ഖാസി യുദ്ധം പ്രമേയമാകുന്ന ചിത്രം ഒരുങ്ങുന്നു; ആദ്യ ട്രെയിലറെത്തി

ഖാസി യുദ്ധം പ്രമേയമാകുന്ന ചിത്രം അണിയറയിൽ ഒരുങ്ങുന്നു. ധർമാ പ്രൊഡക്ഷൻസിന്‍റെ ബാനറിൽ നവാഗത സംവിധായകൻ സങ്കൽപാണ് ചിത്രം ഒരുക്കുന്നത്. ‘ദി ഖാസി അറ്റാക്ക്’ എന്നാണ് ചിത്രത്തിന് പേര് നല്‍കിയിരിക്കുന്നത്. ചിത്രത്തിന്‍റെ ട്രെയിലർ അണിയറ പ്രവര്‍ത്തകര്‍ പുറത്ത് വിട്ടു

1971 ൽ മുങ്ങിയ ‘ഖാസി’ എന്ന അന്തർവാഹിനിയെ ചുറ്റിപ്പറ്റിയുള്ള നിഗൂഢത ഇനിയും ചുരുളഴിഞ്ഞിട്ടില്ല. 1947 ൽ ഇന്ത്യക്ക് സ്വാതന്ത്ര്യം കിട്ടി പാകിസ്ഥാൻ മറ്റൊരു രാജ്യമായി മാറിയപ്പോൾ മുതലാണ് ഇന്ത്യയും പാകിസ്ഥാനും തമ്മിൽ യുദ്ധമാരംഭിച്ചത്. 1947 ന് ശേഷം 4 തവണയാണ് ഇന്ത്യയും പാകിസ്ഥാനും തമ്മിൽ യുദ്ധം നടന്നത്. എന്നാൽ ആരും അറിയാതെ അഞ്ചാമത് ഒരു തവണ കൂടി ഇന്ത്യയും പാകിസ്ഥാനും തമ്മിൽ യുദ്ധം നടന്നിട്ടുണ്ട്. സമുദ്രത്തിന്‍റെ അടിയിലായിരുന്നു ആ യുദ്ധം. അതാണ് ഖാസി യുദ്ധം എന്ന് അറിയപ്പെടുന്നത്.

18 ദിവസം നീണ്ട് നിന്ന ഈ യുദ്ധത്തിൽ ജീവൻ ബലി നൽകിയ ധീരയോധാക്കളെ ആസ്പദമാക്കിയാണ് ‘ദി ഖാസി അറ്റാക്ക്’ ഒരുക്കുന്നത്. സമുദ്രത്തിനടിയിലെ യുദ്ധത്തെ കാണിക്കുന്ന ആദ്യ സിനിമയായിരിക്കുമിത്.

തെന്നിന്ത്യൻ താരം റാണാ ദഗുബാട്ടിയും, തപ്‌സി പന്നുവുമാണ് ചിത്ര്തിലെ താരങ്ങൾ. ചിത്രം ഫെബ്രുവരി 17 ന് തിയേറ്ററുകളിൽ എത്തും. ഓം പുരിയുടെ മരണത്തിന് ശേഷം പുറത്തിറങ്ങുന്ന അവസാന ചിത്രമായിരിക്കും ഇത്.




Ghazi War becoming a topic for a New Indian Movie; First Trailer is Out


New Movie is getting Ready to release with Ghazi War Topic as Core incrediant. First Trailer is Out through Youtube