ഓസ്‍കര്‍ ഷോയിലെ 'ബ്ലണ്ടറി'ന് മാപ്പു പറഞ്ഞ് അക്കാദമി

ലോസ് ആഞ്ചലീസ്: മികച്ച ചിത്രത്തിനുള്ള ഓസ്‍കര്‍ തെറ്റായി പ്രഖ്യാപിച്ച ബ്ലണ്ടറിന് മാപ്പു പറഞ്ഞ് അക്കാദമി.

മികച്ച ചിത്രമായ മൂണ്‍ലൈറ്റിന് പകരം 'ലാ ലാ ലാന്‍ഡി'ന്‍റെ പേര് പ്രഖ്യാപിച്ചതാണ് ഓസ്‍കറില്‍ അബദ്ധമായി മാറിയത്. അവാര്‍ഡ് തങ്ങള്‍ക്കാണെന്നു കരുതി സ്വീകരിച്ച ലാ ലാ ലാന്‍ഡ് അണിയറക്കാര്‍ സത്യം അറിഞ്ഞപ്പോള്‍ വേദി വിടുകയായിരുന്നു.

ഈ വലിയ അബദ്ധത്തിന് അക്കാദമി ഇപ്പോള്‍ മാപ്പു പറയുകയാണ്. ഓസ്‍കര്‍ അവാര്‍ഡുകളുടെ വോട്ടുകള്‍ എണ്ണുകയും പ്രഖ്യാപനങ്ങള്‍ക്ക് ബാലറ്റ് തയാറാക്കുകയും ചെയ്യുന്ന പ്രൈസ് വാട്ടര്‍ ഹൗസ് കൂപ്പേഴ്‍സ്‍ എന്ന സ്ഥാപനമാണ് തെറ്റുകാര്‍ എന്ന് അക്കാദമി കണ്ടെത്തി.

തെറ്റ് സമ്മതിച്ച പ്രൈസ് വാട്ടര്‍ ഹൗസ് കൂപ്പേഴ്‍സ് ക്ഷമാപണം നടത്തി.

'മൂണ്‍ലൈറ്റ്, ലാ ലാ ലാന്‍ഡ്, വാറൻ ബീറ്റി, ഫെയ്‍ ഡണ്‍വേയ്, ഓസ്കാര്‍ പ്രേക്ഷകര്‍ എന്നിവരോട് നിര്‍വ്യാജം ഖേദം പ്രകടിപ്പിക്കുകയാണ്. അവതാരകന് അബദ്ധത്തില്‍ തെറ്റായ എന്‍വലപ് നല്‍കുകയായിരുന്നു.' പ്രൈസ് വാട്ടര്‍ ഹൗസ് അറിയിച്ചു.

Academy apologizes for Oscar gaffe

Academy has issued a statement from PricewaterhouseCoopers, the ballot tabultaors, for embarassing mix-up during the best picture announcement.