ഷാജി പാപ്പാൻ ഒരുങ്ങിയിറങ്ങുന്നു; 'ആട് 2' തുടങ്ങി

ആരാധകര്‍ ആകാംക്ഷയോടെ കാത്തിരുന്ന 'ആട് ഒരു ഭീകരജീവിയാണ്' എന്ന ചിത്രത്തിന്‍റെ രണ്ടാം ഭാഗത്തിന്‍റെ ഷൂട്ടിങ് ആരംഭിച്ചു. ചിത്രത്തിന്‍റെ ടൈറ്റിൽ ഡിസൈൻ പോസ്റ്റര്‍ പുറത്ത് വിട്ടതിന് പിന്നാലെ ആരാധകര്‍ നെഞ്ചേറ്റിയ ഷാജി പാപ്പാൻ ഒരുങ്ങുന്നതിന്‍റെ മേക്കിങ് വീഡിയോയും പുറത്ത് വിട്ടു. ജയസൂര്യ തന്നെയാണ് വീഡിയോ പുറത്ത്‍‍വിട്ടത്. ഇത് ചിത്രത്തിന്‍റെ സംവിധായകനായ മിഥുൻ മാനുവേലും ഷെയര്‍ ചെയ്തിട്ടുണ്ട്.




ആരാധകര്‍ ഒന്നടങ്കം തിയറ്ററുകൾ പൂരപ്പറമ്പാക്കാൻ ഷാജി പാപ്പനും കൂട്ടരും വീണ്ടുമെത്തുന്നതിന്‍റെ ആവേശത്തിലാണ്. ഇതാദ്യമായാണ് ബോക്സ്ഒാഫീസില്‍ തകര്‍ന്നടിഞ്ഞ ഒരു ചിത്രത്തിന്‍റെ രണ്ടാം ഭാഗം എത്തുന്നത്. തിയറ്ററിൽ മികച്ച വിജയം നേടാനായില്ലെങ്കിലും ഡി.വി.ഡി റിലീസിംഗിന് ശേഷം മലയാളികൾ നെഞ്ചേറ്റിയ ചിത്രമാണ് ആട്. ചിത്രത്തിലെ ജയസൂര്യയുടെ ഷാജിപാപ്പന്‍ എന്ന കഥാപാത്രത്തെയും ആരാധകര്‍ ഇരു കൈയും നീട്ടിയാണ് സ്വീകരിച്ചത്. ഫ്രൈഡേ ഫിലിംസിന്‍റെ ബാനറിൽ വിജയ് ബാബുവാണ് ചിത്രം നിര്‍മിക്കുന്നത്.




മാസ് ആക്​ഷൻ രംഗങ്ങളായിരിക്കും ആട് 2വിന്‍റെ പ്രത്യേകതയെന്ന് സംവിധായകന്‍ മിഥുൻ വ്യക്തമാക്കിയിരുന്നു. ആരാധകരെ രസിപ്പിക്കാൻ ചിത്രം ക്രിസ്തുമസ് റിലീസായാണ് എത്തുന്നത്. ആടിന്‍റെ ആദ്യ ഭാഗത്തെ കഥാപാത്രങ്ങളില്‍ പലരും രണ്ടാം ഭാഗത്തിലുമുണ്ടാകും. ഷാന്‍ റഹ്മാന്‍ തന്നെയാണ് സംഗീതം.

Aadu 2: Shooting has Started

Super Hit Malayalam Movie Aadu oru Bheekara Jeeviyanu's second part has started, Jayasurya shared Making Video of Shaji Pappan