നാടകരംഗത്ത് നിന്നാണ് മണി സിനിമയിലെത്തുന്നത്. എറണാകുളം ജില്ലയിലെ തൃപ്പൂണിത്തുറയിലെ ഭാസബേരി എന്ന നാടക സംഘത്തിലെ അംഗം. ഒരുപാട് തെരുവു നാടകങ്ങള്‍ കളിച്ചിട്ടുണ്ട്. 2005ല്‍ എഡിറ്റര്‍ ബി ലെനിന്‍ എന്നെ തൃപ്പൂണിതുറയില്‍ നിന്നും ചെന്നൈയിലേക്ക് കൊണ്ടുപോയി. അവിടെ ഡ്രാമ സ്കൂള്‍ ആയ തിയ്യേറ്റര്‍ ലാബില്‍ ചേര്‍ന്നു. ഇക്കാലമത്രയും നാടകങ്ങള്‍ കളിച്ചു ജീവിച്ചു.
മൂത്ത ജ്യെഷ്ട്ടന്‍ ശില്പിയാണ്. രണ്ടാമത്തെ ആള്‍ ഇന്‍സ്ട്രുമെന്റ്സ് വായിക്കും. മൂന്നാമത്തെ ആള്‍ കലാക്ഷേത്ര അംഗം. കമ്മട്ടിപാടത്തില്‍ അഭിനയിക്കുന്നതിന് മുന്പ് ഒന്ന് രണ്ട് തമിഴ് ചിത്രങ്ങള്‍ ചെയ്തിട്ടുണ്ട്. പക്ഷെ കമ്മട്ടിപാടം പോലെ വലിയ വേഷം ആയിരുന്നില്ല അതിൽ. അസുരകുലം എന്ന ചിത്രത്തില്‍ ചെറിയ വേഷം അവതരിപ്പിച്ചു. പുറത്തിറങ്ങിയിട്ടില്ല. പുറത്തിറങ്ങുന്ന ആദ്യത്തെ ചിത്രമാണ് കമ്മട്ടിപാടം.
നാടക സംഘത്തിലെ അംഗങ്ങളായ വിജയകുമാര്‍, സുജിത്ത് സിനിമാ നടന്മാര്‍ കൂടിയാണ്. വിജയകുമാര്‍ സെക്കന്‍റ് ഷോ എന്ന ചിത്രത്തില്‍ അഭിനയിച്ചു, സുജിത്ത് മഹേഷിന്‍റെ പ്രതികാരം എന്ന ചിത്രത്തിലെ വില്ലന്‍. ഇവർ വഴിയാണ് മണി രാജിവ് രവിയിലേക്ക് എത്തുന്നത്. അങ്ങനെ കമ്മട്ടിപാടത്തിലേക്ക് എത്തി.
പൃഥ്വിരാജിന്‍റെ പുതിയ ചിത്രത്തിൽ കുഞ്ഞന്‍ എന്ന കഥാപാത്രമായാണ് മണി അടുത്തതെത്തുന്നത്. ഇത്രേം നാളത്തെ കലാ ജീവിതത്തിലെ ഏറ്റവും വലിയ ബ്രേക്ക് ആയിരിക്കുകയാണ് മണിക്ക് കമ്മട്ടിപാടം.
Mobile AppDownload Get Updated News