ഷൂ ധരിച്ച് തൃശൂലം പിടിച്ചതിന് വിജയ്ക്കെതിരെ കേസ്

മതങ്ങളെയും വിശ്വാസങ്ങളെയും മുറിപ്പെടുത്തുന്ന തരത്തിലുള്ള പോസ്റ്ററുകളുടെ പേരിൽ താരങ്ങളും സംവിധായകരും വിവാദങ്ങളിൽ അകപ്പെടുന്നത് സിനിമയിൽ പതിവാണ്. അത്തരത്തിൽ ഹിന്ദുമതവിശ്വാസത്തെ വ്രണപ്പെടുത്തി എന്നുപറഞ്ഞ് ഇളയദളപതി വിജയ്ക്കെതിരെയാണ് പോലീസ് കേസെടുത്തിരിക്കുന്നത്. ഷൂ ഇട്ടുകൊണ്ട് തൃശ്ശൂലം പിടിച്ച് ഹിന്ദുമതത്തെ വിജയ് അപമാനിച്ചു എന്ന പരാതിയെ തുടർന്നാണ് കേസ്. ചെന്നൈ സിറ്റി പോലീസാണ് കേസെടുത്തിരിക്കുന്നത്

വാസ്തവത്തിൽ ഈ പോസ്റ്ററുമായി വിജയിക്കോ സിനിമാ അണിയറപ്രവർത്തകർക്കോ യാതൊരു ബന്ധവുമില്ല. വിവാദത്തിന് വഴിയൊരുക്കിയ ഈ പോസ്റ്റർ അറ്റ്ലി കുമാർ സംവിധാനം ചെയ്യുന്ന ചിത്രത്തെ അടിസ്ഥാനപ്പെടുത്തി വിജയ് ഫാൻസ് ഡിസൈൻ ചെയ്തതാണ്. പബ്ലിസിറ്റിക്ക് വേണ്ടി താരങ്ങളുടെ നേർക്ക് ഇത്തരത്തിലുള്ള വിവാദങ്ങൾ ഇറക്കുന്നത് തമിഴകത്ത് ഇതാദ്യമായിട്ടല്ല. ഇതിനിടെ കമലഹാസനും ഇത്തരത്തിലൊരു വിവാദത്തിൽ അകപ്പെട്ടിരുന്നു.

തെറി എന്ന ചിത്രത്തിന് ശേഷം അറ്റ്ലിയുടെ പുതിയ വിജയ് ചിത്രമാണ് വിജയ് 61. നിത്യ മോനോൻ, കാജൽ അഗർവാൾ, സമാന്ത എന്നിവരാണ് ചിത്രത്തിൽ വിജയിയുടെ നായികമാരായി എത്തുന്നത്. ഈ ചിത്രത്തെ അടിസ്ഥാനപ്പെടുത്തിയുള്ള പോസ്റ്റർ പരസ്യപ്പെടുത്തിയതിനെ തുടർന്ന് ഹിന്ദുമക്കൾ മുന്നണിയാണ് പരാതി നൽകിയത്.

Hindu Makkal Katchi Files Police Complaint Against Vijay

Hindu Makkal Munani has lodged a complaint against Ilayathalpathy Vijay with the Chennai City Police Commissioner that he had hurt Hindu sentiments.