Malayalam Samayam

തെന്നിന്ത്യൻ സൂപ്പര്‍ നായിക നിത്യ മേനോനെ കേന്ദ്ര കഥാപാത്രമാക്കി ദേശീയ, സംസ്ഥാന ചലച്ചിത്ര പുരസ്കാരങ്ങള്‍ സ്വന്തമാക്കിയിട്ടുള്ള സംവിധായകൻ ടി.കെ.രാജീവ്‌ കുമാർ ആറുവര്‍ഷങ്ങള്‍ക്ക് ശേഷം ഒരുക്കുന്ന 'കോളാമ്പി' യിലെ പുതിയ ഗാനം പുറത്ത് വിട്ടു. ഓരോരോ നോവിൻ എന്ന് തുടങ്ങുന്ന ഗാനമാണ് പുറത്ത വിട്ടിരിക്കുന്നത്. ബോംബെ ജയശ്രീ രാംനാഥ് ആലപിച്ച ഗാനത്തിന് സംഗീതം ഒരുക്കിയിരിക്കുന്നത് രമേശ് നാരായണനാണ്. പ്രഭാ വര്‍മയാണ് ഗാനത്തിന് വരികളൊരുക്കിയിരിക്കുന്നത്. നിത്യ മേനോനും അരിസ്റ്റോ സുരേഷുമാണ് ചിത്രത്തിലെ മുഖ്യ കഥാപാത്രത്തെ അവതരിപ്പിച്ചിരിക്കുന്നത്. രവി വര്‍മന്‍ ആണ് ഛായാഗ്രഹണം നിര്‍വ്വഹിച്ചിരിക്കുന്നത്. കലാസംവിധാനം സാബു സിറിളും നിര്‍വ്വഹിക്കുന്നു.

Also Read: മമ്മൂട്ടി സിനിമയിലെത്തിയതിന്‍റെ 48-ാം വാര്‍ഷികം നാളെ

ചിത്രത്തിന് ശബ്ദസംവിധാനം നിര്‍വഹിക്കുന്നത് റസൂല്‍ പൂക്കുട്ടിയാണ്. രാജ്യാന്തര സിനിമാ പ്രേക്ഷകരെയും മേളകളെയും ലക്ഷ്യമിട്ടാണ് കോളാമ്പി ഒരുക്കിയിരിക്കുന്നത്. തത്സമയം ഒരു പെൺകുട്ടി എന്ന സിനിമക്ക് ശേഷമാണ് ടി.കെ രാജീവ് കുമാറിന്‍റെ സിനിമയിൽ വീണ്ടും നിത്യ മേനോൻ അഭിനയിക്കുന്നന്നത്. കൊച്ചി മുസിരിസ് ബിനാലെ വേദിയിൽ കോളാമ്പിയുടെ ഷൂട്ടിംഗ് നടന്നിരുന്നു. ബിനാലെയുടെ ഫോര്‍ട്ട് കൊച്ചി പരേഡ് ഗ്രൗണ്ടിലെ ഉദ്ഘാടന വേദിയിലും മറ്റുമായായായിരുന്നു ഷൂട്ടിങ്.

70540351

രൂപേഷ് ഓമന നിര്‍മ്മിക്കുന്ന ചിത്രത്തില്‍ നിത്യാ മേനോന്‍, രണ്‍ജി പണിക്കര്‍, ദിലീഷ് പോത്തന്‍, രോഹിണി, സിദ്ധാര്‍ത്ഥ് മേനോൻ, ജി സുരേഷ് കുമാര്‍ തുടങ്ങിയവര്‍ ഉള്‍പ്പെടുന്ന താരനിരയാണുള്ളത്. കോളാമ്പി മൈക്ക് നിരോധനത്തിനുശേഷം ജീവിതം വഴിമുട്ടിയ ഏതാനും പേരുടെ ജീവിതവുമായി ബന്ധപ്പെട്ടതാണ് ചിത്രത്തിന്‍റെ പ്രമേയം. രൂപേഷ് ഓമന നിര്‍മ്മിക്കുന്ന ചിത്രത്തില്‍ നിത്യാ മേനോന്‍, രണ്‍ജി പണിക്കര്‍, ദിലീഷ് പോത്തന്‍, രോഹിണി, സിദ്ധാര്‍ത്ഥ് മേനോൻ, ജി സുരേഷ് കുമാര്‍ തുടങ്ങിയവര്‍ ഉള്‍പ്പെടുന്ന താരനിരയാണുള്ളത്. കോളാമ്പി മൈക്ക് നിരോധനത്തിനുശേഷം ജീവിതം വഴിമുട്ടിയ ഏതാനും പേരുടെ ജീവിതവുമായി ബന്ധപ്പെട്ടതാണ് ചിത്രത്തിന്‍റെ പ്രമേയം.

Also Read: 'അമ്പിളി'യുടെ സെൻസർ കഴിഞ്ഞു; ഓഗസ്റ്റ് 9 ന് റിലീസ്

ബിഗ്‌ബോസ് മലയാളം ഫൈനലിസ്റ്റായ സുരേഷിന് ബിഗ് ബോസ് ഗ്രാൻഡ് ഫിനാലെ വേദിയില്‍ വെച്ചുതന്നെ കോളാമ്പി എന്ന സിനിമയിലേക്ക് നായകനായുള്ള അവസരം പ്രഖ്യാപിച്ചിരുന്നു. എബ്രിഡ് ഷൈൻ സംവിധാനം ചെയ്ത് നിവിന്‍പോളി നായകനായി എത്തിയ ആക്ഷന്‍ ഹീറോ ബിജുവിലൂടെ ശ്രദ്ധിക്കപ്പെട്ട നടനാണ് അരിസ്റ്റോ സുരേഷ്. അതിനുശേഷം നിരവധി ചിത്രങ്ങളിൽ അഭിനയിച്ച അദ്ദേഹം നാടൻ പാട്ടുകള്‍ പാടി ശ്രദ്ധേയനുമാണ്. താരം കോളാമ്പിയിൽ അഭിനയിക്കുന്നതിനിടെ തനിക്കൊരു പ്രണയമുണ്ടെന്ന് താരം വെളിപ്പെടുത്തിയത് സോഷ്യല്‍ മീഡിയയില്‍ വലിയ ചര്‍ച്ചയായിരുന്നു.

Also Read: 'അമ്പിളി'യുടെ സംഗീതരാവിൽ ആവേശമായ് കുഞ്ഞു സൗബിനും താരങ്ങളും

തനിക്കൊരു പ്രണയമുണ്ടെന്നും ഇപ്പോള്‍ ചെയ്യുന്ന സിനിമ കഴിഞ്ഞാല്‍ ഉടന്‍ ഔദ്യോഗിക പ്രഖ്യാപനം ഉണ്ടാകുമെന്നും വനിതയ്ക്ക് നല്‍കിയ അഭിമുഖത്തിലാണ് സുരേഷ് വ്യക്തമാക്കിയത്. ആക്ഷന്‍ ഹീറോ ബിജു സിനിമയുടെ സെറ്റില്‍ വച്ചാണ് താന്‍ പ്രണയിനിയെ കണ്ടുമുട്ടിയതെന്നും താരം പങ്കുവെച്ചിട്ടുണ്ട്. തൃശ്ശൂര്‍ സ്വദേശിനിയാണ് യുവതിയെന്നും 36 വയസ്സുണ്ടെന്നും അദ്ദേഹം പറയുന്നു. എന്നാല്‍ പേരുവിവരങ്ങള്‍ അദ്ദേഹം പുറത്തുവിട്ടില്ല. ആക്ഷൻ ഹീറോ ബിജുവിന്‍റെ സെറ്റിൽ തുടങ്ങിയ സൗഹൃദം പിന്നീട് പ്രണയമായി മാറുകയായിരുന്നുവെന്നും അദ്ദേഹം പറഞ്ഞിരുന്നു.

Also Read: ജോജു-ലെന ചിത്രത്തിന് പേരിട്ടു; 'ഒരു രാത്രി ഒരു പകല്‍'

Mobile AppDownload Get Updated News

നിറഞ്ഞ സദസ്സുകളില്‍ തീയേറ്ററുകളില്‍ പ്രദര്‍ശനം തുടരുന്ന ‘തണ്ണീര്‍ മത്തന്‍ ദിനങ്ങളു’ടെ പേരിൽ പ്രചരിക്കുന്ന വ്യാജപ്രചരണത്തെ പൊളിച്ചടുക്കി അണിയറപ്രവര്‍ത്തകര്‍. ഓണത്തിന് സ്വകാര്യ ടെലിവിഷന്‍ ചാനലില്‍ ‘തണ്ണീര്‍ മത്തന്‍ ദിനങ്ങൾ’ ടെലിക്കാസ്റ്റ് ചെയ്യുമെന്ന പ്രചരണം വ്യാജമാണെന്ന് അണിയറപ്രവര്‍ത്തകര്‍ വ്യക്തമാക്കി. വ്യാജ പ്രചരണങ്ങളില്‍ വഞ്ചിതരാകാതിരിക്കണമെന്നും സിനിമയെ തകര്‍ക്കാന്‍ ശ്രമിക്കുന്ന മാര്‍വാടി ഗ്രൂപ്പിനെ ഒറ്റപ്പെടുത്തണമെന്നും ‘തണ്ണീര്‍ മത്തന്‍ ദിനങ്ങളു’ടെ ഫേസ്ബുക്ക് പേജിലൂടെ വ്യക്തമാക്കിയിട്ടുമുണ്ട്.

ഏഷ്യാനെറ്റിലൂടെ ചിത്രം ഈ ഓണത്തിന് സംപ്രേക്ഷണം ചെയ്യുമെന്ന് കഴിഞ്ഞ ദിവസങ്ങളില്‍ ട്വിറ്ററിലൂടെ നടന്ന പ്രചരണത്തിന് പിന്നാലെയാണ് വസ്തുത വെളിപ്പെടുത്തി അണിയറപ്രവര്‍ത്തകര്‍ രംഗത്തെത്തിയിരിക്കുന്നത്. റിലീസ് ചെയ്ത് രണ്ടാഴ്ച മാത്രം പിന്നിട്ട ചിത്രം ടിവിയില്‍ വരുമെന്ന പ്രചരണം സിനിമയുടെ വിജയത്തെ ബാധിച്ചേക്കുമെന്ന തിരിച്ചറിവിലാണ് അണിയറ പ്രവര്‍ത്തകര്‍ വിശദീകരണവുമായി രംഗത്തെത്തിയിരിക്കുന്നത്.

പ്ലസ് ടു ലൈഫിലെ കുട്ടികളുടെ ജീവതത്തോട് ഏറെ അടുത്ത് നിൽക്കുന്ന സിനിമയാണ് തണ്ണീർ മത്തൻ ദിനങ്ങൾ. ആ ലൈഫ് കടന്നുവന്നവര്‍ക്ക് വൻ നൊസ്റ്റാള്‍ജിയ സമ്മാനിക്കുന്ന ചിത്രത്തിന് ഇപ്പോള്‍ പ്ലസ് ടു ജീവിതം ആസ്വദിക്കുന്ന കുട്ടികളുടെ ഇടയിലും വൻ സ്വീകാര്യത ലഭിച്ചിട്ടുണ്ട്. ചിത്രത്തിലെ ഗാനങ്ങളും ചില ഡയലോഗുകളും ഇപ്പോൾ സോഷ്യൽമീഡിയയിൽ വൻ വൈറലാണ്.

'കുമ്പളങ്ങി നൈറ്റ്സ്' എന്ന സൂപ്പര്‍ഹിറ്റ് ചിത്രത്തിലെ ഫ്രാങ്കിയായി അത്ഭുത പ്രകടനം കാഴ്ച വെച്ച മാത്യു തോമസും 'ഉദാഹരണം സുജാത'യിലും 'എവിടെ'യിലും മികച്ച പ്രകടനം കാഴ്ചവെച്ച അനശ്വര രാജനുമാണ് ചിത്രത്തിൽ മുഖ്യവേഷങ്ങൾ കൈകാര്യം ചെയ്തിരിക്കുന്നത്. ഇവര്‍ക്കൊപ്പം വിനീത് ശ്രീനിവാസനും ചിത്രത്തിൽ മുഖ്യ കഥാപാത്രങ്ങളായെത്തുന്നുണ്ട്. അള്ള് രാമേന്ദ്രന്‍, പോരാട്ടം എന്നീ ബിലഹരി ചിത്രങ്ങളുടെ തിരക്കഥാകൃത്തുക്കളില്‍ ഒരാളായ ഗിരീഷ് എ.ഡിയാണ് ചിത്രം സംവിധാനം ചെയ്യുന്നത്. ഗിരീഷിൻ്റെ ആദ്യ സംവിധാന സംരംഭം കൂടിയാണ് തണ്ണിമത്തൻ ദിനങ്ങൾ. പ്ലസ്ടുകാല സ്കൂൾ ജീവിതവും കുട്ടികളിലെയും അധ്യാപകരിലെയും പ്രണയവുമൊക്കെയാണ് ചിത്രം പറയുന്നത്. തൃശൂര്‍ കഥാപശ്ചാത്തലമാക്കിയാണ് കഥ സഞ്ചരിക്കുന്നതെന്ന് ട്രെയിലറിൽ നിന്ന് സൂചന ലഭിച്ചിരുന്നു.

പ്ലാന്‍ ജെ സ്റ്റുഡിയോസ്, ഷെബിന്‍ ബക്കര്‍ പ്രൊഡക്ഷന്‍സ് എന്നിവരുടെ ബാനറിലാണ് ചിത്രം ഒരുങ്ങുന്നത്. പ്രശസ്ത ചായാഗ്രാഹകന്‍ ജോമോന്‍ ടി ജോണ്‍, ഷെബിന്‍ ബക്കര്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. എഡി ഗിരീഷും ഡിനോയിയും ചേര്‍ന്നാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്. അതേസമയം ഷാജി മുകുന്ദ് ആര്‍ട്ട് ഡയറക്ഷൻ നിര്‍വഹിക്കുന്നു. ‍‍‍

Mobile AppDownload Get Updated News

മലയാളത്തില്‍ ഒരുകാലത്ത് ഒട്ടേറെ ശ്രദ്ധേയ കഥാപാത്രങ്ങളായി എത്തി കയ്യടി നേടിയ നടി ഇന്ദ്രജ നടത്തിയ വെളിപ്പെടത്തൽ ശ്രദ്ധേയമാകുകയാണിപ്പോൾ. നടിയിപ്പോൾ നീണ്ട പതിനാലു വര്‍ഷത്തെ ഇടവേളയ്ക്ക് ശേഷം സിനിമയിലേയ്ക്ക് തിരിച്ചെത്തുകയാണ്. കൂടെ അഭിനയിച്ച നായകന്മാരില്‍ മണിയുടെ മരണം ഇപ്പോഴും വിശ്വസിക്കാന്‍ സാധിച്ചിട്ടില്ലെന്ന് ഇന്ദ്രജ പറഞ്ഞു. മലയാള സിനിമയില്‍ അടുപ്പം തോന്നിയത് മണിച്ചേട്ടനോടായിരുന്നു. ആ മരണം ഒരുപാട് വേദനിപ്പിച്ചു. പ്രമുഖ സ്ത്രീ സൌഹൃദ മാസികയ്ക്ക് അനുവദിച്ച പ്രത്യേക അഭിമുഖത്തിലാണ് ഇന്ദ്രജ ഇക്കാര്യം പറഞ്ഞത്.

'സെറ്റില്‍ മണിച്ചേട്ടൻ എത്തിയാല്‍ ആകെ ഉത്സവാന്തരീക്ഷമാണ്. ചില കഥകള്‍ കേള്‍ക്കുമ്പോള്‍ അതില്‍ അഭിനയിക്കണോ എന്നു സംശയം തോന്നുമ്പോൾ വിളിക്കാറുണ്ടായിരുന്നത് മണിച്ചേട്ടനെയായിരുന്നു. കൃത്യമായ ഉത്തരം കിട്ടുമായിരുന്നു. 'മലയാളത്തില്‍ ഇന്ദ്രജ തന്നെ ഡബ് ചെയ്യാന്‍ ശ്രമിക്കണമെന്ന്' ഇടയ്ക്ക് പറഞ്ഞു തന്നിട്ടുണ്ട് അദ്ദേഹം. സിനിമയില്‍ നിന്നു ഞാന്‍ മാറി നിന്നതോടെയാണ് ആ അടുപ്പം കുറഞ്ഞത്. അന്ന് ഇന്നത്തെ പോലെ മൊബൈലും വാട്സ്‌ആപ്പും ഒന്നും ഇല്ലല്ലോ. നമ്പരുകള്‍ മാറിയതോടെ ആരുമായും സൗഹൃദം പോലും ഇല്ലാതായി. ഞാന്‍ എന്നിലേക്കു തന്നെ ഒതുങ്ങുകയായിരുന്നു. ഇന്ദ്രജ പറയുന്നു.

വര്‍ഷങ്ങള്‍‌ക്ക് ശേഷം 'പാപനാശം' എന്ന സിനിമയിലാണ് മണിച്ചേട്ടനെ കാണുന്നത്. അതില്‍ അദ്ദേഹം ഒരുപാടു ക്ഷീണിച്ചതു പോലെ തോന്നി. വിശേഷങ്ങൾ അറിയാന്‍ വിളിക്കണം എന്നുണ്ടായിരുന്നു. അതും നടന്നിരുന്നില്ല. പിന്നീടാണ് ആരോ 'RIP' എന്നെഴുതിയ മണിച്ചേട്ടൻ്റെ ഫോട്ടോ അയച്ചു കിട്ടുന്നത്. അക്ഷരാര്‍ത്ഥത്തിൽ ഞെട്ടിപ്പോയി ഞാന്‍. പിന്നെ, ചാനലിലെ വാര്‍ത്തയും കണ്ടു. ആ മരണം ഇപ്പോഴും വിശ്വസിക്കാനായിട്ടില്ല' ഇന്ദ്രജ പറയുന്നു.

എഫ്‍ഐആര്‍, ഉസ്‍താദ് തുടങ്ങി നിരവധി ചിത്രങ്ങളിലൂടെ പ്രേക്ഷകരുടെ പ്രിയങ്കരിയായി മാറിയ ഇന്ദ്രജ വീണ്ടും ഒരു മലയാള ചിത്രത്തില്‍ സജീവമാകുകയാണ്. 12 സി എന്ന ചിത്രത്തിലാണ് ഇന്ദ്രജ 14 വര്‍ഷങ്ങൾക്ക് ശേഷം അഭിനയിക്കുന്നത്. ഉണ്ണികൃഷ്‍ണൻ ആണ് ഈ ചിത്രം സംവിധാനം ചെയ്യുന്നത്. അനില്‍ നെടുമങ്ങാട്, അക്ഷത് സിംഗ്, അശ്വിൻ, മധുപാല്‍ തുടങ്ങിയവരാണ് ചിത്രത്തിലെ മറ്റു പ്രധാന വേഷങ്ങളിലെത്തുന്നത്. ചിത്രത്തിൽ ഇന്ദ്രജ ഒരു പ്രധാന കഥാപാത്രത്തെയാണ് അവതരിപ്പിക്കുന്നത്. ചിത്രത്തിലെ ഗാനങ്ങൾക്ക് വരികളൊരുക്കുന്നത് ബി. കെ. ഹരിനാരായണന്‍, മധു വാസുദേവന്‍, തുമ്പൂര്‍ സുബ്രഹ്മണ്യന്‍, ജോയ് തമലം എന്നിവരാണ്. ഔസേപ്പച്ചനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. അടുത്തിടെ ഇന്ദ്രജ തെലുങ്ക് സിനിമകളിൽ നിറഞ്ഞുനിന്നിരുന്നു.

എണ്‍പത് തൊണ്ണൂറ് കാലഘട്ടത്തില്‍ മലയാള സിനിമയില്‍ നിറഞ്ഞ് നിന്ന നടിയാണ് ഇന്ദ്രജ. തെലുങ്ക് നടിയായിരുന്ന ഇന്ദ്രജ ഒരു കാലത്ത് മലയാളത്തിലെ നിറസാന്നിധ്യമായിരുന്നു. 1993 ല്‍ സിനിമയിലേക്ക് എത്തിയ നടി തമിഴ് സിനിമയിലൂടെയാണ് അഭിനയരംഗത്തേക്കുള്ള ചുവടുവെപ്പ് നടത്തിയത്. ആദ്യ രണ്ട് ചിത്രങ്ങള്‍ക്ക് ശേഷം തെലുങ്കിൽ സജീവമായി. പിന്നീട് തമിഴിലും നിരവധി സിനിമകളില്‍ ഇന്ദ്രജ അഭിനയിച്ചു. കന്നഡയില്‍ അഭിനയിച്ച ശേഷം മലയാളത്തിലേക്ക് വരികയായിരുന്നു. കെ മധു സംവിദാനം ചെയ്ത ദ ഗോഡ്മാന്‍ എന്ന ചിത്രമായിരുന്നു ഇന്ദ്രജയുടെ ആദ്യ മലയാള ചിത്രം.

Mobile AppDownload Get Updated News

ഇന്ത്യയിലെ ഏറ്റവും ഉയരം കുറഞ്ഞ നിര്‍മ്മാതാവ് എന്ന നേട്ടത്തിന് അര്‍ഹനായി നടൻ ഗിന്നസ് പക്രു (അജയകുമാർ). ഫാന്‍സി ഡ്രസ് എന്ന ചിത്രം നിര്‍മ്മിച്ചതിലൂടെയാണ് താരം ഈ നേട്ടം കൈവരിച്ചിരിക്കുന്നത്. ഈ ചിത്രം നിര്‍മ്മിച്ച് ചലച്ചിത്ര നിര്‍മാണ രംഗത്തേക്ക് എത്തിയിരിക്കുകുയമാണ് താരം. കൊച്ചിയില്‍ നടന്ന ചടങ്ങില്‍ ഏറ്റവും ഉയരം കുറഞ്ഞ നിര്‍മ്മാതാവിനുള്ള ബെസ്റ്റ് ഓഫ് ഇന്ത്യ റെക്കോര്‍ഡ്‌സ് അധികൃതര്‍ റെക്കോര്‍ഡ് രേഖ പക്രുവിന് കൈമാറി.

ഏറ്റവും ഉയരം കുഞ്ഞ നായകന്‍, സംവിധായകന്‍ എന്നീ ഗിന്നസ് റെക്കോര്‍ഡുകള്‍ക്ക് പക്രു നേരത്തേ അര്‍ഹനായിട്ടുണ്ട്. അതിനുപിന്നാലെയാണ് ഇപ്പോള്‍ നിര്‍മ്മാതാവിനുള്ള അംഗീകാരവും തേടിയെത്തിയിരിക്കുന്നത്. അദ്ഭുതദ്വീപെന്ന സിനിമയിലൂടെയാണ് ഏറ്റവും കുറഞ്ഞ നായകനുള്ള ഗിന്നസ് റെക്കോര്‍ഡ് പക്രു നേടിയത്. 2013 ല്‍ കുട്ടീം കോലുമെന്ന ചിത്രം പക്രു സംവിധാനം ചെയ്ത് ഉയരം കുറഞ്ഞ സംവിധായകനുള്ള പുരസ്കാരവും സ്വന്തമാക്കി.

76 സെ.മീറ്റർ മാത്രമാണ് ഗിന്നസ് പക്രുവിനുള്ള ഉയരം. ബെൻകുട്ടൻ എന്ന കഥാപാത്രമായും താരം താൻ നിർമ്മിച്ച ഫാൻസി ഡ്രസ് എന്ന സിനിമയിൽ എത്തുന്നുണ്ട്. ചിത്രത്തിന് മികച്ച പ്രതികരണം ലഭിക്കുന്നതിൽ താൻ ഏറെ സന്തോഷവാനാണെന്നും താരം മാധ്യമങ്ങളോട് പറഞ്ഞു. ചിത്രം തമിഴിലേക്ക് റീമേക്ക് ചെയ്യുന്നതിനും ആലോചനയുണ്ടെന്നും താരം വ്യക്തമാക്കി.

അമ്പിളി അമ്മാവൻ എന്ന ചിത്രത്തിലാണ് അജയകുമാർ ആദ്യമായി അഭിനയിച്ചത്. ഈ ചിത്രത്തിലെ കഥാപാത്രത്തിന്‍റെ പേരായിരുന്നു പക്രു എന്നത്. പിന്നീട് അദ്ദേഹം ആ പേരിൽ അറിയപ്പെട്ട് തുടങ്ങുകയായിരുന്നു. അത്ഭുത ദ്വീപിലെ അഭിനയത്തിന് സംസ്ഥാന സര്‍ക്കാരിന്‍റെ പ്രത്യേക പുരസ്കാരവും താരം നേടിയിട്ടുണ്ട്. ജോക്കർ, കുഞ്ഞിക്കൂനൻ, മീശമാധവൻ, അതിശയൻ, മുല്ല, ഈ പട്ടണത്തിൽ ഭൂതം, ലൗഡ് സ്പീക്കർ, റിങ്ങ് മാസ്റ്റർ, മൈ ബിഗ് ഫാദർ, ഇളയരാജ തുടങ്ങി നിരവധി മലയാളം ചിത്രങ്ങളിൽ അഭിനയിച്ച താരം തമിഴ് ചിത്രങ്ങളും ശ്രദ്ധേയവേഷങ്ങള്‍ അവതരിപ്പിച്ചിട്ടുണ്ട്. ഡിഷ്യൂം, കാവലൻ, ഏഴാം അറിവ് തുടങ്ങി ആറോളം തമിഴ് ചിത്രങ്ങളിലും താരം അഭിനയിച്ചിട്ടുണ്ട്. ടെലിവിഷൻ രംഗത്തും ഏറെ ശ്രദ്ധേയനാണ് താരം.

അദ്ദേഹം നിര്‍മ്മാണം നിര്‍വ്വഹിച്ച് നായകനായി അഭിനയിച്ച ഫാൻസി ഡ്രസ് എന്ന ചിത്രം തിയറ്ററുകളിൽ മികച്ച പ്രതികരണമാണ് നേടിയിരിക്കുന്നത്. 8 വര്‍ഷം മുൻപ് താൻ കേട്ട ഒരു ഒറ്റവരി കഥ ഇഷ്ടപ്പെട്ടതോടെയാണ് സിനിമയാക്കാൻ തീരുമാനിച്ചത്, , എന്നാൽ തന്നെപോലെയുള്ള ആളുകളെ കേന്ദ്ര കഥാപാത്രമാക്കി സിനിമ നിർമിക്കാൻ ആരും തയ്യാറാകാതെ ഇരുന്നതോടെ നിര്‍മ്മാതാവാകാൻ തീരുമാനിച്ചതെന്നും ഗിന്നസ് പക്രു എന്നറിയപ്പെടുന്ന അജയ് കുമാർ മാധ്യമങ്ങളോട് പറഞ്ഞത് സിനിമ തുടങ്ങും മുമ്പ് ഏറെ വാർത്തയായിരുന്നു.

അഞ്ചു പേരെ ചുറ്റിപറ്റി നടക്കുന്ന ഒരു കഥയാണിത്. 'ഫാന്‍സി ഫൺ പാക്ക്' എന്നാണ് സിനിമയ്ക്ക് നല്‍കിയിരിക്കുന്ന ടാഗ് ലൈന്‍. മാധവ് രാമദാസന്‍റെ ’ഇളയരാജ’യാണ് പക്രുവിന്‍റേതായി ഈ വർഷം റിലീസ് ചെയ്തിരുന്ന മറ്റൊരു ചിത്രം. മേല്‍വിലാസം, അപ്പോത്തിക്കിരി എന്നീ സിനിമകള്‍ക്കു ശേഷം മാധവ് രാംദാസ് സംവിധാനം ചെയ്ത ചിത്രമായിരുന്നു ഇളയരാജ.

Mobile AppDownload Get Updated News

മികച്ച നടനും മികച്ച നടിക്കും മികച്ച സംവിധായകനുമുള്ള പുരസ്കാരം സ്വന്തമാക്കി മമ്മൂട്ടിയും മഞ്ജു വാര്യരും ശ്രീകുമാർ മേനോനും. മലയാള സാഹിത്യകാരനും നടനും സംവിധായകനുമായിരുന്ന ജേസിയുടെ ഓര്‍മ്മയ്ക്കായി രൂപീകരിച്ചിട്ടുള്ള ജേസി ഫൌണ്ടേഷന്‍റെ15-ാം സിനിമാ-ടിവി-നാടക പുരസ്കാരങ്ങള്‍ ഇന്നലെ പ്രഖ്യാപിച്ചു. മികച്ച നടനായി തിരഞ്ഞെടുക്കപ്പെട്ടത് മമ്മൂട്ടിയാണ്. മികച്ച നടിയായി മഞ്ജു വാര്യറും, മികച്ച പുതുമുഖ സംവിധായകനായി ഒടിയൻ സംവിധായകൻ വി.എ ശ്രീകുമാര്‍ മേനോനും തിരഞ്ഞെടുക്കപ്പെട്ടു.

ശ്രീകുമാര്‍ മേനോന്‍ ഉള്‍പ്പെടെ നാല് പേര്‍ക്കാണ് ഇത്തവണത്തെ നവാഗത സംവിധായകര്‍ക്കുള്ള പുരസ്‌കാരം ലഭിച്ചിട്ടുള്ളത്. അജിത്ത് കുമാര്‍ (ഈട), ഷാജി പാടൂര്‍ (അബ്രഹാമിന്‍റെ സന്തതികള്‍), സൗമ്യ സദാനന്ദന്‍ (മാംഗല്യം തന്തുനാനേന) എന്നിവരാണ് പുരസ്‌കാരത്തിന് അര്‍ഹരായ മറ്റ് സംവിധായകര്‍.

ഷാജി പാടൂര്‍ സംവിധാനം നിര്‍വഹിച്ച 'അബ്രഹാമിന്‍റെ സന്തതികള്‍' എന്ന ചിത്രത്തിലെ പ്രകടനത്തിനാണ് മമ്മൂട്ടിക്ക് മികച്ച നടനുള്ള പുരസ്‍കാരം ലഭിച്ചത്. സാമ്പത്തികമായും വലിയ വിജയം നേടിയ ഈ ചിത്രത്തിലെ മമ്മൂട്ടിയുടെ പ്രകടനം നിരൂപക പ്രശംസ നേടുകയും വളരെയധികം ശ്രദ്ധിക്കപ്പെടുകയും ചെയ്തിരുന്നു.

'ഒടിയ'നെന്ന ബിഗ് ബജറ്റ് ചിത്രം അണിയിച്ചൊരുക്കിയതിനാണ് സംവിധായകന്‍ ശ്രീകുമാര്‍ മേനോന് മികച്ച പുതുമുഖ സംവിധായകനുള്ള അവാര്‍ഡ് ലഭിച്ചത്. ഒടിയനിലെ പ്രകടനത്തിലൂടെ തന്നെയാണ് മികച്ച നടിക്കുള്ള പുരസ്കാരം മഞ്ജുവാര്യരും നേടിയത്.രണ്ടു പ്രധാനപ്പെട്ട പുരസ്കാരങ്ങള്‍ 'ഒടിയന്‍'എന്ന സിനിമയ്ക്ക് നേടാനായി. എം എ നിഷാദ് സംവിധാനം ചെയ്ത 'കിണർ' മികച്ച ചിത്രമായി തിരഞ്ഞെടുക്കപ്പെട്ടു.

വിനയന്‍ സംവിധായകന്‍ (ചാലക്കുടിക്കാരന്‍ ചങ്ങാതി), റോഷന്‍ ആന്‍ഡ്രൂസ് (മാന്‍ ഓഫ് ദി ഇയര്‍ പുരസ്‌കാരം,കായംകുളം കൊച്ചുണ്ണി). ഈമയൗവിലെ അഭിനയത്തിന് ദിലീഷ് പോത്തൻ (സഹനടൻ), വികടകുമാരനിലെ അഭിനയത്തിന് സീമ ജി നായര്‍( സഹനടി), പ്രണവ് മോഹന്‍ലാല്‍ (ആദി), കാളിദാസ് ജയറാം (പൂമരം), രാജാമണി (ചാലക്കുടിക്കാരന്‍ ചങ്ങാതി) എന്നിവര്‍ പുതുമുഖ നടന്മാര്‍, നിതാ പിള്ള (പൂമരം), സാനിയ ഇയ്യപ്പന്‍ (ക്വീന്‍) എന്നിവര്‍ പുതുമുഖ നടിമാർ പുരസ്കാരങ്ങൾ നേടി.ഓഗസ്റ്റ് 17ന് വൈകിട്ട് നാലിനു എറണാകുളം ടൗണ്‍ ഹാളില്‍ വെച്ച് അവാര്‍ഡുകള്‍ വിതരണം ചെയ്യും.

പുരസ്കാരം ലഭിച്ചതിൽ നന്ദി അറിയിച്ച് ശ്രീകുമാർ മേനോൻ ട്വിറ്ററിൽ പങ്കുവെച്ച കുറിപ്പും വൈറലായിട്ടുണ്ട്. തന്‍റെ സിനിമാ ജീവിതത്തിലെ ആദ്യത്തെ പുരസ്കാരമാണിതെന്നും അവാർഡ് തന്നതിന് ജെസി ഫൗണ്ടേഷനോട് നന്ദിയുണ്ടെന്നും അദ്ദേഹം പറഞ്ഞിട്ടുണ്ട്. ഒടിയനിലൂടെ മികച്ച നടിയായി തിരഞ്ഞെടുക്കപ്പെട്ട മഞ്ജുവിനേയും അദ്ദേഹം അഭിനന്ദിച്ചിട്ടുണ്ട്. അവാർഡ് ലഭിക്കാൻ കാരണക്കാരായ ഒടിയൻ ടീമിലെ മോഹൻലാൽ, ആന്‍റണി പെരുമ്പാവൂ‍‍ര്‍, ഹരികൃഷ്ണൻ, ഷാജി, ജോൺകുട്ടി എന്നിവർക്കും അദ്ദേഹം നന്ദി അറിയിച്ചിട്ടുമുണ്ട്.

Mobile AppDownload Get Updated News

പ്രധാനമന്ത്രി നരേന്ദ്ര മോദിയുടെ സുരക്ഷാ ഉപദേഷ്ടാവ് എന്ന നിലയിൽ ഖ്യാതി നേടിയ അജിത് ഡോവലിന്‍റെ ജീവിതം സിനിമയാകുന്നു. മോദിയുടേയും മൻമോഹൻ സിങ്ങിന്‍റേയും ഉള്‍പ്പെടെ നിരവധിപേരുടെ ബയോപിക് ഇറങ്ങിയതിന് പിന്നാലെയാണ് ഇപ്പോള്‍ അജിത് ഡോവലിന്‍റെ ജീവിതവും സിനിമയാക്കാനായി ഒരുങ്ങുന്നത്.

കശ്മീർ വിഭജനവിഷയം ചൂടുപിടിച്ചിരിക്കുന്നതോടെ പലരുടേയും ശ്രദ്ധ നേടിയിരിക്കുന്ന ആളാണ് 'സൂപ്പര്‍ സ്‌പൈ' എന്നറിയപ്പെടുന്ന ദേശീയ സുരക്ഷ ഉപദേഷ്ടാവ് അജിത് ഡോവൽ. മുമ്പ് സര്‍ജിക്കൽ സ്ട്രൈക്കിന്‍റെ സമയത്തും അജിത് ഡോവലിന്‍റെ ചടുലമായ നീക്കങ്ങള്‍ ഏറെ ചര്‍ച്ചയായിരുന്നതാണ്. ഇപ്പോഴിതാ അദ്ദേഹത്തിന്‍റെ ജീവിതം സിനിമയാക്കുമ്പോള്‍ അക്ഷയ് കുമാറാണ് ഡോവലായി എത്തുന്നതെന്നാണ് ലഭിക്കുന്ന സൂചന. മുംബൈ മിററാണ് ഇതു സംബന്ധിച്ച വാര്‍ത്ത ആദ്യമായി പുറത്തുവിട്ടത്.

Also Read: രാജ്യത്തിന് വേണ്ടത് സ്ഥിരതയുള്ള സർക്കാരാണെന്ന് അജിത് ഡോവൽ

പ്രമുഖ സംവിധായകനായ നീരജ് പാണ്ഡെയാണ് ഡോവലിന്‍റെ ചിത്രത്തിന്‍റെ സംവിധായകന്‍ എന്നുമാണ് ബോളിവുഡിലെ സംസാരം. ചിത്രത്തിന്‍റെ തിരക്കഥ പൂര്‍ത്തിയായതിന് ശേഷം മാത്രമേ കൂടുതല്‍ വിവരങ്ങള്‍ പുറത്ത് വിടുകയുള്ളൂ എന്നാണ് അറിയുന്നത്. ഈ ചിത്രത്തിന് മുമ്പ് അക്ഷയ് കുമാറിനൊപ്പം ചേര്‍ന്ന് നീരജ് പാണ്ഡെ മറ്റൊരു ചിത്രം ഒരുക്കുന്നുണ്ടെന്നും സൂചനയുണ്ട്. എ വെന്നസ്ഡെ, റുസ്തം, എം.എസ്.ധോണി , ടോയിലറ്റ്: ഏക് പ്രേം കഥ തുടങ്ങിയ ശ്രദ്ധേയമായ ചിത്രങ്ങള്‍ ഒരുക്കിയ സംവിധായകനാണ് നീരജ് പാണ്ഡെ. നിലവിൽ ചാണക്യ, ക്രാക്ക് എന്നീ രണ്ടു ചിത്രങ്ങള്‍ നീരജ് അണിയറയിൽ ഒരുക്കുന്നുമുണ്ടെന്നാണ് ലഭിക്കുന്ന വിവരം.

ഇന്ത്യയുടെ രഹസ്യാന്വേഷണ വിഭാഗത്തിന്‍റെ മുന്‍ തലവനും ദേശീയ സുരക്ഷാ ഉപദേഷ്ടാവുമായ അജിത് ഡോവല്‍ 1945ല്‍ ഉത്തരാഖണ്ഡിലാണ് ജനിച്ചത്. 1968 ബാച്ച്‌ കേരളാ കേഡര്‍ ഐ.പി.എസ് ഉദ്യോഗസ്ഥനായിരുന്ന അദ്ദേഹം 1999-ല്‍ നടന്ന കാണ്ഡഹാര്‍ വിമാന റാഞ്ചലില്‍ ഭീകരരുമായി ആശയവിനിമയം നടത്തി ബന്ദികളെ മോചിപ്പിക്കുന്നതിനുള്ള ശ്രമങ്ങള്‍ നടത്തിയതോടെയാണ് ഏറെ പ്രശസ്തനായത്.

Also Read: അജിത്‌ ഡോവല്‍ പാക് അധികൃതരുമായി രഹസ്യ ചര്‍ച്ച നടത്തിയെന്ന് റിപ്പോര്‍ട്ട്‌

ഉറി ഭീകരാക്രമണത്തിന് നിയന്ത്രണ രേഖ മറികടന്ന് മറുപടി കൊടുത്തതും ഡോവലിന്‍റെ മിടുക്കായിരുന്നു. റോയുടെ ഏജന്‍റ് ആയി പാകിസ്താനില്‍ ചെന്ന് അവിടെ ജീവിച്ചതോടെയാണ് ഇദ്ദേഹം സൂപ്പര്‍ സ്പൈ എന്നറിയപ്പെട്ടത്. അതിനാൽ തന്നെ പാക് സൈന്യത്തിന്‍റേയും ഭീകരരുടേയും നീക്കങ്ങള്‍ എങ്ങനെയാണെന്ന് അദ്ദേഹത്തിന് കൃത്യമായി അറിയാമായിരുന്നു എന്നതാണ് സര്‍ജിക്കൽ സ്ട്രൈക്കിൽ ഏറെ ഗുണം ചെയ്തത്. ഇത് തന്നെയാണ് സര്‍ജിക്കല്‍ സ്‌ട്രൈക്കിന് പദ്ധതിയിടാൻ ഇന്ത്യയെ സഹായിച്ചതും. നിയന്ത്രണ രേഖയില്‍ വെടി നിര്‍ത്തല്‍ ലംഘിച്ച് ആക്രമണം നടത്തിയത് അന്ന് ഡോവലിന്‍റെ തന്ത്രമായിരുന്നു എന്ന് വാര്‍ത്ത പുറത്തുവന്നിരുന്നു. ഇതോടെ പാകിസ്താന്റെ ശ്രദ്ധ അങ്ങോട്ടായപ്പോഴായിരുന്നു അതീവ രഹസ്യമായി സര്‍ജിക്കല്‍ സ്‌ട്രൈക്ക് നടത്തിയതും.

Mobile AppDownload Get Updated News

സംവിധായകൻ പ്രിയദര്‍ശന്‍റേയും നടി ലിസിയുടേയും മകള്‍ കല്യാണി പ്രിയദര്‍ശൻ നായികയാകുന്ന പുതിയ തെലുങ്ക് ചിത്രമായ രണരംഗം സിനിമയുടെ ട്രെയിലര്‍ പുറത്തിറങ്ങി. തെലുങ്കിലെ മുൻനിര താരമായ ശര്‍വാനന്ദ് ആണ് ചിത്രത്തിലെ നായകനായെത്തുന്നത്. കാജള്‍ അഗര്‍വാളും ചിത്രത്തിൽ പ്രധാനവേഷത്തിലെത്തുന്നുണ്ട്. ചിത്രം സംവിധാനം ചെയ്യുന്നത് സുധീര്‍ വര്‍മ്മയാണ്.

കിടിലൻ ആക്ഷൻ ത്രില്ലറായിട്ടാണ് ചിത്രം ഒരുക്കിയിരിക്കുന്നതെന്നാണ് ട്രെയിലർ തരുന്ന സൂചന. പ്രമുഖ താരം മുരളി ശര്‍മ്മയും ഒരു പ്രധാന കഥാപാത്രമായി ചിത്രിത്തിലെത്തുന്നുണ്ട്. ആഗസ്റ്റ് 15നാണ് ചിത്രം റിലീസ് ചെയ്യുന്നത്. ഇതുകൂടാതെ ശിവകാര്‍ത്തികേയൻ നായകനാകുന്ന ഹീറോ എന്ന ഒരു തമിഴ് ചിത്രത്തിലും കല്യാണി പ്രിയദര്‍ശൻ നായികയായെത്തുന്നുണ്ട്.

ഗാങ്സ്റ്റർ ത്രില്ലര്‍ ഗണത്തിലാണ് ‘രണരംഗം’ എന്നാണ് ട്രെയിലർ സമ‍ർഥിക്കുന്നത്. കല്യാണി പ്രിയദർശനും കാജൽ അഗർവാളുമാണ് ചിത്രത്തിലെ നായികമാർ. തെലുങ്ക് ചിത്രത്തിൽ നായികയായി തന്നെയായിരുന്നു കല്യാണി പ്രിയദർശന്‍റെ സിനിമയിലേക്കുള്ള അരങ്ങേറ്റം. തെലുങ്ക് സൂപ്പർ താരം നാഗാർജുന അക്കിനേനിയുടെ മകൻ അഖിൽ അക്കിനെനിയുടെ നായികയായി 'ഹലോ' എന്ന സിനിമയിലൂടെയാണ് കഴിഞ്ഞ വര്‍ഷം കല്യാണി സിനിമയിലെത്തിയത്.

ശേഷം സായി ധരം തേജ് നായകനായ ചിത്രലഹരിയിലും നായികയായി. കിഷോര്‍ തിരുമലയായിരുന്നു ചിത്രത്തിന്‍റെ സംവിധാനം. നിവേത പേതുരാജ് ആയിരുന്നു ചിത്രത്തിലെ മറ്റൊരു നായിക. 'വാൻ' എന്നൊരു തമിഴ് ചിത്രവും കല്യാണിയുടേതായി അണിയറയിൽ ഒരുങ്ങുന്നുണ്ട്. കൂടാതെ മോഹൻലാല്‍-പ്രിയദര്‍ശൻ ടീമിന്‍റെ 'മരക്കാര്‍-അറബിക്കടലിന്‍റെ സിംഹം' എന്ന മലയാള ചിത്രത്തിലും കല്യാണി അഭിനയിക്കുന്നുണ്ട്. ജിത്തു ജോസഫ് ചിത്രം ആദിയിൽ പ്രണവ് മോഹൻലാലിന്റെ നായികയായി കല്യാണി വെള്ളിത്തിരയിൽ എത്തും എന്നായിരുന്നു ആദ്യം വാര്‍ത്തകള്‍ വന്നിരുന്നത്.

പക്ഷേ അതുണ്ടായില്ല. ന്യൂയോർക്കിലെ പഠനം പൂർത്തിയാക്കിയ ശേഷം സിനിമയിൽ അസിസ്റ്റന്‍റ് ഡയറക്ടർ ആയി ജോലി ചെയ്തിട്ടുമുണ്ട് കല്യാണി. വിക്രം-നയൻതാര ടീം ഒന്നിച്ച ഇരുമുഖനിൽ അസിസ്റ്റന്റ് ഡയറക്ടർ ആയിരുന്നു. അതിനുശേഷമാണ് അഭിനയം ആരംഭിച്ചത്.

Mobile AppDownload Get Updated News

മലയാളികളുടെ പ്രിയ ഗായിക സിത്താര കൃഷ്ണകുമാര്‍ ആലപിച്ച പുതിയ ഗാനം സോഷ്യൽ മീഡിയയിൽ ശ്രദ്ധയാകര്‍ഷിക്കുന്നു. കൽക്കി എന്ന ചിത്രത്തിലെ പുതിയ ഗാനമാണ് വൈറലാകുന്നത്. ടൊവീനോ തോമസും സംയുക്ത മേനോനുമാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്. ജെയ്ക്സ് ബിജോയ്‌ സംഗീതം പകര്‍ന്ന ഗാനം സിത്താര കൃഷ്ണകുമാറിനൊപ്പം ഹരിശങ്കറും ചേർന്നാലപിച്ചിട്ടുണ്ട്. കൽക്കി ഇതുവരെ പോസ്റ്ററുകളിലൂടെയും ടീസറുകളിലൂടെയും ട്രെയിലറുകളിലൂടെയും കഥാപാത്രങ്ങളുടെ അവതരണത്തിലൂടെയും പ്രേക്ഷകര്‍ക്ക് നൽകിയിട്ടുള്ള മൂഡിനെ തകിടം മറിച്ചുകൊണ്ടാണ് പുതിയ ഗാനം എത്തിയിരിക്കുന്നതെന്ന് പ്രേക്ഷകര്‍ സാക്ഷ്യപ്പെടുത്തുന്നു

'വിടവാങ്ങി യാത്രയായ്' എന്നു തുടങ്ങുന്ന ഗാനം അതി മനോഹരമായ മെലഡിയായാണ് ഒരുക്കിയിരിക്കുന്നത്. മനു മഞ്ജിത്താണ് ഗാനത്തിന് വരികൾ ഒരുക്കിയിരിക്കുന്നത്. മാസ് മസാല ചിത്രമെന്ന പരിവേഷത്തോടെ തീയേറ്ററിലെത്തുമെന്ന് കാത്തിരുന്ന ഈ ചിത്രത്തിലെ പുതിയ ഗാനം താരാട്ടുപാട്ടിനെ ഓര്‍മ്മിപ്പിക്കുന്നത്ര സുന്ദരമായാണ് ചിട്ടപ്പെടുത്തിയിരിക്കുന്നത്. സംഗീതാസ്വാദകരെ കൈയ്യിലെടുക്കുന്ന വിധത്തിലാണ് ഗാനം മുന്നേറുന്നത്. ഗാനത്തിൻ്റെ പതിഞ്ഞ താളത്തോടൊപ്പം വളരെ സുന്ദരമായ സിത്താരയുടെയും ഹരിശങ്കറിൻ്റെയും സ്വരമാധുരി കൂടി ചേര്‍ന്നപ്പോൾ ഗാനം ഹൃദ്യമായി.

70567357

പ്രവീൺ പ്രഭാറാമാണ് ചിത്രം സംവിധാനം ചെയ്യുന്നത്. ടൊവീനോ തോമസ് പോലീസ് ഉദ്യോഗസ്ഥനായാണ് ചിത്രത്തിൽ പ്രത്യക്ഷപ്പെടുന്നത്. നഞ്ചംകോട്ട എന്ന പ്രദേശത്തെ ചുറ്റിപ്പറ്റിയുള്ള കഥായാണ് ചിത്രം പറയുന്നത്. രാഷ്ട്രീയവും പോരാട്ടവും പോലീസും ഇടിയും അടിയും കുത്തുമൊക്കെയായി ആകെ മൊത്തം ആക്ഷൻ മാസ് പരിവേഷത്തിലാണ് ട്രെയിലറെത്തിയത്. സൂര്യയുടെ പ്രശസ്തമായ സിങ്കം സീരീസിലെ പോലീസ് ലുക്കിന് സമാനമായുള്ള ലുക്കിലും കട്ടിമീശവെച്ചുള്ള ലുക്കിലും താരം ചിത്രത്തിൽ പ്രത്യക്ഷപ്പെടുന്നുണ്ട്. ചിത്രത്തിൻ്റേതായി പുറത്തു വിട്ട ഫസ്റ്റ് ലുക്ക് പോസ്റ്ററും പ്രോലോഗ് ടീസറും ടീസറുമെല്ലാം ഏറെ ശ്രദ്ധേയമായിരുന്നു.

എസ്രയില്‍ ടൊവീനോ എസിപി ഓഫീസര്‍ കഥാപാത്രമായിട്ടുണ്ടെങ്കിലും സിനിമയിൽ പോലീസ് നായകനായി ആദ്യമായാണ് സ്‌ക്രീനില്‍ എത്തുന്നതെന്നതാണ് കൽക്കിയുടെ പ്രത്യേകത. 'കല്‍ക്കി' ഈ ഒാഗസ്റ്റ് 9–ന് പുറത്തിറങ്ങും. ടീസര്‍ തന്നെ ഫുൾ ആക്ഷൻ പായ്ക്ക്ഡ് എനര്‍ജെറ്റിക്ക് ആയിരുന്നതിനാൽ തന്നെ ട്രെയിലറിലും ആരാധകര്‍ക്ക് ഏറെ പ്രതീക്ഷയായിരുന്നു. എന്നാൽ ടീസറിൽ കണ്ട അത്ര എന‍ജി ട്രെയിലറിൽ കണ്ടില്ലെന്ന് ആരാധകര്‍ ചൂണ്ടിക്കാട്ടുന്നുണ്ട്. ആദ്യമായിട്ടാണ് താനൊരു മുഴുനീള ആക്ഷൻ ചിത്രം ചെയ്യുന്നതെന്ന് ടൊവിനോ മുൻപ് പറഞ്ഞിരുന്നു. കട്ട കലിപ്പ് പോലീസുകാരനായാണ് ടൊവിനോ ചിത്രത്തിലെത്തുന്നതെന്ന് വ്യക്തമാണ്. യാതൊരു ദാക്ഷണ്യവും കാട്ടാതെ എതിരാളികളെ ഇടിച്ചു വീഴ്‌ത്തുന്ന പോലീസിൻ്റെ വേഷമാണ് ടൊവിനോ അവതരിപ്പിക്കുന്നത്.

മമ്മൂട്ടിയുടെ ഇന്‍സ്‌പെക്ടര്‍ ബല്‍റാമിലെ കഥാപാത്രവുമായി സാമ്യമുള്ളതായിരിക്കും ടൊവീനോയുടെ കഥാപാത്രമെന്ന് സംവിധായകൻ പ്രവീൺ പ്രഭാരം മുൻപ് വ്യക്താക്കിയിരുന്നു. ഇൻസ്‌പെക്ടർ ബൽറാമുമായി താരതമ്യം ചെയ്യപ്പെട്ട് തുടങ്ങിയ ചിത്രം വാക്കു പാലിക്കും എന്ന് തന്നെയാണ് ടീസറും ട്രെയിലറും നൽകുന്ന സൂചന. സെക്കൻ്റ് ഷോ, കൂതറ, തീവണ്ടി എന്നി ചിത്രങ്ങളുടെ ചീഫ് അസോസിയേറ്റായി പ്രവർത്തിച്ചിരുന്ന വ്യക്തിയാണ് പ്രവീണ്‍ പ്രഭാരം.

ലിറ്റില്‍ ബിഗ് ഫിലിംസിൻ്റെ ബാനറില്‍ പ്രശോഭ് കൃഷ്ണയ്‌ക്കൊപ്പം സുവിന്‍ കെ വര്‍ക്കിയും ചേര്‍ന്നാണ് നിര്‍മ്മാണം. പ്രവീണ്‍ പ്രഭരം സംവിധാനം ചെയ്യുന്ന ചിത്രത്തിൻ്റെ തിരക്കഥ സംവിധായകനൊപ്പം സുജിന്‍ സുജാതനും ചേര്‍ന്ന് നിര്‍വ്വഹിക്കുകയാണ്. ഗൗതം ശങ്കര്‍ ആണ് ഛായാഗ്രഹണം. സെന്‍ട്രല്‍ പിക്‌ചേഴ്‌സ് റിലീസാണ് തിയറ്ററിലെത്തിക്കുന്നത്. കേവലം ഒരു മിനിറ്റിൽ താഴെ മാത്രം ദൈർഘ്യമുള്ള ടീസറിൽ നിന്നും രണ്ടര മിനിറ്റുള്ള ട്രെയിലറിൽ നിന്നും ചിത്രത്തിൻ്റെ കൃത്യമായ മൂഡ് മനസ്സിലാക്കി തരുന്നുണ്ട്.

സോഷ്യൽ മീഡിയയിലൂടെ ഏറെ പ്രചരിച്ച ടൊവിനോയുടെ താടിയില്ലാത്തതും പ്രത്യേക തരം മീശയുള്ളതുമായ ലുക്ക് വൻ ഹിറ്റായിരുന്നു. കുഞ്ഞിരാമായണം, എബി എന്നി ഹിറ്റ് ചിത്രങ്ങള്‍ക്കു ശേഷം ലിറ്റില്‍ ബിഗ് ഫിലിംസിൻ്റെ ബാനറില്‍ പുറത്തിറങ്ങുന്ന ചിത്രമാണിത്.

'കല്‍ക്കി'യ്ക്കു പുറമെ ഒരുപിടി ചിത്രങ്ങളാണ് ടൊവിനോയുടെതായി അണിയറയില്‍ ഒരുങ്ങുന്നത്. 'കിലോമീറ്റേഴ്സ് ആൻ്റ് കിലോമീറ്റേഴ്സ്', 'ജോ', 'മിന്നൽ മുരളി', 'ആരവം', 'ഫോറൻസിക്', 'പള്ളിച്ചട്ടമ്പി', എന്നീ ചിത്രങ്ങളും ടൊവിനോയുടേതായി അണിയറയിൽ ഒരുങ്ങുന്നുണ്ട്. കഴിഞ്ഞ വര്‍ഷം പുറത്തിറങ്ങിയ ടൊവിനോ ചിത്രങ്ങളായ 'തീവണ്ടി', 'ആമി', 'നാം', 'അഭിയുടെ കഥ അനുവിൻ്റെയും' (രണ്ട് ഭാഷകളിൽ), 'മറഡോണ', 'ഒരു കുപ്രസിദ്ധ പയ്യൻ' എന്നീ ചിത്രങ്ങളെല്ലാം ഹിറ്റായിരുന്നു. തുടര്‍ന്ന് ഈ വര്‍ഷം ടൊവിനോയുടേതായി തമിഴ് ചിത്രം 'മാരി2', 'എന്‍റെ ഉമ്മാൻ്റെ പേര്', ലൂസിഫ‍ര്‍, ഉയരെ, വൈറസ്, 'ആൻഡ് ദി ഓസ്കാ‍ര്‍ ഗോസ് ടു', ലൂക്ക എന്നീ ചിത്രങ്ങളും ബോക്സോഫീസിൽ വലിയ ചലനങ്ങളുണ്ടാക്കിയിരുന്നു.

Mobile AppDownload Get Updated News

കശ്മീരിന് പ്രത്യേക പദവി നല്‍കുന്ന ആര്‍ട്ടിക്കിള്‍ 370 റദ്ദാക്കിയ കേന്ദ്ര നടപടിയോട് പ്രതികരിച്ച് നടൻ സിദ്ധാര്‍ത്ഥ്. ഇന്ത്യ തകര്‍ക്കലിൻ്റെയും ശ്രദ്ധതിരിക്കലിൻ്റെയും ആശാൻ്റെ കൈകളിലാണെന്ന് സിദ്ധാര്‍ത്ഥ് കുറിച്ചു. ട്വിറ്ററിലൂടെയാണ് സിദ്ധാര്‍ത്ഥ് കേന്ദ്ര നടപടിയോട് പ്രതികരിച്ചത്.

‘ശ്രദ്ധതിരിക്കലിൻ്റെയും തകര്‍ക്കലിൻ്റെയും ആശാൻ്റെ കൈകളിലാണ് ഇന്ത്യ. അവര്‍ രണ്ടുകാര്യത്തിലും ആശാന്മാരാണെന്നും എന്താണ് ചെയ്യേണ്ടതെന്ന് അറിയാവുന്നവരാണെന്നും നമ്മള്‍ മനസിലാക്കേണ്ടതുണ്ട്.’ സിദ്ധാര്‍ത്ഥ് ട്വിറ്ററിൽ കുറിച്ചു. താരം ട്വീറ്റ് ചെയ്തതിന് പിന്നാലെ സംഘപരിവാര്‍ അനുകൂലികള്‍ സിദ്ധാര്‍ത്ഥിനെ വിമര്‍ശിച്ച് രംഗത്തെത്തിയിട്ടുണ്ട്. താരത്തിനെതിരെ സൈബറാക്രമണം ശക്തമാണ്. അടുത്തതായി താങ്കളെയാണ് പിടിച്ച് അകത്തിടാന്‍ പോകുന്നതെന്നാണ് ചിലര്‍ ഭീഷണിപ്പെടുത്തുന്നത്. മുൻപും കേന്ദ്ര നടപടികളെ രൂക്ഷമായി വിമർശിച്ചതിൻ്റെ പേരിൽ സിദ്ധാർത്ഥ് സൈബറാക്രമണത്തിന് വിധേയനായിട്ടുണ്ട്.

കശ്മീരില്‍ ആര്‍ട്ടിക്കിള്‍ 370 റദ്ദാക്കുന്നതിന് മുന്നോടിയായി സംസ്ഥാന സര്‍ക്കാര്‍ കശ്മീരിൽ ഇൻ്റര്‍നെറ്റ് സേവനങ്ങളും ആശയ വിനിമയ ഉപാധികളും സര്‍ക്കാര്‍ റദ്ദാക്കിയിരുന്നു. താഴ്വരയില്‍ നിന്ന് സര്‍ക്കാറിന്റെ ഔദ്യോഗിക അറിയിപ്പുകള്‍ മാത്രമാണ് പുറത്തുവരുന്നത്. വാര്‍ത്തവിനിമയ സംവിധാനങ്ങളും ഇൻ്റര്‍നെറ്റും തടസ്സപ്പെടുത്തിയതിനാല്‍ മറ്റു ഉറവിടങ്ങളില്‍ നിന്നുള്ള വിവരങ്ങളും ലഭിക്കാൻ ബുദ്ധിമുട്ടാണ്.

#India is clearly in the hands of a master of distraction and a master of destruction. One has to give in to the fa… https://t.co/wLkk5WMYXU
— Siddharth (@Actor_Siddharth) 1565068901000

ഈ വിഷയത്തിൽ പ്രതികരണവുമായി മുൻനിരസിനിമാ താരങ്ങൾ മുൻപ് രംഗത്തെത്തിയിരുന്നു. ജമ്മു കശ്‍മീര്‍ സംസ്ഥാനം വിഭജിക്കാനും ഭരണഘടന അനുവദിച്ച പ്രത്യേക പദവി എടുത്തുകളയാനുള്ള പ്രമേയം രാജ്യസഭ പാസ്സാക്കിയതിനും പിന്നാലെ കേന്ദ്രസർക്കാരിന്‍റെ തീരുമാനത്തെ അനുകൂലിച്ചും പ്രതികൂലിച്ചും നിരവധി സിനിമാ താരങ്ങള്‍ രംഗത്തെത്തിയിട്ടുണ്ട്.

ജമ്മു കശ്‍മീര്‍ സംസ്ഥാനം വിഭജിക്കാനും ഭരണഘടന അനുവദിച്ച പ്രത്യേക പദവി എടുത്തുകളയാനുള്ള പ്രമേയം രാജ്യസഭ പാസ്സാക്കിയതിനും പിന്നാലെ കേന്ദ്രസർക്കാരിന്‍റെ തീരുമാനത്തെ അനുകൂലിച്ചും പ്രതികൂലിച്ചും നിരവധി സിനിമാ താരങ്ങള്‍ രംഗത്ത്. ‘ഇന്ത്യയെ തീവ്രവാദ വിമുക്തമായ രാജ്യമാക്കി മാറ്റുന്നതിനുള്ള ചരിത്രപരമായ ചവിട്ടുപടിയാണ് ഈ തീരുമാനം. കഴിഞ്ഞ കുറച്ചുനാളുകളായി ഇതേകുറിച്ച് ഞാനും ചിന്തിച്ചിരുന്നു. പക്ഷേ ഇത്ര പെട്ടെന്ന് ഒരിക്കലും സാധ്യമല്ലെന്ന് കരുതിയ ഈ ലക്ഷ്യത്തിലേയ്ക്ക് ആരെങ്കിലും എത്തിച്ചേരുമെന്ന് ഞാൻ വിശ്വസിച്ചിരുന്നു. മോദിജി അത് സഫലമാക്കിയിരിക്കുകയാണ്. അദ്ദേഹം ദീർഘദർശിയും വേണ്ടത്ര ധൈര്യവും ശക്തിയുമുള്ള വ്യക്തിത്വത്തിനുടമയാണ്. പലര്‍ക്കും ചിന്തിക്കാൻ പോലും കഴിയാത്ത കാര്യത്തെ യാഥാർഥ്യമാക്കി അദ്ദേഹം മാറ്റി. ഇത് നടപ്പായതിൽ ഭാരതം മുഴുവനെയും ജമ്മുകശ്മീരിനെയും ഞാൻ അഭിനന്ദിക്കുന്നു.’–കങ്കണ കുറിച്ചിരിക്കുന്നത്. ഇങ്ങനെയാണ്.

കങ്കണക്ക് പുറമെ അനരാഗ് കശ്യപ്, ദിയ മിർസ, സൈറ വാസിം, അനുപം ഖേർ, സഞ്ജയ് സൂരി, ഗുൽ പങ്, പരേഷ് റാവൽ, അമലാ പോള്‍, മധുർ ഭണ്ഡാര്‍ക്കര്‍, ചേതൻ ഭഗത്, പൂജ ബേഡി, കുനാൽ കോഹ്‍ലി തുടങ്ങി നിരവധി സിനിമാ താരങ്ങൾ ഈ വിഷയത്തിൽ തങ്ങളുടെ നിലപാട് വ്യക്തമാക്കിയിട്ടുണ്ട്.

ഡല്‍ഹി മുഖ്യമന്ത്രി അരവിന്ദ് കെജ്രിവാളിന്‍റെ ട്വീറ്റ് പങ്കുവച്ചാണ് നടി അമല പോളിന്‍റെ പ്രതികരണം. ഏറെ ആരോഗ്യകരവും ഒത്തിരി പ്രതീക്ഷ നല്‍കുന്നതും തികച്ചും അനിവാര്യവുമായ മാറ്റമാണിത്. അത്ര എളുപ്പമുള്ള ജോലിയായിരുന്നില്ല ഇത്, ഇതുപോലുള്ള തീരുമാനങ്ങള്‍ക്ക് ചങ്കൂറ്റം വേണം. ഇനി സമാധാനമുള്ള ദിവസങ്ങള്‍ക്കായി പ്രാര്‍ഥിക്കുന്നു- അമല ട്വീറ്റ് ചെയ്തിരിക്കുന്നത് ഇങ്ങനെയാണ്.

ഇപ്പോഴാണ് മാതൃഭൂമിയുടെ സ്വാതന്ത്ര്യം പൂര്‍ണ്ണമായത്. ഇന്ത്യയുടെ ഏകത്വം എന്ന ആശയം നടപ്പിലായത് ഇപ്പോഴാണെന്നുമാണ് പരേഷ് റാവൽ ട്വീറ്റ് ചെയ്തിരിക്കുന്നത്. തികച്ചും ചരിത്രപരമായ നീക്കമാണിത്. വളരെ ധൈര്യപൂര്‍വ്വമുള്ള നീക്കമാണ് മോദി സര്‍ക്കാരിന്‍റേത് എന്നാണ് മധുർ ഭണ്ഡാര്‍ക്കറിന്‍റെ ട്വീറ്റ്.

കശ്മീർ പരിഹാരം തുടങ്ങി എന്നാണ് നടൻ അനുപം ഖേറിന്‍റെ ട്വീറ്റ്. ചരിത്രം നമ്മുടെ കൺമുന്നിൽ വഴിമാറിയിരിക്കുകായണ്. സമാധാനം പുലരുമെന്ന് പ്രതീക്ഷിക്കുന്നുവെന്നാണ് കുനാൽ കോഹ്‍ലിയുടെ ട്വീറ്റ്. ഇതും കടന്നുപോകുമെന്നാണ് സൈറ വാസിമിന്‍റെ ട്വീറ്റ്.

ആര്‍ട്ടിക്കിള്‍ 370 കൊണ്ട് കശ്മീരികള്‍ക്ക് സ്വാതന്ത്ര്യം ലഭിക്കില്ല. ഇത് സ്വാര്‍ത്ഥതയുള്ള ഭരണകര്‍ത്താക്കളെ മാത്രമേ സൃഷ്ടിക്കുകയുള്ളൂ. തീവ്രസ്വഭാവമുള്ള സമൂഹത്തേയും യുവതലമുറയേയുമാണ് സൃഷ്ടിക്കുക. ഇത് മറികടക്കാനുള്ള സമയമാണിത്. എതിര്‍ക്കുന്നവരോട് ഉറക്കെ പറയാം, ഒരു രാജ്യം ഒരു ഭരണം എന്നാണ് ചേതൻ ഭഗതിന്‍റെ ട്വീറ്റ്. 60 വര്‍ഷമായി നിലനിന്ന താല്‍ക്കാലികവും ക്ഷണികവുമായ ഒന്നാണ് ആര്‍ട്ടിക്കിള്‍ 370 എന്നാണ് പൂജ ബേഡിയുടെ ട്വീറ്റ്. ഏറെ ധൈര്യമുള്ള നീക്കമാണിത്, നല്ലതുവരട്ടെയെന്ന് ആശംസിക്കുന്നുവെന്നാണ് ഗുൽ പങിന്‍റെ ട്വീറ്റ്.

എന്നാൽ നടനും സംവിധായകനുമായ അനുരാഗ് കശ്യപ് മോദിക്കെതിരെ രംഗത്തെത്തി. ഏറ്റവും ഭയപ്പെടുത്തുന്നതെന്താണെന്ന് നിങ്ങള്‍ക്കറിയാമോ. ആ ഒരു മനുഷ്യൻ വിചാരിക്കുന്നത് 121 കോടി ജനങ്ങള്‍ക്ക് നല്ലതെന്തെന്ന് തനിക്ക് ശരിയായി അറിയാമെന്നും അത് നടപ്പിൽ വരുത്തുന്നതിനുള്ള ശക്തി അയാള്‍ക്കുണ്ടെന്നതുമാണ്. ആര്‍ട്ടിക്കിള്‍ 370യെകുറിച്ചും 35 എയെകുറിച്ചും വലുതായി എനിക്കറിയില്ല. ചരിത്രപരമായ വലിയ പിടിയില്ല.

ചിലപ്പോളഅ‍ അത് നല്ലതെന്ന് തോന്നാം ചിലപ്പോള്‍ മാറ്റപ്പെടേണ്ടതാണെന്നും. കശ്മീരി മുസ്ലീമോ കശ്മീരി പണ്ഡിറ്റോ അല്ല, പക്ഷേ കശ്മീരി സുഹൃത്തുക്കള്‍ പറയുന്നത് കശ്മീര്‍ റാഷമോൺ പോലെയാണെന്നതാണ്,എന്നാണ് അനുരാഗ് ട്വറ്റ് ചെയ്തിരിക്കുന്നത്. സത്യത്തിന്‍റെ പല മുഖങ്ങളെ പറ്റി പറഞ്ഞ സിനിമയാണ് അകിര കുറസോവയുടെ റാഷമോണ്‍. ഒരു മനുഷ്യന്‍റെ മരണത്തേയും അയാളുടെ ഭാര്യ ബലാത്സംഗം ചെയ്യപ്പെടുന്നതിനേയും കുറിച്ച് നാലു പേര്‍ പറയുന്നത് നാലു പ്രകാരമായി മാറുന്നുവെന്നതാണ് ചിത്രം പറഞ്ഞുവയ്ക്കുന്നത്.

Mobile AppDownload Get Updated News

ഇറാഖിൽ കുടുങ്ങിയ നഴ്സുമാരുടെ കഥപറഞ്ഞ സിനിമയായിരുന്നു ടേക്ക് ഓഫ് എന്ന ചിത്രം. ഏറെ നിരൂപക പ്രശംസ നേടിയ ഈ ചിത്രം നിര്‍മ്മിച്ചത് ആന്‍റോ ജോസഫും ഷെബിൻ ബെക്കറും ചേര്‍ന്നായിരുന്നു. ചിത്രത്തിന്‍റെ താങ്ക്സ് കാർഡിൽ പേരുൾപ്പെടുത്തുന്നതിന് അന്ന് കേരള മുഖ്യമന്ത്രി ആയിരുന്ന ഉമ്മൻചാണ്ടിയെ വിളിച്ചപ്പോള്‍ ഉണ്ടായ ഒരു അനുഭവം മാധ്യമങ്ങളോട് പങ്കുവെച്ചിരിക്കുകയാണ് നിർമ്മാതാവ് ആന്‍റോ ജോസഫ്.

ആന്‍റോ ജോസഫിന്‍റെ വാക്കുകള്‍ : 'ടേക്ക് ഓഫ്' സിനിമ പൂര്‍ത്തിയായി പോസ്റ്റ് പ്രൊഡക്‌ഷൻ വര്‍ക്കുകള്‍ പുരോഗമിക്കുന്ന സമയം. ഇറാഖില്‍ തീവ്രവാദികളുടെ പിടിയിലകപ്പെട്ട മലയാളി നഴ്സുമാരെ മോചിപ്പിച്ച് ഇന്ത്യയില്‍ എത്തിക്കുന്നതില്‍ നിര്‍ണായക പങ്ക് വഹിച്ചിരുന്ന അന്നത്തെ മുഖ്യമന്ത്രി ഉമ്മന്‍ചാണ്ടി സാറിന്‍റെ പേര് ആ വിഷയം അടിസ്ഥാനമാക്കി ഒരുക്കുന്ന സിനിമയ്ക്കു മുമ്പ് കാണിക്കുന്ന താങ്ക്‌സ് കാര്‍ഡില്‍ ഉള്‍പ്പെടുത്തണമെന്ന് ആഗ്രഹം തോന്നി. അദേഹത്തെ നേരിട്ട് വിളിച്ച് അനുവാദം ചോദിച്ചു. പക്ഷേ അദ്ദേഹത്തിന്‍റെ മറുപടി ഇങ്ങനെയായിരുന്നു 'എന്റെ പേര് വയ്ക്കുന്നതില്‍ കുഴപ്പമൊന്നുമില്ല, പക്ഷെ ആദ്യം അതിനുമുമ്പ് നമ്മുടെ വിദേശകാര്യ മന്ത്രി സുഷമ സ്വരാജിന്‍റെ പേരാണ് വയ്‍ക്കേണ്ടത്. അതിനു താഴെ മാത്രമേ എന്‍റെ പേര് വരാൻ പാടൂള്ളു'.

‘ഞാൻ അദ്ഭുതപ്പെട്ടുപോയി, എതിര്‍ പാര്‍ട്ടിക്കാരിയായ കേന്ദ്ര മന്ത്രിയുടെ പേര് ആദ്യം വരണമെന്ന് ഉമ്മന്‍ചാണ്ടി സര്‍ വാശിപിടിക്കുന്നത് എന്തിനെന്ന് തിരക്കി ? അപ്പോള്‍ അതിനുള്ള കാരണം അദ്ദേഹം പറഞ്ഞു തന്നു. നമ്മുടെ നഴ്സുമാരുടെ ജീവന്‍ രക്ഷിക്കാന്‍ കഴിഞ്ഞത് സുഷമാ സ്വരാജിന്‍റെ കഠിന പ്രയത്‌നം മൂലമാണ്. നഴ്സുമാരുടെ മോചനത്തിനായി പരിശ്രമിക്കുന്നതിന് ഉമ്മന്‍ചാണ്ടി സര്‍ ഡല്‍ഹിയില്‍ ചെന്നതു തൊട്ട് ഒപ്പം നിന്ന് കാര്യങ്ങള്‍ നടത്തിക്കൊടുത്തത് അവര്‍ തന്നെയായിരുന്നു. അവരുടെ സഹായം ഇല്ലായിരുന്നെങ്കില്‍ നഴ്സുമാരുടെ ജീവന്‍ രക്ഷിക്കാന്‍ നമുക്ക് കഴിയില്ലായിരുന്നു.’

‘മോചനം ഉറപ്പാക്കിയ ശേഷം നഴ്‌സുമാരെ ഇറാഖില്‍ നിന്ന് ഡല്‍ഹിയിലേക്കും അവിടെ നിന്ന് കൊച്ചിയിലേക്കും പ്രത്യേക വിമാനത്തില്‍ കൊണ്ടുവരാൻ ആയിട്ടായിരുന്നു പദ്ധതിയിട്ടിരുന്നത്. നഴ്‌സുമാര്‍ നെടുമ്പാശ്ശേരിയില്‍ ഇറങ്ങേണ്ടതിന്‍റെ തലേ ദിവസം അര്‍ദ്ധരാത്രി വിവരം കിട്ടി, പ്രത്യേക വിമാനത്തിന് നെടുമ്പാശ്ശേരിയില്‍ ഇറങ്ങാന്‍ അനുമതിയായിട്ടില്ല എന്ന് അതറിഞ്ഞപ്പോള്‍ ഉമ്മന്‍ചാണ്ടി സര്‍ പരിഭ്രാന്തനായി.’

‘കാരണം, അടുത്ത ദിവസം നഴ്‌സുമാര്‍ നെടുമ്പാശ്ശേരിയെത്തുമെന്നുള്ളത് അവരുടെ ബന്ധുക്കളുള്‍പ്പെടെ എല്ലാവരെയും അറിയിച്ചുകഴിഞ്ഞിട്ടുണ്ട്. അവരെല്ലാം തങ്ങളുടെ പ്രിയപ്പെട്ടവരെ സ്വീകരിക്കാന്‍ കൊച്ചിയില്‍ എത്തിക്കഴിഞ്ഞുമിരുന്നു. ഗത്യന്തരമില്ലാതെ അര്‍ദ്ധരാത്രി ഒന്നര മണിക്ക് ഉമ്മൻ ചാണ്ടി സാര്‍ സുഷമ സ്വരാജിനെ വിളിച്ചു. ആ സമയത്തു പോലും അവര്‍ ഫോണ്‍ അറ്റന്‍ഡ് ചെയ്തു. ഒട്ടും ഭയക്കേണ്ട, നേരത്തെ നിശ്ചയിച്ച സമയത്തുതന്നെ നഴ്സുമാര്‍ കൊച്ചിയില്‍ ഇറങ്ങിയിരിക്കും. അതങ്ങനെ തന്നെ സംഭവിച്ചു. സുഷമാ സ്വരാജിന്‍റെ ഇടപെടല്‍ കൊണ്ട് നമ്മുടെ നഴ്‌സുമാര്‍ കൃത്യ സമയത്തുതന്നെ കൊച്ചിയിലെത്തിച്ചേരുകയായിരുന്നു.’

‘അര്‍ദ്ധരാത്രിയിലും സ്വന്തം ജനതയുടെ സന്തോഷത്തിനും ക്ഷേമത്തിനും വേണ്ടി പ്രവര്‍ത്തിച്ച നമ്മുടെ പ്രിയ നേതാവ് യാത്രയായിരിക്കുന്നു ഇപ്പോള്‍. എന്‍റേയും ടേക്ക് ഓഫ് ടീമിന്‍റേയും ഹൃദയത്തില്‍ നിന്ന് ആയിരം ആദരാഞ്ജലികള്‍.’–ആന്‍റോ ജോസഫ് പറയുന്നു.

Also Read: സുഷമ ചോദിച്ചു: "നഴ്സുമാരെ രക്ഷിക്കാൻ ആരാണ് പണം കൊടുത്തത്?"

ഇന്നലെ അന്തരിച്ച മുന്‍ വിദേശകാര്യ മന്ത്രി സുഷമ സ്വരാജിന്‍റെ സംസ്‍കാരം ഇന്ന് വൈകീട്ട് മൂന്ന് മണിക്ക് ശേഷം നടക്കും. ഡല്‍ഹിയിലെ ലോധി സ്‍മശാനത്തിലാണ് അന്ത്യകര്‍മ്മങ്ങള്‍. ഉച്ചയ്‍ക്ക് 12 മുതല്‍ മൂന്ന് വരെ ബിജെപി ആസ്ഥാനത്ത് പൊതുദര്‍ശനം നടക്കും.

ഇന്നലെ രാത്രിയാണ് സുഷമ സ്വരാജ് ഹൃദയാഘാതത്തെ തുടര്‍ന്ന് അന്തരിച്ചത്. 67 വയസ്സായിരുന്നു. ഇന്നലെ രാത്രി ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ അവരെ പ്രവേശിപ്പിക്കുകയായിരുന്നു.

Mobile AppDownload Get Updated News

മുതിര്‍ന്ന ബിജെപി നേതാവും മുന്‍ വിദേശകാര്യ മന്ത്രിയുമായ സുഷമ സ്വരാജിന്‍റെ വിയോഗത്തിൽ ആദരാഞ്ജലി അര്‍പ്പിച്ച് സിനിമാലോകം. ബോളിവുഡ് താരങ്ങള്‍ക്ക് പുറമെ മലയാളസിനിമയിലെ നടീനടന്മാരും സുഷമാ ജീക്ക് അന്ത്യാഞ്ജലിയുമായി എത്തിയിട്ടുണ്ട്. സുരേഷ് ഗോപി, മമ്മൂട്ടി, മോഹൻലാൽ, മഞ്ജു വാരിയർ, പൃഥ്വിരാജ്, നിവിൻ പോളി, കുഞ്ചാക്കോ ബോബൻ തുടങ്ങിയവരാണ് മലയാളസിനിമയിൽ നിന്ന് തങ്ങളുടെ സോഷ്യൽമീഡിയ പേജുകളിലൂടെ ആദരവ് അര്‍പ്പിച്ചിരിക്കുന്നത്.

ബോളിവുഡിൽ നിന്നും പ്രസൂൺ ജോഷി, അർജുൻ കപൂർ, അനുഷ്ക ശർമ്മ, കിരൺ ഖേർ, ആയുഷ്മാൻ ഖുറാന, പരിണീതി ചോപ്ര, സ്വര ഭാസ്ക്കർ, റിതേഷ് ദേശ്‌മുഖ്, ഏക്താ കപൂർ, രവീണ ടണ്ടൻ, വിശാൽ ദദ്‌ലാനി, ബോമൻ ഇറാനി തുടങ്ങി നിരവധി താരങ്ങള്‍ സുഷമ സ്വരാജിന്‍റെ നിര്യാണത്തിൽ ദുഖം രേഖപ്പെടുത്തിയിട്ടുണ്ട്.

ഡല്‍ഹിയിലുള്ള സുഷമയുടെ വസതിയില്‍ പൊതുദര്‍ശനം നടത്തിയ ശേഷം ഇന്ന് വൈകിട്ട് നാലിനാണ് സംസ്കാരം നടന്നത്. ഇന്ന് രാവിലെ 11 മണി വരെ ഭൗതികശരീരം ഡല്‍ഹിയിലെ വസതിയിലായിരുന്നു പൊതുദര്‍ശനത്തിന് വച്ചിരുന്നത്. അതിനു ശേഷം ഉച്ചയ്ക്ക് 12 മുതല്‍ മൂന്ന് വരെ ഡല്‍ഹിയിലെ ബിജെപി ആസ്ഥാനത്ത് പൊതുദര്‍ശനത്തിനായി വെച്ചിരുന്നു. വൈകീട്ട് മൂന്നോടെയാണ് ലോധി റോഡിലുള്ള ശ്മശാനത്തില്‍ അന്ത്യ ശുശ്രൂഷകള്‍ ആരംഭിച്ചത്. നാലോടെ ഭൗതികശരീരം വൈദ്യുത ശ്മശാനത്തിൽ സംസ്കാരം നടത്തുകയായിരുന്നു.

Deeply saddened by Sushma ji’s demise.The Music Fraternity will be indebted to her for magnificent defence of their… https://t.co/5Oj63S6iij
— Javed Akhtar (@Javedakhtarjadu) 1565114664000

ചൊവ്വാഴ്ച രാത്രിയായിരുന്നു ഹൃദയാഘാതത്തെ തുടര്‍ന്ന് സുഷമ സ്വരാജിന് മരണം സംഭവിച്ചത്. 67 വയസ്സായിരുന്നു. ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ വച്ചായിരുന്നു അന്ത്യം സംഭവിച്ചത്. രാത്രി 9.30 ഓടെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായിരുന്നു. ഇന്നലെ നിരവധി ബിജെപി നേതാക്കള്‍ എയിംസ് ആശുപത്രിയില്‍ എത്തിയിരുന്നു. പ്രതിരോധമന്ത്രി രാജ്‍നാഥ് സിങ്, സാമ്പത്തിക വകുപ്പ് മന്ത്രി നിര്‍മ്മല സീതാരാമന്‍, വിദേശകാര്യമന്ത്രി എസ് ജയശങ്കര്‍, നിയമ മന്ത്രി രവിശങ്കര്‍ പ്രസാദ് തുടങ്ങിയവര്‍ ആശുപത്രിയില്‍ എത്തി. നികത്താനാകാത്ത നഷ്‍ടമാണ് സുഷമ സ്വരാജിന്‍റെ വിയോഗമെന്ന് ആരോഗ്യവകുപ്പ് മന്ത്രി ജെപി നദ്ദ ആശുപത്രിക്ക് പുറത്ത് മാധ്യമങ്ങളോട് പറഞ്ഞു.

ഇന്നലെ രാത്രി 9.30ഓടെയാണ് സുഷമ സ്വരാജിനെ എയിംസില്‍ എത്തിച്ചത്. ഗുരുതരമായ അവസ്ഥയില്‍ ആണ് ആശുപത്രിയില്‍ പ്രവേശിപ്പിച്ചത്. അധികം വൈകാതെ അവര്‍ മരണത്തിന് കീഴടങ്ങി.
മരണം സ്ഥിരീകരിച്ചതിന് ശേഷം ഡല്‍ഹിയിലെ വസതിയിലേക്ക് അവരുടെ മൃതദേഹം കൊണ്ടുപോയി. രാഷ്ട്രപതി രാം നാഥ് കോവിന്ദ്, പ്രധാനമന്ത്രി നരേന്ദ്ര മോദി, കേരള മുഖ്യമന്ത്രി പിണറായി വിജയന്‍ തുടങ്ങിയവരും സുഷമയുടെ നിര്യാണത്തില്‍ അനുശോചനം രേഖപ്പെടുത്തിയിരുന്നു.

My sincere condolences on passing away of #Sushmaswaraj ji. One of the finest leader of our country.She was special… https://t.co/x5oGkJROgf
— Sunny Deol (@iamsunnydeol) 1565114822000

Mobile AppDownload Get Updated News

'ഗപ്പി'ക്ക് ശേഷം സംവിധായകൻ ജോണ്‍ പോള്‍ ജോര്‍ജ്ജ് സംവിധാനം ചെയ്യുന്ന 'അമ്പിളി'യിലെ മൂന്നാമത്തെ ഗാനം പുറത്ത് വിട്ടു. ഒരു ചെറുകിളിയുടെ പരിഭവം പുഴയോടു പറയുമോ എന്ന് തുടങ്ങുന്ന ഗാനത്തിൻ്റെ ലിറിക്കൽ വീ‍ഡിയോയാണ് പുറത്ത് വിട്ടിരിക്കുന്നത്. വളരെ വേറിട്ട വരികളും സംഗീതവും തന്നെയാണ് ഈ ഗാനത്തെയും ഏറെ ശ്രദ്ധേയമാക്കുന്നത്. ഞാൻ ജാക്സണല്ലടാ, ആരാധികേ എന്നീ ഗാനങ്ങൾക്ക് ശേഷം പുറത്തുവിടുന്ന ഗാനമാണിത്. വിഷ്ണു വിജയ് ആണ് ഗാനത്തിന് സംഗീതം നൽകിയിരിക്കുന്നത്. വിനായക് ശശികുമാറാണ് ഗാനത്തിന് വരികള്‍ എഴുതിയിരിക്കുന്നത്.

ബെന്നി ദയാലാണ് ഗാനം ആലപിച്ചിരിക്കുന്നത്. റിയ, സജനി, ഇദഴിക എന്നീ കുട്ടികളും സുജിത്ത് സുരേശൻ, ദീപേഷ് കൃഷ്ണമൂര്‍ത്തി, ശരത് സന്തോഷ് എന്നിവരും കോറസ് പാടിയിട്ടുമുണ്ട്. നസ്രിയയുടെ അനിയന്‍ നവീന്‍ നസീമും ചിത്രത്തിൽ പ്രധാന വേഷത്തില്‍ എത്തുന്നുണ്ട്. നവീൻ ആണ് ഈ ഗാനരംഗത്തിലുള്ളത്. സ്പോര്‍ട്സ് സൈക്കിളുമായി നവീൻ കറങ്ങുന്നതാണ് വീഡിയോയിലുള്ളത്.

Also Read: 'ഇന്ത്യ തകര്‍ക്കലിൻ്റെയും ശ്രദ്ധതിരിക്കലിൻ്റെയും ആശാൻ്റെ കൈകളിലാണെ'ന്ന് സിദ്ധാര്‍ത്ഥ്

സൗബിന്‍ പ്രധാന വേഷത്തില്‍ എത്തുന്ന ചിത്രമാണ് 'അമ്പിളി'. ചിത്രത്തിന്‍റേതായി പുറത്തിറങ്ങിയ ആദ്യഗാനം ഇതിനകം പത്ത് ലക്ഷത്തിലേറെ കാഴ്ചക്കാരെ യൂട്യൂബിൽ നേടികഴിഞ്ഞിട്ടുണ്ട്. ഗാനത്തിന്‍റെ അകമ്പടിയോടെയെത്തിയ ടീസറും വൈറലായിരുന്നു.

മുകേഷും, എ വി അനൂപും ചേര്‍ന്നാണ് ഇ ഫോറിന്‍റെ ബാനറിൽ ചിത്രത്തിന്‍റെ നിര്‍മ്മാണം. അമ്പിളിയുടെ ഫസ്റ്റ് ലുക്ക് പോസ്റ്ററും ആദ്യ ടീസറും ഗാനവുമെല്ലാം ഏറെ ശ്രദ്ധിക്കപ്പെട്ടിരുന്നതാണ്. 10 ലക്ഷം കാഴ്ചക്കാരുമായി സോഷ്യല്‍ മീഡിയയില്‍ ജാക്സണ്‍ ലിറിക് വീഡിയോ ട്രെൻഡിംഗുമാണ്.

യാത്രക്ക് പ്രാധാന്യം നല്‍കിയൊരുക്കിയിരിക്കുന്ന ചിത്രമാണ് അമ്പിളി എന്നാണ് സൂചന. ഫഹദ് ഫാസില്‍ പുറത്തുവിട്ട ചിത്രത്തിന്‍റെ ആദ്യത്തെ പോസ്റ്റര്‍ ഏറെ ശ്രദ്ധിക്കപ്പെട്ടിരുന്നു. പുതുമുഖമായ തന്‍വി റാം ആണ് ചിത്രത്തിൽ നായിക.

Also Read: 'വഫയും ദൃക്സാക്ഷികളും പറയുന്നത് തെളിവല്ല, പള്‍സര്‍ സുനിയുടെ മൊഴി ഒന്നാന്തരം തെളിവ്'; ഹരീഷ് പേരടി

വർഷങ്ങളോളം തയ്യാറെടുപ്പുകള്‍ക്ക് ശേഷമാണ് ഹ്യൂമറിനും മ്യൂസിക്കിനും പ്രാധാന്യമുള്ള അമ്പിളിയുമായി സംവിധായകന്‍ എത്തുന്നത്. സൗബിന്‍ അമ്പരപ്പിക്കുന്ന മേക്ക്ഓവറിലാണ് സിനിമയിൽ പ്രത്യക്ഷപ്പെടുന്നത്. സുഡാനി ഫ്രം നൈജീരിയ, കുമ്പളങ്ങി നൈറ്റ്സ് എന്നീ സൂപ്പര്‍ഹിറ്റ് ചിത്രങ്ങൾക്ക് ശേഷം സൗബിന്‍ നായകനാകുന്ന സിനിമയാണ് അമ്പിളി. നവീന്‍ നസീം ആദ്യമായി അരങ്ങേറുന്ന സിനിമയെന്ന പ്രത്യേകതയും അമ്പിളിക്കുണ്ട്. ഗപ്പിയിലെ ഗാനങ്ങള്‍ക്ക് വരികളൊരുക്കിയ വിനായക് ശശികുമാര്‍ തന്നെയാണ് ഈ ചിത്രത്തിനായും ഗാനത്തിൻ്റെ വരികളെഴുതുന്നത്. സംഗീതവും വിഷ്ണു വിജയ് തന്നെ!

70573171

ഇ ഫോര്‍ എൻ്റര്‍ടെയിന്‍മെൻ്റിൻ്റെ ബാനറില്‍ മുകേഷ് ആര്‍.മേത്ത, എ.വി. അനൂപ്, സി.വി.സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ദേശീയ ശ്രദ്ധയാകര്‍ഷിച്ച പരസ്യ ചിത്രങ്ങളിലൂടെ ശ്രദ്ധേയനായ ശരണ്‍ വേലായുധനാണ് ഈ ചിത്രത്തിനായി ക്യാമറ കൈകാര്യം ചെയ്യുന്നത്.

Also Read: ഞങ്ങളും സുന്ദരികളാണ്; പല്ലവിയും ഊര്‍മിളയും പഠിപ്പിക്കുന്നത്

തൊണ്ടിമുതലും ദൃക്‌സാക്ഷിയും സിനിമയുടെ എഡിറ്റിങ് നിര്‍വ്വഹിച്ച കിരണ്‍ ദാസാണ് ഈ ചിത്രത്തിൻ്റെ ചിത്രസംയോജനം നടത്തുന്നത്. വിനേഷ് ബംഗ്ലാനാണ് കലാസംവിധാനം നിര്‍വ്വഹിക്കുന്നത്. മഷാര്‍ ഹംസയാണ് കോസ്റ്റ്യൂം ഡിസൈനിംഗ്. ആര്‍ ജി വയനാടനാണ് മേക്കപ്പ് നിര്‍വഹിക്കുന്നത്. ഇന്ത്യയിലെ വിവിധ സംസ്ഥാനങ്ങളിലായാണ് അമ്പിളി ചിത്രീകരിക്കുന്നത്.

ടൊവീനോയേയും ചേതൻ ജയലാലിനേയും കേന്ദ്ര കഥാപാത്രങ്ങളാക്കി ഒരുക്കിയിരുന്ന ഗപ്പി എന്ന ഒറ്റ ചിത്രം കൊണ്ട് പ്രേക്ഷകരുടെ പ്രിയപ്പെട്ട സംവിധായകനായി മാറിയ ജോൺ പോളിന്‍റെ രണ്ടാമത്തെ സിനിമയാണ് അമ്പിളി എന്നതിനാൽ തന്നെ പ്രതീക്ഷയേറെയാണ്. ചിത്രം ഈ മാസം ഒൻപതാം തീയ്യതി തീയേറ്ററുകളിലെത്തും.

Also Read: കുട്ടിക്കാല ചിത്രം പങ്കുവെച്ച് നടി; കമൻ്റുകളുമായി താരങ്ങളും ആരാധകരും

Mobile AppDownload Get Updated News

'തീവണ്ടി'യ്ക്ക് ശേഷം ടൊവിനോയും സംയുക്തയുമൊന്നിക്കുന്ന 'കൽക്കി' തീയേറ്ററുകളിലെത്തി. മാസ് മസാല ചിത്രമെന്ന പരിവേഷത്തോടെയാണ് ചിത്രം തീയേറ്ററിൽ എത്തിയിരിക്കുന്നത്. പ്രവീൺ പ്രഭാറാമാണ് ചിത്രം സംവിധാനം ചെയ്യുന്നത്. ചിത്രത്തിൻ്റെ ആദ്യപകുതി അവസാനിക്കുമ്പോൾ നായകനും വില്ലനായെത്തുന്ന അമര്‍നാഥും തമ്മിലുള്ള പോരാട്ടമാണ് മുഖ്യമായും കാട്ടുന്നതെന്നാണ് പ്രേക്ഷകര്‍ പറയുന്നത്. ചിത്രത്തിൻ്റെ മാസ് രംഗങ്ങളും മാസ് ഘടകങ്ങളുമെല്ലാം നന്നായി പ്രതിഫലിച്ചിട്ടുണ്ടെന്നും പ്രേക്ഷകര്‍ പറയുന്നു.

Massive Response For #Kalki ✌ https://t.co/k677byxmfl
— Kerala Box Office (@KeralaBxOffce) 1565239738000

Also Read: കുട്ടിക്കാല ചിത്രം പങ്കുവെച്ച് നടി; കമൻ്റുകളുമായി താരങ്ങളും ആരാധകരും

ചില സംഭാഷണങ്ങൾ പറഞ്ഞു പഴകിയതായും ക്ലീഷേയുമായും തോന്നിയെന്നും ചിത്രത്തിൻ്റെ ബീജിഎം കിടിലൻ ആണെന്നും പ്രേക്ഷകര്‍ അഭിപ്രായപ്പടുന്നു. ടൊവീനോ തോമസ് പോലീസ് ഉദ്യോഗസ്ഥനായാണ് ചിത്രത്തിൽ പ്രത്യക്ഷപ്പെടുന്നത്. നഞ്ചംകോട്ട എന്ന പ്രദേശത്തെ ചുറ്റിപ്പറ്റിയുള്ള കഥായാണ് ചിത്രം പറയുന്നത്. രാഷ്ട്രീയവും പോരാട്ടവും പോലീസും ഇടിയും അടിയും കുത്തുമൊക്കെയായി ആകെ മൊത്തം ആക്ഷൻ മാസ് പരിവേഷത്തിലാണ് ട്രെയിലറെത്തിയിരുന്നത്. ഇതേ എനര്‍ജി ചിത്രത്തിലും കാണാൻ കഴിയുന്നുണ്ടെന്ന് പ്രേക്ഷക‍ സാക്ഷ്യപ്പെടുത്തുന്നു. ചിത്രത്തിൻ്റെ ആദ്യ പകുതി മികച്ചതായിരുന്നുവെന്നും ടൊവിനോയുടെ കരിയറിലെ ബെസ്റ്റ് കഥാപാത്രമാണിതെന്നും പ്രേക്ഷകർ പറയുന്നു.

എജ്ജാതി ഫസ്റ്റ് ഹാഫ് #Kalki
— safwan (@SaFwanLionheart) 1565235634000

#Kalki First half :- Moves around the conflict btwn Hero & Villains Mass Factor Has worked out well Some scenes… https://t.co/cUVpe0evTI
— Cine Maniac (@cinemamaniacss) 1565236666000

ചിത്രത്തിൻ്റേതായി പുറത്തു വിട്ട ഫസ്റ്റ് ലുക്ക് പോസ്റ്ററും പ്രോലോഗ് ടീസറും ടീസറുമെല്ലാം ഏറെ ശ്രദ്ധേയമായിരുന്നു. സൂര്യയുടെ പ്രശസ്തമായ സിങ്കം സീരീസിലെ പോലീസ് ലുക്കിന് സമാനമായുള്ള ലുക്കിലും കട്ടിമീശവെച്ചുള്ള ലുക്കിലും താരം ചിത്രത്തിൽ പ്രത്യക്ഷപ്പെടുന്നുണ്ട്. എസ്രയില്‍ ടൊവീനോ എസിപി ഓഫീസര്‍ കഥാപാത്രമായിട്ടുണ്ടെങ്കിലും സിനിമയിൽ പോലീസ് നായകനായി ആദ്യമായാണ് സ്‌ക്രീനില്‍ എത്തുന്നതെന്നതാണ് കൽക്കിയുടെ പ്രത്യേകത.

Also Read: 'ഒരു ചെറുകിളിയുടെ പരിഭവം പുഴയോടു പറയുമോ': 'അമ്പിളി'യിലെ പുതിയ ഗാനം

ടോവിക്ക് പോലീസ് വേഷം വല്ലാണ്ട് അങ്ങ് ചേരില്ല എന്നതൊഴിച്ചാൽ ബാക്കി #Kalki
— safwan (@SaFwanLionheart) 1565240484000

ആദ്യമായിട്ടാണ് താനൊരു മുഴുനീള ആക്ഷൻ ചിത്രം ചെയ്യുന്നതെന്ന് ടൊവിനോ മുൻപ് പറഞ്ഞിരുന്നു. കട്ട കലിപ്പ് പോലീസുകാരനായാണ് ടൊവിനോ ചിത്രത്തിലെത്തുന്നതെന്ന് വ്യക്തമാണ്. യാതൊരു ദാക്ഷണ്യവും കാട്ടാതെ എതിരാളികളെ ഇടിച്ചു വീഴ്‌ത്തുന്ന പോലീസിൻ്റെ വേഷമാണ് ടൊവിനോ അവതരിപ്പിക്കുന്നത്. മമ്മൂട്ടിയുടെ ഇന്‍സ്‌പെക്ടര്‍ ബല്‍റാമിലെ കഥാപാത്രവുമായി സാമ്യമുള്ളതായിരിക്കും ടൊവീനോയുടെ കഥാപാത്രമെന്ന് സംവിധായകൻ പ്രവീൺ പ്രഭാരം മുൻപ് വ്യക്താക്കിയിരുന്നു. സെക്കൻ്റ് ഷോ, കൂതറ, തീവണ്ടി എന്നി ചിത്രങ്ങളുടെ ചീഫ് അസോസിയേറ്റായി പ്രവർത്തിച്ചിരുന്ന വ്യക്തിയാണ് പ്രവീണ്‍ പ്രഭാരം.

#Kalki fans shows started at major centres https://t.co/gOyKBvioac
— Rockstar (@Rockztar_1) 1565233755000

ലിറ്റില്‍ ബിഗ് ഫിലിംസിൻ്റെ ബാനറില്‍ പ്രശോഭ് കൃഷ്ണയ്‌ക്കൊപ്പം സുവിന്‍ കെ വര്‍ക്കിയും ചേര്‍ന്നാണ് നിര്‍മ്മാണം. പ്രവീണ്‍ പ്രഭരം സംവിധാനം ചെയ്യുന്ന ചിത്രത്തിൻ്റെ തിരക്കഥ സംവിധായകനൊപ്പം സുജിന്‍ സുജാതനും ചേര്‍ന്ന് നിര്‍വ്വഹിക്കുകയാണ്. ഗൗതം ശങ്കര്‍ ആണ് ഛായാഗ്രഹണം. സെന്‍ട്രല്‍ പിക്‌ചേഴ്‌സ് റിലീസാണ് തിയറ്ററിലെത്തിക്കുന്നത്. സോഷ്യൽ മീഡിയയിലൂടെ ഏറെ പ്രചരിച്ച ടൊവിനോയുടെ താടിയില്ലാത്തതും പ്രത്യേക തരം മീശയുള്ളതുമായ ലുക്ക് വൻ ഹിറ്റായിരുന്നു. കുഞ്ഞിരാമായണം, എബി എന്നി ഹിറ്റ് ചിത്രങ്ങള്‍ക്കു ശേഷം ലിറ്റില്‍ ബിഗ് ഫിലിംസിൻ്റെ ബാനറില്‍ പുറത്തിറങ്ങുന്ന ചിത്രമാണിത്.

@JxBe എന്റെ പൊന്ന് @ttovino ഇച്ചായ ഇങ്ങൾ കിടു അല്ല കിക്കിടു ആണ് വേറെ ലെവൽ #Kalki
— safwan (@SaFwanLionheart) 1565240105000

Also Read: 'ഈ ഒരു ചിത്രമെടുക്കാന്‍ ഒരുപാട് നാള്‍ കാത്തിരുന്നു': ചാക്കോച്ചൻ

Watched #Kalki ടോവിനോ ടെ കരിയറിലെ best one #Tovino Intro Mass scenes Bgm's, fight & Climax എജ്ജാതി പടം: 4.5/5
— safwan (@SaFwanLionheart) 1565239786000

Mobile AppDownload Get Updated News

'തീവണ്ടി'യ്ക്ക് ശേഷം ടൊവിനോയും സംയുക്തയുമൊന്നിക്കുന്ന 'കൽക്കി' തീയേറ്ററുകളിൽ മികച്ച പ്രതികരണം നേടിയാണ് മുന്നേറുന്നത്. ചിത്രത്തിൻ്റെ ആദ്യ പ്രദര്‍ശനം കഴിഞ്ഞതോടെ മികച്ച പ്രതികരണം തന്നെയാണ് ലഭിച്ചു വരുന്നത്. ചിത്രം കണ്ടിറങ്ങിയ താരങ്ങളും വലിയ സന്തോഷത്തിലാണ്. ടൊവിനോയും സംയുക്തയും മാസ് പരിവേഷത്തിലെത്തിയ ചിത്രം മികച്ച പ്രതികരണമാണ് എല്ലായിടത്തു നിന്നും നേടുന്നത്. മികച്ച ആക്ഷൻ മാസ് എൻ്റര്‍ടെയ്നര്‍ തന്നെയാണ് ചിത്രമെന്ന് കൽക്കി കണ്ടിറങ്ങിയവരും സാക്ഷ്യപ്പെടുത്തുന്നു. ടൊവിനോുടെ കരിയറിലെ ബെസ്റ്റ് ചിത്രമാണ് കൽക്കി എന്നാണ് ചിത്രത്തിൻ്റെ ആദ്യ പകുതി കഴിഞ്ഞപ്പോൾ തന്നെ പുറത്തുവന്ന റിപ്പോര്‍ട്ട്.

മാസ് മസാല ചിത്രമെന്ന പരിവേഷത്തോടെയാണ് ചിത്രം തീയേറ്ററിൽ എത്തിയിരിക്കുന്നത്. പ്രവീൺ പ്രഭാറാമാണ് ചിത്രം സംവിധാനം ചെയ്യുന്നത്. ചിത്രത്തിൻ്റെ ആദ്യപകുതി അവസാനിക്കുമ്പോൾ നായകനും വില്ലനായെത്തുന്ന അമര്‍നാഥും തമ്മിലുള്ള പോരാട്ടമാണ് മുഖ്യമായും കാട്ടുന്നതെന്നാണ് പ്രേക്ഷകര്‍ പറയുന്നത്. ചിത്രത്തിൻ്റെ മാസ് രംഗങ്ങളും മാസ് ഘടകങ്ങളുമെല്ലാം നന്നായി പ്രതിഫലിച്ചിട്ടുണ്ടെന്നും പ്രേക്ഷകര്‍ പറയുന്നു. ചിത്രം ഞങ്ങളുദ്ദേശിച്ചതു പോലെ തന്നെ പ്രേക്ഷകരുമായിരുന്ന് കാണാൻ കഴിഞ്ഞെന്നും എല്ലായിടത്തു നിന്നും നല്ല റിപ്പോര്‍ട്ടാണ് ലഭിക്കുന്നതെന്നും സന്തോഷമുണ്ടെന്നും കൽക്കി കണ്ടിറങ്ങിയ ടൊവിനോ തോമസും സംയുക്ത മേനോനും ശിവജിത്തും വ്യക്തമാക്കി.

അതേസമയം ചില സംഭാഷണങ്ങൾ പറഞ്ഞു പഴകിയതായും ക്ലീഷേയുമായും തോന്നിയെന്നും ചിത്രത്തിൻ്റെ ബീജിഎം കിടിലൻ ആണെന്നും പ്രേക്ഷകര്‍ അഭിപ്രായപ്പട്ടിട്ടുണ്ട്. ടൊവീനോ തോമസ് പോലീസ് ഉദ്യോഗസ്ഥനായാണ് ചിത്രത്തിൽ പ്രത്യക്ഷപ്പെടുന്നത്. നഞ്ചംകോട്ട എന്ന പ്രദേശത്തെ ചുറ്റിപ്പറ്റിയുള്ള കഥായാണ് ചിത്രം പറയുന്നത്. രാഷ്ട്രീയവും പോരാട്ടവും പോലീസും ഇടിയും അടിയും കുത്തുമൊക്കെയായി ആകെ മൊത്തം ആക്ഷൻ മാസ് പരിവേഷത്തിലാണ് ചിത്രമെത്തിയിരുന്നത്. ഇതേ എനര്‍ജി ചിത്രത്തിലും കാണാൻ കഴിയുന്നുണ്ടെന്ന് പ്രേക്ഷക‍ സാക്ഷ്യപ്പെടുത്തുന്നു.

ചിത്രത്തിൻ്റേതായി പുറത്തു വിട്ട ഫസ്റ്റ് ലുക്ക് പോസ്റ്ററും പ്രോലോഗ് ടീസറും ടീസറുമെല്ലാം ഏറെ ശ്രദ്ധേയമായിരുന്നു. സൂര്യയുടെ പ്രശസ്തമായ സിങ്കം സീരീസിലെ പോലീസ് ലുക്കിന് സമാനമായുള്ള ലുക്കിലും കട്ടിമീശവെച്ചുള്ള ലുക്കിലും താരം ചിത്രത്തിൽ പ്രത്യക്ഷപ്പെടുന്നുണ്ട്. എസ്രയില്‍ ടൊവീനോ എസിപി ഓഫീസര്‍ കഥാപാത്രമായിട്ടുണ്ടെങ്കിലും സിനിമയിൽ പോലീസ് നായകനായി ആദ്യമായാണ് സ്‌ക്രീനില്‍ എത്തുന്നതെന്നതാണ് കൽക്കിയുടെ പ്രത്യേകത.

ആദ്യമായിട്ടാണ് താനൊരു മുഴുനീള ആക്ഷൻ ചിത്രം ചെയ്യുന്നതെന്ന് ടൊവിനോ മുൻപ് പറഞ്ഞിരുന്നു. കട്ട കലിപ്പ് പോലീസുകാരനായാണ് ടൊവിനോ ചിത്രത്തിലെത്തിയിരിക്കുന്നത്. യാതൊരു ദാക്ഷണ്യവും കാട്ടാതെ എതിരാളികളെ ഇടിച്ചു വീഴ്‌ത്തുന്ന പോലീസിൻ്റെ വേഷമാണ് ടൊവിനോ അവതരിപ്പിച്ചിരിക്കുന്നത്. മമ്മൂട്ടിയുടെ ഇന്‍സ്‌പെക്ടര്‍ ബല്‍റാമിലെ കഥാപാത്രവുമായി സാമ്യമുള്ളതായിരിക്കും ടൊവീനോയുടെ കഥാപാത്രമെന്ന് സംവിധായകൻ പ്രവീൺ പ്രഭാരം മുൻപ് വ്യക്താക്കിയിരുന്നു. സെക്കൻ്റ് ഷോ, കൂതറ, തീവണ്ടി എന്നി ചിത്രങ്ങളുടെ ചീഫ് അസോസിയേറ്റായി പ്രവർത്തിച്ചിരുന്ന വ്യക്തിയാണ് പ്രവീണ്‍ പ്രഭരം.

Mobile AppDownload Get Updated News

ദുല്‍ഖര്‍ സല്‍മാനെ കേന്ദ്രകഥാപാത്രമാക്കി സെക്കൻ്റ് ഷോയുടെ സംവിധായകൻ ശ്രീനാഥ് രാജേന്ദ്രന്‍ ഒരുക്കുന്ന ഏറ്റവും പുതിയ ചിത്രത്തിൽ അഭിനേതാക്കളെ തേടുന്നു. കേരളത്തിലെ പ്രധാന പിടികിട്ടാപ്പുള്ളിയായ പ്രതി സുകുമാരക്കുറുപ്പിൻ്റെ ജീവിതകഥയാണ് ചിത്രം പറയുന്നത്. ചിത്രത്തില്‍ ദുൽഖറാണ് സുകുമാരക്കുറുപ്പായെത്തുന്നത്. കേരളത്തെയാകെ വിറപ്പിച്ച ചാക്കോ വധക്കേസിലെ പ്രധാന പ്രതിയാണ് സുകുമാരക്കുറുപ്പ്. ചിത്രീകരണം ഉടനാരംഭിക്കും.

ഒറ്റപ്പാലത്തും പരിസരങ്ങളിലുമായാണ് ചിത്രത്തിൻ്റെ ഷൂട്ടിങ് നടക്കുക. 80കളിലെ ഗ്രാമാന്തരീക്ഷമാണ് ചിത്രത്തിൽ പുന:സൃഷ്ടിക്കുന്നത്. ആ ഗ്രാമത്തിലെ കഥാപാത്രങ്ങളായി വെള്ളിത്തിരയിലെത്താനാണ് അഭിനേതാക്കളെ ക്ഷണിക്കുന്നത്.

താത്പര്യമുള്ളവര്‍ക്ക് ആഗസ്റ്റ് 10 ശനിയാഴ്ച്ച രാവിലെ 9.30 മുതല്‍ 4.30 വരെ ഷൊര്‍ണൂര്‍ കുളപ്പുള്ളി സമുദ്ര റീജന്‍സിയില്‍ നടക്കുന്ന ഓഡിഷനില്‍ പങ്കെടുക്കാം. പ്രായപരിധിയില്ല. പാലക്കാട്ടു നിന്നുള്ളവര്‍ക്കും മുടി നീട്ടി വളര്‍ത്തിയവര്‍ക്കും ഓഡീഷനിൽ മുന്‍ഗണനയുണ്ടെന്നതാണ് പ്രത്യേകത. താത്പര്യമുള്ളവര്‍ക്ക് 9847522377 എന്ന നമ്പരിലേക്ക് ബന്ധപ്പെടാവുന്നതാണ്.

Also Read: ദുൽഖറിൻ്റെ 'കുറുപ്പ്', പുതിയ പോസ്റ്റര്‍ പുറത്തുവിട്ട് സംവിധായകൻ; ചിത്രീകരണം തുടങ്ങി

സെക്കൻ്റ് ഷോ, കൂതറ എന്നീ ചിത്രങ്ങളാണ് മുൻപ് ശ്രീനാഥ് രാജേന്ദ്രൻ ഒരുക്കിയ ചിത്രങ്ങൾ. ശ്രീനാഥിൻ്റെ ചിത്രത്തിൽ ദുല്‍ഖര്‍ സല്‍മാന്‍ നായകനാകുന്ന രണ്ടാമത്തെ ചിത്രമാണിത്. ദുല്‍ഖറിൻ്റെ പ്രിയ സുഹൃത്താണ് ശ്രീനാഥ്. ഒരു രാത്രി തിരുത്തിയ ആയുസ്സിൻ്റെ ചരിത്രം എന്ന ടാഗ് ലൈനോടെയാണ് ചിത്രമൊരുങ്ങുന്നത്. സെക്കൻ്റ് ഷോ ചിത്രീകരിക്കുമ്പോള്‍ ഈ സിനിമയെക്കുറിച്ച് ചര്‍ച്ച ചെയ്തിരുന്നുവെന്ന് ദുല്‍ഖര്‍ മുൻപ് പറഞ്ഞിരുന്നു. പിടികിട്ടാപ്പുള്ളി സുകുമാര കുറുപ്പായി ദുൽഖർ എത്തുന്നെന്ന വാര്‍ത്ത ദുൽഖര്‍ ആരാധകര്‍ ഏറെ ആകാംക്ഷയോടെയാണ് ഏറ്റെടുത്തത്. തുടര്‍ന്ന് ചിത്രത്തിൻ്റെ ഫസ്റ്റ് ലുക്ക് പോസ്റ്ററും പുറത്തുവിട്ടിരുന്നു.

മറയ്ക്കാനുള്ളതല്ല തിരിച്ചറിയപ്പെടാനുള്ളതാണ് സത്യം എന്ന ടാഗ്ലൈനാണ് ചിത്രത്തിൻ്റെ രണ്ടാമത്തെ പോസ്റ്ററിലുള്ളത്. കേരളത്തിലെ കുപ്രസിദ്ധനായ പിടികിട്ടാപ്പുള്ളിയാണ് സുകുമാരക്കുറുപ്പ്. സുകുമാരക്കുറുപ്പെവിടെ? എന്ന ഉത്തരം കിട്ടാത്ത, മലയാളികൾ തലമുറകളായി ചോദിച്ചു കൊണ്ടിരിക്കുന്ന ചോദ്യത്തിന് ചിത്രത്തിലൂടെ എന്ത് മറുപടിയാണ് കിട്ടുന്നതെന്ന ആകാംക്ഷയിലാണ് ലോക മലയാളികൾ. സുകുമാരക്കുറുപ്പിൻ്റെ ജീവിതമാണ് ചിത്രത്തിലൂടെ വരച്ചു കാട്ടുന്നത്.

ഇന്ന് മുതൽ കുറുപ്പ് തുടങ്ങുകയാണെന്നും കഴിഞ്ഞ അഞ്ചുവര്‍ഷമായി ഈ ചിത്രത്തിൻ്റെ പൂര്‍ത്തീകരണത്തിൻ്റെ പിന്നാലെ ആയിരുന്നുവെന്നും ശ്രീനാഥ് 2019 മെയ് 26ന് ഫേസ്ബുക്കിൽ കുറിച്ചിരുന്നു. ഈ യാത്രയിൽ ഒപ്പം നിന്ന ദുൽഖറിന് ശ്രീനാഥ് നന്ദിയും അറിയിച്ചു. ചിത്രത്തിലെ മറ്റു താരങ്ങളെയും ക്രൂ മെമ്പര്‍മാരുടെയും വിവരങ്ങൾ പിന്നീട് പുറത്തു വിടാമെന്നും ശ്രീനാഥ് കുറിച്ചിരുന്നു. അതിന് പിന്നാലെയാണ് ചിത്രത്തിലേക്ക് അഭിനേതാക്കളെ തേടുന്നെന്ന വാര്‍ത്ത പുറത്ത് വിട്ടിരിക്കുന്നത്.

ചിത്രത്തിൻ്റെ നിര്‍മ്മാണം ദുൽഖർ സൽമാൻ പ്രൊഡക്ഷൻസ് തന്നെയാണെന്നാണ് വിവരം. അങ്ങനെയെങ്കിൽ ദുൽഖർ സൽമാൻ പ്രൊഡക്ഷൻസിൻ്റെ രണ്ടാമത്തെ ചിത്രമാകും ശ്രീനാഥ് രാജേന്ദ്രന്‍ സംവിധാനം ചെയ്യുന്ന കുറുപ്പ്. മുൻപ് ജേക്കബ് ഗ്രിഗറി നായകനായ ചിത്രത്തിൻ്റെ നിര്‍മ്മാണവും ദുല്‍ഖര്‍ സല്‍മാൻ ഏറ്റെടുത്തിരുന്നു. നവാഗതനായ ഷംസു സെയ്ബയാണ് ഈ ചിത്രം ഒരുക്കുന്നത്.

കേരളത്തിലെ കുപ്രസിദ്ധനായ പിടികിട്ടാപ്പുള്ളിയാണ് സുകുമാരക്കുറുപ്പ്. 1984-ൽ ചാക്കോ എന്ന ചലച്ചിത്രവിതരണക്കാരനെ ഇയാൾ കൊലപ്പെടുത്തി ശവശരീരം ആസൂത്രിതമായി ചുട്ടുകരിച്ച ശേഷം താനാണ് മരിച്ചത് എന്ന് തെറ്റിദ്ധരിപ്പിച്ച് ഗൾഫിൽ താൻ ജോലിചെയ്തിരുന്ന കമ്പനിയിൽ നിന്നും ഇൻഷുറൻസ് പണമായി 8 ലക്ഷം രൂപ തട്ടിയെടുത്തു. ആലപ്പുഴയ്ക്ക് പോകാൻ ബസ് കാത്തുനിൽക്കുകയായിരുന്ന ചാക്കോയെ ലിഫ്റ്റ് നൽകാമെന്ന് പറഞ്ഞ് സുകുമാരക്കുറുപ്പ് കാറിൽ കയറ്റി യാത്രാമദ്ധ്യേ കഴുത്തിൽ തുണിമുറുക്കി കൊല്ലുകയായിരുന്നു.

പിന്നീട് അയാൾ ഈ മൃതദേഹം വീട്ടിലെത്തിച്ച്, മരിച്ചു എന്നുറപ്പ് വരുത്തിയ ശേഷം കാറിൻ്റെ ഡ്രൈവിംഗ് സീറ്റിൽ ഇരുത്തി ആളൊഴിഞ്ഞ വഴിയരികിൽ കാറുൾപ്പെടെ കത്തിക്കുകയായിരുന്നു. ആലപ്പുഴ ജില്ലയിലെ മാവേലിക്കരയ്ക്കടുത്തുള്ള കുന്നം എന്ന സ്ഥലത്ത്, കൊല്ലകടവ് - പൈനുമ്മൂട് റോഡിനരുകിൽ വയലിലാണ് സുകുമാരക്കുറുപ്പിൻ്റെ കാറിൽ, കത്തിയ നിലയിൽ ചാക്കോയെ കണ്ടെത്തിയത്. സംഭവശേഷം സുകുമാരക്കുറുപ്പ് ഒളിവിലാണ്. കാലം ഇത്ര കഴിഞ്ഞിട്ടും ആര്ർക്കും കണ്ടെത്താൻ കഴിയാത്ത കുറ്റവാളിയാണ് സുകുമാരക്കുറുപ്പ്. പിന്നീട് ഈ കൊലപാതകത്തിൽ സുകുമാരക്കുറുപ്പിനെ സഹായിച്ച രണ്ട് സഹായികളെ പോലീസ് പിടികൂടിയിരുന്നു. ഇവർ ജീവപര്യന്തം തടവിനു ശിക്ഷിക്കപ്പെടുകയായിരുന്നു.

Mobile AppDownload Get Updated News

ഭക്ഷണം വിഷയമാക്കി ഏതാനും മലയാള സിനിമകള്‍ എത്തിയിട്ടുണ്ട്. കല്ല്യാണ രാമൻ, സോള്‍ട്ട് ആൻഡ് പെപ്പര്‍, ഉസ്താദ് ഹോട്ടല്‍, കമ്മത്ത് ആൻഡ് കമ്മത്ത്, തമാശ എന്നീ സിനിമകളിൽ ഭക്ഷണ സംബന്ധമായ വിഷയങ്ങള്‍ ഭംഗിയായി അവതരിപ്പിച്ചിട്ടുണ്ട്. ഇപ്പോഴിതാ മറ്റൊരു മലയാള ചിത്രം കൂടി ഭക്ഷണത്തെ കേന്ദ്രീകരിച്ച് എത്തുകയാണ് നടൻ ജയറാമിനെ നായകനാക്കി സംവിധായകൻ കണ്ണൻ താമരക്കുളം ഒരുക്കുന്ന പട്ടാഭിരാമൻ എന്ന സിനിമയുടെ ട്രെയിലർ പുറത്തിറങ്ങിയിരിക്കുകയാണ്. സുരയാടൽ (2014), തിങ്കൾ മുതൽ വെള്ളി വരെ (2015), ആടുപുലിയാട്ടം (2016), അച്ചായൻസ് (2017), ചാണക്യതന്ത്രം (2018) എന്നിവയാണ് സംവിധായകൻ കണ്ണൻ താമരക്കുളത്തിന്‍റെ മുൻ ചിത്രങ്ങള്‍.

Also Read: ജയറാം-കണ്ണൻ താമരക്കുളം ചിത്രം 'പട്ടാഭിരാമൻ'

ഒരു ആത്മാര്‍ത്ഥതയുള്ള സർക്കാർ ഉദ്യോഗസ്ഥനായാണ് ജയറാം ചിത്രത്തില്‍ എത്തുന്നതെന്നാണ് ട്രെയിലർ പറയുന്നത്. പക്ഷേ ഭക്ഷണത്തെ ദൈവതുല്യമായി കാണുന്ന കുടുംബത്തിലെ ഒരു അംഗമാണ്‌ പട്ടാഭിരാമന്‍. വേറൊന്നും ശരിയായില്ലെങ്കിലും ഭക്ഷണത്തിന്‍റെ കാര്യത്തില്‍ വളരെ കര്‍ക്കശ സ്വഭാവമാണ് പട്ടാഭിരാമന്. ഇതുമൂലം ഒരുപാട്‌ പ്രതിസന്ധികള്‍ ജീവിതത്തിൽ നേരിടേണ്ടി വരികയാണ്. കോമഡിയും അതോടൊപ്പം ത്രില്ലറും സമാസമം അവതരിപ്പിക്കുന്ന ചിത്രമാണ് പട്ടാഭിരാമനെന്ന് ട്രെയിലർ സമര്‍ത്ഥിക്കുന്നു.

70590620

സര്‍ക്കാര്‍ ജോലിയുടെ ഭാഗമായി സ്ഥലം മാറി തിരുവനന്തപുരത്ത്‌ എത്തുന്ന പട്ടാഭിരാമന്‍റെ ജീവിതത്തിലെ ചില സംഭവങ്ങളാണ് സിനിമയുടെ രസചരട്. താൻ വിവാഹം കഴിക്കുകയാണെങ്കിൽ ഒരു നാടന്‍ പെണ്‍കുട്ടിയെ മാത്രമേ വിവാഹം കഴിക്കൂ എന്നു തീരുമാനിച്ചിരുന്ന പട്ടാഭിരാമന്‍റെ മുന്നിലേക്ക്‌ യാദൃശ്ചികമായി വിനീത എന്നൊരു പെണ്‍കുട്ടി എത്തുകയാണ്. പ്രദേശത്തെ ഒരു ചായക്കടക്കാരന്‍റെ മകളാണ്‌ വിനീത. പക്ഷേ കുക്കറി ഷോകളിലൂടെ പ്രശസ്‌തയായ തനൂജ വര്‍മ്മ എന്ന മറ്റൊരു സുന്ദരി ഇവരുടെ ജീവിതത്തിലേക്ക്‌ കടന്നു വരുന്നതോടെ സംഭവിക്കുന്ന പ്രശ്നങ്ങളും അത് മറികടക്കാനുള്ള പട്ടാഭിരാമന്‍റെ ശ്രമങ്ങളിലൂടേയുമാണ് ചിത്രം കടന്നുപോകുന്നത്.

Also Read: ജയറാമിൻ്റെ 'പട്ടാഭിരാമനി'ൽ പാര്‍വതി നമ്പ്യാരും

പത്മനാഭന്‍റെ മണ്ണിൽ നിന്ന് മുൻപും ഒരുപാട് കഥകൾ പിറവികൊണ്ടിട്ടുണ്ടെങ്കിലും ഏറെ വ്യത്യസ്തമായ ഒരു കഥയായിരിക്കുമിതെന്ന് ചിത്രത്തിന്‍റെ അണിയറ പ്രവർത്തകർ പറയുന്നു. അയ്യർ ദ ഗ്രേറ്റ് എന്ന ടാഗ് ലൈനോടുകൂടെയാണ് പട്ടാഭിരാമന്‍റെ ടൈറ്റിൽ ഒരുക്കിയിരിക്കുന്നത്. വൻ ക്യാൻവാസിൽ ഒരുങ്ങുന്ന ചിത്രത്തിൽ ഷീലു എബ്രഹാം, മിയ എന്നിവരാണ് നായികമാർ. ജയറാമിനൊപ്പം തന്നെ ശക്തമായൊരു കഥാപാത്രമായി ബൈജു സന്തോഷ്‌ ചിത്രത്തിൽ എത്തുന്നുണ്ട്. പോലീസ് ഉദ്യോഗസ്ഥനായാണ് ബൈജു എത്തുന്നത്. അബാം മൂവിസിന്‍റെ ബാനറിൽ എബ്രഹാം മാത്യു ആണ് പട്ടാഭിരാമൻ നിർമ്മിക്കുന്നത്. ചിത്രത്തിന്‍റെ തിരക്കഥ ഒരുക്കുന്നത് ദിനേശ്‌ പള്ളത്താണ്‌.

Also Read: ചിരിയുടെ രുചിക്കൂട്ടുമായി ജയറാമിന്‍റെ 'പട്ടാഭിരാമൻ'

പുത്തൻ പണം, കനൽ, പുതിയ നിയമം, സോളോ, ശുഭരാത്രി തുടങ്ങി നിരവധി ബിഗ്‌ ബജറ്റ് സിനിമകൾ നിർമ്മിച്ച ബാനറാണ് അബാം മൂവീസ്. ബൈജു സന്തോഷ്, ഹരീഷ് കണാരൻ, ധര്‍മ്മജന്‍, കലാഭവന്‍ പ്രജോദ്‌, തെസ്‌നിഖാന്‍, സായ്‌ കുമാര്‍, ദേവന്‍, ജനാര്‍ദ്ദന്‍, സുധീര്‍ കരമന, രേമേഷ് പിഷാരടി , നന്ദു, പ്രേം കുമാർ, ജെപി, മാധുരി, പാർവതി നമ്പ്യാർ , അനുമോൾ, കലാഭവൻ പ്രജോദ്, തെസ്നിഖാൻ, ഷാജു പാലക്കാട്, വിജയകുമാർ, ബിജു പപ്പൻ , ജയൻ ചേർത്തല, ദിനേശ് പണിക്കർ, സതി പ്രേംജി, ഇ. എ രാജേന്ദ്രൻ, അബു സലിം, മുഹമ്മദ് ഫൈസൽ തുടങ്ങി വൻ താരനിര തന്നെ ചിത്രത്തിൽ അണിനിരക്കുന്നുണ്ട്. വര്‍ഷങ്ങള്‍ക്ക് ശേഷം കോമഡി കൂട്ടുകെട്ടായ ജയറാം-പ്രേംകുമാർ ജോഡി ഈ ചിത്രത്തിൽ ഒരുമിക്കുന്നുണ്ടെന്ന പ്രത്യേകതയുമുണ്ട്.

ക്യാമറ - രവിചന്ദ്രൻ , കലാസംവിധാനം - സഹസ് ബാല , സംഗീതം - എം ജയചന്ദ്രൻ , ഗാനരചന - കൈതപ്രം - മുരുഗൻ കാട്ടാക്കട, എഡിറ്റർ - രജിത് കെ.ആർ, പശ്ചാത്തല സംഗീതം - സാനന്ദ് ജോർജ്, മേക്കപ്പ് - സജി കൊരട്ടി, കോസ്റ്റുംസ് - അരുൺ മനോഹർ, അസ്സോസിയേറ്റ് ഡയറക്ടർ - സുരേഷ് ഇളമ്പൽ - ഹരികുമാർ ഇളയിടത്ത്, പ്രൊഡക്ഷൻ കൺട്രോളർ - ബാദുഷ, പ്രൊഡക്ഷൻ ഏക്സിക്യൂട്ടിവ് - പ്രതാപൻ കല്ലിയൂർ എന്നിവരാണ്. ചിത്രം ആഗസ്റ്റ് മാസം തിയറ്ററുകളിൽ എത്തും. ചിത്രത്തിൻ്റെ മോഷൻ പോസ്റ്ററും ഫസ്റ്റ് ലുക്ക്, സെക്കൻ്റ് ലുക്ക് പോസ്റ്ററുകളും ടീസറും വൈറലായതിനുപിന്നാലെ ഇപ്പോള്‍ ട്രെയിലറും യൂട്യൂബിൽ തരംഗമായിക്കൊണ്ടിരിക്കുകയാണ്.

Mobile AppDownload Get Updated News

മൂന്ന് വര്‍ഷം മുമ്പ് ഇതുപോലെ ഒരു ആഗസ്റ്റിലായിരുന്നു 'ഗപ്പി'യുമായി സംവിധായകൻ ജോൺ പോള്‍ ജോര്‍ജ്ജ് എത്തിയത്. 2016 ആഗസ്റ്റ് 5നായിരുന്നു 'ഗപ്പി'യുടെ റിലീസ്. മൂന്ന് വര്‍ഷങ്ങള്‍ക്ക് ശേഷം ജോൺ പോള്‍ പുതിയൊരു ചിത്രവുമായി എത്തിയിരിക്കുകയാണ്. ജോണിന്‍റെ 'അമ്പിളി' നാളെ തിയറ്ററുകളിലെത്തുകയാണ്. 'ഗപ്പി' എന്ന ചിത്രം തിയറ്ററുകളിൽ സമ്മിശ്രപ്രതികരണം നേടി ഒഴിഞ്ഞുപോയെങ്കിലും പിന്നീട് ടൊറന്‍റിലുള്‍പ്പെടെ വന്നതോടെ ചര്‍ച്ചയായി മാറുകയായിരുന്നു. ശേഷം ഇത് തിയറ്ററുകളിൽ റീറിലീസ് ചെയ്യുകയുമുണ്ടായി.

'ഗപ്പി'യൊരുക്കിയ ജോൺപോള്‍ രണ്ടാം സിനിമയുമായെത്തുമ്പോള്‍ തന്‍റേത് ഒരു വൺടൈം വണ്ടറല്ലെന്ന് തെളിയിക്കേണ്ടത് ജോണിന്‍റെ കൂടെ ആവശ്യമാണ്. സൗബിൻ ഷാഹിർ നായകനാകുന്ന 'അമ്പിളി' ഇതിനകം തന്നെ ഏറെ ചര്‍ച്ചയായിട്ടുമുണ്ട്. ക്ലീൻ യു സര്‍ട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്. 'സുഡാനി ഫ്രം നൈജീരിയ', 'കുമ്പളങ്ങി നൈറ്റ്സ്' എന്നീ ചിത്രങ്ങളിൽ നായകവേഷം അവതരിപ്പിച്ച സൗബിൻ നായകനാകുന്ന മൂന്നാമത്തെ ചിത്രം കൂടിയാണിതെന്ന പ്രത്യേകതയുമുണ്ട്. ചിത്രത്തിലെ ഗാനങ്ങളെല്ലാം തന്നെ ഇതിനകം പ്രേക്ഷകര്‍ക്കിടയിൽ ഒരു ഓളമുണ്ടാക്കിയിട്ടുണ്ട്.

Also Read: സൗബിനിത് ഭാഗ്യ വർഷം; കൈനിറയെ ചിത്രങ്ങളുമായി താരം

സൗബിൻ നായകനായെത്തുന്ന 'ആന്‍ഡ്രോയ്ഡ് കുഞ്ഞപ്പന്‍ വേര്‍ഷന്‍ 5.25', 'ജിന്ന്', 'ജൂതൻ' എന്നീ ചിത്രങ്ങളും അണിയറയിൽ ഒരുങ്ങുന്നുണ്ട്. 'ജാക്ക് ആൻ്റ് ജിൽ', 'ട്രാൻസ്', 'തേർഡ് വേൾഡ് ബോയ്സ്', 'അരക്കള്ളൻ മുക്കാക്കള്ളൻ', 'വികൃതി' എന്നീ ചിത്രങ്ങളാണ് സൗബിൻ്റേതായി അണിയറയിലൊരുങ്ങുന്ന മറ്റു ചിത്രങ്ങൾ.

കഴിഞ്ഞദിവസം ചിത്രത്തിന്‍റേതായി നടന്ന ഓഡിയോ ലോഞ്ച് ചടങ്ങ് ഏറെ ശ്രദ്ധ നേടിയിരുന്നു. സൗബിന്‍ ഷാഹിര്‍, തൻവി റാം, നവീൻ നസീം എന്നിവരെ പ്രധാന കഥാപാത്രങ്ങളാക്കി ഗപ്പി സംവിധായകൻ ജോണ്‍പോള്‍ ജോര്‍ജ്ജ് സംവിധാനം ചെയ്യുന്ന 'അമ്പിളി' എന്ന ചിത്രത്തിന്‍റെ ഓഡിയോ ലോഞ്ചിൽ താരമായി കുഞ്ഞു സൗബിനും താരങ്ങളും എത്തിയിരുന്നു. കൊച്ചി ലുലു മാളില്‍ നടന്ന ചിത്രത്തിന്‍റെ ഓഡിയോ ലോഞ്ച് ചടങ്ങിലാണ് സൗബിന്‍റെ മകൻ ഓർഹാൻ താരമായി.

Also Read: സിനിമയിറങ്ങും മുമ്പേ തരംഗമായി 'അമ്പിളി' മുഖംമൂടികള്‍

ഇ 4 എന്‍റര്‍ടെയ്ൻമെന്‍റിന്‍റ് നിര്‍മ്മിക്കുന്ന ചിത്രത്തിന്‍റേതായി പുറത്തിറങ്ങിയ ഗാനങ്ങളെല്ലാം ഇതിനകം തരംഗമാണ്. ഓഡിയോ ലോഞ്ച് ചടങ്ങിൽ 'അമ്പിളി'യുടെ അണിയറപ്രവര്‍ത്തകര്‍ കൂടാതെ താരങ്ങളായ നസ്രിയ നസീം, കുഞ്ചാക്കോ ബോബന്‍, നടനും സംവിധായകനുമായ ദിലീഷ് പോത്തന്‍, ഗ്രേസ് ആന്‍റണി, നിഖില വിമൽ തുടങ്ങിയവരും എത്തിയിരുന്നു.

ചടങ്ങിൽ ഏറെ ശ്രദ്ധേയരായത് നസ്രിയയും സൗബിന്‍ ഷാഹിറിന്‍റെ കുഞ്ഞ് ഓര്‍ഹാനുമായിരുന്നു. സദസ്സിൽ മുന്‍നിരയില്‍ ഇരുന്ന് നസ്രിയ കുഞ്ഞിനെ താലോലിക്കുന്നതായിരുന്നു മാധ്യമങ്ങളുള്‍പ്പെടെ ഏവരും ക്യാമറയിൽ പകർത്താൻ മത്സരിച്ചത്. നസ്രിയയ്ക്ക് പിന്നാലെ കുഞ്ചാക്കോ ബോബനും ജാഫർ ഇടുക്കിയുമൊക്കെ കുഞ്ഞിനെ താലോലിക്കാനായെത്തി. 'അമ്പിളി'യിലെ ഹിറ്റായ ജാക്സൺ പാട്ടിനുള്‍പ്പെടെ ചാക്കോച്ചന്‍ സൗബിനോടൊപ്പം ചുവടു വയ്ക്കുകയുമുണ്ടായി.

'ഗപ്പി'ക്ക് ശേഷം ജോണ്‍പോള്‍ ജോര്‍ജ് തിരക്കഥയെഴുതി സംവിധാനം ചെയ്യുന്ന ചിത്രം 'അമ്പിളി' ഒരു സൈക്കിളിസ്റ്റിന്‍റെ കഥാപാത്രത്തെ മുൻനി‍ർത്തിയുള്ളതാണെന്നാണ് സൂചന. നസ്രിയയുടെ സഹോദരന്‍ നവീന്‍ നസീമും 'അമ്പിളി'യില്‍ സൗബിൻ ഷാഹിറിനൊപ്പം ഒരു പ്രധാന കഥാപാത്രത്തെ അവതരിപ്പിക്കുന്നുമുണ്ട്. തൻവി റാം ആണ് ചിത്രത്തിൽ നായിക.

ജാഫര്‍ ഇടുക്കി, വെട്ടുകിളി പ്രകാശ്, നീന കുറുപ്പ്, ശ്രീലത നമ്പൂതിരി, സൂരജ്, ബീഗം റാബിയ, പ്രേമന്‍ ഇരിഞ്ഞാലക്കുട, മുഹമ്മദ് തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.കേരളം, തമിഴ്‌നാട്, കര്‍ണാടക, ഗോവ, മഹാരാഷ്ട്ര, പഞ്ചാബ്, രാജസ്ഥാന്‍, ഹിമാചല്‍പ്രദേശ് തുടങ്ങിയ സ്ഥലങ്ങളിലും 'അമ്പിളി'യുടെ ചിത്രീകരണമുണ്ടായിരുന്നു. ഈ മാസം ചിത്രം റിലീസ് ചെയ്യാനിരിക്കുകയാണ്.

ഇ4 എന്‍റര്‍ടെയ്ന്‍മെന്‍റ്സ്, അവ പ്രൊഡക്ഷന്‍സ് എന്നീ ബാനറുകളില്‍ മുകേഷ് ആര്‍ മേത്ത, എ വി അനൂപ്, സിവി സാരഥി എന്നിവര്‍ ചേര്‍ന്നാണ് ചിത്രത്തിന്‍റെ നിര്‍മ്മാണം. 'തൊണ്ടി മുതലും ദൃക്സാക്ഷിയും' എന്ന സിനിമയുടെ എഡിറ്റര്‍ കിരണ്‍ ദാസ് ആണ് 'അമ്പിളി'യുടെയും ചിത്രസംയോജനം നിര്‍വ്വഹിച്ചിരിക്കുന്നത്. വിനായക് ശശികുമാറിന്‍റെ വരികള്‍ക്ക് വിഷ്ണു വിജയ് ആണ് സംഗീത സംവിധാനം. ശങ്കര്‍ മഹാദേവന്‍, ആന്‍റണി ദാസന്‍, ബെന്നി ദയാല്‍, സൂരജ് സന്തോഷ്, മധുവന്തി നാരായണ്‍ തുടങ്ങിയവരാണ് ചിത്രത്തിൽ ഗാനങ്ങൾ ആലപിച്ചിരിക്കുന്നത്.

Mobile AppDownload Get Updated News

തീയേറ്ററുകളിൽ വിജയകരമായി പ്രദർശനം തുടരുന്ന 'ശുഭരാത്രി'യിലെ പുതിയ വീഡിയോ പുറത്ത് വിട്ടു. ദിലീപിനെ നായകനാക്കി വ്യാസന്‍ കെ.പി. സംവിധാനം ചെയ്ത ചിത്രമാണ് ശുഭരാത്രി. ചിത്രത്തിലെ പ്രധാനപ്പെട്ട രംഗങ്ങളാണ് അണിയറപ്രവര്‍ത്തകര്‍ ഇപ്പോൾ പുറത്ത് വിട്ടിരിക്കുന്നത്. സിനിമയുടെ ഡിവിഡി റിലീസുമായി ബന്ധപ്പെട്ടാണ് വീഡിയോ യുട്യൂബിലൂടെ റിലീസ് ചെയ്തിരിക്കുന്നത്. അനു സിതാരയാണ് ദിലീപിൻ്റെ നായികയായെത്തുന്നത്. കോടതി സമക്ഷം ബാലന്‍ വക്കീല്‍ എന്ന ഹിറ്റ് ചിത്രത്തിനു ശേഷം ദിലീപ്-സിദ്ദിഖ് ടീം വീണ്ടും ഒന്നിച്ച ചിത്രം കൂടിയാണ് ഇത്. ലൈലത്തുല്‍ ഖദര്‍ എന്ന അടിക്കുറിപ്പോടെയാണ് ചിത്രം പ്രേക്ഷകരിലേക്കെത്തിയത്.

70601278

അനു സിതാരയും ദിലീപും തമ്മിലുള്ള വീട്ടിനുള്ളിലെ രംഗവും സിദ്ദിഖിൻ്റെ രംഗവും അജുവർഗ്ഗീസിൻ്റെ രംഗവും പോലീസ് സ്റ്റേഷനുള്ളിലെ രംഗവുമാണ് ഈ വീഡിയോയിൽ ഉൾപ്പെടുത്തിയിട്ടുള്ളത്. സിഗരെറ്റിൽ വിക്സ് പെരട്ടി വലിച്ചാ കോൾഡ് പോകും എന്ന് പറയണെണ്ട് എന്ന അജു വർഗ്ഗീസിൻ്റെ ഡയലോഗാണ് ഈ വീഡിയോയിലെ ഹൈലൈറ്റ്. വിജയ് ബാബുവിൻ്റെ പോലീസ് സ്റ്റേഷനിലെ രംഗവും വീഡിയോയിലുണ്ട്.

Also Read: ശുഭരാത്രി സിനിമ റിവ്യൂ

അയാള്‍ ജീവിച്ചിരിപ്പുണ്ട് എന്ന ചിത്രത്തിനുശേഷം വ്യാസന്‍ കെ.പി രചനയും സംവിധാനവും നിര്‍വഹിക്കുന്ന ചിത്രത്തിൽ ദിലീപും അനു സിതാരയും എത്തുന്നത് ദമ്പതികളായാണ്. യഥാര്‍ഥ സംഭവത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.

Also Read: 'ശുഭരാത്രി' നന്മയുള്ളൊരു ചിത്രം; താരങ്ങള്‍ പറയുന്നു

സിദ്ധിഖ്, ശാന്തികൃഷ്ണ, സ്വാസിക, നെടുമുടി വേണു, അനു സിത്താര, സായികുമാര്‍, സുരാജ് വെഞ്ഞാറമൂട്, ഇന്ദ്രന്‍സ്, നാദിര്‍ഷ, ഹരീഷ് പേരടി, വിജയ് ബാബു, മണികണ്ഠന്‍, സൈജു കുറിപ്പ്, സുധി കോപ്പ, അശോകൻ, സന്തോഷ് കീഴാറ്റൂര്‍, പ്രശാന്ത്, കലാഭവന്‍ ഹനീഫ്, ജയന്‍ ചേര്‍ത്തല, ജോബി പാല, ശാന്തി കൃഷ്ണ, ഷീലു ഏബ്രഹാം, കെ.പി.എ.സി ലളിത, തെസ്നി ഖാന്‍, അജു വര്‍ഗീസ്, നാദിര്‍ഷ, ഇന്ദ്രന്‍സ്, ആശാ ശരത്, സ്വാസിക, രേഖാ രതീഷ്, ശോഭ മോഹന്‍, സരസാ ബാലുശ്ശേരി എന്നിവരാണ് ചിത്രത്തിലെ മറ്റ് താരങ്ങളായുള്ളത്.

Also Read: 'ശുഭരാത്രി'ക്ക് പിന്നാലെ ആക്ഷൻ ചിത്രമൊരുക്കാൻ വ്യാസൻ; ഇക്കുറി ഉദയകൃഷ്ണയ്‍ക്കൊപ്പം

ചിത്രത്തിൽ കൃഷ്ണൻ എന്ന കഥാപാത്രമായാണ് ദിലീപ് എത്തുന്നത്. അരോമ മോഹനാണ് ചിത്രം നിര്‍മ്മിച്ചിരിക്കുന്നത്. ബിജി ബാലാണ് ചിത്രത്തിൻ്റെ സംഗീത സംവിധാനം നിര്‍വ്വഹിച്ചിരിക്കുന്നത്.

Also Read: 'ശുഭരാത്രി'യിൽ ദിലീപിനൊപ്പം നാദിർഷയും

70602210

Mobile AppDownload Get Updated News

ന്യൂഡൽഹി: ഏറെ കാത്തിരിപ്പുകൾക്കൊടുവിൽ അറുപത്തിയാറാമത് ദേശീയ ചലച്ചിത്ര പുരസ്കാരം പ്രഖ്യാപിച്ചു. മലയാളി നടൻ ജോജു ജോര്‍ജ്ജിനും നടി സാവിത്രി ശ്രീധരനും ശ്രുതി ഹരിഹരനും ദേശീയ ചലച്ചിത്ര പുരസ്കാരത്തിൽ പ്രത്യേക പരാമര്‍ശം ലഭിച്ചിട്ടുണ്ട്. മികച്ച നടിയായി മലയാളി നടി കീർത്തി സുരേഷിനെ തെരഞ്ഞെടുത്തു. തെലുങ്ക് ചിത്രം മഹാനടിയിലെ മികച്ച പ്രകടനത്തിനാണ് കീർത്തി സുരേഷിനെ ഈ പുരസ്കാരത്തിന് അർഹയാക്കിയിരിക്കുന്നത്. ആയുഷ്മാൻ ഖുറാനയെയും വിക്കി കൗശലിനെയും മികച്ച നടന്മാരായി തെരഞ്ഞെടുക്കപ്പെട്ടു. അന്ധാഥുൻ എന്ന ചിത്രത്തിലെ അഭിനയം ആയുഷ്മാൻ ഖുറാനയയെയും ഉറിയിലെ പ്രകടനം വിക്കി കൗശലിനെയും പുരസ്കാരത്തിന് അർഹനാക്കുകയായിരുന്നു. ആദിത്യ ഥർ ആണ് മികച്ച സംവിധായകൻ (ഉറി).

നതിച്ചരമി എന്ന ചിത്രത്തിലെ അഭിനയമാണ് ശ്രുതിയെ പുരസ്കാരത്തിന് അര്‍ഹയാക്കിയത്. ജോസഫിലെ പ്രകടനത്തിനാണ് ജോജു പ്രത്യേക ജൂറി പരാമര്‍ശത്തിന് അര്‍ഹമാക്കിയത്. സുഡാനി ഫ്രം നൈജീരിയ മികച്ച മലയാള സിനിമയായി തെരഞ്ഞെടുക്കപ്പെട്ടു. സുഡാനി ഫ്രം നൈജീരിയ എന്ന ചിത്രത്തിലെ പ്രകടനത്തിനാണ് സാവിത്രി ശ്രീധരൻ പ്രത്യേക ജൂറി പരാമര്‍ശത്തിന് അര്‍ഹമായത്.

LIVE Now️: Press Conference by Chairmen of Jury to announce #NationalFilmAwards Watch on #PIB's YouTube:… https://t.co/jfBV6actjb
— PIB India (@PIB_India) 1565343214000

മികച്ച ഹിന്ദി ചിത്രമായി അന്ധാധുൻ തെരഞ്ഞെടുക്കപ്പെട്ടു. മികച്ച തെലുങ്ക് ചിത്രമായി മഹാനടിയും മികച്ച ആക്ഷൻ, സ്പെഷ്യൽ ഇഫക്ട്സ് ചിത്രമായി കെജിഎഫും തെരഞ്ഞെടുക്കപ്പെട്ടു. മികച്ച കൊറിയോഗ്രഫി പത്മാവതിലെ ചടുല ചലനങ്ങൾ പരിഗണിച്ച് ഗൂമറിന് ലഭിച്ചു. ചലച്ചിത്ര സൗദൃദ സംസ്ഥാനമായി ഉത്തരാഖണ്ഡ് തെരഞ്ഞെടുക്കപ്പെട്ടു. മികച്ച ചലച്ചിത്ര സംബന്ധിയായ പുസ്തകത്തിനുള്ള പുരസ്കാരം എസ് ജയചന്ദ്രൻ നായരുടെ മൗനപ്രാര്‍ത്ഥന പോലെ എന്ന പുസ്തകം കരസ്ഥമാക്കി. മികച്ച സംഗീത സംവിധായകനായി സഞ്ജയ് ലീല ബൻസാലിയും (പത്മാവത്). മികച്ച പ്രൊഡക്ഷൻ ഡിസൈനിനുള്ള പുരസ്കാരം മലയാള ചിത്രം കമ്മാരസംഭവത്തിന് ലഭിച്ചു. വിനീഷ് ബംഗ്ലാനാണ് പുരസ്കാരം ലഭിക്കുക. ദിലീപിനെ നായകനാക്കി രതീഷ് അമ്പാട്ട് ഒരുക്കിയ കമ്മാരസംഭവത്തിന് മികച്ച പ്രൊഡക്‌ഷൻ ഡിസൈനിനുള്ള പുരസ്കാരം സ്വന്തമാക്കിയത്. ഹരിജിത്ത് സിങാണ് മികച്ച ഗായകൻ (പത്മാവത്).

70604598

മികച്ച ഛായാഗ്രഹകനുള്ള പുരസ്കാരം സ്വന്തമാക്കിയത് അന്തരിച്ച ഛായാഗ്രാഹകൻ എം.ജെ. രാധാകൃഷ്ണനാണ്. ഷാജി എൻ. കരുൺ സംവിധാനം ചെയ്ത ഓള് എന്ന ചിത്രത്തിൻ്റെ ഛായാഗ്രഹണത്തിനാണ് പുരസ്കാരം. എം.ജെ. രാധാകൃഷ്ണന് ലഭിക്കുന്ന ആദ്യ ദേശീയ പുരസ്കാരമാണ് ഇത്. ഗുജറാത്തി ചിത്രമായ എല്ലാരു ആണ് മികച്ച ചിത്രമായി തെരഞ്ഞെടുക്കപ്പെട്ടിട്ടുള്ളത്. സുധാകർ റെഡ്ഢി യെഹന്തി മികച്ച പുതുമുഖ സംവിധായകനുള്ള ഇന്ദിരാ ഗാന്ധി പുരസ്കാരം സ്വന്തമാക്കി. നാഗ് എന്ന ചിത്രമാണ് സുധാകർ റെഡ്ഢി യെഹന്തിയെ പുരസ്കാരത്തിന് അര്‍ഹമാക്കിയത്.

മികച്ച ‍സഹനടിയായി സുരേഖ സിക്രിയെ തെരഞ്ഞെടുത്തു. ബദായ് ഹോ എന്ന ചിത്രത്തിലെ പ്രകടനത്തിനാണ് ഇവര്‍ക്ക് ഈ പുരസ്കാരം ലഭിച്ചിരിക്കുന്നത്. മികച്ച സാമൂഹിപ്രസക്തിയുള്ള ചിത്രമായി പാഡ്മാൻ തെരഞ്ഞെടുക്കപ്പെട്ടപ്പോൾ ബദായ് ഹോ ജനപ്രിയ ചിത്രമായി തെരഞ്ഞെടുക്കപ്പെട്ടു. മികച്ച സൗണ്ട് മിക്സിങിനുള്ള പുരസ്കാരം സ്വന്തമാക്കിയത് രംഗസ്ഥലാം എന്ന തെലുങ്ക് ചിത്രമാണ്. ഇത്തവണ പുരസ്കാരത്തിനായി സമർപ്പിച്ചിരുന്നത് 490 ചിത്രങ്ങളാണ്. വിവിധ വിഭാഗങ്ങളിലായി 31 പുരസ്കാരങ്ങളാണ് ഇന്ന് പ്രഖ്യാപിച്ചിരിക്കുന്നത്.

Mobile AppDownload Get Updated News

കഴിഞ്ഞതവണത്തെപ്പോലെ ഇക്കുറി കാലവര്‍ഷം ശക്തമായതോടെ പ്രളയഭീതിയിലാണ് കേരളം മുഴുവൻ. പെരിയാറില്‍ ജലനിരപ്പ് ക്രമാതീതമായി ഉയരുന്നതോടെ ആലുവ മണപ്പുറം ശിവക്ഷേത്രത്തിന്‍റെ മേല്‍ക്കൂര വരെ വെള്ളം കയറിയ ചിത്രം കഴിഞ്ഞ വര്‍ഷം ഏറെ പ്രചരിച്ചിരുന്നു. എന്നാൽ ആലുവ മണപ്പുറത്തിന്‍റെ ഇപ്പോഴത്തെ അവസ്ഥ ചൂണ്ടിക്കാട്ടി സംവിധായകൻ ജൂഡ് ആന്‍റണി കഴിഞ്ഞദിവസം ഒരു ചിത്രം തന്‍റെ ഫേസ്ബുക്കിൽ പങ്കുവച്ചിരുന്നു. എന്നാൽ കഴിഞ്ഞ വര്‍ഷത്തെ ചിത്രമിട്ട് പറ്റിക്കല്ലേ എന്നുപറഞ്ഞ് നിരവധിപേര്‍ ആ ചിത്രത്തിന് താഴെ കമന്‍റുകളുമായി എത്തിയിരുന്നു. താനിട്ട ചിത്രത്തിന്‍റെ സത്യാവസ്ഥ വ്യക്തമാക്കിക്കൊണ്ട് ജൂഡ് ലൈവ് വീഡിയോയുമായി രംഗത്തെത്തിയിരിക്കുകയാണിപ്പോള്‍. ആലുവയിൽ താനിപ്പോൾ നിൽക്കുന്ന ഫ്ലാറ്റിൽ നിന്നെടുത്ത ചിത്രമാണ് പോസ്റ്റ് ചെയ്തതെന്നും കഴിഞ്ഞതവണത്തേക്കാള്‍ ഭയാനകമായ രീതിയിൽ പെട്ടെന്ന് വെള്ളം കയറുന്ന സാഹചര്യമാണ് നിലവിലൂള്ളതെന്നും താരം ലൈവ് വീഡിയോയിൽ പറഞ്ഞിരിക്കുകയാണ്.

ജൂഡ് ഫേസ്ബുക്ക് ലൈവ് വീഡിയോയിൽ പറയുന്നത് :

‘ഞാനിപ്പോള്‍ ആലുവ, ദേശം എന്ന സ്ഥലത്തെ ഫ്ലാറ്റിലാണ് നിൽക്കുന്നത്. പുതിയൊരു ചിത്രത്തിന്‍റെ എഴുത്തുമായി ബന്ധപ്പെട്ടാണ് ഇവിടെ താമസം. ഇവിടെ നിന്നിട്ടെടുത്ത ആലുവ മണപ്പുറത്തിന്‍റെ ചിത്രം ഫേസ്ബുക്കിൽ പങ്കുവച്ചിരുന്നത്. അത് കഴിഞ്ഞ വർഷത്തെ ഫോട്ടോ ആണോ എന്നു ചോദിച്ചാണ് പലരും കമന്‍റ് ചെയ്തിരുന്നത്. അതുകൊണ്ടാണ് ഇപ്പോള്‍ ഈ ലൈവ് വരാൻ തീരുമാനിച്ചത്.’

‘എന്‍റെ പുറകിലായി നിങ്ങൾക്കു കാണാം. അമ്പലമൊക്കെ മുങ്ങി തുടങ്ങിയിരിക്കുകയാണ്. കഴിഞ്ഞ തവണത്തേക്കാൾ വേഗത്തിലാണ് വെള്ളം കയറികൊണ്ടിരിക്കുന്നത്. പേപ്പറിലും ടിവിയിലുമൊക്കെ വാർത്ത വരാൻ നോക്കി നിൽക്കാതെ നമ്മള്‍ ഉണർന്നു പ്രവർത്തിക്കേണ്ട സമയമാണ്. ഈ സമയം കൊണ്ട് തന്നെ ഞാനെന്‍റെ വീട്ടിൽ പോയി അത്യാവശ്യ സാധനങ്ങളൊക്കെ മുകളിലേയ്ക്ക് കയറ്റിവച്ചിട്ടാണ് വന്നിരിക്കുന്നത്.’
<iframe src="https://www.facebook.com/plugins/post.php?href=https%3A%2F%2Fwww.facebook.com%2Fjudeanthanyjoseph%2Fposts%2F10157671712825799%3A0&width=500" width="500" height="469" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe>

‘വെള്ളമാണ് എപ്പോഴാണ് അത് പൊങ്ങി വരുന്നതെന്ന് പറയാൻ കഴിയില്ല. നല്ല മഴ ഇപ്പോഴും പെയ്തുകൊണ്ടിരിക്കുകയാണ്. സുരക്ഷിതമായി കാര്യങ്ങൾ ചെയ്യുക. കഴിഞ്ഞ തവണ ഉണ്ടായതുപോലെയൊന്നും സംഭവിക്കാതിരിക്കട്ടെ. അത്യാവശ്യമായി ടോര്‍ച്ച് ഉള്‍പ്പെടെയുള്ളവ കരുതേണ്ടതാണ്. പ്രളയം വീണ്ടും വരാതിരിക്കാൻ പ്രാർഥിക്കുക’ എന്നു പറഞ്ഞാണ് വ്യാഴാഴ്ച വൈകീട്ട് ജൂഡ് ഫേസ്ബുക്കിൽ പോസ്റ്റ് പങ്കുവെച്ചിരിക്കുന്നത്.

Mobile AppDownload Get Updated News

ബോംബെ ജയശ്രീ ആലപിച്ച 'കോളാമ്പി'യിലെ മനോഹര ഗാനം ഇതാ, കാണൂ

‘ഇങ്ങിനെ ഒക്കെ ചെയ്യാമോ നമ്മൾ ഒരു കുഞ്ഞു സിനിമ അല്ലെ’; തണ്ണീര്‍ മത്തന്‍ ഉടൻ ടെലിക്കാസ്റ്റെന്ന് വ്യാജ പ്രചരണം

'RIP' എന്നെഴുതിയ മണിച്ചേട്ടൻ്റെ ഫോട്ടോ കണ്ട ഞാൻ ഞെട്ടി: ഇന്ദ്രജ

ഏറ്റവും ചെറിയ നിര്‍മ്മാതാവിനുള്ള പുരസ്കാരം ഗിന്നസ് പക്രുവിന്

ജേസി ഫൗണ്ടേഷന്‍ പുരസ്കാരം മമ്മൂട്ടിക്കും മഞ്ജുവിനും ശ്രീകുമാര്‍ മേനോനും

അജിത് ഡോവലിന്‍റെ ജീവിതം സിനിമയാകുന്നു; ഇന്ത്യയുടെ 'ജെയിംസ് ബോണ്ട്' ആകാൻ അക്ഷയ്‌ കുമാര്‍

നാടൻ ലുക്കിൽ കല്യാണി; 'രണരംഗം' ട്രെയിലര്‍ പുറത്തിറങ്ങി

സിത്താര പാടിയ 'കൽക്കി'യിലെ മനോഹര ഗാനം കാണൂ

'ഇന്ത്യ തകര്‍ക്കലിൻ്റെയും ശ്രദ്ധതിരിക്കലിൻ്റെയും ആശാൻ്റെ കൈകളിലാണെ'ന്ന് സിദ്ധാര്‍ത്ഥ്

'ആദ്യം സുഷമ സ്വരാജിന്‍റെ പേര് വയ്ക്കണമെന്ന് ഉമ്മൻ ചാണ്ടി പറഞ്ഞു': ആന്‍റോ ജോസഫ്

സുഷമ സ്വരാജിന് ആദരാഞ്ജലികളുമായി സിനിമാലോകം

'ഒരു ചെറുകിളിയുടെ പരിഭവം പുഴയോടു പറയുമോ': 'അമ്പിളി'യിലെ പുതിയ ഗാനം

'ടൊവിനോയുടെ കരിയർ ബെസ്റ്റ്'; 'കൽക്കി' ആദ്യ പ്രതികരണം ഇങ്ങനെ!

'കൽക്കി' കണ്ടിറങ്ങിയ ടൊവിനോയും സംയുക്തയും ശിവജിത്തും പറയുന്നു

ദുല്‍ഖര്‍ സുകുമാരക്കുറുപ്പാകുന്ന സിനിമയിൽ അഭിനയിക്കാൻ ഇതാ നിങ്ങൾക്കും അവസരം

ത്രില്ലറും കോമഡിയും സമാസമം; ജയറാമിന്‍റെ 'പട്ടാഭിരാമൻ' ട്രെയിലർ‍

'ഗപ്പി' ഒരുക്കിയ ജോണിന്‍റെ 'അമ്പിളി' നാളെ ഇറങ്ങുന്നു

'ശുഭരാത്രി'യിൽ ഭാര്യാ ഭര്‍ത്താക്കന്മാരായി അനു സിതാരയും ദിലീപും; വീഡിയോ കാണൂ

'ഇത് കഴിഞ്ഞ വർഷത്തെ ചിത്രമല്ല': ജൂഡിന്‍റെ ലൈവ് വീഡിയോ