'ബാഹുബലി ദി കൺക്ലൂഷൻ' 1000 കോടി ക്ലബിൽ

1000 കോടി നേടുന്ന ആദ്യ ഇന്ത്യന്‍ ചിത്രമെന്ന റെക്കോഡ് സ്വന്തമാക്കി ബാഹുബലി ദി കൺക്ലൂഷൻ. കേവലം ഒമ്പത് ദിവസങ്ങള്‍ കൊണ്ടാണ് ഇന്ത്യന്‍ സിനിമയുടെ ചരിത്രത്തിലെ ഏറ്റവും വലിയതും മറ്റാരാലും തകര്‍ക്കാനാകാത്തതുമായ കളക്ഷന്‍ നേടിയത്. ഇന്ത്യയില്‍ നിന്നും 800 കോടിയും വിദേശത്തു നിന്നും 200 കോടിയുമാണ് ചിത്രം ഇതിനോടകം കൈപ്പിടിയിലൊതുക്കിയത്.

With ₹ 800+ Cr in India and ₹ 200+ Cr in Overseas, #Baahubali2 becomes the 1st Indian movie to do ₹ 1000 Cr @ WW BO.. #1000croreBaahubali pic.twitter.com/Jt2YYMW9w5

— Ramesh Bala (@rameshlaus) May 7, 2017

The biggest milestone has been reached by the biggest blockbuster of Indian cinema!!!! #1000croreBaahubali @ssrajamouli pic.twitter.com/3zjExCl0J9

— Karan Johar (@karanjohar) May 7, 2017

എട്ട് ദിവസം കൊണ്ട് 800 കോടിയിലേറെ കോടി സ്വന്തമാക്കിയ ചിത്രം 1000 കോടിയിലെത്തുമെന്ന് സിനിമാലോകമൊന്നടങ്കം ഉറപ്പിച്ചിരുന്നു. അമീര്‍ഖാന്‍റെ പികെ സൃഷ്ടിച്ച 792 കോടിയുടെ കളക്ഷന്‍ റെക്കോഡ് കേവലം എട്ട് ദിവസം കൊണ്ടാണ് രാജമൗലി ഒരുക്കിയ ഈ ബ്രഹ്മാണ്ഡചിത്രം തകര്‍ത്തത്. ആദ്യ ആഴ്ച്ചയില്‍ തന്നെ ചിത്രത്തിന്‍റെ ഹിന്ദി പതിപ്പ് 245 കോടി നേടിയിരുന്നു. മൊഴിമാറിയെത്തിയ ബാഹുബലിക്ക് ഈ പതിറ്റാണ്ടിലെ ബോളിവുഡിലെ ഏറ്റവും വലിയ കളക്ഷനാണ് ലഭിച്ചത്. ആദ്യ ആഴ്ച്ചയില്‍ 208.99 കോടി നേടിയ സുല്‍ത്താനായിരുന്നു ഈ റെക്കോഡ് ആദ്യം സ്വന്തമാക്കിയിരുന്നത്.




Baahubali 2 Enters into 1000 Crore Club

Baahubali the Conclusion Enters into 1000 Crore Club within 9 days