ബിജു മേനോൻ നായകനാകുന്ന 'ഷെ‍ര്‍ലക് ടോംസി'ന്‍റെ ഷൂട്ടിങ് തുടങ്ങി

ബാഹുബലി തരംഗം തിയേറ്ററുകളില്‍ പ്രകമ്പനം കൊള്ളിക്കുമ്പോഴും പതറാതെ മുന്നേറുന്ന രക്ഷാധികാരി ബൈജുവിന് ശേഷം ബിജു മേനോൻ നായകനാകുന്ന പുതിയ ചിത്രമാണ് ഷെ‍ര്‍ലക് ടോംസ്. ശിക്കാരി ശംഭു മാതൃകയിലുള്ള ഡിറ്റക്ടീവ് ആയാണ് ചിത്രത്തില്‍ ബിജു എത്തുക. കൊച്ചിയിലാണ് ഷൂട്ടിംഗ് പുരോഗമിക്കുന്നത്. ടു കണ്‍ട്രീസ് എന്ന സൂപ്പർഹിറ്റ് ചിത്രത്തിന് ശേഷം ഷാഫി സംവിധാനം ചെയ്യുന്ന ചിത്രമാണിത്. ഫൺ എന്‍റർടെയ്നറായാണ് ചിത്രം ഒരുക്കുന്നത്. ഗ്ലോബൽ യുണൈറ്റഡ് മീഡിയ ആണ് നിർമാണം. ചിത്രത്തിന്‍റെ പൂജ കഴിഞ്ഞദിവസം കൊച്ചിയിൽ വെച്ച് നടന്നു.





ഷാഫി സംവിധാനം ചെയ്യുന്ന ചിത്രം നജീം കോയും സച്ചിയും ഷാഫിയും ചേര്‍ന്നാണ് കഥയും തിരക്കഥയും ഒരുക്കിയിരിക്കുന്നത്. ശ്രിൻഡ, മിയ, ലാൽ എന്നിവരും ചിത്രത്തിലുണ്ട്. ശ്രിൻഡ ചിത്രത്തില്‍ ശ്രദ്ധേയമായ ഒരു വേഷമാണ് ചെയ്യുന്നത്. ഇതിലുള്ള സന്തോഷം പങ്കുവെച്ച് ശ്രിൻഡ ഫേസ്ബുക്കില്‍ കുറിപ്പ് പോസ്റ്റ് ചെയ്തിരുന്നു.




Malayalam Movie 'Sherlock Toms' Shooting has started

Malayalam Movie 'Sherlock Toms' Shooting has started, starring Biju Menon, Miya, Srinda Arhaan, Lal..etc