നടി തൃഷയുടെ അമ്മയ്‌ക്കെതിരെ അറസ്റ്റ് വാറന്റ്

നടി തൃഷയുടെ അമ്മയ്ക്ക് എതിരെ ചെന്നൈ കോടതി അറസ്റ്റ് വാറന്റ് പുറപ്പെടുവിച്ചു. പക്ഷേ നടി തൃഷയ്ക്ക് എതിരെ അറസ്റ്റ് വാറന്റ് എന്ന രീതിയിലാണ് വാര്‍ത്ത പ്രചരിക്കുന്നത്. ഇതിനിടെ തൃഷയുടെ മാനേജര്‍ വിശദീകരണവുമായി രംഗത്തെത്തി. തൃഷയ്‌ക്കെതിരെ വാറന്റ് എന്ന വാര്‍ത്ത തെറ്റാണ്. അമ്മ ഉമ കൃഷ്ണനെതിരെയാണ് വാറന്റ് പുറപ്പെടുവിച്ചിരിക്കുന്നത്. ജെല്ലിക്കെട്ടുമായി ബന്ധപ്പെട്ട പ്രശ്‌നങ്ങളുമായി അറസ്റ്റ് വാറന്റിന് ബന്ധമില്ല.

2005ല്‍ തൃഷയുടെ ഫോട്ടോകള്‍ ഒരു മാഗസിന്‍ മോര്‍ഫ് ചെയ്ത് ഉപയോഗിച്ചതിനെതിരെ ഉമ കൃഷ്ണന്‍ കേസ് നല്‍കിയിരുന്നു. മാഗസിന്‍ മാപ്പ് പറയണമെന്നും നഷ്ടപരിഹാരം നല്‍കണമെന്നും പരാതിയില്‍ ആവശ്യപ്പെട്ടിരുന്നു. എന്നാല്‍ ഇത്രയും നാളുകള്‍ക്കിടയില്‍ കേസ് പരിഗണിക്കുമ്പോള്‍ കോടതിയിലെത്താന്‍ ഉമ കൃഷ്ണന്‍ തയ്യാറായിട്ടില്ല. വാദം കേള്‍ക്കുന്ന ദിവസം ഹാജരാകാന്‍ പല തവണ നിര്‍ദ്ദേശം ലഭിച്ചിട്ടും അനുസരിച്ചില്ല. ഇതോടെ കോടതി വാറന്റ് അയയ്ക്കുകയായിരുന്നു. എന്നാല്‍ ഈ കേസ് പിന്‍വലിച്ചതായി മാനേജര്‍ അറിയിച്ചു. അതേ സമയം ജെല്ലിക്കെട്ട് വിഷയത്തിൽ പ്രതികരിച്ച് പുലിവാല് പിടിച്ച നടി തൃഷയ്ക്ക് പോലീസ് സംരക്ഷണം ഉറപ്പ് നൽകണമെന്ന് തൃഷയുടെ അമ്മ സർക്കാരിനോട് ആവശ്യപ്പെട്ടിട്ടുമുണ്ട്.

arrest warrant against actress trisha's mother.