇവര്‍ക്ക് പുറമെ പാര്‍വതി, സരയു ഉള്‍പ്പെടെയുള്ള താരങ്ങളും ഒട്ടനവധി യുവജനങ്ങളുടെ ഇവരോടൊപ്പം സേവനത്തിനായി ഇവിടെയുണ്ട്. ഇക്കുറി കൂടുതലും പ്രളയം ബാധിച്ചത് വടക്കൻ ജില്ലകളിൽ ആയതിനാൽ മലബാറിലെ വിവിധ ക്യാംപുകളിലേക്കുള്ള സാധനങ്ങളാണ് കടവന്ത്രയിലെ റീജണല്‍ സ്‌പോര്‍ട്‌സ് സെന്‍ററി പ്രവര്‍ത്തിക്കുന്ന കളക്ഷന്‍ സെന്‍ററില്‍ സ്വീകരിക്കുന്നത്. ഇവിടെ നിന്നും വിവിധ ലോറികളിലാക്കിയാണ് സാധനങ്ങള്‍ മലപ്പുറത്തും വയനാടുമടക്കം എത്തിക്കുന്നത്. ചെന്നൈയിലെ പ്രളയത്തിന്‍റെ സമയത്തും കഴിഞ്ഞ വര്‍ഷം കേരളത്തിലെ പ്രളയക്കെടുതിയിലമടക്കം ഏറെ സജീവമായ പ്രവര്‍ത്തനമാണ് അൻപോട് കൊച്ചി കാഴ്ചവെച്ചത്.

Mobile AppDownload Get Updated News

കൊച്ചി: കനത്തമഴയെതുടര്‍ന്നുണ്ടായ പ്രളയദുരിതത്തിനുശേഷം അരലക്ഷത്തിലേറെപേരാണ് ഇപ്പോള്‍ ദുരിതാശ്വാസ ക്യാമ്പുകളിൽ കഴിയുന്നത്. പ്രളയശേഷം നിരവധിപേര്‍ സജീവമായി ദുരിതാശ്വാസ പ്രവർത്തനങ്ങളിൽ രംഗത്തുണ്ട്. ഇവരോടൊപ്പം കൈകോർത്ത് മലയാള സിനിമയിലെ വനിതാ കൂട്ടായ്മയായ വിമൻ ഇൻ സിനിമാ കളക്ടീവും (ഡബ്ല്യുസിസി) രംഗത്തെത്തിയിരിക്കുകയാണ്.

കൊച്ചിയിൽ കലൂർ സ്റ്റേഡിയത്തിനടുത്തുള്ള മാമാങ്കം സ്റ്റുഡിയോയിലാണ് ഇവര്‍ കളക്ഷന്‍ പോയിന്‍റ് തുടങ്ങിയിരിക്കുന്നത്. തിങ്കളാഴ്ച രാവിലെ തുടങ്ങിയ കളക്ഷൻ പോയിന്‍റ് വഴി ഇതിനകം നിരവധി സാധനങ്ങള്‍ ക്യാമ്പുകളിലേക്ക് എത്തിച്ചുകഴിഞ്ഞിട്ടുണ്ട്. ഓരോ ദിവസവും വൈകീട്ട് 8 മണിവരെ മാമാങ്കത്തില്‍ സാധനങ്ങള്‍ സ്വീകരിക്കുന്നുണ്ട്. സമീപപ്രദേശങ്ങളിലെ നിരവധി ആളുകൾ തങ്ങളാലാകുന്ന സാധന സാമഗ്രികള്‍ കളക്ഷൻ സെന്‍ററിൽ എത്തിച്ചുനൽികിയിട്ടുണ്ട്.

2019 ല്‍ കേരളം വലിയ ഒരു ദുരന്തമുഖത്ത് നില്‍ക്കുന്ന സമയമാണ്. നമ്മള്‍ ഒന്നിച്ചു നില്‍ക്കുകയല്ലാതെ മറ്റൊരു മാര്‍ഗ്ഗവും നമ്മുടെ മുന്നിലില്ല. ഒന്നിച്ച് നിന്ന് ഈ ദുരന്തത്തിനെ നേരിടണമെന്നും പറഞ്ഞുകൊണ്ടുള്ള ഒരു വീഡിയോയും ഡബ്ല്യുസിസി പ്രവര്‍ത്തകയായ റിമ കല്ലിങ്കല്‍ ഫേസ്ബുക്കിൽ പങ്കുവെച്ചിട്ടുണ്ട്. ഇക്കുറി പ്രളയം ഏറ്റവും കൂടുതൽ ബാധിച്ച കോഴിക്കോടും മലപ്പുറവും അടക്കമുള്ള ക്യാംപുകളിലേക്കാണ് കൂടുതലും ഇവർ സാധനങ്ങള്‍ എത്തിച്ചുനൽകുന്നത്.

കഴിഞ്ഞ വർഷത്തെപോലെ തന്നെ ഇക്കുറിയും കൊച്ചിയിലെ സ്നേഹക്കൂട്ടായ്മയായ ‘അൻപോട്’ കൊച്ചിയുടെ ഭാഗമായി താരങ്ങളായ ഇന്ദ്രജിത്തും പൂര്‍ണ്ണിമയും പ്രവര്‍ത്തിക്കുന്നുണ്ട്. എറണാകുളം ജില്ലാ ഭരണകൂടവുമായി സഹകരിച്ചാണ് അൻപോട് കൊച്ചി പ്രവർത്തകർ പ്രളയം ദുരിതം വിതച്ച ജില്ലകളിലെ ക്യാംപുകളിലേക്ക് ആവശ്യമുള്ള സാധനങ്ങൾ എത്തിച്ചുനൽകുന്നത്. ഇതിനകം 12 ലോറി സാധനങ്ങള്‍ ഇവർ മലബാറിലെ പ്രളയബാധിത മേഖലകളിലെ ക്യാമ്പുകളിലേക്ക് എത്തിച്ചുകഴിഞ്ഞിട്ടുണ്ട്.

Mobile AppDownload Get Updated News

കേരളം ഇക്കൊല്ലം നേരിട്ട ഏറ്റവും വലിയ മഴക്കെടുതി നേരിട്ടത് മലപ്പുറം കവളപ്പാറയിലായിരുന്നു. മേപ്പാടിയിലും കവളപ്പാറയിലും നിരവധി ജനങ്ങൾക്കാണ് സകലതും നഷ്ടമായത്. ഇവിടെ ഇപ്പോഴും രക്ഷാപ്രവര്‍ത്തനം പുരോഗമിക്കുകയാണ്. എന്നാൽ ഇവിടെയെത്തുന്ന കാഴ്ച്ചക്കാര്‍ രക്ഷാപ്രവര്‍ത്തനത്തിന് വിലങ്ങുതടിയാവുകയാണ്. മഴ കുറഞ്ഞതോടെ ഒരു പ്രദേശം മുഴുവന്‍ ഒലിച്ചു പോയ സംഭവ സ്ഥലം നേരിട്ടു കാണാനായി നിരവധിയാളുകളാണ് വാഹനങ്ങളിലും മറ്റുമായി ഇവിടേയ്ക്ക് എത്തുന്നതെന്ന് പല മാധ്യമങ്ങളും കഴിഞ്ഞദിവസം ചൂണ്ടിക്കാട്ടിയിരുന്നു.

ഇതിനാല്‍ രക്ഷാപ്രവര്‍ത്തകര്‍ക്കുള്ള വാഹനങ്ങള്‍ പോലും പലയിടത്തും കുടുങ്ങി കിടക്കുകയാണ്. ഈ അവസ്ഥ ചൂണ്ടിക്കാട്ടി രംഗത്തെത്തിയിരിക്കുകയാണ് നടൻ സണ്ണി വെയ്ൻ.കവളപ്പാറയിലേക്ക് കാഴ്ച്ചക്കാരായി പോവാതിരിക്കുവെന്ന് അഭ്യര്‍ത്ഥിച്ചാണ് സണ്ണി വെയ്ൻ രംഗത്ത് വന്നത്. ഇക്കാര്യം വ്യക്തമാക്കിക്കൊണ്ട് സണ്ണി വെയ്ൻ സോഷ്യൽ മീഡിയയിൽ കുറിച്ചത് ഇങ്ങനെ.

‘കവളപ്പാറയിലേക്ക് ആളുകളുടെ ഒഴുക്കാണ്, ദുരിതാശ്വാസ പ്രവര്‍ത്തനങ്ങള്‍ക്ക് വേണ്ടി അല്ല കെട്ടോ, ലീവ് ആയത് കൊണ്ട് ഉരുള്‍പ്പൊട്ടിയ സ്ഥലം കാണാന്‍ വന്നവരാണത്രേ. ഇവരെ കൊണ്ടും ഇവര് വന്ന വാഹനങ്ങളെ കൊണ്ടും രക്ഷാപ്രവര്‍ത്തകര്‍ക്ക് ഉണ്ടാവുന്ന ബുദ്ധിമുട്ട് ചില്ലറയല്ല, കിലോമീറ്റര്‍ കണക്കിന് ബ്ലോക്കാണ്, ആംബുലന്‍സ് ഉള്‍പ്പെടെയുള്ള രക്ഷാപ്രവര്‍ത്തകരുടെ വാഹനങ്ങള്‍ കുടിങ്ങി കിടക്കുന്നു. കാഴ്ച്ചക്കാരായി കവളപ്പാറയിലേക്ക് പോവാതിരിക്കുക എന്നതാണ് ഈ സമയത്തെ ഏറ്റവും വലിയ രക്ഷാപ്രവര്‍ത്തനം.’

കവളപ്പാറയിൽ നിന്ന് ഇന്നലെ ആറ് മൃതദേഹങ്ങൾ കണ്ടെടുത്തിരുന്നു. കവളപ്പാറയില്‍ ഉരുള്‍പൊട്ടലില്‍ കാണാതായ 63 പേരില്‍ നാലുപേര്‍ ബന്ധുവീടുകളിലാണെന്ന സ്ഥിരീകരണം എത്തിയതോടെ 59 പേര്‍ അപകടത്തില്‍ പെട്ടു എന്നാണ് ഒടുവിലത്തെ കണക്ക്. ഒറ്റ രാത്രി കൊണ്ട് കവളപ്പാറയിലെ 44 വീടുകളാണ് മണ്ണിനടിയിൽ ആയത്. നൂറ് ഏക്കറോളം ഭൂമി ഒലിച്ചു പോയ പ്രദേശത്ത് നിന്ന് കണാതായത് 63 പേരെയാണെന്ന് ജില്ലാ ഭരണകൂടം നേരത്തെ അറിയിച്ചിരുന്നു. 20 മൃതദേഹങ്ങൾ ഇതിനോടകം രക്ഷാപ്രവർത്തകർ കണ്ടെത്തി. ഇനി കണ്ടെത്താനുള്ളത് 39 പേരെയാണ്. 50 മുതൽ 60 അടി വരെ ഉയരത്തിലാണ് കവളപ്പാറയിൽ മണ്ണ് അടിഞ്ഞു കൂടിയിരിക്കുന്നത്.

ജെസിബി പോലെയുള്ള യന്ത്രങ്ങൾ പ്രദേശത്ത് കൂടുതലായി എത്തിച്ച് തെരച്ചിൽ നടത്തണമെന്നാണ് പ്രാദേശിവാസികളുടെ ആവശ്യം. മണ്ണ് മൂടിയതോടെ വീടുകളുടെ യാഥാർത്ഥ സ്ഥാനം കണ്ടുപിടിക്കാൻ കഴിയാത്ത അവസ്ഥയിലാണ് പ്രദേശവാസികൾ. മണ്ണിനടിയിൽ അകപ്പെട്ട സൈനികനായ വിഷ്ണുവിനെയും കുടുംബത്തെയും ഇതു വരെ കണ്ടെത്താൻ കഴിഞ്ഞിട്ടില്ല.

Mobile AppDownload Get Updated News

മുംബൈ അന്താരാഷ്ട ചലച്ചിത്രോത്സവത്തില്‍ നിവിൻ പോളി നായകനാകുന്ന ഗീതു മോഹന്‍ദാസ് ചിത്രം മൂത്തോന്‍ ഉദ്ഘാടന ചിത്രമായി പ്രദര്‍ശിപ്പിക്കും. ഈ ഒക്ടോബറില്‍ തുടക്കമാവുന്ന 21ാമത് ജിയോ മാമി ഫെസ്റ്റിവലിലാണ് മൂത്തോന്‍ ഉദ്ഘാടന ചിത്രമായി പ്രദര്‍ശിപ്പിക്കുന്നത്. നിരവധി ദേശീയ പുരസ്കാരങ്ങളും ഓസ്കര്‍ നോമിനേഷനും നേടിയ ലയേഴ്സ് ഡയസിന് ശേഷം ഗീതു മോഹന്‍ദാസ് സംവിധാനം ചെയ്യുന്ന ചിത്രം കൂടിയാണ് 'മൂത്തോൻ'. ഒന്നിലധികം ഭാഷകളിലാണ് മൂത്തോൻ ഒരുങ്ങുന്നത്.

വൻ ബജറ്റിലാണ് മൂത്തോൻ ഒരുങ്ങുന്നത്. ഗീതു മോഹന്‍ദാസ് തന്നെയാണ് ചിത്രത്തിൻ്റെ രചനയും നിര്‍വഹിക്കുന്നത്. ശ്രീജ ശ്രീധരന്‍ സംഭാഷണം ഒരുക്കുന്നത്. രാജീവ് രവിയാണ് ക്യാമറ കൈകാര്യം ചെയ്യുന്നത്. ബോളിവുഡ് സംവിധായകന്‍ അനുരാഗ് കശ്യപാണ് ചിത്രത്തിനായി ഹിന്ദി സംഭാഷണങ്ങള്‍ എഴുതിയിരിക്കുന്നത്.

മിനി സ്റ്റുഡിയോ, ജാര്‍ പിക്ചേഴ്സ്, പാരഗണ്‍ പിക്ചേഴ്സ് എന്നീ ബാനറുകള്‍ക്കൊപ്പം അനുരാഗ് കാശ്യപ്, വിനോദ് കുമാര്‍, അജയ് ജി റായ്, അലന്‍ മെക്ലെക്സ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശശാങ്ക് അറോറ, റോഷന്‍ മാത്യു, ദിലീഷ് പോത്തന്‍, ഹരീഷ് ഖന്ന എന്നിവരും ചിത്രത്തിലുണ്ട്. രാജീവ് രവിയാണ് ഛായാഗ്രഹണം. ഗീതു മോഹന്‍ദാസ് സംവിധാനം ചെയ്യുന്ന 'മൂത്തോന്‍' തൻ്റെ സ്വപ്നസിനിമയാണെന്ന് നടന്‍ നിവിന്‍ പോളി മുൻപ് വ്യക്തമാക്കിയിരുന്നു. നിവിൻ്റെ ആരാധകരെ തൃപ്തിപ്പെടുത്തുന്ന ചിത്രമായിരിക്കും ഇതെന്ന് സംവിധായിക നേരത്തെ തന്നെ വ്യക്തമാക്കിയിരുന്നു.

.@geetumohandas’s gritty & poignant #Moothon will open our 21st edition. Thank you #anuragkashyap @geetumohandas fo… https://t.co/L1X1TEMKka
— JioMAMIwithStar (@MumbaiFilmFest) 1565622257000

Mobile AppDownload Get Updated News

'ഈ മ യൗ'വിന് ശേഷം ലിജോ ജോസ് പെല്ലിശേരി സംവിധാനം ചെയ്യുന്ന പുതിയ ചിത്രമായ 'ജല്ലിക്കെട്ട്' ലോകപ്രശസ്തമായ ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കും. കണ്ടംപററി വേള്‍ഡ് സിനിമ വിഭാഗത്തിലാണ് ചിത്രം പ്രദര്‍ശിപ്പിക്കുന്നത്. 108 സിനിമകളാണ് ഇക്കുറി ഈ വിഭാഗത്തിലുള്ളത്. ഗീതു മോഹൻദാസ്-നിവിൻ പോളി കൂട്ടുകെട്ടിലൊരുങ്ങിയ മൂത്തോനും ഈ വിഭാഗത്തിൽ പ്രദര്‍ശിപ്പിക്കുന്നുണ്ട്. സെപ്റ്റംബര്‍ 5 മുതൽ 15 വരെയാണ് ചലച്ചിത്രമേള നടക്കുന്നത്.

എസ് ഹരീഷ്, ആര്‍ ജയകുമാര്‍ എന്നിവര്‍ ചേര്‍ന്ന് തിരക്കഥ ഒരുക്കിയിരിക്കുന്ന ചിത്രത്തില്‍ വമ്പന്‍ താരനിരയാണ് അണിനിരക്കുന്നത്. ഹരീഷ് എഴുതിയ 'മാവോയിസ്റ്റ്' എന്ന ചെറുകഥയെ ആസ്പദമാക്കിയുള്ളതാണ് ചിത്രം.

70670035

'ജല്ലിക്കെട്ട്' എന്ന പേര് പ്രഖ്യാപിച്ചതു മുതല്‍ തമിഴ്‌നാട്ടിലെ കാളപ്പോരായ ജെല്ലിക്കെട്ടിനെ ആസ്പദമാക്കിയാണോ ചിത്രമെന്നാണ് എല്ലാവരുടേയും ചോദ്യം. എന്നാല്‍ സിനിമയുടെ പ്രമേയം ഇതുവരെ ലിജോ ജോസ് പെല്ലിശ്ശേരി വ്യക്തമാക്കിയിട്ടില്ല. ഒരു പോത്തും കുറെ മനുഷ്യരുമാണ് ചിത്രത്തില്‍ അഭിനയിക്കുകയെന്ന് ലിജോ ഫേസ്ബുക്ക് വഴി മുമ്പ് അറിയിച്ചിട്ടുമുണ്ട്.

ജല്ലിക്കെട്ടിനെകുറിച്ച് ടൊറന്‍റോ ചലച്ചിത്രമേള വെബ്സൈറ്റിൽ നൽകിയിരിക്കുന്ന വിവരങ്ങൾ

'ജല്ലിക്കെട്ടി'ല്‍ ആന്‍റണി വര്‍ഗീസും ചെമ്പൻ വിനോദ് ജോസും പ്രധാന കഥാപാത്രങ്ങളായെത്തും. ലിജോ ജോസ് പെല്ലിശ്ശേരിയുടെ തന്നെ ‘അങ്കമാലി ഡയറീസി’ലൂടെ അരങ്ങേറ്റം കുറിച്ച ആന്‍റണി അതിനു ശേഷം ‘സ്വാതന്ത്ര്യം അര്‍ദ്ധരാത്രിയില്‍’ എന്ന ചിത്രത്തിലും അഭിനയിച്ചിരുന്നു. ‘സ്വാതന്ത്ര്യം അര്‍ദ്ധരാത്രിയില്‍’ എന്ന ചിത്രത്തിനു ശേഷം ആന്‍റണിയും ചെമ്പനും വീണ്ടുമൊന്നിക്കുന്ന ചിത്രം കൂടിയാണ് ‘ജല്ലിക്കെട്ട്’. ഓ തോമസ് പണിക്കരാണ് ചിത്രം നിര്‍മ്മിച്ചിരിക്കുന്നത്. ചിത്രത്തിനായി ഗിരീഷ് ഗംഗാദരന്‍ ആണ് ക്യാമറ ചലിപ്പിച്ചിരിക്കുന്നത്. പ്രശാന്ത് പിള്ളയാണ് സിനിമക്കായി സംഗീതം. രംഗനാഥ് രവിയാണ് ശബ്ദലേഖനം.

70669954

40 വര്‍ഷത്തിലേറെ പാരമ്പര്യമുള്ള അന്താരാഷ്ട്ര ചലച്ചിത്രമേളയാണ് ടൊറന്‍റോ ഫിലിം ഫെസ്റ്റിവല്‍ ( ടി ഐ എഫ് എഫ്). ലോകസിനിമകളുടെ പ്രദര്‍ശനങ്ങളിലൂടെ ചലച്ചിത്രാസ്വാദകരുടെയും നിരൂപകരുടെയും ആദരവു പിടിച്ചെടുത്ത ഈ മേളയില്‍ നിരവധി ഇന്ത്യന്‍ ഭാഷാ ചിത്രങ്ങളും മുമ്പ് വലിയ സ്വീകാര്യതയോടെ പ്രദര്‍ശിപ്പിക്കപ്പെട്ടിട്ടുണ്ട്.

ലോകത്തിലെ ഏറ്റവും ഫിലിം ഫെസ്റ്റിവലുകളിൽ ഒന്നാണിത്. വർഷം തോറും 480,000 ആളുകൾ ഈ ചലച്ചിത്രോത്സവത്തിൽ പങ്കാളികളാകാറുണ്ട്. 1976-ൽ സ്ഥാപിതമായതിനു ശേഷം ടിഎഫ്എഫ്എഫ് ബെൽ ലൈറ്റ് ബോക്സ് (TIFF Bell Lightbox), സിനിമാ സംസ്കാരത്തിന്റെ ഒരു ചലനാത്മക കേന്ദ്രമായി മാറിക്കഴിഞ്ഞു. പുതിയ റിലീസുകൾ, ലൈവ് ഫിലിം ഇവന്‍റുകൾ, സംവേദനാത്മക ഗാലറി ടി എഫ്എഫ്എഫ് ബെൽ ലൈറ്റ് ബോക്സ് സ്ക്രീനിംഗ്, പ്രഭാഷണങ്ങൾ, ചർച്ചകൾ, ഉത്സവങ്ങൾ, വർക്ക്ഷോപ്പുകൾ, വ്യവസായ പിന്തുണ എന്നിവയും കാനഡയിൽ നിന്നും ലോകത്തെമ്പാടും സിനിമാ നിർമാതാക്കളെ കണ്ടുമുട്ടാനുള്ള അവസരവും ടൊറന്‍റോ അന്താരാഷ്ട്ര ചലച്ചിത്രോത്സത്തിന്‍റെ പ്രത്യേകതയാണ്.

70669955

'തൊണ്ടിമുതലും ദൃക്‌സാക്ഷിയും' ടൊറന്റോ റീൽ ഏഷ്യൻ ഫിലിം ഫെസ്റ്റിവൽ 2017 ലേക്ക് മുമ്പ് തിരഞ്ഞെടുക്കപ്പെട്ടിട്ടുണ്ട്. മാസ്റ്റേഴ്സ് വിഭാഗത്തില്‍ അടൂര്‍ ഗോപാലകൃഷ്ണന്‍റെ 'പിന്നെയും' എന്ന ചിത്രവും മുമ്പ് തിരഞ്ഞെടുത്തിട്ടുണ്ട്.

Mobile AppDownload Get Updated News

മൂന്നര മിനിറ്റ് നീണ്ടുനിന്ന ഡയലോഗ് പറഞ്ഞ് വാര്‍ത്തകളിൽ ഈയടുത്ത് നിറഞ്ഞു നിന്ന തെലുങ്ക് താരമാണ് സംപൂ‍ർണേഷ് ബാബു. സ്പൂഫ് ചിത്രങ്ങളിലൂടെ ശ്രദ്ധ നേടിയ ‘ബേണിങ്ങ് സ്റ്റാര്‍’ എന്നറിയപ്പെടുന്ന സംപൂര്‍ണേഷ് ബാബുവിന്‍റെ പുതിയ ചിത്രമായ ‘കൊബ്ബാരി മട്ട' ഈ ഡയലോഗിലൂടെ ഏറെ ശ്രദ്ധ നേടുകയുമുണ്ടായി. ഇപ്പോഴിതാ ചിത്രം റിലീസ് ചെയ്ത് 3 ദിവസം കഴിഞ്ഞപ്പോള്‍ സ്പൂഫ് പോസ്റ്റർ ഇറക്കി ചിരിപ്പിച്ചിരിക്കുകയാണ് താരം.

തമിഴ്-തെലുങ്ക് മസാല സിനിമകളുടെ സ്പൂഫുകളിലൂടെ പ്രശസ്തനായ താരത്തിന്‍റെ പുതിയ ചിത്രത്തിന്‍റെ പോസ്റ്ററിലും സ്പൂഫ് നിറഞ്ഞുനിൽക്കുന്നുണ്ട്. ആഗസ്റ്റ് 10ന് തിയറ്ററുകളിലെത്തിയ ചിത്രം മൂന്ന് ദിവസം കൊണ്ട് 12 കോടി കളക്ഷന്‍ നേടിയിരിക്കന്നുവെന്നാണ് പോസ്റ്ററിൽ പറഞ്ഞിരിക്കുന്നത്. എന്നാല്‍ 12 കോടി രേഖപ്പെടുത്തിയതിന് മുകളിലായി ‘കണ്ടീഷന്‍സ് അപ്ലൈ’ എന്ന് സൂചിപ്പിക്കുന്ന നക്ഷത്ര ചിഹ്നം ഇട്ടിരിക്കുകയാണ്. അതായത് ‘ ആരാധകര്‍ക്ക് വേണ്ടി 9 കോടിയുടെ വ്യാജ കളക്ഷന്‍ കൂട്ടിചേര്‍ത്തിരിക്കുകയാണ്’ എന്ന് പോസ്റ്ററിന് താഴെ ചേര്‍ത്തിട്ടുമുണ്ട്.

3 Days 12 crores #KobbariMattaRampage https://t.co/CXGpOBG6nY
— Sampoornesh Babu (@sampoornesh) 1565690996000

സൂപ്പര്‍താര ചിത്രങ്ങള്‍ തിയറ്ററിലെത്തിയാൽ ബോക്സോഫീസ് കളക്ഷന്‍റെ പേരിൽ നടക്കുന്ന ‘കളക്ഷന്‍ ഫാന്‍ ഫൈറ്റുകളെ’ കണക്കിന് പരിഹസിക്കുകയുമാണ് താരം ഈ പോസ്റ്ററിലൂടെ. ലോകത്ത് തന്നെ ആദ്യമായി മൂന്നരമിനിറ്റ് നീണ്ടുനിൽക്കുന്ന ഡയലോഗ് പറഞ്ഞ് റെക്കോര്‍ഡ് നേടിയ നടൻ എന്നുപറഞ്ഞായിരുന്നു ചിത്രത്തിന്‍റേതായി ഒരു വീഡിയോ ഈയടുത്ത് പുറത്തിറങ്ങിയിരുന്നത്.

ചിത്രത്തിൽ മൂന്ന് വേഷത്തിലാണ് സംപൂര്‍ണേഷ് ബാബു അഭിനയിച്ചിരിക്കുന്നത്. മുത്തച്ഛനായ ‘പാപ്പരായിഡു’ മകനായ ‘പെഡ്ഡരായിഡു’ ചെറുമകനായ ‘ആന്‍ഡ്രോയിഡു’ എന്നിങ്ങനെയുള്ള പേരുകളിലാണ് കഥാപാത്രങ്ങളുടെ പേരുകള്‍ നൽകിയിരിക്കുന്നത്. ചിത്രത്തിൽ താരത്തിന്‍റെ കിടിലൻ നൃത്തപ്രകടനവുമുണ്ട്. ഇത് സംബന്ധിച്ചുള്ള സംപൂ‍ർണേഷിന്‍റെ ട്വീറ്റുകളെല്ലാം ഏറെ വൈറലായിരിക്കുകയാണ്.

നിരവധി സ്പൂഫ് ചിത്രങ്ങളിലൂടെ ശ്രദ്ധ നേടിയ റൂപക് റൊണാള്‍ഡ്‌സണ്‍ തന്നെയാണ് കൊബ്ബരി മട്ടയും സംവിധാനം ചെയ്തിരിക്കുന്നത്. അഡ‍ള്‍ട്ട് സിനിമകളിലൂടെ ശ്രദ്ധ നേടിയ ഷക്കീല സിനിമയില്‍ ഒരു പ്രധാന വേഷത്തിൽ അഭിനയിക്കുന്നുമുണ്ട്.

Mobile AppDownload Get Updated News

നിവിൻ പോളി നായകനാകുന്ന ഗീതു മോഹന്‍ദാസ് ചിത്രം മൂത്തോന്‍ ലോകപ്രശസ്തമായ ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കും. അടുത്ത മാസം പതിനൊന്നിനാണ് ചിത്രം ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കുന്നത്. മലയാളം, ഹിന്ദി എന്നീ രണ്ട് ഭാഷകളിൽ ചിത്രം വേൾഡ് പ്രീമിയ‍റായി സ്പെഷ്യൽ പ്രെസൻ്റേഷൻ വിഭാഗത്തിൽ പ്ര‍ദര്‍ശിപ്പിക്കാനൊരുങ്ങുകയാണ്. ഇത് കൂടാതെ ഈ ഒക്ടോബറില്‍ തുടക്കമാവുന്ന 21ാമത് ജിയോ മാമി ഫെസ്റ്റിവലിലും മൂത്തോന്‍ ഉദ്ഘാടന ചിത്രമായി പ്രദര്‍ശിപ്പിക്കുന്നുണ്ട്.

നിരവധി ദേശീയ പുരസ്കാരങ്ങളും ഓസ്കര്‍ നോമിനേഷനും നേടിയ 'ലയേഴ്സ് ഡയസി'ന് ശേഷം ഗീതു മോഹന്‍ദാസ് സംവിധാനം ചെയ്യുന്ന ചിത്രം കൂടിയാണ് 'മൂത്തോൻ'. ഒന്നിലധികം ഭാഷകളിലാണ് മൂത്തോൻ ഒരുങ്ങുന്നത്. മൂത്തോൻ്റൊപ്പം 'ഈ മ യൗ'വിന് ശേഷം ലിജോ ജോസ് പെല്ലിശേരി സംവിധാനം ചെയ്യുന്ന പുതിയ ചിത്രമായ 'ജല്ലിക്കെട്ട്' ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കുന്നുണ്ട്. കണ്ടംപററി വേള്‍ഡ് സിനിമ വിഭാഗത്തിലാണ് ഈ ചിത്രം പ്രദര്‍ശിപ്പിക്കുന്നത്. 108 സിനിമകളാണ് ഇക്കുറി ഈ വിഭാഗത്തിലുള്ളത്. സെപ്റ്റംബര്‍ 5 മുതൽ 15 വരെയാണ് ചലച്ചിത്രമേള നടക്കുന്നത്.

70671189

വൻ ബജറ്റിലാണ് മൂത്തോൻ ഒരുങ്ങുന്നത്. ഗീതു മോഹന്‍ദാസ് തന്നെയാണ് ചിത്രത്തിൻ്റെ രചനയും നിര്‍വഹിക്കുന്നത്. ശ്രീജ ശ്രീധരന്‍ സംഭാഷണം ഒരുക്കുന്നത്. രാജീവ് രവിയാണ് ക്യാമറ കൈകാര്യം ചെയ്യുന്നത്. ബോളിവുഡ് സംവിധായകന്‍ അനുരാഗ് കശ്യപാണ് ചിത്രത്തിനായി ഹിന്ദി സംഭാഷണങ്ങള്‍ എഴുതിയിരിക്കുന്നത്. കാമാത്തിപുരയിലും ലക്ഷദ്വീപിലും ചിത്രത്തിൻ്റെ ഷൂട്ടിങ് നടന്നിരുന്നു. ചിത്രസംയോജനം നിർവ്വഹിച്ചിരിക്കുന്നത് അജിത് കുമാർ, കിരൺ ദാസ് എന്നിവർ ചേർന്നാണ്.

Also Read: ടൊറന്‍റോ മേളയുടെ വെബ്സൈറ്റിൽ മൂത്തോനെ കുറിച്ചുള്ള കുറിപ്പ് വായിക്കാം

മിനി സ്റ്റുഡിയോ, ജാര്‍ പിക്ചേഴ്സ് എന്നീ ബാനറുകള്‍ക്കൊപ്പം അനുരാഗ് കാശ്യപ്, വിനോദ് കുമാര്‍, അജയ് ജി റായ്, അലന്‍ മെക്ലെക്സ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശശാങ്ക് അറോറ, റോഷന്‍ മാത്യു, ദിലീഷ് പോത്തന്‍, ഹരീഷ് ഖന്ന, സഞ്ജന ദിപു, ശോഭിത ധൂളിപാല, സുജിത്ത് ശങ്കർ, മെലിസ്സ രാജു തോമസ് എന്നിവരും ചിത്രത്തിലുണ്ട്. രാജീവ് രവിയാണ് ഛായാഗ്രഹണം. ഗീതു മോഹന്‍ദാസ് സംവിധാനം ചെയ്യുന്ന 'മൂത്തോന്‍' തൻ്റെ സ്വപ്നസിനിമയാണെന്ന് നടന്‍ നിവിന്‍ പോളി മുൻപ് വ്യക്തമാക്കിയിരുന്നു. നിവിൻ്റെ ആരാധകരെ തൃപ്തിപ്പെടുത്തുന്ന ചിത്രമായിരിക്കും ഇതെന്ന് സംവിധായിക നേരത്തെ തന്നെ വ്യക്തമാക്കിയിരുന്നു.

70671203

റോഷന്‍ മാത്യുവും ചിത്രത്തില്‍ നിവിനൊപ്പം പ്രധാന കഥാപാത്രത്തെ അവതരിപ്പിക്കുന്നു. ചിത്രത്തിലെ മികച്ച പ്രകടനമാണ് റോഷന് അനുരാഗ് കശ്യപ് സംവിധാനം ചെയ്യുന്ന ബോളിവുഡ് ചിത്രത്തിലേക്ക് വഴി തുറന്നത്. ലക്ഷദ്വീപുകാരനായ പതിനാലുകാരന്‍ തൻ്റെ മുതിര്‍ന്ന സഹോദരനെ തേടി യാത്രതിരിക്കുന്നതാണ് ചിത്രത്തിൻ്റെ പ്ലോട്ട് എന്നാണ് പുറത്തുവന്ന വിവരം. യാഥാര്‍ത്ഥ്യവും മാജിക്കല്‍ റിയലിസവും ചേര്‍ന്ന സിനിമയാണ് ഇതെന്ന് നിവിൻ തന്നെ അടുത്തിടെ വ്യക്തമാക്കിയിരുന്നു. വ്യത്യസ്തമായ 'ജേസേറി' എന്ന ഭാഷയാണ് നിവിന്‍ ഉപയോഗിക്കുന്നത്. ചിത്രത്തിന് വേണ്ടി പ്രശസ്ത അഭിനയ പരിശീലകന്റെ കീഴില്‍ നിവിൻ അഭിനയം പരിശീലിച്ചു. ശരീര ഭാഷയെക്കുറിച്ചും കഥാപാത്രത്തെ എങ്ങനെ സ്വീകരിക്കണം എന്നതിനെക്കുറിച്ചും നിവിന്‍ പോളി പരിശീലനം നേടി.

Also Read: ലിജോയുടെ 'ജല്ലിക്കെട്ട്' ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കും

അതുല്‍ മോറിയ എന്ന പ്രശസ്ത പരിശീലകൻ്റെ കീഴില്‍ നിന്നാണ് നിവിന്‍ പോളി അഭിനയ പഠനം പൂര്‍ത്തിയാക്കിയത്. ബോളിവുഡ് ഹിറ്റ് സംവിധായകൻ അനുരാഗ് കശ്യപും സംവിധായകനും ഗീതുവിൻ്റെ ഭർത്താവുമായ രാജീവ് രവിയും ഉൾപ്പെടെയുള്ളവരാണ് ചിത്രത്തിന്റെ അണിയറ പ്രവർത്തകർ. ‘ഇന്‍ഷാ അള്ളാഹ്’ എന്നായിരുന്നു ആദ്യം ചിത്രത്തിന് പേരിട്ടിരുന്നത്, എന്നാല്‍ ആ തീരുമാനം മാറ്റുകയായിരുന്നു.

എസ് ഹരീഷ്, ആര്‍ ജയകുമാര്‍ എന്നിവര്‍ ചേര്‍ന്ന് തിരക്കഥ ഒരുക്കിയിരിക്കുന്ന ജെല്ലിക്കെട്ടില്‍ വമ്പന്‍ താരനിരയാണ് അണിനിരക്കുന്നത്. ഹരീഷ് എഴുതിയ 'മാവോയിസ്റ്റ്' എന്ന ചെറുകഥയെ ആസ്പദമാക്കിയുള്ളതാണ് ചിത്രം. 'ജല്ലിക്കെട്ട്' എന്ന പേര് പ്രഖ്യാപിച്ചതു മുതല്‍ തമിഴ്‌നാട്ടിലെ കാളപ്പോരായ ജെല്ലിക്കെട്ടിനെ ആസ്പദമാക്കിയാണോ ചിത്രമെന്നാണ് എല്ലാവരുടേയും ചോദ്യം. എന്നാല്‍ സിനിമയുടെ പ്രമേയം ഇതുവരെ ലിജോ ജോസ് പെല്ലിശ്ശേരി വ്യക്തമാക്കിയിട്ടില്ല. ഒരു പോത്തും കുറെ മനുഷ്യരുമാണ് ചിത്രത്തില്‍ അഭിനയിക്കുകയെന്ന് ലിജോ ഫേസ്ബുക്ക് വഴി മുമ്പ് അറിയിച്ചിട്ടുമുണ്ട്.

Also Read: മുംബൈ ചലച്ചിത്രോത്സവത്തിൻ്റെ ഉദ്ഘാടന ചിത്രമായി 'മൂത്തോന്‍'

'ജല്ലിക്കെട്ടി'ല്‍ ആന്‍റണി വര്‍ഗീസും ചെമ്പൻ വിനോദ് ജോസും പ്രധാന കഥാപാത്രങ്ങളായെത്തും. ലിജോ ജോസ് പെല്ലിശ്ശേരിയുടെ തന്നെ ‘അങ്കമാലി ഡയറീസി’ലൂടെ അരങ്ങേറ്റം കുറിച്ച ആന്‍റണി അതിനു ശേഷം ‘സ്വാതന്ത്ര്യം അര്‍ദ്ധരാത്രിയില്‍’ എന്ന ചിത്രത്തിലും അഭിനയിച്ചിരുന്നു. ‘സ്വാതന്ത്ര്യം അര്‍ദ്ധരാത്രിയില്‍’ എന്ന ചിത്രത്തിനു ശേഷം ആന്‍റണിയും ചെമ്പനും വീണ്ടുമൊന്നിക്കുന്ന ചിത്രം കൂടിയാണ് ‘ജല്ലിക്കെട്ട്’. ഓ തോമസ് പണിക്കരാണ് ചിത്രം നിര്‍മ്മിച്ചിരിക്കുന്നത്. ചിത്രത്തിനായി ഗിരീഷ് ഗംഗാദരന്‍ ആണ് ക്യാമറ ചലിപ്പിച്ചിരിക്കുന്നത്. പ്രശാന്ത് പിള്ളയാണ് സിനിമക്കായി സംഗീതം. രംഗനാഥ് രവിയാണ് ശബ്ദലേഖനം.

40 വര്‍ഷത്തിലേറെ പാരമ്പര്യമുള്ള അന്താരാഷ്ട്ര ചലച്ചിത്രമേളയാണ് ടൊറന്‍റോ ഫിലിം ഫെസ്റ്റിവല്‍ ( ടി ഐ എഫ് എഫ്). ലോകസിനിമകളുടെ പ്രദര്‍ശനങ്ങളിലൂടെ ചലച്ചിത്രാസ്വാദകരുടെയും നിരൂപകരുടെയും ആദരവു പിടിച്ചെടുത്ത ഈ മേളയില്‍ നിരവധി ഇന്ത്യന്‍ ഭാഷാ ചിത്രങ്ങളും മുമ്പ് വലിയ സ്വീകാര്യതയോടെ പ്രദര്‍ശിപ്പിക്കപ്പെട്ടിട്ടുണ്ട്.

Also Read: ടൊറന്‍റോ മേളയുടെ വെബ്സൈറ്റിൽ ജല്ലിക്കെട്ടിനെകുറിച്ചുള്ള കുറിപ്പ് വായിക്കാം

Mobile AppDownload Get Updated News

തെറി,മെര്‍സല്‍ എന്നീ ഹിറ്റ് സിനിമകള്‍ക്ക് ശേഷം വിജയ്-അറ്റ്‌ലി കൂട്ടുക്കെട്ടിലൊരുങ്ങുന്ന പുതിയ ചിത്രമായ 'ബിഗിലി'ന്‍റെ ചിത്രീകരണം പൂര്‍ത്തിയായി. ഷൂട്ടിങ് തീര്‍ന്ന ദിനത്തിൽ സന്തോഷ സൂചകമായി ചിത്രത്തിന്‍റെ അണിയറ പ്രവര്‍ത്തകരും അഭിനേതാക്കളും അടങ്ങുന്ന 400 പേര്‍ക്ക് സ്വര്‍ണമോതിരം സമ്മാനിച്ചിരിക്കുകയാണ് ഇളയദളപതി വിജയ്.

വിജയിയുടെ പക്കല്‍നിന്ന് സമ്മാനം ലഭിച്ചതിലുള്ള സന്തോഷം 'ബിഗില്‍' ടീം സോഷ്യൽമീഡിയയിൽ പങ്കുവെച്ചിരിക്കുകയാണ്. ചിത്രത്തിൽ അഭിനയിക്കുന്ന വര്‍ഷ അടക്കമുള്ള നിരവധിപേര്‍ മോതിരവുമായി നിൽക്കുന്ന ചിത്രം സോഷ്യൽമീഡിയയിൽ പങ്കുവെച്ചിട്ടുണ്ട്. എല്ലാ മോതിരത്തിലും 'ബിഗില്‍' എന്ന് കുറിച്ചുകൊണ്ടാണ് മോതിരം നൽകിയിരിക്കുന്നത്. സിനിമയുടെ പോസ്റ്റ് പ്രൊഡക്ഷന്‍ ജോലികള്‍ ഇപ്പോള്‍ നടന്നുകൊണ്ടിരിക്കുന്നത്.

സിനിമയ്ക്കായി പ്രവര്‍ത്തിച്ചവര്‍ക്കുള്ള സമ്മാനമായാണ് വിജയ് ഇത് നൽകിയതെന്നും അല്ലാതെ പ്രശസ്തിക്കും സിനിമയുടെ പ്രചരണത്തിനും ഒന്നുമായിട്ടല്ലെന്നും അണിയറ പ്രവര്‍ത്തകര്‍ വ്യക്തമാക്കിയതായി തമിഴ് മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്. നയന്‍താരയാണ് ചിത്രത്തിലെ നായികയായെത്തുന്നത്. ആദ്യ രണ്ടു ചിത്രങ്ങളും ഹിറ്റാക്കിയ ഈ കൂട്ടുകെട്ടിൽ പിറക്കുന്ന ബിഗിലിന് വലിയ പ്രതീക്ഷയാണ് പ്രേക്ഷകർ നൽകുന്നത്. വനിതാ ഫുട്‌ബോള്‍ ടീമിനെ പരിശീലിപ്പിക്കാനായി എത്തുന്ന കോച്ചായിട്ടാണ് വിജയ് ചിത്രത്തിലെത്തുന്നതെന്നാണ് സൂചന. അതോടൊപ്പം സോള്‍ട്ട് ആൻഡ് പെപ്പര്‍ ലുക്കിലും വിജയ് ഉണ്ട്.

Appreciating each & everyone's hard work who are associated in his films is wat makes #Thalapathy more spl ! One ne… https://t.co/iRPpKVF36h
— Rajĸυмaя ❤ (@Rajj8990) 1565704293000

സ്‌പോര്‍ട്‌സ് ത്രില്ലറായി എത്തുന്ന ചിത്രത്തിന് സംഗീതസംവിധാനം എ.ആര്‍ റഹ്മാനാണ് നിര്‍വ്വഹിക്കുന്നത്. വിജയുടെ രണ്ട് ഗെറ്റപ്പുകളാണ് ചിത്രത്തിലുള്ളത്. കതിര്‍, ജാക്കി ഷ്രോഫ്, വിവേക്, ഡാനിയേല്‍ ബാലാജി, യോഗി ബാബു, വര്‍ഷ ബൊലമ്മ എന്നിവരും ചിത്രത്തില്‍ പ്രധാനവേഷത്തിലുണ്ട്. ദീപാവലിക്കാണ് ചിത്രത്തിന്‍റെ റിലീസ്. കേരളത്തിലെ പ്രളക്കെടുതിയില്‍ ദുരിതാശ്വാസ പ്രവര്‍ത്തനങ്ങളിൽ സജീവമായി വിജയ് ആരാധകര്‍ ഓരോ പ്രദേശങ്ങളിലുമുണ്ട്.

#ThalapathyVijay @actorvijay completed shoot of his portions for #BIGIL movie today and has gifted golden rings wit… https://t.co/4uuU8eTwJt
— BARaju (@baraju_SuperHit) 1565710158000

ചിത്രത്തിന്‍റെ സാറ്റലൈറ്റ് റൈറ്റ്സ് ഇപ്പോൾ തന്നെ വിറ്റുപോയിട്ടുണ്ടെന്നാണ് ലഭിക്കുന്ന റിപ്പോർട്ടുകൾ . സൺ ടിവി ആണ് ചിത്രത്തിന്‍റെ ഷൂട്ടിംഗ് പൂർത്തിയാകുന്നതിനു മുൻപുതന്നെ സാറ്റലൈറ്റ് റൈറ്റ് സ്വന്തമാക്കിയിരിക്കുന്നതെന്നാണ് അറിയുന്നത്. ഏകദേശം 28 കോടിയോളം രൂപക്കാണ് സൺ ടിവി സംരക്ഷണാവകാശം സ്വന്തമാക്കിയതെന്നും സൂചനയുണ്ട്. വിജയുടെ മുൻ ചിത്രമായ സർക്കാർ നിർമ്മിച്ചത് സൺ ടിവി ആയിരുന്നു.

#ThalapathyVijay Presented Gold Ring to each Technicians of #Bigil Team as a Gift Today after his Shoot Wrapped for… https://t.co/olg2gMFyS2
— #BIGIL (@BigilOff) 1565703326000

Mobile AppDownload Get Updated News

'മമ്മാലി എന്ന ഇന്ത്യക്കാരന്‍' എന്ന സിനിമയ്ക്ക് റിലീസിനായി വളരെ കുറച്ച് തീയേറ്ററുകൾ മാത്രമായിരുന്നു ലഭിച്ചിരുന്നത്. ആഗസ്റ്റ് രണ്ടിന് പ്രദർശനത്തിനെത്തിയ ചിത്രത്തിന്റെ ഇതുവരെയുള്ള കളക്ഷൻ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയാണ് സിനിമയുടെ അണിയറ പ്രവർത്തകർ മറ്റുള്ളവർക്ക് പ്രചോദനമായിരിക്കുന്നത്. ഇതു വഴി സിനിമയ്ക്ക് ലഭിച്ച വളരെ ചുരുങ്ങിയ വരുമാനത്തിൻ്റെ പകുതിയും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്ത് മാതൃകയായിരിക്കുകയാണ് മമ്മാലി എന്ന ഇന്ത്യക്കാരന്‍ എന്ന സിനിമയുടെ അണിയറ പ്രവര്‍ത്തകര്‍.

ചിത്രത്തിൻ്റെ തിരക്കഥാകൃത്തായ റഫീക്ക് മംഗലശ്ശേരി തൻ്റെ ഫേസ്ബുക്കിലൂടെയാണ് ഇക്കാര്യം അറിയിച്ചത്. ചിത്രത്തിന് വളരെ കുറഞ്ഞ തുകയാണ് ലഭിച്ചതെങ്കിലും അത് ദുരിതാശ്വാസ പ്രവര്‍ത്തനങ്ങൾക്ക് ഉപയോഗിച്ചതിന് സോഷ്യൽ മീഡിയ വാഴ്ത്തുകയാണ് സിനിമാ അണിയറപ്രവര്‍ത്തകരെ.

Read Also: 'കിത്താബ്' ഇസ്ലാമിക വിരുദ്ധമല്ല; പുരോഗമന നാടകമാണ് - റഫീഖ് മംഗലശ്ശേരി സംസാരിക്കുന്നു

ഫേസ്ബുക്ക് കുറിപ്പിൻ്റെ പൂർണ രൂപം വായിക്കാം

പ്രിയമുള്ളവരേ .... ഏറെ അഭിമാനത്തോടെ പറയട്ടെ ...

ഞാനാദ്യമായ് സ്‌ക്രിപ്പ്റ്റ് എഴുതിയ മമ്മാലി എന്ന ഇന്ത്യക്കാരന്‍ എന്ന സിനിമയ്ക്ക് ഇതുവരെ ലഭിച്ച കളക്ഷന്റെ 50 ശതമാനം തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കിയ വിവരം സന്തോഷത്തോടെയും അഭിമാനത്തോടെയും അറിയിക്കട്ടെ ....!

Also Read: 'മണിച്ചേട്ടന്‍ ഇന്നും ജനഹൃദയങ്ങളില്‍; ആ മണിനാദം നിലക്കുന്നില്ല'

സമാന്തര സിനിമയായ മമ്മാലി വിരലിലെണ്ണാവുന്ന തിയേറ്ററുകളിലൂടെ നേടിയ കളക്ഷന്‍ വളരെ ചെറുതാണെങ്കിലും, ഈ പ്രവൃത്തി മറ്റുള്ളവര്‍ക്കു കൂടി പ്രചോദനമാവട്ടെ ....! മാതൃകാപരമായ ഈ പ്രവര്‍ത്തനത്തിന് തയ്യാറായ നിര്‍മ്മാതാവ് കാര്‍ത്തിക് കെ. നഗരത്തിന് അഭിവാദ്യങ്ങള്‍ ......!

<iframe src="https://www.facebook.com/plugins/post.php?href=https%3A%2F%2Fwww.facebook.com%2Frafeeq.mangalasseri%2Fposts%2F2341564459273613&width=500" width="500" height="213" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe>

ചിത്രത്തിൻ്റെ സംവിധായകൻ അരുൺ എൻ ശിവൻ പറയുന്നത് ഇങ്ങനെ

#മമ്മാലി_എന്ന_ഇന്ത്യക്കാരൻ എന്ന ഞങ്ങളുടെ സിനിമ അതിൻ്റെ പ്രദർശനങ്ങളിലൂടെ ഒരു സാമൂഹിക സാംസ്ക്കാരിക പ്രവർത്തനമാണ് നടത്തിയതെന്നാണ് ഞങ്ങൾ വിശ്വസിയ്ക്കുന്നത്.
ആ നിലപാടിന്റെ ഒരു തുടർച്ചയെന്നോണം മുഖ്യമന്ത്രിയുടെ #ദുരിതാശ്വാസ നിധിയിലേക്ക് ഞങ്ങൾക്ക് ഇത് വരെ കിട്ടിയ കളക്ഷന്റെ ആകെ തുകയുടെ 50% നൽകാൻ ഞങ്ങൾ തീരുമാനമെടുത്തത്.

Also Read: കലാഭവൻ മണിയുടെ മരണത്തിലെ ദുരൂഹത വീണ്ടും ചൂണ്ടിക്കാട്ടി സഹോദരൻ

ഇങ്ങനെയൊരു പോസ്റ്റിന്റെ സാദ്ധ്യതയിൽ സംശയമുള്ളവരുടെ അറിവിലേക്ക്
മമ്മാലിയെ പോലെ വളരെ കുറഞ്ഞ ദിവസം എണ്ണത്തിൽ കുറവായ തിയേറ്ററുകളിൽ പ്രദർശനം നടത്തിയ ഒരു സമാന്തര സിനിമയ്ക്ക് ഇത്രെയെങ്കിലും ചെയ്യാൻ കഴിഞ്ഞത് മറ്റുള്ളവർക്ക് പ്രചോദനം നൽകുക എന്ന ഉദ്ദേശത്തോട് കൂടി മാത്രമാണ്
#team_mammali

<iframe src="https://www.facebook.com/plugins/post.php?href=https%3A%2F%2Fwww.facebook.com%2Farun.pazhayatheru%2Fposts%2F2822176731129907&width=500" width="500" height="878" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe>

Also Read: 'മമ്മാലി എന്ന ഇന്ത്യക്കാരൻ' ഇന്നിന്‍റെ പൊള്ളുന്ന വിഷയമാണ്

കോഴിക്കോട് ജില്ലാ സ്കൂള്‍ കലോല്‍സവത്തില്‍ അവതരിപ്പിച്ച് വിവാദമായതോടെ ഏറെ ചര്‍ച്ചാവിഷയമായി തീര്‍ന്ന 'കിത്താബ്' എന്ന നാടകം സംവിധാനം ചെയ്ത റഫീഖ് മംഗലശ്ശേരി കഥയും തിരക്കഥയും സംഭാഷണവുമൊരുക്കുന്ന ആദ്യ സിനിമയാണ് മമ്മാലി എന്ന ഇന്ത്യക്കാരന്‍. ഇസ്ലാം, ഹൈന്ദവ തീവ്രവാദവും പശുഭീകരതയും മാവോയിസ്റ്റ് വേട്ടയും ട്രാൻസ്‍ജെൻഡറുകളുടെ സാമൂഹ്യ ബഹിഷ്കരണവും ഉള്‍പ്പെടെയുള്ള ഇന്നിന്‍റെ പൊള്ളുന്ന വിഷയങ്ങളാണ് ചിത്രം സംസാരിക്കുന്നത്.

Mobile AppDownload Get Updated News

മുംബൈ: ബോളിവുഡിലെ പ്രശസ്തയായ നടി വിദ്യാ സിന്‍ഹ അന്തരിച്ചു. ശ്വാസകോശ സംബന്ധമായ അസുഖങ്ങളെ തുടര്‍ന്ന് മുംബൈയിലെ സ്വകാര്യ ആശുപത്രിയില്‍ ചികിത്സയിൽ കഴിയവേയാണ് മരണം സംഭവിച്ചത്. 71 വയസ്സായിരുന്നു. ബുധനാഴ്ച യാണ് അസുഖം മൂര്‍ച്ഛിച്ചതിനെ തുടര്‍ന്ന് വെന്‍റിലേറ്ററിലേക്ക് മാറ്റിയത്. വ്യാഴാഴ്ച ഉച്ചയോടെ ഒരുമണിയാക്കായിരുന്നു അന്ത്യം സംഭവിച്ചത്.

1974-ല്‍ രാജ കാക എന്ന ബോളിവുഡ് ചിത്രത്തിലൂടെയാണ് സിനിമയിൽ അരങ്ങേറ്റം കുറിച്ചത്. ശേഷം ചോട്ടി സി ബാത്, പാട്ടി പാട്‌നി ഓര്‍ വോ, ഹവാസ്, മേരാ ജീവനാ, ഇന്‍കാര്‍, കിതാബ്, സേവ്ഡ് ജൂത്ത്, സാബൂട്ട്, ലവ് സ്റ്റോറി, ജോഷ് തുടങ്ങി 198-ഓളം ചിത്രങ്ങളില്‍ വിദ്യ സിൻഹ വേഷമിട്ടു.

ജീവ എന്ന ചിത്രത്തിനുശേഷം അഭിനയരംഗത്തോട് വിദ്യാ സിൻഹ വിടപറഞ്ഞിരുന്ന. പക്ഷേ പിന്നീട് മലയാളിയായ സംവിധായകൻ സിദ്ദീഖ് സംവിധാനം ചെയ്ത സല്‍മാന്‍ ഖാന്‍ ചിത്രം ബോഡിഗാര്‍ഡിൽ നല്ലൊരു വേഷത്തിലൂടെ അഭിനയരംഗത്ത് തിരിച്ചെത്തുകയായിരുന്നു. കാവ്യാഞ്ജലി, ഹാര്‍ ജീത്ത്, ഖുബൂള്‍ ഹായ്, ഇഷ്‌ക് കാ രംഗ് സേഫ്ഡ്, ചന്ദ്ര നന്ദിനി, കുല്‍ഫി കുമാര്‍ ബാജേവാലാ തുടങ്ങിയ നിരവധി പ്രശസ്തമായ ടെലിവിഷന്‍ ഷോകളുടേയും ഭാഗമായിട്ടുണ്ട്. അഭിനയ രംഗത്തേയ്‌ക്കെത്തിയ അതേ വര്‍ഷം തന്നെ ബാസു ചാറ്റര്‍ജിയുടെ രാജ്‌നിഗന്ധയില്‍ അമോള്‍ പലേക്കര്‍ക്കൊപ്പം അഭിനയിച്ച് ശ്രദ്ധ നേടിയിട്ടുമുണ്ട് വിദ്യാ സിൻഹ. ഭര്‍ത്താവ് വെങ്കിടേശ്വര അയ്യര്‍. മകള്‍ ജാന്‍വി.

Mobile AppDownload Get Updated News

'അമ്പിളി'യെ പെരുമഴയത്തും തിയറ്ററുകള്‍ നിറച്ച് നിറമനസോടെ സ്വീകരിച്ചതിന് ഹൃദയത്തില്‍ തൊട്ട് നന്ദി പറഞ്ഞ് സംവിധായകൻ ജോൺ പോള്‍ ജോര്‍ജ്ജ്. തന്‍റെ ആദ്യ സിനിമ തിയറ്ററില്‍ കണ്ടവരുടെ അഞ്ചിരട്ടിയെങ്കിലും 'അമ്പിളി'യെ ആദ്യദിവസങ്ങളില്‍ തന്നെ തിയറ്ററുകളിലെത്തി കണ്ടുവെന്നത് സംവിധായകന്‍ എന്ന നിലയില്‍ വലിയ ആത്മവിശ്വാസം തന്നുവെന്നും ജോൺ പോള്‍ തന്‍റെ ഫേസ്ബുക്ക് പേജിൽ കുറിച്ചിട്ടുണ്ട്. കേരളം വലിയൊരു ദുരിതം നേരിടുമ്പോള്‍ സിനിമയെക്കുറിച്ചല്ല സംസാരിക്കേണ്ടതെന്ന ബോധ്യത്തില്‍ സോഷ്യല്‍ മീഡിയയിലും പുറത്തും അമ്പിളിയുടെ പ്രമോഷന്‍ വേണ്ടെന്ന് വച്ചിട്ടും 'അമ്പിളി' വിജയമാക്കിത്തീര്‍ത്തത് മൗത്ത് പബ്ലിസിറ്റിയിലൂടെയാണെന്നും ജോൺ പോള്‍ കുറിച്ചിരിക്കുകയാണ്.

ജോൺപോളിന്‍റെ ഫേസ്ബുക്ക് കുറിപ്പ് വായിക്കാം:

''വീണ്ടുമൊരു പ്രളയ ദുരിതത്തെ ഒരുമിച്ച് അതിജീവിച്ചുകൊണ്ടിരിക്കുകയാണ് നമ്മള്‍. മറ്റെല്ലാം മറന്നും മാറ്റിവച്ചും, പരസ്പരം കൈകോര്‍ത്തും കൈത്താങ്ങായും നമ്മുക്കിടയിലെ മനുഷ്യര്‍ സേവന നിരതരായപ്പോള്‍ അമ്പിളി എന്ന സിനിമയുടെ പ്രമോഷനും പ്രചരണവുമെല്ലാം ഞങ്ങള്‍ താല്‍ക്കാലികമായി നിര്‍ത്തിവച്ചിരിക്കുകയായിരുന്നു. ഓഗസ്റ്റ് 9ന് തിയറ്ററുകളിലെത്തിയ അമ്പിളിയെ പെരുമഴയത്തും തിയറ്ററുകള്‍ നിറച്ച് നിറമനസോടെ സ്വീകരിച്ചതിന് ഹൃദയത്തില്‍ തൊട്ട് നന്ദി. എന്റെ ആദ്യ സിനിമ തിയറ്ററില്‍ കണ്ടവരുടെ അഞ്ചിരട്ടിയെങ്കിലും അമ്പിളിയെ ആദ്യദിവസങ്ങളില്‍ തന്നെ തിയറ്ററുകളിലെത്തി കണ്ടുവെന്നത് സംവിധായകന്‍ എന്ന നിലയില്‍ വലിയ ആത്മവിശ്വാസമാണ് തന്നത്. കേരളം വലിയൊരു ദുരിതം നേരിടുമ്പോള്‍ സിനിമയെക്കുറിച്ചല്ല സംസാരിക്കേണ്ടതെന്ന ബോധ്യത്തില്‍ സോഷ്യല്‍ മീഡിയയിലും പുറത്തും അമ്പിളിയുടെ പ്രമോഷന്‍ വേണ്ടെന്ന് വച്ചിട്ടും അമ്പിളി വിജയമാക്കിത്തീര്‍ത്തത് മൗത്ത് പബ്ലിസിറ്റിയിലൂടെ മാത്രമാണ്. നേരിട്ടും ഫോണിലൂടെയും മെസ്സേജായും സിനിമ കണ്ട ശേഷം അഭിപ്രായമറിയിച്ചവര്‍ക്കും നന്ദി.''

70701059

Mobile AppDownload Get Updated News

'ഗപ്പി'ക്ക് ശേഷം സംവിധായകൻ ജോണ്‍ പോള്‍ ജോര്‍ജ്ജ് സംവിധാനം ചെയ്യുന്ന 'അമ്പിളി'യിലെ പുതിയ ടീസ‍ പുറത്ത് വിട്ടു. സൗബിൻ ഷാഹിറാണ് ചിത്രത്തിലെ കേന്ദ്ര കഥാപാത്രം. നസ്രിയയുടെ അനിയന്‍ നവീന്‍ നസീമും ചിത്രത്തിൽ പ്രധാന വേഷത്തില്‍ എത്തുന്നുണ്ട്. മിമിക്രി ഷോകളിലൂടെയും റിയാലിറ്റിഷോകളിലൂടെയും താരമായ സൂരജും ചിത്രത്തിലുണ്ട്. സൗബിന്‍ പ്രധാന വേഷത്തില്‍ എത്തുന്ന ചിത്രമാണ് 'അമ്പിളി'. സൗബിൻ അവതരിപ്പിക്കുന്ന അമ്പിളി എന്ന കഥാപാത്രവും സൂരജ് അവതരിപ്പിക്കുന്ന കഥാപാത്രവും തമ്മിലുള്ള ഒരു രംഗമാണ് പുറത്ത് വിട്ടിരിക്കുന്നത്. മുകേഷും, എ വി അനൂപും ചേര്‍ന്നാണ് ഇ ഫോറിന്‍റെ ബാനറിൽ ചിത്രത്തിന്‍റെ നിര്‍മ്മാണം.

Also Read: 'ഒരു ചെറുകിളിയുടെ പരിഭവം പുഴയോടു പറയുമോ': 'അമ്പിളി'യിലെ പുതിയ ഗാനം

അമ്പിളിയുടെ ഫസ്റ്റ് ലുക്ക് പോസ്റ്ററും ആദ്യ ടീസറും ഗാനവുമെല്ലാം ഏറെ ശ്രദ്ധിക്കപ്പെട്ടിരുന്നതാണ്. 10 ലക്ഷം കാഴ്ചക്കാരുമായി സോഷ്യല്‍ മീഡിയയില്‍ ജാക്സണ്‍ ലിറിക് വീഡിയോ ട്രെൻഡിംഗുമാണ്. ആരാധികേ എന്ന ഗാനവും ഏറെ സംഗീതപ്രേമികളുടെ ഇഷ്ടം പിടിച്ചുപറ്റിയിരുന്നു. വിഷ്ണു വിജയ് ആണ് ഗാനത്തിന് സംഗീതം നൽകിയിരിക്കുന്നത്. വിനായക് ശശികുമാറാണ് ഗാനത്തിന് വരികള്‍ എഴുതിയിരിക്കുന്നത്. യാത്രക്ക് പ്രാധാന്യം നല്‍കിയൊരുക്കിയിരിക്കുന്ന ചിത്രമാണ് അമ്പിളി. ഫഹദ് ഫാസില്‍ പുറത്തുവിട്ട ചിത്രത്തിന്‍റെ ആദ്യത്തെ പോസ്റ്റര്‍ ഏറെ ശ്രദ്ധിക്കപ്പെട്ടിരുന്നു. പുതുമുഖമായ തന്‍വി റാം ആണ് ചിത്രത്തിൽ നായിക.

Also Read: 'അമ്പിളി' സിനിമാ റിവ്യൂ

വർഷങ്ങളോളം തയ്യാറെടുപ്പുകള്‍ക്ക് ശേഷമാണ് ഹ്യൂമറിനും മ്യൂസിക്കിനും പ്രാധാന്യമുള്ള അമ്പിളിയുമായി സംവിധായകന്‍ എത്തുന്നത്. സൗബിന്‍ അമ്പരപ്പിക്കുന്ന മേക്ക്ഓവറിലാണ് സിനിമയിൽ പ്രത്യക്ഷപ്പെടുന്നത്. സുഡാനി ഫ്രം നൈജീരിയ, കുമ്പളങ്ങി നൈറ്റ്സ് എന്നീ സൂപ്പര്‍ഹിറ്റ് ചിത്രങ്ങൾക്ക് ശേഷം സൗബിന്‍ നായകനാകുന്ന സിനിമയാണ് അമ്പിളി. നവീന്‍ നസീം ആദ്യമായി അരങ്ങേറുന്ന സിനിമയെന്ന പ്രത്യേകതയും അമ്പിളിക്കുണ്ട്. ഗപ്പിയിലെ ഗാനങ്ങള്‍ക്ക് വരികളൊരുക്കിയ വിനായക് ശശികുമാര്‍ തന്നെയാണ് ഈ ചിത്രത്തിനായും ഗാനത്തിൻ്റെ വരികളെഴുതുന്നത്. സംഗീതവും വിഷ്ണു വിജയ് തന്നെ!

70701059

Also Read:'ഗപ്പി' ഒരുക്കിയ ജോണിന്‍റെ 'അമ്പിളി'

ഇ ഫോര്‍ എൻ്റര്‍ടെയിന്‍മെൻ്റിൻ്റെ ബാനറില്‍ മുകേഷ് ആര്‍.മേത്ത, എ.വി. അനൂപ്, സി.വി.സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ദേശീയ ശ്രദ്ധയാകര്‍ഷിച്ച പരസ്യ ചിത്രങ്ങളിലൂടെ ശ്രദ്ധേയനായ ശരണ്‍ വേലായുധനാണ് ഈ ചിത്രത്തിനായി ക്യാമറ കൈകാര്യം ചെയ്തിരിക്കുന്നത്. തൊണ്ടിമുതലും ദൃക്‌സാക്ഷിയും സിനിമയുടെ എഡിറ്റിങ് നിര്‍വ്വഹിച്ച കിരണ്‍ ദാസാണ് ഈ ചിത്രത്തിൻ്റെ ചിത്രസംയോജനം നടത്തുന്നത്. വിനേഷ് ബംഗ്ലാനാണ് കലാസംവിധാനം നിര്‍വ്വഹിക്കുന്നത്. മഷാര്‍ ഹംസയാണ് കോസ്റ്റ്യൂം ഡിസൈനിംഗ്. ആര്‍ ജി വയനാടനാണ് മേക്കപ്പ് നിര്‍വഹിക്കുന്നത്. ഇന്ത്യയിലെ വിവിധ സംസ്ഥാനങ്ങളിലായാണ് അമ്പിളി ചിത്രീകരിക്കുന്നത്.

Also Read: 'അമ്പിളി'യുടെ സംഗീതരാവിൽ ആവേശമായ് കുഞ്ഞു സൗബിനും താരങ്ങളും

ടൊവീനോയേയും ചേതൻ ജയലാലിനേയും കേന്ദ്ര കഥാപാത്രങ്ങളാക്കി ഒരുക്കിയിരുന്ന ഗപ്പി എന്ന ഒറ്റ ചിത്രം കൊണ്ട് പ്രേക്ഷകരുടെ പ്രിയപ്പെട്ട സംവിധായകനായി മാറിയ ജോൺ പോളിന്‍റെ രണ്ടാമത്തെ സിനിമയാണ് അമ്പിളി എന്നതിനാൽ തന്നെ പ്രതീക്ഷയേറെയാണ്. ചിത്രം ഈ മാസം ഒൻപതാം തീയ്യതി തീയേറ്ററുകളിലെത്തും.

Also Read: 'അമ്പിളി'യിലെ ഹിറ്റ് ഗാനം 'ആരാധികേ'

Mobile AppDownload Get Updated News

തെന്നിന്ത്യൻ സൂപ്പര്‍ നായിക നയൻതാരയും കാമുകൻ വിഘ്നേശ് ശിവനും അത്തി വർദറെയിൽ ദർശനത്തിനെത്തി. കാഞ്ചീപുരത്തെ പ്രശസ്തമായ വരദരാജർ ക്ഷേത്രമാണ് അത്തി വരദരാജർ ക്ഷേത്രം. താരങ്ങൾ ഇവിടെ എത്തിയതിൻ്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാണ്. താരങ്ങൾ ക്ഷേത്രത്തിലെത്തിയപ്പോൾ അവിടെയുണ്ടായിരുന്ന ആരാധകര്‍ പകര്‍ത്തിയ ചിത്രങ്ങളും വീഡിയോകളുമാണ് സോഷ്യൽ മീഡിയയിലൂടെ വൈറലായി മാറുന്നത്.

Also Read: വിജയ് ദേവരകൊണ്ടയോടൊപ്പം സാനിയ; വൈറലായി ചിത്രങ്ങള്‍

കഴിഞ്ഞദിവസം സൂപ്പർസ്റ്റാർ രജനീകാന്ത് ഭാര്യയ്ക്കൊപ്പവും തൃഷ സുഹൃത്തുക്കൾക്കൊപ്പവും ക്ഷേത്രത്തിലെത്തി ദർശനം നടത്തിയിരുന്നു. കോയമ്പത്തൂരിലെ ഏറെ പ്രത്യേകതകൾ ഉള്ള ക്ഷേത്രങ്ങളിൽ ഒന്നാണ് അത്തി വരദരാജർ ക്ഷേത്രം. 40 വർഷം കൂടുമ്പോൾ മാത്രമാണ് അത്തി വരദർ പെരുമാളിനെ ഭക്ത‍ര്‍ക്ക് ദർശിക്കാൻ അവസരം ലഭിക്കുകയുള്ളൂ. അത്തി വരദർ വിഗ്രഹത്തിന് കേടുപാടുകൾ സംഭവിച്ചതിനെ തുടർന്ന് ക്ഷേത്രത്തിൽ പുതിയ വിഗ്രഹം സ്ഥാപിച്ചിരുന്നു. ഈ അത്തി വരദരുടെ വിഗ്രഹം ക്ഷേത്രക്കുളത്തിലാണ് സൂക്ഷിക്കുന്നത്. 40 വർഷം കൂടുമ്പോൾ മാത്രമാണ് ഈ വിഗ്രഹം പുറത്തെടുക്കുന്നതും ഭക്ത‍ക്ക് ദര്‍ശനത്തിന് അനുവദിക്കുന്നതും.

Also Read: 'സെലിബ്രിറ്റിയാണെങ്കിലും ഞങ്ങളും മനുഷ്യരാണ്': നേഹയുടെ കുറിപ്പ്

ഭക്തര്‍ക്ക് 40 ദിവസമാണ് ദർശനത്തിനുള്ള അവസരം ലഭിക്കുക. നാലു പതിറ്റാണ്ടിനു ശേഷം അത്തി വർദർ ദർശനത്തിനായി ഇത്തവണ 2019 ജൂലൈയിലായിരുന്നു തുറന്നിരുന്നത്. ഓഗസ്റ്റ് 16 ാം തീയ്യതി വെള്ളിയാഴ്ച വരെയാണ് ഭക്ത‍ക്ക് ദർശനം അനുവദിക്കുന്നത്.

‘ദർബാറി’ലാണ് നയൻതാര ഇപ്പോൾ അഭിനയിച്ചുവരുന്നത്. രജനീകാന്താണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. എ.ആർ.മുരുഗദോസും രജനീകാന്തും ആദ്യമായി ഒന്നിക്കുന്ന ചിത്രം കൂടിയാണിത് എന്ന പ്രത്യേകതയും ദര്‍ബാറിനുണ്ട്.

Also Read: വീണ്ടും ഞെട്ടിച്ച് സൗബിൻ; 'അമ്പിളി'യുടെ പുതിയ ടീസർ കാണാം

രജനീകാന്തും നയൻതാരയും നാാലം തവണയാണ് ഒന്നിച്ചഭിനയിക്കുന്നത്. ‘ചന്ദ്രമുഖി’, ‘കുശേലൻ’, ‘ശിവജി’ എന്നീ ചിത്രങ്ങളിലായിരുന്നു നയൻതാര മുൻപ് രജനികാന്തിനൊപ്പം അഭിനയിച്ചിരുന്നത്. ചിരഞ്ജീവി നായകനായുന്ന സൈറ നരസിംഹ റെഡ്ഡി ചിത്രത്തിലും മലയാളത്തിൻ നിവിൻ പോളിക്കൊപ്പം ലവ് ആക്ഷൻ ഡ്രാമ എന്നീ ചിത്രങ്ങളിലും നയൻതാര അഭിനയിക്കുന്നുണ്ട്.

Also Read: സുരേഷ് ഗോപിയെ രൂക്ഷമായി വിമര്‍ശിച്ച് സംവിധായകൻ നിഷാദ്

Mobile AppDownload Get Updated News

ഈ വർഷത്തെ സൈമ പുരസ്കാരങ്ങള്‍ സമ്മാനിച്ചു. ഖത്തറിൽ വെച്ച് ഇന്നലെ രാത്രി നടന്ന ചടങ്ങിൽ മലയാളം, തമിഴ്, തെലുങ്ക്, കന്നഡ ഭാഷകളിലെ മികച്ച ചിത്രങ്ങൾക്കും അണിയറപ്രവർത്തകർക്കും ഉള്ള പുരസ്‌കാരങ്ങളാണ് വിതരണം ചെയ്തതത്. കൂടെയിലെ അഭിനയത്തിലൂടെ പൃഥ്വിരാജും തീവണ്ടിയിലെ അഭിനയത്തിലൂടെ ടൊവീനോ തോമസും മികച്ച നടന്മാര്‍ക്കുള്ള പുരസ്കാരം നേടി. ഹേ ജൂഡിലെ അഭിനയത്തിലൂടെ തൃഷയും വരത്തനിലെ അഭിനയത്തിലൂടെ ഐശ്വര്യ ലക്ഷ്മിയും മികച്ച നടിമാര്‍ക്കുള്ള പുരസ്കാരം സ്വന്തമാക്കി. മികച്ച മലയാള ചിത്രമായി ‘സുഡാനി ഫ്രം നൈജീരിയ’ തെരഞ്ഞെടുക്കപ്പെട്ടു.

BEST ACTOR (Malayalam) for the year 2019 goes to @ttovino for Theevandi and the award is presented by Ryan Fernande… https://t.co/VQ0B0b4B8N
— SIIMA (@siima) 1566008321000

മികച്ച ഗായകനായി വിജയ് യേശുദാസും (പൂമൂത്തോളെ – ജോസഫ്), മികച്ച സംഗീതസംവിധായനായി സുഷിൻ ശ്യാമും (വരത്തൻ), മികച്ച ഗായികയായി സിത്താര കൃഷ്ണകുമാറും(ഈട) മികച്ച സംവിധായകാനായി സത്യൻ അന്തിക്കാടും (ഞാൻ പ്രകാശൻ), മിഡിൽ ഈസ്റ്റിലെ ഏറ്റവും ജനപ്രിയ നടനായി മോഹൻലാലും മികച്ച നവാഗത നടനായി പ്രണവ് മോഹൻലാലും മികച്ച നവാഗത നടിയായി സാനിയ ഇയ്യപ്പനും മികത്ത കൊമേഡിയനായി അജു വര്‍ഗ്ഗീസും മികച്ച സഹനടനായി റോഷൻ മാത്യുവും മികച്ച സഹനടിയായി ലെനയും മികച്ച ഗാനരചയിതാവായി വിനായക് ശശികുമാറും മികച്ച ഛായാഗ്രഹകനായി ഗിരീഷ് ഗംഗാധരനും തിരഞ്ഞെടുക്കപ്പെട്ടു.

BEST ACTOR (critics)- Malayalam for the year 2019 goes to @PrithviOfficial for Koode and the award is presented by… https://t.co/fn1pRQBJV6
— SIIMA (@siima) 1566008950000

നിർമ്മാതാവും നടനുമായ സുരേഷ് കുമാർ, അഭിനേത്രി മേനക സുരേഷ് എന്നിവർക്ക് ലൈഫ് ടൈം അച്ചീവ്മെന്‍റ് പുരസ്‌കാരം അവരുടെ മകളും ഈ വർഷത്തെ ദേശീയ പുരസ്‌കാര ജേതാവുമായ കീർത്തി സുരേഷിന്‍റെ സാന്നിധ്യത്തിൽ നടൻ മോഹൻലാൽ സമ്മാനിച്ചു.

BEST FILM for the year 2019 is Sudani from Nigeria. (Happy Hours Entertainments) #PantaloonsSIIMA #SIIMAinQatar… https://t.co/NBUK2Xorxg
— SIIMA (@siima) 1566009339000

മികച്ച തമിഴ് നടനായി അടൻഗമരുവിലെ പ്രകടനത്തിലൂടെ ജയം രവിയും മികച്ച തമിഴ് നടിമാരായി കനായിലെ പ്രകടനത്തിലൂടെ ഐശ്വര്യ രാജേഷും 96-ലെ പ്രകടനത്തിലൂടെ തൃഷയും മികച്ച തമിഴ് സംഗീത സംവിധായകനായി കൊലമാവ് കോകിലയിലൂടെ അനിരുദ്ധും മികച്ച തമിഴ് സിനിമയ്ക്കുള്ള പുരസ്കാരം പരിയേറും പെരുമാളും മികച്ച തമിഴ് സംവിധായകനുള്ള പുരസ്കാരം കടേക്കുട്ടി സിങ്കത്തിലൂടെ പാണ്ഡിരാജും സ്വന്തമാക്കി.

BEST ACTRESS for the year 2019 goes to Aiswarya Lekshmi for Varatham. #PantaloonsSIIMA #SIIMAinQatar #VisitQatar… https://t.co/efB6l9JYYc
— SIIMA (@siima) 1566008645000

BEST ACTRESS (Critics) - Malayalam goes to @trishtrashers for Hey Jude. #PantaloonsSIIMA #SIIMAinQatar #VisitQatar… https://t.co/m6YcBj8MvV
— SIIMA (@siima) 1566008445000

Life Time Achievement Award goes to Mr. Suresh Kumar and Mrs. Menaka Suresh Kumar in the presence of their daughter… https://t.co/I0pOhJXO81
— SIIMA (@siima) 1565990292000

'Most Popular Star in the Middle East' goes to our very own Lalettan @Mohanlal handed over by @BrindaPrasad1… https://t.co/G4Z4gD3ild
— SIIMA (@siima) 1565987434000

BEST DEBUTANT ACTOR (Malayalam) goes to Pranav Mohanlal for Aadhi. @Mohanlal accepted the award on his son's behalf… https://t.co/lTGW2jR2Gg
— SIIMA (@siima) 1565988682000

Mobile AppDownload Get Updated News

ഒടിയൻ, ലൂസിഫർ എന്നീ ബിഗ് ബജറ്റ് ചിത്രങ്ങള്‍ക്ക് ശേഷം മോഹൻലാലിന്‍റേതായി നിരവധി ചിത്രങ്ങളാണ് അണിയറയിൽ ഒരുങ്ങിക്കൊണ്ടിരിക്കുന്നത്. ഇട്ടിമാണി മെയ്ഡ് ഇൻ ചൈന, മരക്കാർ അറബിക്കടലിന്‍റെ സിംഹം, ബിഗ് ബ്രദര്‍ എന്നീ ബിഗ് ബജറ്റ് ചിത്രങ്ങളാണ് മോഹൻലാലിന്‍റേതായി അടുത്തതായി ഒരുങ്ങുന്നത്. കൂടാതെ ലൂസിഫറിന്‍റെ രണ്ടാംഭാഗമായ എമ്പുരാനും ഒരുങ്ങുന്നുണ്ട്. ഇട്ടിമാണി മെയ്ഡ് ഇൻ ചൈന ഈ ഓണത്തിനാണ് തീയേറ്ററുകളിലെത്തുന്നത്. ചിത്രത്തിൻ്റെ ആദ്യത്തെ ക്യാരക്ടര്‍ പോസ്റ്റര്‍ പുറത്തു വിട്ടിരിക്കുകയാണ് അണിയറപ്രവര്‍ത്തകര്‍ ഇപ്പോൾ. ചിത്രത്തിൽ ഇട്ടിമാണിയുടെ സുഹൃത്തായ സുഗുണൻ എന്ന കഥാപാത്രത്തെ അവതരിപ്പിക്കുന്ന അജു വര്‍ഗ്ഗീസിന്‍റെ ചിത്രമാണ് പോസ്റ്ററിൽ.

Also Read: 'ഇട്ടിമാണി'യില്‍ മോഹന്‍ലാലിന്‍റെ ഭാര്യയാകാൻ 'ജോസഫി'ലെ നായിക

മുമ്പ് സെമിത്തേരിയിൽ പ്രാര്‍ത്ഥിച്ചുകൊണ്ടു നിൽക്കുന്ന ഇട്ടിമാണി കള്ളനോട്ടമെറിഞ്ഞ് മറ്റാരെയോ നോക്കുന്ന ചിത്രമുള്ള പോസ്റ്റര്‍ പുറത്ത് വിട്ടിരുന്നത് ഏറെ വൈറലായിരുന്നു. അതിനുമുമ്പ് ഇരട്ടക്കുഴൽ തോക്കും തോളത്തുവെച്ച് കയ്യിലൊരു കോഴിയെ തൂക്കിപിടിച്ചുകൊണ്ടുള്ള മോഹൻലാലിന്‍റെ ഇട്ടിമാണി പോസ്റ്ററും ശ്രദ്ധനേടിയിരുന്നു. ഇട്ടിമാണി മാസാണ് മനസ്സുമാണ് എന്നായിരുന്നു പോസ്റ്ററിലെ ക്യാപ്ഷൻ. ഇട്ടിമാണിയിൽ തൃശൂര്‍ ഭാഷ സംസാരിക്കുന്നയാളായാണ് മോഹൻലാൽ എത്തുന്നത്. ചിത്രത്തിന്‍റേതായിറങ്ങിയ പോസ്റ്ററുകളും ലീക്കായ മാര്‍ഗ്ഗം കളി വീഡിയോകളും ഏറെ വൈറലായിരുന്നു.

ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ നിർമ്മിക്കുന്ന ചിത്രമായ 'ഇട്ടിമാണി മെയ്ഡ് ഇൻ ചൈന' കഥയും തിരക്കഥയും സംവിധാനവും ചെയ്യുന്നത് നവാഗതനായ ജിബിയും ജോജുവും ചേര്‍ന്നാണ്. ചിത്രത്തിന്‍റെ ആദ്യ ഷെഡ്യൂൾ സിങ്കപ്പൂരിൽ പൂര്‍ത്തിയായിരുന്നു. അഞ്ച് ദിവസം നീണ്ടു നിൽക്കുന്ന ആദ്യ ഷെഡ്യൂളിൽ മോഹൻലാലിന്‍റെ ബാല്യകാലമാണ് ചിത്രീകരിച്ചിരുന്നത്. അതിനുശേഷം രണ്ടാം ഷെഡ്യൂൾ, കൊച്ചിയിലും തൃശൂരിലുമായും മൂന്നാം ഷെഡ്യൂൾ ചൈനയിലും പൂര്‍ത്തിയാക്കി.

Also Read: കള്ളനോട്ടമെറിഞ്ഞ് 'ഇട്ടിമാണി'; ഓണം കൂടാൻ മാണിച്ചയാനെത്തും

കഴിഞ്ഞവര്‍ഷം ഏറെ ഹിറ്റായ 'ജോസഫ്' എന്ന ജോജു ജോര്‍ജ്ജ് ചിത്രത്തിലൂടെ ശ്രദ്ധേയയായ ബാംഗ്ലൂര്‍ സ്വദേശിനിയും മോഡലുമായ മാധുരി ബ്രൊഗാൻസ മോഹൻലാലിന്‍റെ പുതിയ ചിത്രമായ 'ഇട്ടിമാണി മെയ്ഡ് ഇൻ ചൈന'യിൽ അഭിനയിക്കുന്നുണ്ട്. ചിത്രത്തിൽ മോഹൻലാലിന്‍റെ ഭാര്യയുടെ വേഷമാണ് അവതരിപ്പിക്കുന്നതെന്നാണ് സൂചന. ചിത്രത്തിന്‍റെ ചൈന ഷെഡ്യൂളിലാണ് മാധുരിയും മോഹൻലാലും ഒരുമിച്ചഭിനയിച്ചതെന്നാണ് അറിയുന്നത്. ചിത്രത്തിൽ ഹണി റോസാണ് മറ്റൊരു നായികയായെത്തുന്നത്

എം പത്മകുമാർ സംവിധാനം ചെയ്ത കനൽ എന്ന ചിത്രത്തിനു ശേഷം ഹണി റോസ് വീണ്ടും മോഹൻലാലിന്‍റെ നായികയായി അഭിനയിക്കുന്ന ചിത്രമെന്ന പ്രത്യേകതകൂടിയുണ്ട് ഇട്ടിമാണിക്ക്. ഒടിയൻ, ലൂസിഫര്‍, മരക്കാര്‍ അറബിക്കടലിന്‍റെ സിംഹം എന്നീ ചിത്രങ്ങളിൽ മഞ്ജു വാര്യരാരാണ് മോഹൻലാലിന്‍റെ നായിക.

ഹരീഷ് കണാരൻ, ധർമ്മജൻ ബോൾഗാട്ടി, രാധിക ശരത്കുമാർ തുടങ്ങിയ ഒരു നീണ്ട നിരതന്നെയുണ്ട് ചിത്രത്തിൽ. നരൻ, പുലിമുരുഗൻ, ഒടിയൻ എന്നീ ചിത്രങ്ങളുടെ ക്യാമറ കൈകാര്യം ചെയ്ത ഷാജി കുമാർ ആണ് ചിത്രത്തിന്‍റെ ഛായാഗ്രഹണം. സൂര്യ, മോഹൻലാൽ ടീം ഒന്നിക്കുന്ന കെ വി ആനന്ദ് ഒരുക്കിയ തമിഴ് ചിത്രം കാപ്പാനും ഉടൻ റിലീസിങ്ങിനായൊരുങ്ങുന്നുണ്ട്.

Mobile AppDownload Get Updated News

ഭക്ഷണം വിഷയമാക്കി ഏതാനും സിനിമകള്‍ മലയാളത്തിലെത്തിയിട്ടുണ്ട്. സാള്‍ട്ട് ആൻഡ് പെപ്പര്‍, കല്ല്യാണരാമൻ, ഉസ്താദ് ഹോട്ടല്‍, തീറ്ററപ്പായി, പട്ടാഭിരാമൻ, കമ്മത്ത് ആൻഡ് കമ്മത്ത് തുടങ്ങിയവ ഈ കൂട്ടത്തിൽ പെടുന്നവയാണ്. അവയുടെ ഇടയിലേക്ക് ഇതാ വീണ്ടും ഒരു ഭക്ഷണകഥയെത്തുന്നു. വെള്ളേപ്പം എന്നുപേരിട്ടിരിക്കുന്ന ചിത്രത്തിന്‍റെ ടൈറ്റിൽ പോസ്റ്റർ ഇന്ന് പുറത്തിറങ്ങി. ഉള്ളുപൊള്ള വെന്ത ഒരു തമാശക്കഥ എന്നാണ് ചിത്രത്തിന്‍റെ ടാഗ്‍ലൈൻ.

തൃശൂരിന്‍റെ പ്രാതൽ മധുരത്തിന്‍റെ കഥയുമായാണ് വെള്ളേപ്പം വരുന്നത്. മാധ്യമപ്രവർത്തകനും സിനിമ പ്രൊമോഷൻ രംഗത്തെ സജീവ സാന്നിദ്ധ്യവുമായ പ്രവീൺ രാജ് പൂക്കാടൻ സംവിധാനം ചെയ്യുന്ന ചിത്രത്തിന് ജീവൻ ലാൽ ആണ് കഥയും തിരക്കഥയും തയ്യാറാക്കുന്നത്. ടി എം റഫീഖ് നിർമ്മിക്കുന്ന ചിത്രത്തിന് തൊട്ടപ്പൻ എന്ന ചിത്രത്തിന് ശേഷം ലീല എൽ ഗിരീഷ് കുട്ടൻ സംഗീതമൊരുക്കുന്നു. ഷമീർ മുഹമ്മദ്‌ എഡിറ്റിങ് നിർവഹിക്കുന്നു. യുവ താരനിരയുമായി എത്തുന്ന ചിത്രം ഒക്ടോബർ പതിനഞ്ചിന് തൃശ്ശൂരിലും പരിസരത്തും ആയാണ് ചിത്രീകരണം ആരംഭിക്കുന്നത്.

ചിത്രത്തിന്‍റെ ടൈറ്റിൽ പോസ്റ്റർ പങ്കുവെച്ചുകൊണ്ട് പ്രവീൺ പൂക്കാടൻ ഫേസ്ബുക്കിൽ കുറിച്ചിരിക്കുന്നത് ഇങ്ങനെയാണ്:

''ഉള്ളു പൊള്ളി വെന്തു ഉരുകിയ നിമിഷങ്ങളിലും പുട്ട് പോലെ തമാശ പറഞ്ഞു അതിജീവിച്ച ജീവിതത്തിനു ഒരു വഴിത്തിരിവ്.സംവിധായകനാകുക വലിയ സ്‌ക്രീനിൽ പേരു വരുക എന്ന ഒരൊറ്റ ലക്ഷ്യം മാത്രമായിരുന്നില്ല ജീവിതത്തിൽ. അത് ഏറ്റവും വലിയ സ്വപ്നമായിരുന്നു. ഈ മലയാള പുതുവർഷത്തിൽ തമാശയുടെയും പ്രണയത്തിന്റെയും ഫാന്റസിയുടെയും രൂപത്തിൽ ഞാൻ കണ്ട കാഴ്ചകളും അനുഭവങ്ങളും സിനിമ ആകുകയാണ്.എന്റെ കൂട്ടുകാർക്ക് എന്നെ സ്നേഹിച്ചവർക്ക് മുൻപിൽ ഇതാ ടൈറ്റിൽ. ''

Mobile AppDownload Get Updated News

'മമ്മൂക്ക, നിങ്ങളാണ് ഞങ്ങളുടെ ഹൃദയത്തിലെ മികച്ച നടന്‍': മമ്മൂട്ടി ആരാധകർ പറയുന്നു

ജയലളിതയുടെ കഥ പറയുന്ന സിനിമയിൽ അരവിന്ദ് സ്വാമി എം ജി ആറായി എത്തും

ദിലീപ് - അനു സിതാര ചിത്രം 'ശുഭരാത്രി'യിലെ പ്രധാന രംഗങ്ങൾ ഇതാ; കാണൂ

ഡിസ്‍കവറി ചാനലില്‍ മോദി; 'മാൻ vs വൈൽഡ്' പരിപാടി ഇന്ന്

'അന്‍പോട് കൊച്ചി'; സജീവമായി പൂര്‍ണ്ണിമയും ഇന്ദ്രജിത്തും

പ്രളയത്തെ അതിജീവിക്കാൻ കൈത്താങ്ങുമായി ഡബ്ലുസിസിയും

കവളപ്പാറയിലേക്ക് കാഴ്ച്ചക്കാരായി പോവരുതെന്ന് സണ്ണി വെയ്ൻ

മുംബൈ ചലച്ചിത്രോത്സവത്തിൻ്റെ ഉദ്ഘാടന ചിത്രമായി 'മൂത്തോന്‍'

ലിജോയുടെ 'ജല്ലിക്കെട്ട്' ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കും

‘കൊബ്ബാരി മട്ട' കളക്ഷൻ 12 കോടിയോ; ‘കണ്ടീഷന്‍സ് അപ്ലൈ’ എന്ന് സംപൂര്‍ണേഷ്

ഗീതു മോഹൻദാസ് - നിവിൻ പോളി ചിത്രം 'മൂത്തോൻ' ടൊറന്‍റോ ചലച്ചിത്രമേളയിൽ പ്രദര്‍ശിപ്പിക്കും

'ബിഗിൽ' പൂര്‍ത്തിയായി; ചിത്രത്തിലുള്ളവര്‍ക്കെല്ലാം സ്വര്‍ണമോതിരം നല്‍കി വിജയ്

സിനിമയ്ക്ക് ആകെ കിട്ടിയ കളക്ഷൻ തുക 10,314 രൂപ; പാതിയും ദുരിതാശ്വാസത്തിന്!

ബോളിവുഡ് നടി വിദ്യാ സിന്‍ഹ അന്തരിച്ചു

'ഗപ്പി' തിയറ്ററിൽ കണ്ടവരുടെ അഞ്ചിരട്ടി 'അമ്പിളി'യെ കണ്ടു: ജോൺ പോള്‍

വീണ്ടും ഞെട്ടിച്ച് സൗബിൻ; 'അമ്പിളി'യുടെ പുതിയ ടീസർ കാണാം

നയൻതാരയും വിഘ്നേശ് ശിവനും അത്തി വരദ‍ര്‍ ക്ഷേത്രത്തിലെത്തി

മികച്ച നടന്മാരായി പൃഥ്വിയും ടൊവീനോയും; ഐശ്വര്യ, തൃഷ മികച്ച നടിമാർ

ഇതാ 'ഇട്ടിമാണി'യുടെ സ്വന്തം സുഗുണൻ; 'ഇട്ടിമാണി മെയ്ഡ് ഇൻ ചൈന' ആദ്യ ക്യാരക്ടർ പോസ്റ്റർ

വീണ്ടും ഒരു ഭക്ഷണ കഥ; 'വെള്ളേപ്പം' ടൈറ്റിൽ പോസ്റ്റർ