ടോവീനോയുടെ ആദ്യ തമിഴ്‍‍ചിത്രം; 'അഭിയും അനുവും' മോഷൻ പോസ്റ്റര്‍

മലയാളത്തിന്‍റെ യുവതാരം ടോവിനോ തോമസ് ആദ്യമായി നായകനാകുന്ന തമിഴ് ചിത്രമായ 'അഭിയും അനുവും' മോഷൻ പോസ്റ്റര്‍ പുറത്ത് വിട്ടു. സംവിധായകനായ ഗൗതം വാസുദേവ് മേനോനാണ് ചിത്രത്തിന്‍റെ മോഷൻ പോസ്റ്റര്‍ പുറത്ത് വിട്ടത്. ഛായാഗ്രാഹക ബി ആര്‍ വിജയലക്ഷ്മി സംവിധായികയാകുന്ന ആദ്യ ചിത്രമാണിത്. ഛായാഗ്രാഹകനും സംവിധായകനുമായ സന്തോഷ് ശിവന്‍ ആണ് എക്‌സിക്യുട്ടീവ് പ്രൊഡ്യൂസര്‍. പ്രണയ പശ്ചാത്തലമുള്ള സിനിമയില്‍ പിയാ വാജ്‌പേയിയാണ് നായിക. 'അഭിയുടെ കഥ അനുവിന്‍റെയും' എന്ന പേരിൽ ചിത്രം മലയാളത്തിലും പുറത്തിറക്കുന്നുണ്ട്. കഴിഞ്ഞദിവസം സംവിധായകൻ മുരുഗദോസ് ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറക്കിയിരുന്നു.




മലയാളത്തിലെ യുവതാരങ്ങളായ ദുല്‍ഖര്‍ സല്‍മാന്‍, ഫഹദ് ഫാസില്‍, നിവിന്‍ പോളി എന്നിവര്‍ ഇതിനോടകം കോളിവുഡിൽ അരങ്ങേറ്റം കുറിച്ചു കഴിഞ്ഞു. ഇതിന് പിന്നാലെ തമിഴിൽ അരങ്ങേറ്റം കുറിക്കുന്ന മലയാളി നായകനാവുകയാണ് ടോവിനോ. ഡൊമിനിക് അരുൺ സംവിധാനം ചെയ്യുന്ന തരംഗം, ആഷിക് അബു സംവിധാനം ചെയ്യുന്ന മായാനദി, മറഡോണ എന്നീ ചിത്രങ്ങളാണ് ടോവിനോയുടേതായി മലയാളത്തിൽ പുറത്തിറങ്ങാനുള്ളത്. ധനുഷ് ആദ്യമായി മലയാളത്തില്‍ നിര്‍മ്മിക്കുന്ന ചിത്രമാണ് തരംഗം.

Here we go FIRST LOOK #Abhiyum Anuvum starring @ttovino & @PiaBajpai. EP Santosh Sivan dir. by BR Vijayalakshmi @YoodleeFilms All the best pic.twitter.com/8eV0mJBkJ2

— A.R.Murugadoss (@ARMurugadoss) August 16, 2017

Tovino's Kollywood Debut 'Abhiyum Anuvum' motion poster out

Tovino Thomas's Kollywood Debut 'Abhiyum Anuvum' motion poster released by Acclaimed director Gautam Vasudev Menon.